Россия АҚШнинг "супер-пупер" ракеталарини тутиб олишга қодир, деб ҳисоблайди эксперт

1289
(Янгиланган 14:34 17.07.2020)
Петагон сал олдин гипертовушли қурол ишлаб чиқариш соҳасида Россия ва Хитойдан орқада эканлигини тан олган эди.

ТОШКЕНТ, 17 июл - Sputnik. Россия АҚШнинг гипертовушли ракетасини, у америка армияси қуроллари сафига қабул қилингач,  тутиб олишга қодир бўлади, деди РИА Новостига жума куни "Миллий мудофаа" журнали бош муҳаррири Игорь Коротченко.

Сал олдин Пентагон президент Дональд Трамп "супер-пупер", дея атаган янги гипертовушли ракета синовлар вақтида товуш тезлигини 17 карра ортда қолдирганлигини тасдиқлаган эди.

"АҚШ Қуролли кучлари гипертовушли қуролни қўлга киритгач, бизнинг қўшинларимиз турли нишонларни, жумладан, гипертовушли нишонларни ҳам тутиб олишга қодир бўлган бешинчи авлод С-500 зенит ракета тизимига эга бўлади. Бундан ташқари, Россия қуроллари орасида ҳозирда мавжуд бўлган С-400 ва Бук-М3 ҳамда Тор-М2 тизимлари ҳам ўз масъулияти чегарасида гипертовушли нишонларни самарали йўқ қилиши мумкин", - деди Коротченко.

Эксперт, Россия ва АҚШ ўртасидаги гипертовушли технологиялар соҳасидаги тафовут ҳақида гапирар экан, гап бир неча йиллар ҳақида бораётганини қайд этди. Суҳбатдошнинг эслатишича, то америка гипертовушли ракеталари парвоз синовларидан ўтар экан, РФ ҚК қуроллари сафида бир нечта сериядаги намуналар, жумладан, "Кинжал" ва "Циркон" деб аталувчи денгиз гипертовушли ракетаси турганини қайд этди.

Пентагон сал олдин гипертовушли қурол ишлаб чиқариш соҳасида Россия ва Хитойдан орқада эканлигини тан олган эди. Россиялик экспертлар бу ортда қолишни тахминан беш йилга баҳоладилар.

С-500 "Прометей" "Ер-ҳаво" зенит-ракета тизимларининг янги авлодига киради. Бу ракетага қарши мудофаанинг кучайтирилган қобилияти узоқ масофаларда ҳаракатланувчи ва баландликларда тутиш имкониятига эга универсал комплексдир. Ушбу истиқболли тизим нафақат баллистик, балки аэродинамик нишонларни (самолёт ва вертолётлар) ва қанотли ракеталарини ҳам йўқ қилишга қодир.

С-500нинг йўқ қилиш радиуси 600 километрга яқин масофани ташкил этади. Бундан ташқари, тизим сониясига 7 километр тезликда учаётган ўнтагача баллистик супертовуш нишонларни, шунингдек, гипертовушли ракеталарнинг жанговар блокларини аниқлаш ва йўқ қилишга қодир.  Ўз хусусиятлари бўйича С-500 ҳозирда армия қуроллари сафида бўлган С-400 ва унинг американча рақиби Patriot Advanced Capability-3дан анча катта устунликка эга бўлади.

1289

Лукашенконинг собиқ рақиби дунёнинг 32 етакчисига мактуб ёзди

40
Президентлик пойгасида Александр Лукашенконинг рақиби бўлган Валерий Цепкало 30дан ортиқ давлат етакчиларига мактуб ёзди ва унда айни вақтда Беларусь ҳукумати мамлакатда сайлов жараёнининг эркин ва адолатли ўтказилишига фаол тўсқинлик қилаётгани ҳақида баён этди

ТОШКЕНТ, 4 авг — Sputnik. Беларус президенти лавозимига даъвогарлик қилган собиқ номзод, Юқори технологиялар парки собиқ раҳбари Валерий Цепкало дунёнинг 32 давлат етакчиларига республикада эркин сайловларни ташкил этишда ёрдам сўраб мактуб йўллади, деб хабар бермоқда РИА Новости.

