Школьные дневники

Ўзбекистондаги мингдан зиёд мактаблар қоғоз кундаликдан воз кечмоқда

191
(Янгиланган 12:29 12.08.2020)
Халқ таълими вазирлиги 2020-2021 ўқув йили бошланишидан олдин Тошкентдаги барча ҳамда вилоятлардаги мингга яқин мактаб ўқувчиларнинг ота-оналарига қоғоз кундалик харид қилиш ўрнига, унинг электрон муқобили Kundalik.com'га обуна бўлиш зарурлигини маълум қилмоқда

ТОШКЕНТ, 12 авг - Sputnik. Янги ўқув йилидан бошлаб Ўзбекистоннинг 1200та мактабида қоғоз кундаликлар ва журналлар бекор қилинади, деб хабар бермоқда Халқ таълими вазирлиги матбуот-хизмати.

"Бу бир томондан ўқитувчиларни қоғоз журналларни тўлдириш ва ҳисоботларни қўлда ёзишга кетадиган вақтларини иқтисод қилиш билан бирга ота-оналар ва мактаб орасида электрон ҳамкорликни янада юқори даражага кўтаришга хизмат қилади. Электрон кундалик сизларга онлайн режимда мактабдаги барча воқеалар ва фарзандингизнинг баҳоларидан хабардор бўлиш, синф раҳбарлари ва бошқа ўқитувчилар билан алоқани ушлаб туриш ҳамда болага таълим жараёнидаги қийинчиликларни енгиб ўтишига ўз вақтида ёрдам бериш имконини яратади", - деб қўшимча қилинган вазирлик расмий баёнотида.

Kundalik.com TAS-IX зонасида жойлашган бўлиб, платформа билан ишлаганда барча операторлар, жумладан мобил операторлар томонидан интернет-трафик сарфланмайди.

Фойдаланувчилар ҳақидаги ҳамма маълумотлар "Ўзбектелеком" серверларида сақланади.

Таъкидланишича, ушбу тизимга тўлиқ ўтиш орқали, ота-оналар синф раҳбари билан Телеграм ва бошқа мессенжерлар орқали боғланишига хожат қолмайди, натижада унга кетаётган трафик ҳам иқтисод қилинади ва Телеграм орқали шахсий маълумотларни тарқаб кетиши олди олинади.

Халқ таълими вазирлиги 2020-2021 ўқув йили бошланишидан олдин Тошкентдаги барча ҳамда вилоятлардаги мингга яқин мактаб ўқувчиларнинг ота-оналарига қоғоз кундалик харид қилиш ўрнига унинг электрон муқобили Kundalik.com'га обуна бўлиш зарурлигини маълум қилади.

Электрон Кундалик жорий этилаётган Республиканинг қолган ҳудудларидаги мактаблардаги ота-оналарга мактаб маъмурияти томонидан бу ҳақда эълон қилинади.

Kundalik.com'га обуна бўлиш баҳоси қоғоз кундаликнинг ўртача баҳосига тенг (бир йилга 10 минг сўм). Дастлабки ой давомида ота-оналар тизимдан синов тариқасида фойдаланиш имконияти мавжуд.

191

Шойгунинг қизи Россия триатлон федерацияси президенти этиб сайланди

54
Спор ҳамжамияти орасида Ксения Шойгу оммавий спорт тадбирларини ўтказадиган ташкилот раҳбари сифатида танилган

ТОШКЕНТ, 5 дек — Sputnik. РФ Мудофаа вазири Сергей Шойгунинг қизи — Ксения Шойгу — Россия Триатлон федерациясининг янги президенти лавозимини эгаллади, бу ҳақда терма жамоа мутахассиси Мария Шорей РИА Новостига маълум қилган.

Федерация раҳбарлигига сайловлар шанба куни ҳисобот-сайлов анжуманида бўлиб ўтган.

Ташкилотнинг аввалги раҳбари Петр Иванов Бутунроссия енгил атлетика федерацияси раҳбари этиб сайланган.

Спор ҳамжамияти орасида Ксения Шойгу оммавий спорт тадбирларини ўтказадиган ташкилот раҳбари сифатида танилган.

54
Танзила Нарбаева

Норбоева блогерлар унинг "жинсий тарбия" ҳақидаги гапини нотўғри тушунишганини айтди

45
Олий Мажлис Сенати раиси, гендер тенглик комиссияси раҳбари Танзила Норбоева мамлакатимизда жинсий тарбияни жорий қилиш таклифини илгари сурганда уни журналист ва блогерлар нотўғри тушинишганини айтди.

ТОШКЕНТ, 5 дек - Sputnik. Олий Мажлис Сенати раиси, гендер тенглик комиссияси раҳбари Танзила Норбоева блогерлар ва журналистлар унинг жинсий тарбия ҳақидаги гапларини мутлақо нотўғри тушинишганини айтди.

Норбоева бу ҳақда одам савдоси ва мажбурий меҳнатга қарши курашишга бағишланган йиғилишда гапирди.

"Ажримларнинг 15 фоизи бепуштлик оқибатида бўляпти. Бу ерда нафақат аёлларнинг, балки эркакларнинг ҳам бепуштлиги бор. Шунинг учун мен жинсий тарбия ҳақида гапирганимда блогерлар ва журналистлар мутлақо нотўғри тушинишди. Мен жинсий тарбия деганимда айнан ёш қизларимизни ҳам гинекологга олиб бориб текширтириш, ўғил болаларни ҳам урологга олиб бориб текширтириш кераклигини айтдим. Шунда шамоллаш асоратларининг олдини олиш мумкин", – деб айтган Сенат раиси. Норбоева сщзларида "Газета.уз" иқтибос келтирмоқда.

Шунингдек, Норбоева одамлар ажрим кўпайишида маҳалла ва оилани қўллаб-қувватлаш вазирлиги ва ИИВни айбдор қилишаётганини айтди. Лекин айблаш эмас балки сабабларни бартараф қилиш кераклиги таъкидланди.

45