Россиянинг коронавирусга қарши вакцинаси иштирокчиларига тавсиялар эълон қилинди

418
Кўнгиллилар шунингдек, эмланишдан уч кун олдин алкогол маҳсулотларини истеъмол қилишдан воз кечганлари маъқул, тадқиқот давомида эса уларга спиртли ичимликларни меъёрдан ортиқ даражада истеъмол қилишдан сақланиш тавсия этилади.

ТОШКЕНТ, 16 сен — Sputnik. "Спутник V" вакцинасининг рўйхатдан олингандан кейинги тадқиқотларида иштирок этаётган аёллар ҳомиладор бўлиш тавсия этилмайди, бундан ташқари, барча кўнгиллилар алкогол маҳсулотларидан воз кечмоқлари лозим, дейилади клиник тадқиқотлар протоколида. Бу ҳақда РИА Новости хабар бермоқда.

"Агар сиз тадқиқотларда иштирок этишга қарор қилган бўлсангиз, у ҳолда, у ўтказилаётган вақтда ҳомиладор бўлиш, болани кўкрак сути билан эмизиш, шунингдек, эмлаб бўлингандан сўнг уч ой давомида тухумҳужайраси донори бўлиш тавсия этилмайди", - дея аниқлик киритилади ҳужжатда.

Ҳомиладор бўлганлар ўша пайтнинг ўзидаёқ вакцинациядан четлатилади ва кузатув остига олинади.

Ўз навбатида, эркакларга аёлни ҳомиладор қилишдан сақланиш ва вакцинация жараёни якунланганидан сўнг уч ой вақтгача сунъий уруғлантириш учун сперма топширмаслик тавсия этилади.

Кўнгиллилар шунингдек, эмланишдан уч кун олдин алкогол маҳсулотларини истеъмол қилишдан воз кечганлари маъқул, тадқиқот давомида эса - спиртли ичимликларни меъёрдан ортиқ даражада истеъмол қилишдан сақланиш тавсия этилади.

Чекувчилардан кунига ўн дона сигарет билан чекланиш сўралмоқда.

Прививка оч қоринга амалга оширилади, иштирокчилар саломатлик электрон кундалигини тутишлари керак бўлади. Кундаликка маълумотлар камида ўн беш марта киритилган бўлиши шарт.

Эслатиб ўтамиз, август ойи бошида Россия соғлиқни сақлаш вазирлиги Россия тўғридан тўғри инвестициялар фонди кўмагида Гамалея номидаги марказ мутахассислари томонидан ишлаб чиқарилган COVID-19 га қарши дунёдаги биринчи вакцинани рўйхатдан ўтказган эди. Препарат "Спутник-V" номини олди.

Ўтган ҳафтада вакцина фуқаролик оборотига киритилди, шунингдек, бир вақтнинг ўзида 30 минг кўнгиллиларни ўз ичига олган учинчи клиник тадқиқотлар фазаси бошланди. РФ Соғлиқни сақлаш вазирлиги таъкидига кўра, оммавий эмлаш ишлари ишлаб чиқариш ҳажми кўпайиши ҳамда рўйхатдан олингандан кейинги тадқиқотлар бўйича маълумотлар ортиб бориши билан бошланади.

418
Мавзу:
COVID-19 умумжаҳон пандемияси (1149)
Самолет Airbus-320. Архивное фото

Япония дунёнинг турли давлатларидан Ўзбекистонга VIP чартер рейсларни ташкил қилмоқчи

135
JAL Business Aviation авиакомпанияси вакиллари Ўзбекистон бозорига қизиқиш билдириб, Ўзбекистон ва Япония ўртасида туристик оқимни ошириш орқали ҳамкорликни ташкил қилишни таклиф қилди.

ТОШКЕНТ, 18 сен - Sputnik. Туризмни ривожлантириш давлат қўмитасида Япониянинг Marubeni компаниясининг Ўзбекистандаги ваколатхонаси раҳбари Нагахито Миёси билан учрашув ўтказилди, деб хабар бермоқда Туризм қўмитаси матбуот-хизмати.

Учрашувда томонлар Marubeni ва Japan Airlines (JAL) компанияларига тегишли JAL Business Aviation авиакомпанияси томонидан Ўзбекистонга Европа ва дунёнинг бошқа мамлакатларидан чартер, жумладан VIP чартер рейсларини ташкил қилиш ва уларни сонини кўпайтириш масалаларини муҳокама қилишди.

Авиакомпания вакиллари Ўзбекистон бозорига қизиқиш билдириб, Ўзбекистон ва Япония ўртасида туристик оқимни ошириш орқали ҳамкорликни ташкил қилишни таклиф қилди.