Айни вақтда Беларусда сайлов кампанияси бўлиб ўтмоқда, асосий овоз бериш куни 9 августга белгиланган. Муддатдан олдин овоз бериш 4 август куни бошланади. Президент лавозимига беш киши даъвогарлик қилмоқда, улар орасида олтинчи марта ўз номзодини президентликка илгари сурган амалдаги давлат раҳбари Александр Лукашенко ҳам бор.

"Бутун Беларус халқи номидан овоз бериш ва овозларни санашда халқаро кузатувни ташкил этишда қўллаб-қувватлашингизни, давлатингиз ҳудудида истиқомат қилувчи Беларус фуқаролари учун ҳам ушбу овоз бериш жараёнининг ўтказилишини қўллаб-қувватлашингизни сўрайман", - деб ёзган Цепкало.

У шунингдек, Беларусь оппозицияси мақсади - Светлана Тихановская ғалабаси эканлигини айтган. Сиёсатчининг сўзларига кўра, Тихановская давлат раҳбари этиб сайланган тақдирда, олти ойгача бўлган муддатда янги президент сайловлари ўтказилади ва унда барча номзодлар, жумладан, қамоқда бўлганлари ҳам иштирок этади.

Икки ҳафта бурун Цепкалонинг шошилинч тарзда Москвага йўл олгани хабар қилинган эди. Сиёсатчининг рафиқаси Беларусда қолган. РИА Новости билан суҳбатда, Цепкало, айни вақтда ҳибсга олиниши хавфи борлиги учун ватанга қайтиш нияти йўқлигини маълум қилган. Ўтган ҳафтада сиёсатчи Украинага етиб келган.

40
Жители Ташкента по возможности приобретают маски для профилактики вируса

Ўзбекистонда карантин қачон бекор қилинади - эксперт жавоби

187
(Янгиланган 07:15 04.08.2020)
Ўзбекистонда 3 август кунги ҳолатга кўра коронавирус билан касалланганлар сони 26 301 нафарга етган. Шу билан бирга, ушбу инфекцияга чалинган беморлар сони кетма-кет иккинчи кун камайган

ТОШКЕНТ, 4 авг - Sputnik. Коронавирусга қарши кураш штаби аъзоси Ҳабибулло Оқилов АОКА залида бўлиб ўтган матбуот анжуманида 15 августдан кейин карантин чоралари юмшатиладими, деган саволга жавоб берди.

Эслатиб ўтамиз, июль ойининг охирида Республика махсус комиссияси қарори билан Ўзбекистонда жорий этилган карантин чекловлари 15 августга қадар узайтирилган эди.

Оқиловнинг қайд этишича, олдинда ҳали салкам икки ҳафта вақт бор. Агар шу вақт давомида пасайиш динамикаси қайд этилса, карантинни юмшатса бўлади.

"Худди шу динамика қайд этилса, яъни ўтган кунларда касаллик қайд этилиши 700 дан ошган бўлса ва бугун 513 тага тушган бўлсак, кейинги кунларда 500, 450 қайд этилиб, шу рақамлар атрофида касаллик аниқланса, албатта, 15 августдан кейин карантинни юмшатса бўлади. Ва биз ушбу таклиф билан Республика махсус комиссиясига чиқишимиз мумкин", - деб айтган Оқилов.

Ўзбекистонда 3 август кунги ҳолатга кўра коронавирус билан касалланганлар сони 26 301 нафарга етган. Шу билан бирга, ушбу инфекцияга чалинган беморлар сони кетма-кет иккинчи кун камайган.

Мамлакат Соғлиқни сақлаш вазирлиги тақдим этган сўнгги маълумотларга кўра, айни пайтда тиббиёт муассасаларида даволанаётган 8 880 нафар бемордан 927 нафари оғир, 224 нафари эса ўта оғир аҳволда. Коронавирус инфекцияси қурбонлари сони 159 нафарни ташкил этмоқда.

187
Мавзу:
COVID-19 умумжаҳон пандемияси