Сотрудница лаборатории проводит испытания вакцины от COVID-19 в центре эпидемиологии и микробиологии имени Н. Ф. Гамалеи.

Россиянинг коронавирусга қарши вакцинасини 27та давлат харид қилишни истаяпти

740
Владимир Путин, ўз навбатида, Беларус Россия вакцинасини оладиган биринчи мамлакатлардан бири бўлишини маълум қилган.

ТОШКЕНТ, 26 авг — Sputnik. Россиянинг коронавирусга қарши "Спутник V" вакцинасига 27та давлат қизиқиш билдирмоқда, деб хабар қилди бош вазир ўринбосари Татьяна Голикова президент йиғилишида.

Гамалея номидаги марказда ишлаб чиқарилган препаратни, хусусан, Беларус, Озарбайжон, Бразилия, Венесуэла ва Қозоғистон харид қилиш истагини билдирган.

Вакцина ишлаб чиқарилиши учун учта саноат майдонлари танлаб олинган.

Владимир Путин, ўз навбатида, Беларус Россия вакцинасини оладиган биринчи мамлакатлардан бири бўлишини маълум қилган.

"Биз Александр Григорьевич (Лукашенко. — таҳр.) билан буни муҳокама қилдик ва Беларус қўшимча тестдан ўтказиш бўйича якунловчи босқичга қўшилиши борасида келишувга эришдик, — деб қўшимча қилди у.

Давлат раҳбари Голиковадан ушбу ишни охирига етказишни сўради.

Бош вазир ўринбосари, Россияда, биринчи навбатда тиббиёт ва ижтимоий соҳа ходимлари, педагоглар ҳамда ташкиллаштирилган коллективларда меҳнат қилаётган бошқа ходимлар эмланишини айтди.

Шунингдек, Голикова, "Вектор" маркази ишлаб чиқараётган бошқа вакцина ҳақида ҳам маълумот берди.

"Фикримизча, у сентябр охирида - октябр ойи бошида рўйхатдан ўтказилади. <...> Бу пептид антигенлар асосидаги вакцина, у "ЭпиВакКорона" номини олган, — дея таъкидлади Голикова.

Клиник тадқиқотларнинг биринчи ва иккинчи босқичи натижалари бўйича кўнгиллиларда оғирлашиш ҳолатлари кузатилмаган.

Бош вазир ўринбосари сўзларига кўра, Россияда коронавирус ҳолати барқарорлашуви бўйича турғун тенденция кузатилмоқда. Март ойидан бошлаб вирусни юқтириш ҳолатлари 54 маротаба пасайган.

"Спутник V"

Куни кеча Гамалея номидаги марказга вакцина рўйхатга олинганидан кейинги синовлар учун рухсатнома берилди. Муассаса директори Александр Гинцбург РИА Новостига берган интервьюсида, 3 сентябрга қадар марказ вакцинани тиббиёт муассасаларига етказишини, 4-5 санадан эса кўнгиллиларни эмлашни бошлашлари мумкинлигини айтди. Препаратнинг фуқаролик айланмаси сентябрнинг иккинчи ярмига режалаштирилган.

Россияда ишлаб чиқарилган коронавирусга қарши вакцина дунёда биринчи бўлиб рўйхатга олинди. Мутахассислар "Спутник V"ни Россия тўғридан-тўғри инвестициялари фонди ёрдамида тайёрлаганлар. Экспертларнинг таъкидига кўра, клиник синовлар вақтида барча кўнгиллиларда юқори миқдорда антитаначалар ишлаб чиқилган, жиддий оғирлашиш ҳолатлари ҳеч кимда кузатилмаган.

740
Мавзу:
COVID-19 умумжаҳон пандемияси (1301)
Каннабис в Узбекистане: будет ли легализован медицинский препарат

Ўзбекистонда техник каннабис етиштириш учун тўланадиган бож миқдори тасдиқланди

180
(Янгиланган 20:17 05.12.2020)
Эслатиб ўтамиз, илгарироқ Қишлоқ хўжалиги вазирлиги техник каннабис иқтисодий ва экологик жиҳатдан Ўзбекистон иқлимига мос ўсимлик ҳисобланиб, унинг ўзига хос жиҳатлари мавжудлиги борасида маълумот берган эди.

ТОШКЕНТ, 5 дек - Sputnik. Техник каннабис етиштириш билан шуғулланиш учун тўланадиган бож миқдори тасдиқланди, деб хабар бермоқда Қишлоқ хўжалиги вазирлиги ахборот хизмати.

Ўсимликни етиштириш учун 3000 та базавий ҳисоблаш миқдори (БҲМ), импорт (экспорт), қайта ишлаш, сақлаш, сотиш (чиқариш), сотиб олиш ва ташиш учун - буларнинг ҳар бири учун 200 БҲМ (тахминан 44,6 миллион сўм)дан тўғри келади.

Ушбу турдаги фаолият билан шуғулланиш учун лицензиялар олиш мақсадидаги божлар миқдори 2020 йил 3 декабрдаги ЎРҚ-653-сонли "Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги Қонунининг 17-моддасида кўрсатилган.

Лицензиялар Ўзбекистон Республикаси Қишлоқ хўжалиги вазирлиги томонидан берилади.

Эслатиб ўтамиз, илгарироқ Қишлоқ хўжалиги вазирлиги техник каннабис иқтисодий ва экологик жиҳатдан Ўзбекистон иқлимига мос ўсимлик ҳисобланиб, унинг ўзига хос жиҳатлари мавжудлиги борасида маълумот берган эди.

Жумладан, вазирлик изоҳига кўра:

- каннабис энг тез ўсувчи экинлардан бири бўлиб, пахта билан солиштирганда, 1 гектардан 4 баробар кўп целлюлоз олинади;

- ўсимликка қишлоқ хўжалиги кимёвий препаратларини нисбатан камроқ ишлатилади ҳамда сувни анча кам талаб қилади;

- атроф-муҳитни ифлосланишлардан тозалаш имконини беради;

- айланмадан чиқиб қолган ерларни тиклаш учун тупроқдан кадимий ва бошқа заҳарли моддаларни чиқариб олишда ниҳоятда фойдали;

- 110 кун ичида ўсимлик 2-3 метрга етади ва бу бир мавсумда бир нечта ҳосил олиш имконини беради;

- жаҳонда 40 дан ортиқ давлатларда техник каннабисдан саноат мақсадларида фойдаланиб келинмоқда.

180
Контрольно-пропускной пункт  на границе c Кыргызстаном

Қирғизистон ўз чегарасини барча давлатлар фуқаролари учун очди

225
(Янгиланган 17:35 05.12.2020)
Сал аввал республикага 33та давлат фуқароларигагина киришга рухсат берилган эди. Айни вақтда барча таъқиқлар олиб ташланганлиги маълум қилинмоқда

ТОШКЕНТ, 5 дек - Sputnik. Қирғизистон ҳукумати "Манас", "Ўш", "Иссиқ-Кўл" халқаро аэропортлари орқали кириб келаётган чет эл фуқаролари ва фуқаролиги бўлмаган шахсларни ўтказиш тўғрисида қарорни қабул қилди. Бу ҳақда мамлакат ташқи ишлар вазирлиги хабар бермоқда.

Сал аввал мамлакатга 33та давлат фуқаролари кириши мумкинлиги айтилган эди. Ҳозирда барча чекловлар олиб ташлангани маълум қилинмоқда.

"2020 йилнинг 4 декабридан бошлаб чет эл фуқаролари ва фуқаролиги бўлмаган шахслар Қирғизистон Республикасига авиа-ташувлар орқали қонунчиликда ўрнатилган тартибда кириб келишлари мумкин", - дейилади вазирлик релизида.

Идора хабарига кўра, чет эл фуқаролари ва фуқаролиги бўлмаган шахслар COVID-19 йўқлиги ҳақидаги ПЦР-таҳлил натижаларини тақдим этган тақдирдагина самолёт бортига чиқарилишини эслатиб ўтган. Ушбу маълумот парвоз олдидан охирги 72 соат вақт давомида олинган бўлиши керак.

Бундан ташқари, 2021 йилга режалаштирилган президентлик ва Жўқорғи Кенгес депутатлари сайловларига халқаро кузатувчиларни қабул қилишни таъминлаш мақсадида ҳукумат Ташқи ишлар вазирлиги ва бошқа ваколатли давлат органларининг таклифига биноан Қирғизистонга кузатувчи сифатида борадиган чет элликларга рухсат беришга қарор қилган.

225