Уктам Барноев

Бош вазир ўринбосари Ўктам Барноев янги лавозимга тайинланди

484
Ўзбекистон Республикаси Бош вазири ўринбосари Ўктам Барноев номзоди Ўзбекистон йилқичилик ва от спорти федерациясига раислигига тавсия қилинди

ТОШКЕНТ, 6 июл - Sputnik. Ўзбекистон йилқичилик ва от спорти федерациясида видеоселектор кўринишида ўтказилган йиғилишда Ўктам Барноев федерация раиси этиб сайланди. Бу ҳақда Жисмоний тарбия ва спорт вазирлиги хабар бермоқда.

"Ўзбекистон Республикаси Бош вазири ўринбосари Ўктам Барноев номзоди Ўзбекистон йилқичилик ва от спорти федерациясига раислигига тавсия қилинди ва конференция иштирокчилари томонидан бир овоздан маъқулланди. Шунингдек, конференцияда федерация раҳбарияти ҳамда 13 кишидан иборат Ижроия қўмитаси аъзолари таркиби ҳам сайланди", - дейилади хабарда.

Унга кўра, раис ўринбосарлари сифатида Феруз Абдуллаев, Баҳром Норқобилов, Аваз Исмоилов ва Камол Худойбердиев номзодлари маъқулланган.

Шу билан бирга Камол Худойбердиев федерация бош котиби лавозимига ҳам тасдиқланган. Бунгача федерацияда раис ўринбосари сифатида фаолият олиб борган Баҳром Газиев ҳамда Акмал Тошевлар ҳам ўз лавозимида қолишди.

Видеоселектор давомида йилқичилик ва от спорти федерациясининг кейинги фаолияти бўйича таклифлар билдирилган. Унга кўра ҳудудларда ушбу спорт турини яна-да ривожлантириш бўйича марказлар ташкил этиш, спорт инвентарлари ҳолатини ўрганиш ва янгилаш борасида келишиб олинган.

484
Землетрясение в Турции

Мирзиёев Эрдоғанга ҳамдардлик билдирди

1
Жума куни Туркиянинг ғарбий қисмида 6,6 балли зилзила юз берган эди. Зилзила эпицентри Измир вилоятининг Сеферихисар шаҳри ҳудудида жойлашган.

ТОШКЕНТ, 31 окт - Sputnik. Ўзбекистон президенти Шавкат Мирзиёев Туркияда юз берган зилзила оқибатида инсонлар қурбон бўлгани муносабати билан Туркия етакчиси Ражаб Тойиб Эрдоғанга таъзия йўллади.

Бу ҳақда президент матбуот-хизмати хабар бермоқда.

"Давлатимиз раҳбари ҳалок бўлганларнинг оила аъзоларига чуқур ҳамдардлик изҳор этиб, жароҳатланганлар тез фурсатларда шифо топишини тилади", - дейилади хабарда.

Жума куни Туркиянинг ғарбий қисмида 6,6 балли зилзила юз берган эди. Зилзила эпицентри Измир вилоятининг Сеферихисар шаҳри ҳудудида жойлашган.

 

Шу вақтгача зилзила оқибатида қурбон бўлган инсонлар сони 24 нафарга етгани, 804 киши жабрлангани ҳақида маълумот берилди.

Зилзила кичикроқ цунамини юзага келтирган, Сеферихисарда қирғоққа яқин кўчаларни сув босган.

Сал кейин Anadolu агентлиги Туркиядаги Эгей денгизи қирғоқларида кун давомидаги иккинчи зилзила юз бергани, унинг магнитудаси 5,1 баллни ташкил этгани ҳақида хабар берган. 

1
Преступник за решеткой

TikTok учун видеога Қуръонни йиртган ўзбекистонлик қўлга олинди

699
(Янгиланган 11:34 30.10.2020)
Ўзбекистон ИИВ маълумотларга кўра, шу кунларда ижтимоий тармоқларда ислом динини таҳқирловчи, диний адоватни қўзғатувчи маълумотлар тарқатилмоқда

ТОШКЕНТ, 30 окт - Sputnik. Шу кунларда ижтимоий тармоқларда турли диний адоватни қўзғатиш ва диндорлар орасида муросасизликни келтириб чиқаришни тарғиб қилувчи маълумотлар тарқалмоқда, дея огоҳлантирмоқда Ўзбекистон ИИВ.

Маълумотда айтилишича, 29 октябрь куни ижтимоий тармоқларда ўзини "атеист", деб таништириб, ислом динининг илоҳий манбаси ва энг муқаддас китоби - Қуръони каримга нисбатан ҳурматсизлик акс этган видеолавҳа тарқалган. Видео кескин баҳс-мунозара ва норозиликларга сабаб бўлган.

"Ҳуқуқ-тартибот идоралари томонидан олиб борилган суриштирувлар давомида, мазкур шахс Мингбулоқ туманидан бўлган Шерзод Турдиев эмаслиги аниқланди", - дейилади хабарда.

Ўтказилган текширув ҳаракатлари натижасида, ушбу видеотасвирни суратга олиб, ижтимоий тармоқларга жойлаштирган шахс аниқланиб, терговга қадар текширув ҳаракатларига жалб қилинган.

Текширув натижасига кўра, мазкур шахсга нисбатан Ўзбекистон Республикаси Жиноят кодексининг 156-моддаси 2-қисми (Миллий, ирқий, этник ёки диний адоват қўзғатиш) билан жиноят иши қўзғатилиб, тергов ҳаракатлари олиб борилмоқда.    

Жиноят иши бўйича тергов натижасига кўра, қўшимча маълумот бериб борилади.

ИИВ фуқароларни мамлакатда диний бағрикенглик ва миллатлараро тотувлик каби азалий анъаналарга кундалик ҳаётда амал қилишларини ҳамда муқаддас динни оёқ-ости қилиб, аҳоли орасида ихтилофлар келтириб чиқаришга бўлган уринишлар учун қонунда жавобгарлик белгиланганлигини эслатиб ўтган.

699