Авиакомпания Jetex

БААнинг Jetex компанияси Ўзбекистон авиация бозорига кириш тараддудида

137
Компания вакиллари йўловчиларга юқори даражадаги хизмат кўрсатишни таъминлайдиган мазкур лойиҳанинг муваффақиятли амалга оширилиши Тошкент халқаро аэропорти нуфузи ва жозибадорлигини оширишини алоҳида қайд этиб ўтган.

ТОШКЕНТ, 25 авг - Sputnik. Транспорт вазири ўринбосари Жасурбек Чориев Бирлашган Араб Амирликларининг Jetex компанияси вакиллари билан видеоконференцалоқа шаклида музокаралар ўтказди. Бу ҳақда Транспорт вазирлигининг ахборот хизмати хабар берган.

Мулоқотда Jetex компанияси Ислом Каримов номидаги Тошкент халқаро аэропортида FBO шаклида давлат хусусий шерикчилиги асосида VIP ва CIP мижозларга хизмат кўрсатишни ташкил этиш бўйича инвестицион лойиҳани амалга оширишга қизиқиш билдираётгани маълум қилинган.

Хабарга кўра, Jetex компанияси мазкур лойиҳа доирасида ўз маблағлари ҳисобидан Тошкент халқаро аэропорти инфратузилмасини янада ривожлантириш мақсадида йўловчилар ва бизнес авиацияга хизмат кўрсатувчи янги махсус терминал ва ангар қуришни режалаштирмоқда.

Компания вакиллари йўловчиларга юқори даражадаги хизмат кўрсатишни таъминлайдиган мазкур лойиҳанинг муваффақиятли амалга оширилиши Тошкент халқаро аэропорти нуфузи ва жозибадорлигини оширишини алоҳида қайд этиб ўтган.

Jetex компанияси 2005 йилда ташкил этилган бўлиб, 5 қитъада 30 та бизнес бирлашмани ўз ичига олган глобал тармоққа эга. Шунингдек, Jetex Яқин Шарқ, Туркия ва Покистонда HondaJet компаниясининг расмий дилери ҳисобланади.

FBO (Fixed Base Operator) — аэропортларда ҳаво кемалари ва йўловчиларга комплекс сервис хизматлари кўрсатувчи, хусусан, ҳаво кемаларига ёқилғи қуйиш, тўхташ жойи, ангарда сақлаш, техник ва таъмирлаш хизматларини кўрсатиш, ҳаво кемаларини ижарага бериш, чартерларни сотиш, такси ва яна бошқа кўплаб хизмат турларини кўрсатувчи ташкилот.

137
Пассажиры в аэропорту Домодедово имени М. В. Ломоносова

Uzbekistan Airways Қозоғистонга бораётганларга муҳим эслатма билан чиқди

464
ПЦР усули билан COVID-19га манфий натижали маълумотномани олиш учун, Ўзбекистонда парвоздан камида 4 кун олдин тиббиёт муассасасига мурожаат қилиниши тавсия этилади.

ТОШКЕНТ, 19 сен - Sputnik. Uzbekistan Airways Қозоғистонга боришни режалаштираётган фуқароларга муҳим эслатма билан чиқди.

Таъкидланишича, Қозоғистон Республикасига кетаётган Ўзбекистон фуқароларига қўйилган янгиланган талаблар 19-сентябрдан киритилади.

Аэропортда парвозга рўйхатдан ўтиш вақтида баҳсли вазиятларнинг олдини олиш мақсадида, ПЦР усули билан COVID-19га манфий натижали маълумотномани олиш учун, Ўзбекистон Республикасининг тиббиёт муассасаларига вақтида (парвоздан камида 4 кун олдин) мурожаат қилиниши тавсия этилади.

Маълумотнома инглиз ёки рус тилларида бўлиши лозимлиги белгиланган.

Ақтау ва Урганч ўртасида парвозларни йўлга қўйиш муҳокама қилинди >>>

Эслатиб ўтамиз, Ўзбекистон ва Қозоғистон 11 сентябрдан мунтазам парвозларни расман қайта тиклаган эди.

464

Ўзбекистонда коронавирусдан соғайиш кўрсаткичи пастлади

735
(Янгиланган 10:41 19.09.2020)
Янги касалланиш ҳолатларининг 158 нафари Тошкент шаҳрида аниқланган. Қурбонлар сони 423 нафарга етди

ТОШКЕНТ, 19 сен - Sputnik. Ўзбекистонда соат 10.00 ҳолатига кўра коронавирус инфекцияси қайд этилганлар сони 50 634 нафарни ташкил қилмоқда, деб хабар қилди Соғлиқни сақлаш вазирлиги матбуот-хизмати.

Янги касалланиш ҳолатларининг 158 нафари Тошкент шаҳрида аниқланган.

Шунингдек, Андижон вилоятида -21, Хоразм вилоятида - 16, Жиззах вилоятида - 15, Тошкент вилоятида - 13, Самарқанд вилоятида -10, Қашқадарё вилоятида - 8, Сурхондарё вилоятида - 7, Қорақалпоғистон Республикасида - 5 ҳамда Фарғона вилоятида 3 нафар коронавирусга чалиниш ҳолатлари қайд этилган.

Ўртачирчиқ туманида 60 ёшли аёл ҳамда Юнусобод туманида 63 ёшли аёл коронавирус оқибатида вафот этишган. Қурбонлар сони 423 нафарга етди.

Айни пайтда Ўзбекистонда 46 645 (92 фоиз) коронавирус инфекциясига чалинган фуқаролар соғайган.

735
Президент США Дональд Трамп в Овальном кабинете Белого дома

Дональд Трампга заҳарли модда жўнатишда гумон қилинган шахс қўлга олинди

5
Аввалроқ CNN телеканали ўз манбасига таянган ҳолда Америка етакчисига заҳарли модда солинган мактуб жўнатилгани ҳақида хабар тарқатган эди.

ТОШКЕНТ, 21 сен — Sputnik. Канада ва АҚШ чегарасида АҚШ президенти Дональд Трампга рицин заҳарли моддаси солинган мактуб жўнатишда гумон қилинган шахс ушланди. Бу ҳақда NBC телеканали манбасига таянган ҳолда хабар бермоқда.

Аввалроқ мактуб Канададан жўнатилгани маълум қилинган эди.   

CNN телеканали, ўз навбатида, АҚШга киришга уринган ва заҳар жўнатишда гумон қилинишда аёл киши қўлга олинганини хабар қилмоқда. Аниқлик киритилишича, у қуролланган бўлган.

Бошқа тафсилотлар очиқланмаган.

19 сентябрь куни CNN телеканали ўз манбаларига таянган ҳолда Америка етакчисига заҳарли модда солинган мактуб жўнатилгани ҳақида хабар тарқатган эди.

Мактуб ичида ўта хавфли рицин моддаси бўлган. Кейинроқ ФҚБ заҳарли жўнатма ушлаб қолинганини тасдиқлаган.   

5
Теглар:
Дональд Трамп, АҚШ