Нобелевская премия

Тинчлик бўйича Нобелни БМТ озиқ-овқат дастури қўлга киритди

149
(Янгиланган 15:20 09.10.2020)
Мукофот дунёда очликка қарши олиб борилаётган кураш учун берилган. Очлик фақатгина ўлдирмайди: одамлар ўлмаган тақдирда ҳам, очлик иммун тизимини заифлаштиради ва инсонни касалликлар олдида ожизга айлантиради, дейилади дастур сайтида.

ТОШКЕНТ, 9 окт - Sputnik. Тинчлик бўйича Нобель мукофотини, 2020 йилда, глобал иқтисодий инқироз даврида БМТ озиқ-овқат дастури қўлга киритди.

Ташкилот сайтида айтилишича, "озиқланиш ниҳоятда муҳим глобал муаммолигича қолмоқда: ҳар йил очликдан ўладиган норасидалар сони ОИТС, малярия, сил касалликлари қурбонлари йиғиндисига қараганда анча кўпдир".

Дастур иштирокчиларига кўра, сўнгги йилларда дунёнинг ҳар бир бурчагида озиқланиш масаласига жуда катта эътибор қаратилмоқда. Айниқса, The Lancet тиббиёт журналида 2008 ва 2013 йилларда оналар ва болалар озиқланиши масалалари бўйича туркум мақолалар эълон қилиниб, уларда тўйиб овқатланмасликнинг улкан тиббий ва иқтисодий оқибатлари кўрсатиб ўтилганидан сўнг ушбу масаланинг аҳамияти янада ортган эди.

Очлик фақатгина ўлдирмайди: одамлар ўлмаган тақдирда ҳам, очлик иммун тизимини заифлаштиради ва инсонни касалликлар олдида ожизга айлантиради, дейилади дастур сайтида.

"Очлик - бир вақтнинг ўзида қашшоқлик ва нотенглик омилларининг ҳам натижаси ