Амударья

Тожикистон ва Афғонистон Марказий Осиёнинг йирик дарёларини қўриқлайди

721
Тожикистон Афғонистон билан Панж ва Амударё ҳавзасининг тоғ экотизими атроф-муҳитни муҳофаза қилиш бўйича ўзаро англашув меморандумини имзолади.

ТОШКЕНТ, 3 окт — Sputnik. Тожикистон ва Афғонистон ўртасида атроф-муҳитни муҳофаза қилиш тўғрисида меморандум имзоланди, деб хабар бермоқда БМТ Хабарлар хизмати.

Икки мамлакат ўртасидаги янги ҳужжат Панж ва Амударё ҳавзаларининг умумий тоғ экотизимини муҳофаза қилиш бўйича ҳамкорликдаги ишларга асос бўлиб хизмат қилади.

"Битим Афғонистон ва Тожикистонга иқлим ўзгаришига қарши курашиш ва биохилма-хилликни сақлашга қаратилган қарорларни биргаликда қабул қилиш имкониятини беради. Умид қиламизки, келажакда ушбу ҳамкорлик Амударё ҳавзасининг бошқа мамлакатларида ҳам давом этади", деди ЮНЕПнинг офатлар ва можаролар масалалари бўйича дастури раҳбари Гарри Льюис.

Имзоланган битим беш йилга мўлжалланган бўлиб, у бешта асосий масалани ўз ичига олади: иқлим ўзгариши, биохилма-хилликни сақлаш, сув сифатини мониторинг қилиш, атроф-муҳитни баҳолаш ва экотизимларни бошқариш бўйича билим ва тажриба алмашиш.
Таъкидлаш жоизки, мамлакатлар ўртасидаги музокаралар Бирлашган Миллатлар Ташкилотининг Атроф-муҳит дастури (ЮНEП) кўмагида Бирлашган Миллатлар Ташкилотининг Европа Иқтисодий Комиссияси шафелигида ўтказилди.

Хусусан, мамлакатлар қўшма лойиҳаларни экологик баҳолашлари ва атроф-муҳитга трансчегаравий таъсир кўрсатиши мумкин бўлган тақдирда бир-бирларини хабардор қилишлари шарт.

 

721

Марказий Осиё ҳаётсиз чўлга айланиши мумкин - тадқиқот

513
Олимларнинг аниқлашларича, гарчи илгари ушбу минтақа доимо кўкаламзор бўлган, деб ҳисошган бўлсаларда, аммо миллионлаб йиллар олдин Марказий Осиё улкан саҳродан иборат бўлган.

ТОШКЕНТ, 31 окт — Sputnik. Олимлар Марказий Осиё (МО) жонсиз саҳрога айланиши мумкин, дея айтишмоқда, деб ёзади "Популярная механика" нашри.

Олимларнинг аниқлашларича, 34 миллион йил олдин иқлимнинг кескин ўзгариши минтақада экологик фалокатга олиб келган. Бу воқеа минтақанинг биологик хилма-хиллигини бир умрга ўзгартирган. Мўғулистон, Тибет ва Шимоли-Ғарбий Хитой озгина ўсимликлар ўсадиган кенг қурғоқ чўлларга айланган. Бу замин қарийб 20 миллион йил давомида шу ҳолатда бўлган. Тадқиқот муаллифларининг таъкидлашларича, худди шу сценарий тез орада такрорланиши мумкин.

Осиёдаги қазилма чангни ўрганиб чиққан олимлар, миллионлаб йиллар давомида Марказий Осиё саҳродан иборат бўлгани, бу ерда асосан майда кемирувчилар яшаган, деган хулосага келишди.

Илгари бу минтақа деярли ҳар доим ўрмонзор билан қопланган, ва фақат вақт ўтиши билан бу ерда бир нечта чўллар пайдо бўлган, дея ҳисобланар эди. Бироқ, янги тадқиқот муаллифларининг фикрича, минтақанинг ҳозирги ҳолати - бу акс-ҳаракатлар, яъни қурғоқ саҳролар ўсимлик билан қопланиши натижасидир.

Олинган натижалар минтақадаги биохилма-хиллик, қишлоқ хўжалиги ва инсон фаровонлиги келажаги учун жиддий оқибатлар тўғрисида маълумот бермоқда. Ўтмишдаги фактлар шуни кўрсатмоқдаки, агар чўллар кўпайишда давом этса, Марказий Осиё ҳеч қачон илк чўлланишдан олдин мавжуд бўлган ноёб биологик хилма-хиллигини тиклай олмайди", - дея изоҳ беради тадқиқот иши етакчи муаллифи Наташа Барболини.

Ушбу тадқиқотлар Иқлим ўзгариши бўйича ҳукуматлараро кенгашнинг Марказий Осиё тезда сайёрадаги энг иссиқ ва энг қуруқ жойларидан бирига айланиб бораётганлигини кўрсатадиган прогнозларига мос келади, дея таъкидланган "Популярная механика" нашрида.

Тадқиқот ҳаммуаллифи Карина Хорн дейдики, қачонлардир доминантлик қилган айрим ўсимликлар минтақада ҳали ҳам бор, аммо улар жуда камёбдир. Бу шундан далолат берадики, иқлимнинг тезликда ўзгариши популяциянинг ортга қайтмас ўзгаришига олиб келиши мумкинлигига ишора қилади, деб ҳисоблайди аёл.

513
Самолет узбекских авиалиний

Сочидан Тошкентга чартер қатнови амалга оширилади

121
Россия Федерацияси шаҳарларидан Ўзбекистон фуқароларига самолётга ПЗР текширувидан ўтганлиги тўғрисидаги маълумотномани мажбурий равишда тақдим этиш шарти билан рухсат берилади.

ТОШКЕНТ, 31 окт - Sputnik. "Uzbekistan airways" авиакомпанияси 2020-йил 1-ноябрда Сочидан Тошкентга чартер қатнов амалга оширилиши тўғрисида хабар берди.

Россия Федерацияси шаҳарларидан Ўзбекистонга ҳаво қатновига Ўзбекистон Республикаси, Россия Федерацияси, Қозоғистон ва Қирғизистон фуқароларига ПЗР текширувидан ўтганлиги тўғрисидаги маълумотномани (қатнов жўнашидан олдин камида 72 соатдан кўп бўлмаган муддатда амал қилувчи) мажбурий равишда тақдим этиш шарти билан рухсатл берилади.

ПЗР маълумотномасига эга бўлмаган йўловчилар авиакомпаниянинг парвозларига қўйилмайди.

Авиачипталарни авиакомпания веб-сайтидан, шунингдек, "Uzbekistan airways" АЖнинг энг яқин савдо офисларидан ёки минтақангиздаги савдо агентларидан сотиб олиш мумкин.

121