Узбекская валюта - сум

Коронавирус вақтида алимент тўламаса бўладими - МИБ изоҳи

657
МИБ вакилининг айтишича, алимент тўловларини ундириш юзасидан Бюро органларига мурожаатлар бўлмоқда, айниқса Ижтимоий тармоқларда ҳам бу борада кўплаб саволлар келмоқда.

ТОШКЕНТ, 23 апр - Sputnik. Бош прокуратура ҳузуридаги Мажбурий ижро бюроси жамоатчилик билан алоқалар ва ҳуқуқий ахборот бўлими бошлиғи Фаррух Тошпўлатов коронавирус коронавирус пандемияси вақтида, карантин шароитида алимент тўламаса бўладими, деган саволга жавоб берди.

Тошпўлатовнинг айтишича, алимент тўловларини ундириш юзасидан Бюро органларига мурожаатлар бўлмоқда, айниқса Ижтимоий тармоқларда ҳам бу борада кўплаб саволлар келмоқда.

"Карантин даврида ўртача 8 мингдан зиёд мурожаат келди, бу пандемиягача бўлган даврга нисбатан, албатта, бироз кўп", - дея аниқлик киритди МИБ матбуот-хизмати раҳбари.

"Авваламбор, шуни таъкидлаш жоизки, алимент бу – ота-онанинг вояга етмаган болаларига, шунингдек, вояга етган меҳнатга лаёқатсиз, ёрдамга муҳтож болаларига таъминот бериш ёки вояга етган болаларнинг ота-онасига таъминот бериш мажбурияти ҳисобланади. Қонун ҳужжатларига мувофиқ, ота-оналар ўз фарзандларини вояга етгунларига қадар боқиш ва тарбиялашга мажбурлиги, яъни ота-онанинг вояга етмаган болаларига таъминот бериши шартлиги белгиланган.

Шуни таъкидлаб ўтиш лозимки, “Бола ҳуқуқ ва манфаатларини таъминлаш” устувор эканлигидан келиб чиққан ҳолда, бугунги кунда Бюро органлари томонидан алимент ундириш билан боғлиқ ижро ҳужжатларининг ижроси давом эттирилаётганлиги ҳамда қарздорлар томонидан алимент пулларининг ўз вақтида ва белгиланган миқдорда тўлаб борилаётганлиги масаласи доимий равишда назорат қилиб борилмоқда", - дейди Тошпўлатов.

Таъкидланишича, Алимент пулларини нақд пул шаклида ёки нақдсиз, яъни банк пластик карталари орқали олиш мумкин.

Бугунги кунда Ўзбекистон Вазирлар Маҳкамасининг "Коронавирус инфекцияси тарқалишига қарши қўшимча чора-тадбирлар тўғрисида"ги қарорига мувофиқ Республика ҳудудида кучайтирилган тартиб жорий қилинганлиги сабабли аксарият давлат органлари ва хизмат кўрсатувчи ташкилотлар масофавий ишлаш тизимига ўтган.

"Ўзбекистон почтаси" акциядорлик жамиятининг ҳудудий бўлинмалари белгиланган график асосида иш фаолиятини давом эттираётган бўлиб, жойлардаги почта хизмати бўлимларига мурожаат қилиб ҳам алимент пулларини олиш мумкин.

Шунингдек, почтада курьерлик хизмати ҳам йўлга қўйилган бўлиб, алимент пулларини қабул қилиб олиш учун белгиланган тарифлар асосида ушбу имкониятдан фойдаланиш мумкин.

Тошпўлатовнинг айтишича, ҳозирда мажбурий ижро бюроси органлари томонидан суд ҳужжатлари ва бошқа органлар ҳужжатларини ижро қилиш билан боғлиқ ижро ҳаракатлари давом эттирилмоқда. Шу жумладан, йўл ҳаракати хавфсизлиги қоидаларини бузганлик учун тайинланган маъмурий жарималарни ундириш юзасидан ҳам қонунчиликда белгиланган талаблардан келиб чиққан ҳолда, мажбурий ижро ҳаракатлари олиб бориляпти.

Шу билан бирга, Ўзбекистон президентининг "Коронавирус пандемияси даврида аҳоли, иқтисодиёт тармоқлари ва тадбиркорлик субъектларини қўллаб-қувватлашга доир қўшимча чора-тадбирлар тўғрисида"ги Фармонининг 15-бандига кўра, фақатгина карантинга олинган шахсларга нисбатан қўлланилган маъмурий жарималарни тўлаш муддатлари карантин муддати тугагунга қадар узайтирилган.

657
Министр иностранных дел Узбекистана Абдулазиз Камилов

Абдулазиз Камилов Ҳиндистон ташқи ишлар вазири билан учрашди

90
Музокаралар давомида Ўзбекистон-Ҳиндистон кўп қиррали муносабатларининг ҳолати ва ривожланиш истиқболлари, халқаро ҳамда минтақавий тузилмалар доирасидаги ўзаро алоқаларнинг долзарб масалалари муҳокама қилинди.

ТОШКЕНТ, 25 фев - Sputnik. Бугун, 25-феврал куни, Нью-Деҳли шаҳрида амалий ташриф уюштирган Ўзбекистон Ташқи ишлар вазири Aбдулазиз Камилов Ҳиндистон ТИВ раҳбари Субраманям Жайшанкар билан учрашди, деб хабар бермоқда Ўзбекистон ТИВ матбуот-хизмати.

Музокаралар давомида Ўзбекистон-Ҳиндистон кўп қиррали муносабатларининг ҳолати ва ривожланиш истиқболлари, халқаро ҳамда минтақавий тузилмалар доирасидаги ўзаро алоқаларнинг долзарб масалалари муҳокама қилинди.

