Ҳиндистонда ҳомиладор бўлолмаётган аёл эркак деб тан олинди

1171
(Янгиланган 16:52 27.06.2020)
Маълум бўлишича, ҳиндистонлик аёлнинг она томонидан икки қариндоши худди шундай ҳолатдан азият чеккан. Ҳозирда аёл кимёвий терапиядан ўтмоқда, ҳолати стабил.

ТОШКЕНТ, 27 июн - Sputnik. Ҳиндистонлик 30 ёшли аёл ҳомиладор бўлолмаётгани туфайли эркак, деб тан олинди. Бундан ташқари, унда тухумдон саратони аниқланган. Бу ҳақда Sputnik радиоси хабар бермоқда.

Хабарга кўра, Калькутталик аёл биологик хусусиятларга кўра, нозик жинс вакили ҳисобланган, аммо 9 йил давомида ҳомиладор бўла олмаган. Бундан ташқари, унинг мудом қорни оғриган.

Ўшанда аёл шифокорларга ёрдам сўраб мурожаат қилган ва тухумдонлари ривожланмай қолганидан хабар топган.

Текширув давомида аёл - XY - эркак жинсий хромосомаларига эгалиги аниқланади. Шунингдек, унга "тухумдон раки" ташхиси қўйилади.

"Унинг овози, ривожланган кўкраклари, ташқи жинсий аъзолари - буларнинг барчаси у аёл эканлигига ишора қиларди", - дея тушунтиради онколог Анупам Дутта.

Медик бу жуда ноёб ҳолат эканлигини қўшимча қилди.

Маълум бўлишича, ҳиндистонлик аёлнинг она томонидан икки қариндоши худди шундай ҳолатдан азият чеккан. Ҳозирда аёл кимёвий терапиядан ўтмоқда, ҳолати стабил.

1171
Сиэтл освобожден от анархистов: полиция США ликвидировала автономную зону CHAZ

Вашингтонда полициячиларга қарши янги норозиликлар авж олди

20
(Янгиланган 13:13 28.10.2020)
Вашингтонда юз берган ҳалокатли авариядан сўнг авж олган протекстлар полиция билан тўқнашувларга айланиб кетди

ТОШКЕНТ, 28 окт - Sputnik. Вашингтон штати Колумбия округида авария оқибатида мопед ҳайдовчисининг ўлими ҳодисасидан сўнг юз берган протест акциялари, полиция билан тўқнашувларга айланиб кетди. Бу ҳақда РИА Новости Washington Postга таянган ҳолда хабар бермоқда.

Фожиали ҳодиса жума куни маҳаллий вақт билан тахминан 22.10да юз берган. Хабарларга кўра, полициячилар шлемсиз электр мопедни бошқариб бораётган одамни кўриб қолишган ва қоидабузарни тўхтатишга уринганлар, аммо шу вақтда мопед бошқа бир транспорт билан тўқнашиб кетган. Авария оқибатида мопед ҳайдовчиси ҳалок бўлган. Полиция маълумотига кўра, мотоциклчи касалхонада жон берган.

Мопед ҳайдовчисининг вафоти шаҳарда норозилик акцияларини юзага келтирган. Митинг иштирокчилари ҳодиса тафсилотларини билишни исташган. Тартибсизликлар давомида намойишчилар полиция участкаси биносида ойналарни синдириб, бир нечта ахлат қутиларини ағдаришган. Шунингдек, намойишчилар ҳуқуқни муҳофаза қилиш органларига қарата турли предметларни улоқтиришган. Камида бир нафар полициячи жабрланган, бир киши қўлга олинган.

Колумбия округи полиция раҳбари Питер Ньюшэм тергов томонидан суриштирув ўтказилиши ва ҳалок бўлган инсон таъқиб қилиниши факти бўлган-бўлмагани, унинг ўлими асл сабабини аниқлаштирилиши зарурлигини қайд этган.

20

Дунёда COVID-19га чалиниш ҳолатлари бўйича рекорд кўрсаткич қайд этилди

32
БССТ маълумотларига кўра, 19 октябрдан 25 октябргача бўлган даврда дунёда 2 884 604 та коронавирус инфекциясига чалиниш ҳолатлари қайд этилган.

ТОШКЕНТ, 28 окт - Sputnik. Сўнгги ҳафтада ер юзида рекорд даражада 2,8 миллионта COVID-19га чалиниш ҳолатлари қайд этилди, деб хабар бермоқда Бутунжаҳон соғлиқни сақлаш ташкилоти.

БССТ маълумотларига кўра, 19 октябрдан 25 октябргача бўлган даврда дунёда 2 884 604 та коронавирус инфекциясига чалиниш ҳолатлари қайд этилган. Шу билан бирга, COVID-19ни юқтирган 39 712 нафар бемор вафот этган. Инфекция билан беморланиш бўйича тасдиқланган ҳолатлар сони ундан олдинги ҳафта (12-18 октябр) билан солиштирганда 16 фоизга, ўлим ҳолати 8 фоизга ортган.

БССТга мувофиқ, ўтган ҳафтада касалланиш ҳолатлари энг кўп қайд этилиши Европада (1 335 914 ҳолат), Шимолий ва Жанубий Америкада (884 318)  кузатилган.

Бутунжаҳон соғлиқни сақлаш ташкилоти 11 март куни янги турдаги COVID-19 коронавирус инфекцияси тарқалишини пандемия деб эълон қилди. БССТ тақдим этган сўнгги маълумотларга кўра, дунёда инфекцияланиш ҳолатлари 43 миллионга етган, 1,1 миллиондан зиёд бемор вафот этган.

Ўзбекистонда коронавирусга чалинганлар сони 66 мингдан ортди. Шу билан бирга касалларнинг 96%и тузалишга муваффақ бўлган. 

32