Въезд в поселок Сардоба, пострадавший от наводнения

"Сардоба иши" бўйича тергов муддати 5 ойга узайтирилди - Бош прокуратура

129
(Янгиланган 08:59 28.07.2020)
Дастлабки терговни ҳар томонлама ва тўлиқ ўтказилишини таъминлаш мақсадида ҳамда жиноят ишининг мураккаблиги ва катта ҳажмдалигини инобатга олиб, дастлабки тергов муддати Бош прокуратура томонидан 5 ойга узайтирилди.

ТОШКЕНТ, 28 июл - Sputnik. "Сардоба иши" бўйича тергов муддати 5 ойга узайтирилди, деб хабар бермоқда Ўзбекистон Бош прокуратураси матбуот-хизмати.

Аввал хабар берилганидек, жорий йил 1-май куни юз берган "Сардоба" сув омбори тўғони ўпирилиши ва бунинг оқибатида катта ҳажмдаги ер майдонларини сув босиши бўйича Жиноят кодексининг 207 ва 258-моддаларида назарда тутилган жиноятлар аломатлари билан жиноят иши қўзғатилиб, тергов ҳаракатлари олиб борилмоқда.

Аниқланишича, сув омбори 2010-2017 йилларда қурилган бўлиб, лойиҳага буюртмачи сифатида "Сирдарё сув қурилиш инвест" ДУК (Сув хўжалиги вазирлиги), бош лойиҳачи - "UzGip" МЧЖ, бош пудратчи – "Ўзтемирйўлқурилишмонтаж" УК ("Ўзбекистон темир йўллари" АЖ) танланган. Сув омбори қурилишига давлат бюджетидан 1,2 трлн.сўм сарфланган.

Сув омборидан фойдаланиш "Ўзбекистон темир йўллари" АЖга қарашли "Сардоба сув омбори объектларидан фойдаланиш ва ривожлантириш дирекцияси" томонидан амалга оширилган.

Дастлабки терговнинг ҳар томонлама, тўлиқ ва холисона олиб борилишини таъминлаш мақсадида қуйидаги асосий тахминлар текширилди. Лойиҳалашдаги хатоликлар, қурилиш жараёнида меъёрларга риоя қилмаслик, эксплуатация жараёнидаги хатоликлар, табиий офат.

Мазкур 4 та тахмин тегишли экспертиза муассасаси экспертларидан ва гидротехник иншоотларни лойиҳалаш, қуриш, эксплуатация қилиш, қурилиш экспертизаси, тупроқ ва сувнинг хоссалари ва бошқа бир қатор масалага дахлдор соҳаларга мансуб 30 нафар мутахассисдан иборат Комиссия ёрдамида текширилди.

Экспертиза хулосасига кўра, сув омбори тўғонининг ўпирилишига қуйидаги омиллар сабаб бўлган:

1. Лойиҳа ҳужжатларидаги хато ва камчиликлар.

Лойиҳанинг техник-иқтисодий асослари тегишли экспертизадан ўтиб, тасдиқланганидан кейин ишчи-лойиҳа ҳужжатларини тайёрлаш вақтида конструкцияга (қияликларнинг баландликка нисбати, ҳимоя ва фильтирловчи қопламаларнинг характеристикаларига) лойиҳачи томонидан ўзбошимчалик билан, асослантирилмаган ҳолда, тўғоннинг ишончлилиги ва турғунлигини таъминламайдиган даражага олиб келган ўзгартиришлар киритилган.

2. Қурилишдаги хато ва камчиликлар.

Тўғоннинг танасини ташкил қилган тупроқнинг зичлиги лойиҳавий талабдагидан паст ва тупроқ ёт жисмлардан тозаланмаганлиги оқибатида улар чириб, бўшлиқлар ҳосил қилган, ҳимоя қатламига ётқизилган харсанг тошларнинг диаметри лойиҳадаги ўлчамлардан бир неча бор катта бўлган ҳолда, харсанг тош қопламаси лойиҳа ҳужжатида белгиланган қалинликдан кам, тошлар нотекис, сифатсиз жойлаштирилган ва катта диаметрли тошлар ўртасидаги бўшлиқлар майда тошлар билан тўлдирилмаган.

3. Эксплуатациядаги хато ва камчиликлар.

Эксплуатация жараёни билан боғлиқ жиддий моддий ва номоддий камчиликларга йўл қўйилган. Жумладан, тўғонга хизмат кўрсатувчи “Сардоба сув омбори объектларидан фойдаланиш ва ривожлантириш дирекцияси”нинг бевосита тўғонга хизмат кўрсатувчи таркиби зарурий моддий-техник воситалар билан таъминланмаган. Боз устига, ўтказилган малака аттестацияси эксплуатацияга жалб этилган ходимларнинг 56% зарурий билимга (ихтисос), 82% малака ва тажрибага эга эмаслигини ва бунинг оқибатида тўғонга сифатли хизмат кўрсатишга, ўпирилиши каби фавқулодда ходисаларга олиб келувчи омилларни ўз вақтида аниқлашга қодир эмаслигини кўрсатди.

