ТОШКЕНТ, 30 апр - Sputnik. Россия президентларининг шахсий учувчиси Григорий Белодед 73 ёшида вафот этди, деб хабар берди "Комсомольская правда" нашри учувчининг ўғли Ярославга таянган ҳолда.
Маълум бўлишича, Ярослав отасига қўнғироқ қилиб туша олмагач, унинг уйига борган. Белодед бу вақтда вафот этган эди. Жасад моргга олиб кетилган, у ерда суд-тиббиёт эксперти ўлим сабабларини аниқлаган.
Григорий Белодед "Россия" махсус парвоз отрядида Россиянинг биринчи президенти Борис Ельцин парвоз қилган экипаж командири сифатида ишлаган. Кейинчалик у Владимир Путиннинг шахсий бош учувчисига айланган.
"Дадам охирги кунигача севимли ишидан айрилмади. 2005 йилда отам "осмонни" тарк этди, лекин ерда "Россия" махсус парвоз отрядида ўз ишини давом эттирди", - дейди Ярослав.
