Самолет

Россия биринчи бўлиб МДҲ мамлакатларига авиа-парвозларни тиклайди

632
(Янгиланган 14:48 30.06.2020)
Россия COVID-19 пандемияси туфайли бошқа мамлакатлар билан мунтазам ва чартер парвозларни 27 март санасидан вақтинчалик тўхтатган эди.

ТОШКЕНТ, 30 июн — Sputnik. Россия МДҲ давлатларига авиа-парвозларни бошқа давлатларга кўра олдинроқ йўлга қўйиши мумкин, дея баёнот қилди журналистларга транспорт вазири Евгений Дитрих.

"МДҲ мамлакатлари — бу бизга яқин бўлган халқаро парвозлардир. Эҳтимол, биз ушбу ҳудудга умумий халқаро йўналишлардан кўра эртароқ бошлашимиз мумкин", - деди у.

Сал олдин Туркия томони 15 июл санасидан Россияга мунтазам рейсларни тиклаш учун Россия томонидан тасдиқни кутаётгани ҳақида хабар берилган эди. Анқаради Россия элчиси Алексей Ерховга кўра, бугунги кунда Россия ва Туркиянинг тегишли идоралари ушбу масалани муҳокама қилишмоқда.

Россия COVID-19 пандемияси туфайли бошқа мамлакатлар билан мунтазам ва чартер парвозларни 27 март санасидан вақтинчалик тўхтатган эди. 

COVID-19 коронавирус инфекцияси пандемияси бутун дунёни қамраб олди. БССТ тақдим этган сўнгги маълумотларга кўра, ер юзида инфекцияланганлар сони 10 миллиондан ошган, 500 мингга яқин инсонлар коронавирус оқибатида вафот этганлар.

632
Мавзу:
COVID-19 умумжаҳон пандемияси (1233)

Эртага Ўзбекистонга Волгабўйидан совуқ антициклон киради

876
Илиқ ва совуқ ҳаво оқимларининг босимлари тафовути республика ҳудуди бўйича шамолнинг тезлиги секундига 17-22 метргача кучайишига олиб келади

ТОШКЕНТ, 27 окт - Sputnik. Эртага республика шимолига Россиянинг Европа қисми (Москва области)дан Волгабўйи орқали совуқ антициклон кира бошлайди, деб хабар бермоқда Ўзгидромет.

Эртага, 28 октябрда совуқ ҳаво бутун республика ҳудудига тарқалади, ҳарорат фони 8-10 даража пасаяди.

Аксарият вилоятларда кундузги ҳаво ҳарорати 10-13 даража атрофида бўлади. Кучсиз, асосан қор кўринишидаги ёғинлар мамлакатнинг тоғли ва баланд тоғли ҳудудларида кузатилиши мумкин.

Илиқ ва совуқ ҳаво оқимларининг босимлари тафовути республика ҳудуди бўйича шамолнинг тезлиги секундига 17-22 метргача кучайишига олиб келади.

Совуқ ҳаво оқимининг таъсири 29 октябрда ва 30 октябрда кечаси сақланиб туради, 30 октябрда кундузи антициклон шимоли-шарққа чекина бошлайди ва ҳаво аста-секин исийди.

29 ва 30 октябрь кунлари тунги ҳаво ҳарорати 0-3 даража илиққача тушади, айрим жойларда ҳавода биринчи аёз кузатилади — ҳарорат 1-2 даража совуқ бўлади. 29 октябрда кундузи 10-13 даража илиқ атрофида бўлади, 30 октябрда эса бироз — 13-16 даражагача исийди. Бу кунларнинг ҳарорати октябрь ойи учун хос бўлган меъёрий қийматлардан 7-9 даражага паст бўлади.

31 октябрда Ўзбекистон ҳудудига Эрон томондан иссиқ ҳаво кира бошлайди. Тунги аёз тўхтайди, кундузи эса ҳарорат 18 даража, айрим жойларда ундан ҳам юқори бўлади.

876
Усмонхон Алимов во время визита в США

Усмонхон Алимов навбатдаги бор дунёнинг энг обрўли мусулмонлари рўйхатига киритилди

317
(Янгиланган 13:56 27.10.2020)
Жорий йилда энг обрўли мусулмонлар рўйхатига Туркия президенти Ражаб Тойиб Эрдоған етакчилик қилмоқда

ТОШКЕНТ, 27 окт - Sputnik. Ўзбекистон Мусулмонлар идораси раиси муфтий Усмонхон Алимов дунёнинг энг обрўли 500 мусулмони рўйхатига киритилди. Муфтий 166-ўринда қайд этилган.