Мазкур масала юзасидан Қўмита раиси ўринбосари Улуғбек Азамов ва авиакомпания вакиллари маҳаллий туроператорлар билан учрашув ташкил қилишга келишишди.

Учрашувда авиа-компанинянинг Лондондаги офиси ҳамкорлигида Европа мамлакатларидан Ўзбекистонга чартер рейсларини йўлга қўйиш таклифи кўтарилиб, ушбу ташаббус Япониялик ҳамкорлар томонидан маъқулланди ва пандемия билан боғлиқ вазият барқарорлашиши билан эришилган келишувлар юзасидан тез орада ташкилий ишларни амалга оширилиши билдирилди.

Маълумот учун, Marubeni Япониянинг 5 та энг йилик турли хил фаолият билан шуғулланувчи компанияларидан бири ҳисобданади. Японияда 30 та бўлим ва дунёнинг 79 мамлакатида 158 та офиси мавжуд. Japan Airlines (JAL) компанияси Осиёнинг энг йирик авиакомпанияларидан биридир. Компания дунё бўйича 120 дан ортиқ аэропортларда доимий ички ва халқаро ташишларни амалга оширади. JAL Business Aviation компанияси премиум тоифадаги мижозларга хизмат кўрсатишга ихтисослашган авиакомпания ҳисобланади.

135

Ўзбекистон мактабларда таътиллар жадвали ўзгариши мумкинми - тафсилотлар

104
озирча таътил кунларига ўзгартириш киритиш режалаштирилмаган, таътил кунларининг ўзгариши зарурияти юзага келганда Республика махсус комиссияси қарори билан амалга оширилади ва бу ҳақда кенг жамоатчилик хабардор қилинади.

ТОШКЕНТ, 18 сен - Sputnik. Амалдаги тартибга кўра ўқув йили 2 сентябрдан 25 майга қадар давом этади. Ўқув йил 34 хафтадан иборат 4 та чоракка бўлинади, ҳар бир чорак оралиғида таътиллар белгиланган.

Вазирлар Маҳкамасининг 2017 йилда тегишли қарори билан тасдиқланган Низомга мувофиқ, таътил кунлари қуйидагича белгиланган:

кузги таътил- 4 ноябрдан бошлаб 6 календарь кун;

қишқи таътил- 28 декабрдан бошлаб 14 календарь кун;

баҳорги таътил - 21 мартдан бошлаб 7 календарь кун;

ёзги таътил - 26 майдан- 1 сентябрга қадар давом этади.

1-синф ўқувчилари учун эса февраль ойи давомида қўшимча бир ҳафталик таътил белгиланади.

Маълумки, пандемия шароитида ўқув йили 14 сентябрдан бошланди. Ҳозирча таътил кунларига ўзгартириш киритиш режалаштирилмаган, таътил кунларининг ўзгариши зарурияти юзага келганда Республика махсус комиссияси қарори билан амалга оширилади ва бу ҳақда кенг жамоатчилик хабардор қилинади.

104
Узбекские милиционеры рядом с патрульной машиной

Қашқадарёда мактаб директори ўз жонига қасд қилди. У вафотидан олдин хат ёзиб қолдирган

207
Шунингдек, маълумотларга кўра, текширишда марҳумнинг яқин қариндошлари мурдани суд-тиббиёт экспертизаси кўригидан ўтказмаслик мақсадида юрак ҳуружидан вафот этгани важи билан жасадни кўмиб юборишганлиги аниқланган

ТОШКЕНТ, 18 сен - Sputnik. Бош прокуратура матбуот-хизмати ижтимоий тармоқларда тарқалган Қашқадарё вилоятида мактаб директори ўз жонига қасд қилганлиги, вафотидан олдин хат ёзиб қолдирганлиги ҳақидаги хабарлар юзасидан расмий баёнот эълон қилди.

Мактубда келтирилишича, директор суиқасд олдидан хат ёзган ва унда барча ҳамкасбларидан коррупцияга йўл қўймасликни ўтиниб сўраган.

"Ҳозирда мазкур ҳолат юзасидан Китоб тумани прокуратураси томонидан терговга қадар текширув ҳаракатлари олиб борилмоқда", - дейилади Бош прокуратура хабарида.

Шунингдек, маълумотларга кўра, текширишда марҳумнинг яқин қариндошлари мурдани суд-тиббиёт экспертизаси кўригидан ўтказмаслик мақсадида юрак ҳуружидан вафот этгани важи билан жасадни кўмиб юборишганлиги аниқланган.

Ҳозирда туман халқ таълими, ички ишлар бўлимлари ҳамда махалла ва оилани қўллаб-қувватлаш маркази туман бўлимининг мутасадди ходимлари ҳаракатлари юзасидан хизмат текширувлари тайинланган.

Текшириш ҳаракатлари давом этмоқда.

207