Двери СИЗО

ДХХ жиҳодчилар фаолиятига чек қўйди

362
(Янгиланган 14:07 04.07.2020)
Гуруҳларнинг бири 2019 йилнинг май ойида ташкил этилиб, унга етакчилик қилган шахс ўтган йилнинг ноябрь ойида Сурия давлатидаги “Тавҳид ва жиҳод катибаси” халқаро террористик ташкилоти сафига бориб қўшилган.

ТОШКЕНЬ, 4 июл - Sputnik. Давлат хавфсизлик хизмати ходимларининг Ички ишлар вазирлиги билан биргаликда Тошкент шаҳри ва Тошкент вилояти ҳудудларида ўтказган тезкор тадбирлари натижасида жами аъзолари 25 нафар бўлган иккита яширин “жиҳодчилар” гуруҳи фаолиятига чек қўйилди.

Гуруҳларнинг бири 2019 йилнинг май ойида ташкил этилиб, унга етакчилик қилган шахс ўтган йилнинг ноябрь ойида Сурия давлатидаги “Тавҳид ва жиҳод катибаси” халқаро террористик ташкилоти сафига бориб қўшилган.

Иккинчи гуруҳ эса муқаддам экстремизм ва терроризм билан боғлиқ жиноятларни содир этганлиги учун жазо муддатини ўтаб чиққан фуқаро томонидан тузилган.

Дастлабки суриштирув жараёнларида маълум бўлишича, биринчи гуруҳ аъзоларининг аксарияти ҳозирда Суриядаги жангарилар сафида бўлган ўз етакчиси билан интернет орқали мунтазам равишда алоқа қилиб турган.

Ўзаро йиғинларда гуруҳлар аъзолари диний экстремистик ва террористик ташкилотлар ғоявий раҳнамоларининг, жумладан, “Абу Салоҳ”, “Абдуллоҳ Зуфар”, “Содиқ Самарқандий”ларнинг “ҳижрат” ва “жиҳод” қилиш тўғрисидаги аудио-видео маърузалари ҳамда даъватларини тинглаб, “Жиҳодчилар” оқими ғояларини ўз атрофидагиларга тарғиб қилиб келишган.

1968-2002 йиллар оралиғида туғилган мазкур шахсларнинг 3 нафари аввал экстремизм ва терроризм билан боғлиқ жиноятлар содир этганликлари учун жавобгарликка тортилган бўлсаларда, қилмишларидан тўғри хулоса чиқаришмаган.

Таъкидлаш лозимки, мазкур гуруҳлар аъзолари орасида хусусий нашриёт раҳбари, тиббиёт ходими, араб тили курси ўқитувчиси, умумий овқатланиш муассасалари ишчилари ва тижорат ишлари билан шуғулланувчи шахслар бор.

Ҳар икки гуруҳ аъзоларининг яшаш манзилларида ўтказилган тинтув тадбирлари давомида 200 дан ортиқ норасмий диний адабиётлар ва варақалар, шунингдек, компьютер, ноутбук, планшет, мобил телефон, флеш-карта ва DVD дисклар борлиги аниқланиб, уларда сақланаётган маълумотларни экспертизадан ўтказиш учун процессуал тарзда расмийлаштирилиб олинди.

Ҳозирда Жиноят Кодексининг тегишли моддаларига асосан жиноят ишлари қўзғатилиб, тергов ҳаракатлари олиб борилмоқда.

Шу ўринда эслатиб ўтиш лозимки, Ўзбекистон Республикаси Олий Судининг қарори ҳамда Вазирлар Маҳкамаси ҳузуридаги Дин ишлари бўйича қўмитанинг хулосаларига кўра “Абу Салоҳ”, “Абдуллоҳ Зуфар”, “Содиқ Самарқандий”ларнинг маърузалари ақидапарстлик ғоялари билан йўғрилганлиги ва мамлакатимиздаги конституцион тузумни қонунга хилоф тарзда ўзгартиришга қаратилганлиги боис, уларни республикамиз ҳудудига олиб кириш, сақлаш ва тарқатиш тақиқланади ҳамда Жиноят Кодексининг тегишли моддалари билан жиноий жавобгарликка сабаб бўлади.

362
Владимир Путин и Александр Лукашенко на заседании ВГС

Лукашенко Путинга қўнғироқ қилиб, намойишларни муҳокама қилмоқчи

254
Беларус раҳбари Лукашенко норозилик намойишлари тўлқини Иттифоқ давлати ҳудудига тарқалиб кетишидан ҳақотирда.

