Коронавирус ўпкада бемор соғайгандан сўнг ҳам "яшириниши" мумкин олимлар

739
(Янгиланган 16:36 30.04.2020)
Олимлар фикрича, айнан шу ҳолат нега ушбу касаллик соғайган беморларда такрорланиши сабабини изоҳлайди

ТОШКЕНТ, 30 апр — Sputnik. Коронавирус организмда соғайгандан кейин ҳам қолиши мумкин, бу Хитойнинг Чунцин шаҳрида жойлашган Армия тиббиёт университети олимлари томонидан аниқланди, деб ёзади South China Morning Post.

Маълум бўлишича, COVID-19 инфекциясига чалинганларнинг ўпкасида вирус ўта чуқурликда сақланиб қолади ва уни оддий тест тизими ёрдамида аниқлашнинг имкони йўқ.

Мисол тарзида уч марта анализ топширган ва уч марта ҳам тест унинг организмида "ковид" йўқлини кўрсатган аёл келтирилган. Шу билан аёл касалхонадан чиқишга тайёрланган, аммо эртаси куни юрак хуружи туфайли вафот этган.

Аёл жасади ёриб кўрилгач, коронавирус қисмлари ўпканинг чуқур тўқималарида мавжудлиги аниқланган. Шу билан бирга аёлда ҳеч қандай симптомлар кузатилмаган.

Олимларнинг фикрича, соғайган одамларда коронавирус такрорланиши ҳолатларига айнан шу ҳолат билан изоҳ бериш мумкин.

739
Мавзу:
COVID-19 умумжаҳон пандемияси (1219)

Россияда ишлаш учун ҳужжат тайёрлаш осонлаштирилмоқда

798
Эндиликда, патент учун талаб этиладиган ҳужжатларнинг аксарият қисми, хусусан, рус тили, Россия қонунчилиги ва тарихини ўргатиш ва тегишли сертификат бериш ишлари Ўзбекистонда амалга оширилади

ТОШКЕНТ, 17 окт - Sputnik. Россия Федерацияси Ички ишлар вазирлиги "Паспорт ва виза хизмати" федерал давлат унитар корхонаси раҳбари С.Машин бошчилигидаги делегация аъзоларининг Ўзбекистонга ташрифи доирасида Бандлик ва меҳнат муносабатлари вазирлигида учрашув ташкил этилди.

Вазирлар Маҳкамаси ҳузуридаги Хорижда вақтинчалик меҳнат фаолиятини амалга ошираётган Ўзбекистон фуқаролари ҳуқуқларини ҳимоя қилиш ва халқаро иқтисодий ҳамкорлик масалалари департаменти бошлиғи М.Хайриддинов, Бандлик ва меҳнат муносабатлари ва Ички ишлар вазирликлари вакиллари ҳамда Россия Федерацияси "Паспорт-виза хизмати" раҳбари С.Машин, РУДНнинг Ўзбекистондаги ваколатхонаси раҳбари А.Колесников иштирокида ўтказилган учрашувда айни пайтда Россияда ишлаётган ва ушбу мамлакатда ишлаш истагидаги фуқаролар учун қулайликлар яратиш билан боғлиқ масалалар муҳокама этилди.

Учрашувда таъкидландики, Россия Федерацияси ҳудудида ишлашда талаб этиладиган патентни расмийлаштириш учун ўртача 20 кундан 30 кунгача вақт талаб этилади.

Бу вақт оралиғида фуқаронинг ишлаши мумкин эмас ва табиийки, бу жараён меҳнат мигрантларидан ортиқча вақт ва харажат талаб этади. Эндиликда, Россия "Паспорт ва виза хизмати"нинг Ўзбекистонда очилиши режалаштирилаётган ваколатхонаси ҳамда РУДНнинг мамлакатимиздаги ваколатхонаси орқали патент учун талаб этиладиган ҳужжатларнинг аксарият қисми, хусусан, рус тили, Россия қонунчилиги ва тарихини ўргатиш ва тегишли сертификат бериш ишлари Ўзбекистонда амалга оширилади.

