Ўзбекистонда бир суткада 472та COVID-19 аниқланди

© Sputnik / Рамиль Ситдиков / Медиабанкка ўтишТестирование россиян на наличие антител к COVID-19
Тестирование россиян на наличие антител к COVID-19 - Sputnik Ўзбекистон
Oбуна бўлиш
ССВ хабарига кўра, айни пайтда тиббиёт муассасаларида даволанаётган 4226 нафар бемордан 42 нафари оғир, 10 нафари эса ўта оғир аҳволда.

ТОШКЕНТ, 10 июл - Sputnik. Ўзбекистонда коронавирус инфекцияси тасдиқланган беморлар сони бир суткада 472тага ортди, шунингдек, вафот этганлар сони 6тага ошди, деб хабар бермоқда мамлакат Соғлиқни сақлаш вазирлиги.

Карантинный центр в Наманганской области - Sputnik Ўзбекистон
ССВ карантин чоралари нега кучайтирилганини тушунтирди

Инфекцияни юқтирган беморларнинг 275 нафари карантин муассасаларида, 190 нафари аҳоли орасида, 7 нафари эса халқаро юк ташувчи автомашина ҳайдовчилари орасида аниқланган.

Вафот этганларнинг 1 нафари чет эл фуқароси (афғонистонлик) бўлган.

Шу билан бирга, Тошкент шаҳри, Самарқанд, Наманган ва Бухоро вилоятларидаги тиббиёт муассасаларида 227 нафар фуқаро соғайган. COVID-19 қайд этилган жами 11564 нафар бемордан 7287 нафари соғайиб, даволаниш кўрсаткичи 63 %ни ташкил этмоқда.

Олимлар COVIDга иммунитет борасида ҳайратланарли хулосага келишди >>>

Айни пайтда тиббиёт муассасаларида даволанаётган 4226 нафар бемордан 42 нафари оғир, 10 нафари эса ўта оғир аҳволда.

Бутунжаҳон соғлиқни сақлаш ташкилоти 11 март куни янги турдаги коронавирус инфекцияси - COVID-19 тарқалишини пандемия деб эълон қилган эди. БССТ тақдим этган сўнгги маълумотларга кўра, дунёда ушбу инфекция билан беморланганлар сони 11,8 миллиондан ошиб кетган, 545 мингдан зиёд киши вафот этган.

Янгиликлар лентаси
0