Россия коронавирусга қарши эмлашнинг "ҳарбийча" сценарийсини қўллаши мумкин

719
(Янгиланган 11:02 14.05.2020)
Академикнинг айтишича, шу йилнинг кузида ёки қиш арафасида янги вакцинани эмлашнинг "ноанъанавий" ёки "ҳарбийча" усули қўлланилади.

ТОШКЕНТ, 14 май - Sputnik. Россияда коронавирусга қарши эмлаш "ҳарбийча" усул билан амалга оширилиши мумкин, деди Россия Фанлар академиясининг академиги, Россия Федерациясида хизмат кўрсатган фан арбоби Сергей Колесников "Парламент газетаси"га берган интервьюсида. Унинг сўзларидан РИА Новости иқтибос келтиради.

Академик фикрича, вакцинани эмлашнинг "ноанъанавий" ёки "ҳарбийча" усули шу йилнинг кузида ёки қиш арафасида қўлланилиши кутилмоқда. Академик, фавқулодда вазиятларда дори воситаларини рўйхатга олишнинг махсус тамойили мавжудлигини эслатиб ўтди.

"Ўлим даражаси ва аҳолига етказилган зиённи ҳисобга олган ҳолда, бизда ҳарбийча усул қўлланилиши эҳтимолдан ҳоли эмас. Бу ҳолда бутун бошли аҳоли эмас, балки фақат "хавф туғдирувчи" контингент, коронавирус инфекцияси ўчоқларида ишлайдиганларнинг бир қисми, шунингдек, касаллик оғир кечиши хатари мавжуд бўлган одамларгина эмланади. Шундай тажриба қўлланилиши мумкин, аммо бу вакцинани илгари суришнинг ноанъанавий усулидир. Лекин агар айнан шу усул танланса, у ҳолда эмлаш кузда ёки қиш арафасида бошланиши мумкин", - деди Колесников.

Акс ҳолда, эмлаш йил охирига бориб бошланади, деб ҳисоблайди академик.

"Агар анъанавий йўлдан бориладиган бўлса, унда вакцина энг камида шу йил охири - келгуси йил бошида пайдо бўлиши мумкин. Рақобатбардош вакцина танланиши керак. Негаки вакцина бир қанча давлатларда ишлаб чиқилаётгани сабабли, рақобатдош вакциналар сони юзга яқин бўлади. Кейинчалик, уни ишлаб чиқариш бошланади ва бу ҳам тез амалга ошадиган жараён эмас. Мамлакатимиз учун етарли миқдордаги вакцинани ишлаб чиқариш учун катта қувватлар керак”, - дейди нашр суҳбатдоши.

Колесниковнинг ҳисоб-китобига кўра, Россияда ҳар йили саккиз-ўн миллион доза вакцинага эҳтиёж бор, аммо "аҳолида етарли иммунитетга" эришиш учун 70 миллион доза талаб этилади.

Чоршанба куни Соғлиқни сақлаш вазири Михаил Мурашко коронавирус вакцинасининг клиник синовлари июн ойига режалаштирилганлигини маълум қилган эди. Соғлиқни сақлаш вазири дори воситалари июл ойи охирги ўн кунлигида пайдо бўлишига умид билдирди, унга кўра, тадқиқотчилар айнан шундай прогнозларни беришмоқда.

Сўнгги маълумотларга биноан жаҳонда COVID-19 ҳолатларининг умумий сони 4,1 миллиондан ошди, беморларнинг 285 мингдан ортиғи вафот этди. Россияда 242 мингга яқин одан вирусга чалинган, 2,2 мингдан кўпроқ одам вафот этган, 48 мингдан ортиғи соғайган.

Ўзбекистонда касалланганлар сони 2620 кишини ташкил қилмоқда, улардан 2076 нафари соғайган, 11 киши вафот этган.

719
Мавзу:
COVID-19 умумжаҳон пандемияси (1094)
Владимир Путин и Александр Лукашенко на заседании ВГС

Лукашенко Путинга қўнғироқ қилиб, намойишларни муҳокама қилмоқчи

254
Беларус раҳбари Лукашенко норозилик намойишлари тўлқини Иттифоқ давлати ҳудудига тарқалиб кетишидан ҳақотирда.

ТОШКЕНТ, 15 авг - Sputnik. Беларусь президенти Александр Лукашенко Минскда ўтказилган йиғилишда республикада юзага келган ижтимоий-сиёсий ҳолатга изоҳ берди, у шунингдек, россиялик ҳамкасби Владимир Путин билан намойишлар масаласини муҳокама қилмоқчи, деб хабар қилди шанба куни Белта агентлиги. РИА Новости хабари асосида.