Юқорида аниқланган ҳолатларни инобатга олган ҳолда, экспертиза сув омборини лойиҳалаш, қуриш ҳамда эксплуатация қилиш жараёнидаги қайд этилган хато ва камчиликлар, сув омбори қурилиши 2-босқичи давлат комиссияси томонидан қабул қилинмаган бўлсада, тўла ҳажмда сув тўпланганлиги якка тартибда ёки уларнинг мажмуи тўғон ўпирилишига сабаб бўлганлиги ҳақида хулосага келган.

Ҳозирги вақтда тергов органи томонидан тўғон қурилиши, эксплуатация қилиниши, давлат комиссияси томонидан қабул қилинган ҳажмда сув тўпланиши жараёнларида йўл қўйилган қонун бузилиши ҳолатларига дахлдор 9 нафар шахс, жумладан буюртмачи "Сирдарё сув қурилиш инвест" ДУК, лойиҳачи "UzGip" МЧЖ, бош пудратчи – "Ўзтемирйўлқурилишмонтаж" УК, пудратчи ташкилот "Резаксой сув қурилиш" УК, "Тўпаланг Шеробод" ШК, Сув хўжалиги вазирлиги, Эксплуатация дирекцияси мансабдор шахсларининг бир гуруҳи Жиноят кодексининг тегишли (167, 205, 207, 209, 258) моддалари билан айбланувчи тариқасида жиноий ишга жалб қилиниб, камоққа олиш эҳтиёт чораси қўлланилган.

Жиноят иши доирасида қурилишга сарфланган бюджет маблағларининг асослилигини текшириш мақсадида ҳужжатли тафтиш ва бажарилган ишлар ҳажмларининг назорат ўлчови тайинланиб, Ўзбекистон Ҳисоб палатаси мутахассислари раҳбарлигида мутасадди идораларнинг малакали мутахассисларидан иборат комиссия томонидан ўлчов ва тафтиш ишлари олиб борилмоқда.

Тергов органи томонидан жиноятнинг сабаблари, унга имкон берган шарт-шароитларни, айбдор шахслар доирасини аниқлаш билан бирга, етказилган зарарнинг қопланишини таъминлашга қаратилган чора – тадбирлар амалга оширилмоқда.

Дастлабки терговни ҳар томонлама ва тўлиқ ўтказилишини таъминлаш мақсадида ҳамда жиноят ишининг мураккаблиги ва катта ҳажмдалигини инобатга олиб, дастлабки тергов муддати Бош прокуратура томонидан 5 ойга узайтирилган.

129
Мавзу:
“Сардоба” тўғони ёрилиши (61)
Флаг Всемирной организации здравоохранения (ВОЗ). Архивное фото

БССТ раҳбари дунё етакчиларини коронавирус тарқалишини бостиришга чақирди

104
(Янгиланган 13:38 11.08.2020)
Бутунжаҳон соғлиқни сақлаш ташкилоти барча етакчиларни ҳаракат қилишга, фуқароларни эса - янги чеклов чораларига амалга қилишга чақирди.

ТОШКЕНТ, 11 авг — Sputnik. Ҳозир дунёда коронавирусга чалинганлар 20 миллионга, қурбонлар эса 750 мингга яқинлашганига қарамай, коронавирусга қарши курашда "умид учқунлари" пайдо бўлди, деб баёнот қилди Бутунжаҳон соғлиқни сақлаш ташкилоти раҳбари Тедрос Гебрейесус.

"Бугун кўпчилигингиз қайғудасиз. Бу дунё учун мураккаб давр. Лекин мен шунга аниқлик киритмоқчиманки: мамлакат, минтақа, шаҳар ёки шаҳарча қаерда жойлашган бўлишидан қатъий назар, куртак ёзаётган умид учқунлари бор, COVID-19 тарқалишини тўхтатишга ҳеч қачон кеч эмас", - дея иқтибос келтиради унинг сўзларидан БССТ матбуот-хизмати.

Гебрейесус коронавирусга қарши курашда коронавирусни дастлабки босқичда олдини ололган Янги Зеландия, Руанда ва Кариб денгизи ҳамда Тинч океанидаги қатор орол-двлатлардан намуна олишга чорлади.

"Янги Зеландия — коронавирусга қарши қандай курашиш кераклиги бўйича дунё намунасидир", — дея қайд этди у.

Бутунжаҳон соғлиқни сақлаш ташкилоти барча етакчиларни ҳаракат қилишга, фуқароларни эса - янги чеклов чораларига амалга қилишга чақирди.

"Менинг даъватим жуда ҳам аниқ: вирусни бостириш, бостириш ва яна бостириш лозим", — дея хотима қилган Гебрейесус.

Сал олдин БССТ раҳбари айни вақтда коронавирусга қарши идеал препарат йўқлиги ва эҳтимол, пайдо бўлмаслиги ҳақида гапирган эди.

БССТ тахминига кўра, коронавирус эпидемияси ҳали "узоқ" давом этиши мумкин.

