Ўзбекистон авиапарвозлар чекловини 30 июнга қадар узайтирди

© Sputnik / Владимир Сергеев / Медиабанкка ўтишСамолет
Самолет - Sputnik Ўзбекистон
Oбуна бўлиш
Аввалига бу чекловлар 20 апрелгача амал қилиши режалаштирилган бўлиб, кейинчалик бу сана 10 майгача этиб ўзгартирилганди

ТОШКЕНТ, 29 апр - Sputnik. Ўзбекистон ҳукумати коронавирус пандемияси туфайли бошқа мамлакатлар билан авиаташувларни 30 июньга қадар тўхтатиб туриш қарорини қабул қилди.

Халқаро пул ўтказмалари - Sputnik Ўзбекистон
Пандемия пул ўтказмаларини қанчага камайтиради?

Бу ҳақда РИА Новости мамлакат вазирлар маҳкамаси қошидаги тезкор штабга таянган ҳолда хабар бермоқда.

Ўзбекистон ҳукумати илгарироқ коронавирус тарқалиши хавфи туфайли 16 март санасидан 30 апрелга қадар бошқа мамлакатлар билан транспорт ҳаракатини тўхтатган эди. Чет эл фуқаролари ва ватандошлар учун ватанга қайтишга чартер рейслар ташкил қилинди. Аммо 30 мартдан мамлакатда барча аэропортлар ёпилди ва авиақатновлар тўлалигича тўхтатилди.

Аввалига бу чекловлар 20 апрелгача амал қилиши режалаштирилган эди, кейинчалик бу сана 10 майгача этиб ўзгартирилди.

Штаб хабарига кўра, шу билан бирга ҳукуматнинг махсус қарорлари билан чартер рейслар амалга оширилишда давом этади.

Бутунжаҳон соғлиқни сақлаш ташкилоти 11 март куни янги турдаги COVID-19 коронавирус инфекцияси тарқалишини пандемия деб эълон қилди. БССТ тақдим этган сўнгги маълумотларга кўра, бугунги кунга келиб дунё бўйича инфекцияга чалинганлар сони 3 миллионга яқинлашган, 202 мингдан ортиқ инсон қурбон бўлган. Ўзбекистонда коронавирусга чалинганлар сони 1969 нафарга етди, вафот этган беморлар 8тани ташкил қилмоқда. 1,06 минг бемор соғайган.

Янгиликлар лентаси
0