ТОШКЕНТ, 15 авг - Sputnik. Беларусь президенти Александр Лукашенко Минскда ўтказилган йиғилишда республикада юзага келган ижтимоий-сиёсий ҳолатга изоҳ берди, у шунингдек, россиялик ҳамкасби Владимир Путин билан намойишлар масаласини муҳокама қилмоқчи, деб хабар қилди шанба куни Белта агентлиги. РИА Новости хабари асосида.

"Нима бўлаётганини кўриб турибмиз. Бизни тинч акциялар ва намойишлар билан аллалашни кераги йўқ. Биз уларнинг негизида нима рўй бераётганини кўряпмиз. Жуда яхши кўриб турибмиз. Қолаверса, рангли инқилоблар методичкаларини ўқиганмиз ва ҳозир четдан аралашув элементлари пайдо бўлди", - деди Лукашенко.

Етакчининг сўзларига кўра, ҳозирда Беларусга қарши агрессия кенг авж олмоқда.

"Россия президенти, Путин билан боғланиш керак, у билан ҳозир гаплашиб олишим зарур. Нега деганда, бу фақатгина Беларус учун таҳдид эмас. <…> Мен шуни айтмоқчиманки, Беларус ҳимояси, бу бизнинг бутун ҳудудими, Иттифоқдош давлат ҳимоясидан кам эмас. Бошқаларга ўрнак бўлади. Агар беларуслар дош беролмаса, бу тўлқин улар томонга қараб йўналиш олади. Шу учун ҳам бизга ёпишиб олишган", - деб қатъий таъкидлади Лукашенко.

Беларус раҳбарининг сўзларига кўра, митинг иштирокчиларининг аксарияти, аллақачон, ўзи нималарга қўл ураётганини англамай қолган.

"Ўша, кўчаларда кезиб юрганларнинг аксарияти, нималар рўй бераётганини англамай қолган. Уларни мувофиқлаштириб ва йўналтириб турганлар буни яхши билиб турибди. Кўриб турганингиздек, баъзида профессионал ишлашаяпти: постановка кадрлар, фейклар тарқалаяпти. Эмишки, Москвада менга тегишли уйни топишибди. Ҳозир омма олдида шуни айтмоқчиманки: тодингизми - у сизга, оволинг. Мен ҳатто, Беларусда ўзим яшайдиган қишлоқдаги расмий қароргоҳдан ташқари кўчмас мулкка эга эмасман. Йўқ, улар мана шу фейкларни бошлашлари керак. Эмишки, кечадан олдин мамлакатни тарк этганмишман, тағин ё ўлдига ё касалга чиқаришди", – дейди ҳайрон қолиб президент.

Беларусьдаги норозилик акциялари, 9 август президент сайловларида амалдаги давлат раҳбари Александр Лукашенко ғолиб бўлганидан кейин бошланган эди. МСК маълумотларига кўра, у 80,1% овоз олган. Якшанба кунидан буён Минск ва республиканинг бошқа шаҳарларида санкцияланмаган оммавий норозилик намойишлари давом этмоқда, аммо куч тузилмалари намойишларни куч билан бостирмоқда. Норозилик акциялари иштирокчиларини тарқатиш учун ҳуқуқни муҳофаза қилиш идоралари кўз ёш келтирувчи газ, шовқин гранатаси, резина ўқлардан фойдаланмоқда. Расмий маълумотларга кўра, митинглар давомида 6,5 мингдан ортиқ одам ҳибсга олинган.

Беларусь ИИВ тартибсизликлар давомида юзлаб одамлар жабрлангани ҳақида маълум қилган. Бир нафар одам ҳалок бўлган, ИИВ маълумотларига кўра, у милиция ходимларига қўлбола портловчи қурилмани отишга уринаётиб, ҳалок бўлган.

254

Россияда коронавирусга қарши вакцина ишлаб чиқарилиши бошланди

228
Препарат ишлаб чиқилишига Россия тўғридан-тўғри инвестициялар фонди ҳам ҳисса қўшди. Фонд раҳбари Кирилл Дмитриев айни вақтда 20дан ортиқ давлатдан миллиард доза вакцинага ариза келиб тушгани ҳақида маълум қилди.

ТОШКЕНТ, 15 авг — Sputnik. Соғлиқни сақлаш вазирлиги Россияда COVID-19га қарши вакцина ишлаб-чиқарилиши йўлга қўйилгани ҳақида хабар қилди.

Ушбу препарат Гамалея номидаги эпидемиология и микробиология миллий тадқиқот маркази мутахассислари томонидан ишлаб чиқилган.