Куни кеча, Ўзбекистон президенти Шавкат Мирзиёев фуқаролар ҳаёти ва соғлиғи ҳимоясини янада кучайтирган ҳолда, пандемия шароитида яшаш ва ишлашда давом этиш, карантин талабларини босқичма-босқич юмшатиш муҳимлигини таъкидлаганди.

Жонса Хопкинс университети маълумотларига кўра, дунёда коронавирус инфекциясига чалинганлар сони 20 миллиондан ошган. Шулардан 733 мингдан ошиғи қурбон бўлган. Соғайганлар сони 12,2 миллиондан зиёд.

104
Мавзу:
COVID-19 умумжаҳон пандемияси
Российские артиллеристы вышли в финал Армейских игр

Ўзбекистоннинг дунё бўйича ҳарбий қудрати рейтинги эълон қилинди

987
(Янгиланган 11:26 11.08.2020)
Марказий Осиё минтақасида Ўзбекистон ҳарбий қудрат жиҳатдан биринчиликни эгаллаган. Қўшни Қозоғистон 63 позицияда келмоқда.

ТОШКЕНТ, 11 авг - Sputnik. Ҳарбий қудрат бўйича жаҳон рейтингида Ўзбекистон 138та давлат орасида 52-ўринни эгаллади. 

Узбекские военные прибыли в Москву на АрМИ-2020
© Министерство обороны Узбекистана.

Бу ҳақда Global Firepower хабар бермоқда.

Ўзбекистон Сингапурдан кейинги ўринда. Аммо Беларусни ортда қолдирган.

Марказий Осиё минтақасида ҳарбий қудрат жиҳатдан Ўзбекистон етакчи позицияни эгаллаган.

Рейтингда биринчи ўринни - АҚШ, иккинчи поғонани - Россия, учинчи ўринни - Хитой эгаллаган.

Биринчи кучли ўнликка, шунингдек, Ҳиндистон, Япония, Жанубий Корея, Франция, Буюк Британия, Миср ва Бразилия кирган.

Марказий Осиё давлатлари ва Афғонистоннинг рейтингдаги жойлашув ўрни қуйидагича: Қозоғистон - 63 ўрин, Туркманистон - 77 ўрин, Афғонистон - 78 ўрин, Тожикистон - 94 ва Қирғизистон - 98 ўринларни эгаллашган.

987

Баррикада ва шовқинли гранаталар: сайловдан сўнг Минскда тартибсизликлар авж олди

0
(Янгиланган 15:12 11.08.2020)
Президент сайловидан сўнг икки кундан бери Беларусда норозилик намойишлари ўтказилмоқда. Энг катта намойиш Минскда бўлиб ўтди.

Душанба, кунинг иккинчи ярмида беларуслар яна пойтахт кўчаларига чиқишди. Норозилик намойишлари республиканинг барча вилоят марказларида ўтказилди.

Пойтахтнинг Пушкин майдонида намойишчилар ахлат қутилардан баррикаларни қуриб олишди. Намойишчилардан бири полиция томон портловчи қурилмани улоқтиришга ҳаракат қилади, бироқ қурилма унинг қўлида портлаб кетди. Олган жароҳатлардан эркак вафот этди.

Милиция намойишчиларни тарқатиш учун ёруғлик-шовқин гранаталар қўллади. Кўплаб намойишчилар қўлга олинди.

Милиция ички қўшин ва “Альфа” бўлинмаси ёрдами билан намойишчиларни тарқатиб юборди. Айни вақтда коммунал хизматлар кўчаларни тозаламоқда.

Эслатиб ўтамиз, 9 август куни мамлакатда президентлик сайлови бўлиб ўтди. Дастлабки маълумотларга кўра, президент Александр Лукашенко 80,08 фоиз овоз тўплаган. Унинг асосий рақиби Светлана Тихановская 10,09 фоиз овозга эга бўлди.

0
  • © REUTERS / Vasily Fedosenko

    Президент сайловидан сўнг норозилик намойишлари.

  • © AP Photo / Sergei Grits

    Президент сайловидан сўнг норозилик намойишлари.

  • © AFP 2018 / Sergei Gapon

    Жароҳатланган намойишчи

  • © REUTERS / Vasily Fedosenko

    Минск полицияси намойиш вақтида.

  • © AFP 2018 / Sergei Gapon

    Минск кўчаларидаги тартибсизликлар.

  • © Sputnik / Viktor Tolochko

    Минск кўчаларидан бирида намойишчилар

  • © AP Photo / Sergei Grits

    Президент сайловидан сўнг намойишлар.

  • © REUTERS / Vasily Fedosenko

    Президент сайловидан сўнг намойишлар.

  • © Sputnik / Viktor Tolochko

    Минскда ҳуқуқ тартибот орган ходимлари.

  • © Sputnik / Viktor Tolochko

    Минскда намойишчи.

  • © REUTERS / Vasily Fedosenko

    Президент сайловидан сўнг Минскда норозилик намойишлари ўтказилмоқда.

  • © REUTERS / Vasily Fedosenko

    Минскда ўтган тунда намойиш ва тартибсизликлар давом этди.

  • © REUTERS / Vasily Fedosenko

    Намойишга чиққан аёл