Шу билан бирга, кетишдан аввал тиббий кўрикдан ўтиш ва Россия Федерацияси ҳудудига кириш учун тақиқ бор-йўқлигини текшириш имкониятини яқин вақтда яратиш ҳам режалаштирилмоқда.

Учрашувда меҳнат мигрантлари ва уларнинг оила аъзолари учун Ўзбекистонда яратилаётган имконият ва имтиёзлар ҳақида ҳам маълумот берилди.

798
Мавзу:
Миграция
Врачи

Наманганда бир нечта шифокорнинг тоифа сертификати қалбаки бўлиб чиқди  

237
Терговга қадар текширувда, малака тоифаси сертификатларидаги мухрлар изи компьютер қурилмасининг рангли оқимли (струйный) принтери ёрдамида тайёрланганлиги аниқланган.

ТОШКЕНТ, 17 окт - Sputnik. Наманган вилояти Чуст туманида бир нечта шифокорларнинг тоифа сертификати қалбакилиги аниқланди, деб хабар бермоқда Ўзбекистон ИИВ ҳузуридаги Тергов департаменти.

Ўзбекистон Соғлиқни сақлаш вазирлигининг ички аудит ва молиявий назорат хизмати томонидан Чуст туман тиббиёт бирлашмасида масофадан туриб мониторинг текшируви давомида, болалар психиатрияси, анестезиология ва реаниматологияси,  умумий амалиёт шифокори, неврология, умумий хирургия мутахассисликлари учун бир нечта шифокорларнинг малака тоифаси берилганлиги тўғрисидаги сертификатларни қалбаки эканлигига шубҳа туғилган.

Ушбу ҳужжатлар текшириб кўриш учун олинган ҳамда малака тоифаси сертификатларининг қалбакилаштирилган ҳолатига аниқлик киритиш учун Чуст тумани ИИБ ҳузуридаги Тергов бўлимига юборилган.

Терговга қадар текширув даврида ўтказилган Наманган шаҳри бўйича ИИО ФМБ ЭКБнинг тадқиқотлар хулосасига кўра, малака тоифаси сертификатларидаги мухрлар изи компьютер қурилмасининг рангли оқимли (струйный) принтери ёрдамида тайёрланганлиги аниқланган.

Мазкур ҳолат юзасидан Чуст тумани ИИБ ҳузуридаги Тергов бўлими томонидан Г.Н., С.Н., М.Ж., И.Ю. ва О.З., ларга нисбатан ЖКнинг 228-моддаси 3-қисми билан жиноят иши қўзғатилиб, ҳозирда тергов ҳаракатлари олиб борилмоқда.  

 

237

Ан-12 ва Ан-26 самолётларининг жуда паст парвози - видео

0
Ан-12 ва Ан-26 – совет даврида ишлаб чиқилган ҳарбий-транспорт самолётлари бўлиб, улар ҳарбий ва фавқулодда вазиятларда кенг қўлланилади.

Твер вилоятида жойлашган аэродромдан осмонга кўтарилган Ан-12 ва Ан-26 самолётларининг жуда паст парвози суратга олинди. Ҳарбий самолётлар ер юзидан 50 баланликда учиб ўтишди.

Авиацияда бундай парвозлар "бреющий", яъни соқол олувчи парвоз дейилади. Чунки бундай баландликда самолёттлар дарахтлар учига тегиб уларни синдириб кетиши мумкин. Шу сабабли ер юзига бундай яқин масофаларда парвоз қилиш жуда хавфли ҳисобланади.  

Ан-12 ва Ан-26 – совет даврида ишлаб чиқилган ҳарбий-транспорт самолётлари бўлиб, улар ҳарбий ва фавқулодда вазиятларда кенг қўлланилади. Ушбу самолётлар ёрдамида техника ва шахсий таркибни бир жойлан иккинчи жойга тезда етказиб бериш мумкин.

 

0