Эслатиб ўтамиз, шу ҳафтада Владимир Путин Россия дунёда биринчи бўлиб COVID-19га қарши препаратни рўйхатдан ўтказгани ҳақида хабар берган эди. Вакцина "Спутник V" дея ном олди.

Препарат ишлаб чиқилишига Россия тўғридан-тўғри инвестициялар фонди ҳам ҳисса қўшди. Фонд раҳбари Кирилл Дмитриев айни вақтда 20дан ортиқ давлатдан миллиард доза вакцинага ариза келиб тушгани ҳақида маълум қилди.

Россия дунёда биринчи бўлиб COVID 19 га вакцинани рўйхатга олди
Ruptly / РФПИ / WHO / Дмитрий Куракин/Пресс-служба Минздрава России

Шу билан бирга, Россия бешта давлат ҳудудида вакцина ишлаб чиқарилишини йўлга қўйиш бўйича келишувга эришган.

Доривор ўсимликлар давлат реестри ахборотига кўра, препарат мускуллар ичига юбориладиган эритма кўринишида бўлади. Вакцинация икки босқичда амалга оширилади: дастлаб — I компонент, сўнгра уч ҳафтадан сўнг — II компонент билан.

Соғлиқни сақлаш вазирлиги ахборотига кўра, икки босқичли схема давомийлиги икки йилгача бўлган иммунитетни шакллантиришга имкон беради.

Идора шунингдек, препаратнинг клиникга қадар ва клиник синовлари ҳақида маълумотлар эълон қилиниши ҳақида хабар берган. Россия Соғлиқни сақлаш вазирлиги Михаил Мурашко чет элдан янграётган танқидлар, кўпдан кўп ҳолларда "маълумотлар танқислиги" билан боғлиқлигини, "вакцина - негизида олтита маҳсулот яратилган платформада ишлаб чиқилганини" кўпчилик билмаслигини қайд этган.

228

"Йиғлатаман": Чак Норрис Лукашенкога пўписали видеомурожаат ёзди

171
Америкалик артист қисқа видео ёзган ва унда "Саша ноль фоиз" ва "Жаноб Таракан" сифатида машҳур аллақандай Сашага мурожаат қилган.

ТОШКЕНТ, 15 авг - Sputnik. Дунёга машҳур актёр Чак Норрис Беларус президенти Александр Лукашенконикига ташриф уюштирмоқчи. Жангари фильмлар юлдузи урушга шай, у сиёсатчини йиғлашга мажбур этмоқчи, деб хабар қилади NEWS.ru.

Америкалик артист қисқа видео ёзган ва унда "Саша ноль фоиз" ва "Жаноб Таракан" сифатида машҳур аллақандай Сашага мурожаат қилган.

"Биласанми, пиёз тўғраганимда, мен йиғламайман. Пиёз йиғлайди. Шу учун, агар ҳозир қилаётган ишларингни тўхтатмасанг, у ҳолда қароргоҳларингнинг бирига бораманда, сени йиғлашга мажбур этаман", - деган Норрис.

Жангари фильмлар юлдузи бошқа ҳеч қандай аниқлик киритмаган. Айтган жумлаларини ҳам ойдинлаштирмаган. Норриснинг расмий аккаунтларида ушбу видеоролик йўқ. Ролик биринчи бўлиб Беларус мухолифати билан боғлиқ бўлган ижтимоий тармоқларда тарқатила бошланган.

Беларусьдаги норозилик акциялари, 9 август президент сайловларида амалдаги давлат раҳбари Александр Лукашенко ғолиб бўлганидан кейин бошланган эди. МСК маълумотларига кўра, у 80,1% овоз олган. Якшанба кунидан буён Минск ва республиканинг бошқа шаҳарларида санкцияланмаган оммавий норозилик намойишлари давом этмоқда, аммо куч тузилмалари намойишларни куч билан бостирмоқда. Норозилик акциялари иштирокчиларини тарқатиш учун ҳуқуқни муҳофаза қилиш идоралари кўз ёш келтирувчи газ, шовқин гранатаси, резина ўқлардан фойдаланмоқда. Расмий маълумотларга кўра, митинглар давомида 6,5 мингдан ортиқ одам ҳибсга олинган.

Беларусь ИИВ тартибсизликлар давомида юзлаб одамлар жабрлангани ҳақида маълум қилган. Бир нафар одам ҳалок бўлган, ИИВ маълумотларига кўра, у милиция ходимларига қўлбола портловчи қурилмани отишга уринаётиб, ҳалок бўлган.

171