"Нима бўлаётганини кўриб турибмиз. Бизни тинч акциялар ва намойишлар билан аллалашни кераги йўқ. Биз уларнинг негизида нима рўй бераётганини кўряпмиз. Жуда яхши кўриб турибмиз. Қолаверса, рангли инқилоблар методичкаларини ўқиганмиз ва ҳозир четдан аралашув элементлари пайдо бўлди", - деди Лукашенко.

Етакчининг сўзларига кўра, ҳозирда Беларусга қарши агрессия кенг авж олмоқда.

"Россия президенти, Путин билан боғланиш керак, у билан ҳозир гаплашиб олишим зарур. Нега деганда, бу фақатгина Беларус учун таҳдид эмас. <…> Мен шуни айтмоқчиманки, Беларус ҳимояси, бу бизнинг бутун ҳудудими, Иттифоқдош давлат ҳимоясидан кам эмас. Бошқаларга ўрнак бўлади. Агар беларуслар дош беролмаса, бу тўлқин улар томонга қараб йўналиш олади. Шу учун ҳам бизга ёпишиб олишган", - деб қатъий таъкидлади Лукашенко.

Беларус раҳбарининг сўзларига кўра, митинг иштирокчиларининг аксарияти, аллақачон, ўзи нималарга қўл ураётганини англамай қолган.

"Ўша, кўчаларда кезиб юрганларнинг аксарияти, нималар рўй бераётганини англамай қолган. Уларни мувофиқлаштириб ва йўналтириб турганлар буни яхши билиб турибди. Кўриб турганингиздек, баъзида профессионал ишлашаяпти: постановка кадрлар, фейклар тарқалаяпти. Эмишки, Москвада менга тегишли уйни топишибди. Ҳозир омма олдида шуни айтмоқчиманки: тодингизми - у сизга, оволинг. Мен ҳатто, Беларусда ўзим яшайдиган қишлоқдаги расмий қароргоҳдан ташқари кўчмас мулкка эга эмасман. Йўқ, улар мана шу фейкларни бошлашлари керак. Эмишки, кечадан олдин мамлакатни тарк этганмишман, тағин ё ўлдига ё касалга чиқаришди", – дейди ҳайрон қолиб президент.

Беларусьдаги норозилик акциялари, 9 август президент сайловларида амалдаги давлат раҳбари Александр Лукашенко ғолиб бўлганидан кейин бошланган эди. МСК маълумотларига кўра, у 80,1% овоз олган. Якшанба кунидан буён Минск ва республиканинг бошқа шаҳарларида санкцияланмаган оммавий норозилик намойишлари давом этмоқда, аммо куч тузилмалари намойишларни куч билан бостирмоқда. Норозилик акциялари иштирокчиларини тарқатиш учун ҳуқуқни муҳофаза қилиш идоралари кўз ёш келтирувчи газ, шовқин гранатаси, резина ўқлардан фойдаланмоқда. Расмий маълумотларга кўра, митинглар давомида 6,5 мингдан ортиқ одам ҳибсга олинган.

Беларусь ИИВ тартибсизликлар давомида юзлаб одамлар жабрлангани ҳақида маълум қилган. Бир нафар одам ҳалок бўлган, ИИВ маълумотларига кўра, у милиция ходимларига қўлбола портловчи қурилмани отишга уринаётиб, ҳалок бўлган.

254

Россияда коронавирусга қарши вакцина ишлаб чиқарилиши бошланди

231
Препарат ишлаб чиқилишига Россия тўғридан-тўғри инвестициялар фонди ҳам ҳисса қўшди. Фонд раҳбари Кирилл Дмитриев айни вақтда 20дан ортиқ давлатдан миллиард доза вакцинага ариза келиб тушгани ҳақида маълум қилди.

ТОШКЕНТ, 15 авг — Sputnik. Соғлиқни сақлаш вазирлиги Россияда COVID-19га қарши вакцина ишлаб-чиқарилиши йўлга қўйилгани ҳақида хабар қилди.

Ушбу препарат Гамалея номидаги эпидемиология и микробиология миллий тадқиқот маркази мутахассислари томонидан ишлаб чиқилган.