Уммоннинг қироллик ислом стратегик тадқиқотлари маркази Жоржтаундаги мусулмон-насроний бир-бирини тушуниши Маркази дунёнинг энг обрўли мусулмонлари рейтингини 2009 йилдан буён эълон қилиб келади.

Энг обрўли 50 мусулмон рўйхатига дунёдаги исмоилитлар етакчиси Шоҳ Карим Ал-Ҳусайний (30 ўринда) киритилган.

Жорий йилда рейтингни Туркия президенти Ражаб Тойиб Эрдоған етакчилик қилмоқда. Ундан кейин Саудия қироли Салмон ибн Абдул-Азиз ва 1989 йилдан ҳозирга қадар Эроннинг олий ҳукмдори Оятолла Сайид Али Ҳумайний келмоқда.

Биринчи бешликдан шунингдек, 1999 йилдан Иордания қироли бўлган Абдалла II ибн Хусейн аль-Хошимий ва исломий олимлар ичида етакчи бўлган Шайх Муҳаммад Таки Усмоний ҳам ўрин олган.

Энг обрўли 50 мусулмон рўйхатига, шунингдек, Покистон бош вазири Имрон Хон (15-ўринда),Саудия Арабистони меросхўр шаҳзодаси Муҳаммад бин Салмон (23-ўринда), англиянинг "Ливерпул" клубидаги мисрлик футболчи Мухаммад Салоҳ (42-ўринда киритилган".

317
Кошелек с деньгами

Ишловчи оналар ва бола парваришлаш нафақа пули: ҳукумат қарори лойиҳаси

3
Хўжалик юритувчи субъектлар ҳамда якка тартибдаги тадбиркорлик субъектларида ишловчи оналарга бола икки ёшга тўлгунга қадар бола парвариши бўйича ойлик нафақа тайинлашга доир ҳужжат тайёрланди.

ТОШКЕНТ, 28 окт — Sputnik. “Хўжалик юритувчи субъектлар ҳамда якка тартибдаги тадбиркорлик субъектларида ишловчи оналарга бола икки ёшга тўлгунга қадар бола парвариши бўйича ойлик нафақа тайинлаш ва тўлаш тартиби тўғрисидаги низомни тасдиқлаш ҳақида”ги ҳукумат қарори лойиҳаси тайёрланди.

Унга “Хўжалик юритувчи субьектлар ҳамда якка тартибдаги тадбиркорлик субъектларида ишловчи оналарга бола икки ёшга тўлгунга қадар бола парвариши бўйича ойлик нафақа тайинлаш ва тўлаш тартиби тўғрисидаги низом” илова қилинган.

“Ишловчи оналарга бола икки ёшга тўлгунга қадар бола парвариши бўйича ойлик нафақа (бундан буён матнда – бола парвариши бўйича нафақа, деб юритилади) туғилган, фарзандликка ёки васийликка олинган болани икки ёшга тўлгунга қадар парвариш қилиш учун қоида тариқасида онага, отага, онанинг ўрнини босувчи шахсларга ёки бошқа қариндошларга тайинланади ва тўланади.

Бола парвариши бўйича нафақа парвариш қилинаётган болалар сонидан ва нафақа олувчи шахснинг меҳнат стажидан қатъий назар қонун ҳужжатларида ўрнатилган тартибда белгиланган миқдорда ҳар ойда тўланади”, - дейилган ҳужжатда.

Бола парвариши бўйича нафақа оналарга (онанинг ўрнини босувчи шахсларга) нафақа олиш учун мурожаат қилинган ойдан бошлаб, аммо ҳомиладорлик ва туғиш таътили тугаган кундан сўнг тайинланади.

Тўлиқ бўлмаган ой учун нафақа онанинг (онанинг ўрнини босувчи шахснинг) ушбу ойдаги таътилда бўлган календарь кунларига мос улушда тўланади.

Агар икки ва ундан ортиқ туғилган, фарзандликка ёки васийликка олинган болалар парваришда бўлса, бола парвариши бўйича нафақа кичик бола икки ёшга тўлгунга қадар бир баробар миқдорда тўланади.

Агар она бола икки ёшга тўлгунга қадар бола парвариши даврида иккинчи бола учун ҳомиладорлик ва туғиш бўйича таътил олиш ҳуқуқига эга бўлса, онанинг танлови асосида нафақанинг фақат бир тури тўланади.

7 ноябрь куни ҳужжатнинг умумуий муҳокамаси якунланади.

3