Томонлар 2020-йил декабр ойида бўлиб ўтган онлайн-саммит давомида эришилган келишувлар икки давлат ўртасидаги стратегик шерикликни сифат жиҳатидан янги босқичга олиб чиқишга имкон берганлигини мамнуният билан қайд этди.

Савдо-иқтисодий ҳамкорликни янада ривожлантириш масалаларига алоҳида эътибор қаратилмоқда. Ўзбекистон иқтисодиётининг турли тармоқларида янги замонавий саноат қувватларини яратишга илғор технологияларни жалб қилиш ҳамда ижтимоий ва инфратузилма аҳамиятига эга лойиҳаларни амалга ошириш йўллари кўриб чиқилди.

Ташқи сиёсат идоралари раҳбарлари БМТ, ШҲТ ва бошқа кўп томонлама тузилмалар доирасидаги ўзаро алоқалар, минтақавий хавфсизлик ва барқарорликни таъминлаш масалалари бўйича фикр алмашди.

Aфғонистон иштирокидаги "Ҳиндистон – Марказий Осиё" вазирлар мулоқотининг минтақалараро ҳамкорликни жадаллаштириш, унинг механизмларини такомиллаштириш ҳамда Aфғонистонда барқарор тинчликни ўрнатишдаги муҳим аҳамияти алоҳида таъкидланди.

Ҳиндистон томони жорий йил Тошкент шаҳрида бўлиб ўтадиган "Марказий ва Жанубий Осиё: минтақавий боғлиқлик. Таҳдидлар ва имкониятлар" мавзусидаги халқаро конференсияга таклиф қилинди.

Мулоқот давомида томонларни қизиқтирган бошқа масалалар ҳам муҳокама қилинди.

90
Перевал Камчик

Қамчиқ довони юк машиналари учун ёпилди

131
(Янгиланган 09:24 25.02.2021)
Вазирлик томонидан эълон қилинган видеода "Қамчиқ" махсус-қидирув, ёнғин-қутқарув бошқармаси бошлиғи фуқаролардан зарурат бўлмаса довон орқали ҳаракатланмасликни сўраган.

ТОШКЕНТ, 25 фев - Sputnik. Фавқулодда вазиятлар вазирлиги ҳаво ҳароратининг кескин пасайиши ва кучли қор ёғиши натижасида йўлларда музламалар ҳосил бўлаётгани сабаб Қамчиқ довони юк машиналари учун ёпилганини маълум қилди.

"Шамол кучайган, довонда айни пайт ҳаво ҳарорати -12 градусни ташкил этмоқда. Ҳозирча енгил автомобиллар ҳаракатланмоқда. Қор ёғиши кучайиб, йўлларда ҳаракатланиш хавф туғдира бошласа, Қамчиқ тўлиқ ёпилиши ҳам мумкин", — дейилади хабарда.

Вазирлик томонидан эълон қилинган видеода "Қамчиқ" махсус-қидирув, ёнғин-қутқарув бошқармаси бошлиғи фуқаролардан зарурат бўлмаса довон орқали ҳаракатланмасликни сўраган.

Аввалроқ, Ўзгидромет мамлакатда 25-27 февралда совуқ об-ҳаво кутилаётгани ҳақида огоҳлантирган эди.

131
Флаги стран-участниц ЕАЭС и государств-наблюдателей при союзе

ЕОИИда Ўзбекистон вакили тайинланди

372
(Янгиланган 20:41 25.02.2021)
ЕОИИ Иқтисодий комиссиясида Ўзбекистон вакили этиб Макроиқтисодий изланишлар ва прогноз институти директори ўринбосаси Шуҳрат Шукуров тайинланди. 

ТОШКЕНТ, 25 фев — Sputnik. Ўзбекистоннинг Евроосиё Иқтисодий Иттифоқидаги вакили этиб Шуҳрат Шукуров тайинланди. Шу кунга қадар у Макроиқтисодий изланишлар ва прогноз институти директори ўринбосаси лавозимида ишлаб келган, ЕИК матбуот хизмати хабарига асосан. 

2020 йилнинг декабр ойида Ўзбекистон ЕОИИда кузатувчим мақомини олган эди. Ушбу қарор ЕОИИ Олий совети мажлисида қабул қилинган ва унда Ўзбекистон президенти Шавкат Мирзиёев ҳам иштирок этган эди.

ЕИК хабарига кўра, 26 феврал куни Ўзбекистоннинг Россиядаги фавқулодда ва мухтор элчиси Ботиржон Асадовнинг ЕИК коллегия  раиси Михаил Мясникович, интеграция ва макроиқтисодиёт вазири Сергей Глазьев ва савдо вазири Андрей Слепневлар билан учрашуви кутилмоқда. Учрашув давомида Ўзбекистон ҳукуматининг Шуҳрат Шукуровни вакил этиб тайинлаш ҳақидаги хати кўриб чиқилади. 

Шухрат Шукуров Москва иқтисодий-статистика институтини ва Ўзбекистон давлат ва жамият қурилиши академиясидаги Олий бизнес мактабини тугатган. Ўзбекистон иқтисодий мажмуасда 30 йиллик меҳнат тажрибасига эга. Шу кунга қадар у Макроиқтисодий изланишлар ва прогноз институти директори ўринбосаси лавозимида ишлаб келган. 

ЕОИИ иқтисодий комиссиясида Шукуров узоқ муддатли миллий манфаатларидан келиб чиққан ҳолда Ўзбекитоннинг ЕОИИ ҳаётида фаол иштирок этишини таъминлаш билан шуғулланади. 

372