Эслатиб ўтамиз, шу ҳафтада Владимир Путин Россия дунёда биринчи бўлиб COVID-19га қарши препаратни рўйхатдан ўтказгани ҳақида хабар берган эди. Вакцина "Спутник V" дея ном олди.

Препарат ишлаб чиқилишига Россия тўғридан-тўғри инвестициялар фонди ҳам ҳисса қўшди. Фонд раҳбари Кирилл Дмитриев айни вақтда 20дан ортиқ давлатдан миллиард доза вакцинага ариза келиб тушгани ҳақида маълум қилди.

Россия дунёда биринчи бўлиб COVID 19 га вакцинани рўйхатга олди
Ruptly / РФПИ / WHO / Дмитрий Куракин/Пресс-служба Минздрава России

Шу билан бирга, Россия бешта давлат ҳудудида вакцина ишлаб чиқарилишини йўлга қўйиш бўйича келишувга эришган.

Доривор ўсимликлар давлат реестри ахборотига кўра, препарат мускуллар ичига юбориладиган эритма кўринишида бўлади. Вакцинация икки босқичда амалга оширилади: дастлаб — I компонент, сўнгра уч ҳафтадан сўнг — II компонент билан.

Соғлиқни сақлаш вазирлиги ахборотига кўра, икки босқичли схема давомийлиги икки йилгача бўлган иммунитетни шакллантиришга имкон беради.

Идора шунингдек, препаратнинг клиникга қадар ва клиник синовлари ҳақида маълумотлар эълон қилиниши ҳақида хабар берган. Россия Соғлиқни сақлаш вазирлиги Михаил Мурашко чет элдан янграётган танқидлар, кўпдан кўп ҳолларда "маълумотлар танқислиги" билан боғлиқлигини, "вакцина - негизида олтита маҳсулот яратилган платформада ишлаб чиқилганини" кўпчилик билмаслигини қайд этган.

231

"Йиғлатаман": Чак Норрис Лукашенкога пўписали видеомурожаат ёзди

175
Америкалик артист қисқа видео ёзган ва унда "Саша ноль фоиз" ва "Жаноб Таракан" сифатида машҳур аллақандай Сашага мурожаат қилган.

ТОШКЕНТ, 15 авг - Sputnik. Дунёга машҳур актёр Чак Норрис Беларус президенти Александр Лукашенконикига ташриф уюштирмоқчи. Жангари фильмлар юлдузи урушга шай, у сиёсатчини йиғлашга мажбур этмоқчи, деб хабар қилади NEWS.ru.

Америкалик артист қисқа видео ёзган ва унда "Саша ноль фоиз" ва "Жаноб Таракан" сифатида машҳур аллақандай Сашага мурожаат қилган.

"Биласанми, пиёз тўғраганимда, мен йиғламайман. Пиёз йиғлайди. Шу учун, агар ҳозир қилаётган ишларингни тўхтатмасанг, у ҳолда қароргоҳларингнинг бирига бораманда, сени йиғлашга мажбур этаман", - деган Норрис.

Жангари фильмлар юлдузи бошқа ҳеч қандай аниқлик киритмаган. Айтган жумлаларини ҳам ойдинлаштирмаган. Норриснинг расмий аккаунтларида ушбу видеоролик йўқ. Ролик биринчи бўлиб Беларус мухолифати билан боғлиқ бўлган ижтимоий тармоқларда тарқатила бошланган.

Беларусьдаги норозилик акциялари, 9 август президент сайловларида амалдаги давлат раҳбари Александр Лукашенко ғолиб бўлганидан кейин бошланган эди. МСК маълумотларига кўра, у 80,1% овоз олган. Якшанба кунидан буён Минск ва республиканинг бошқа шаҳарларида санкцияланмаган оммавий норозилик намойишлари давом этмоқда, аммо куч тузилмалари намойишларни куч билан бостирмоқда. Норозилик акциялари иштирокчиларини тарқатиш учун ҳуқуқни муҳофаза қилиш идоралари кўз ёш келтирувчи газ, шовқин гранатаси, резина ўқлардан фойдаланмоқда. Расмий маълумотларга кўра, митинглар давомида 6,5 мингдан ортиқ одам ҳибсга олинган.

Беларусь ИИВ тартибсизликлар давомида юзлаб одамлар жабрлангани ҳақида маълум қилган. Бир нафар одам ҳалок бўлган, ИИВ маълумотларига кўра, у милиция ходимларига қўлбола портловчи қурилмани отишга уринаётиб, ҳалок бўлган.

175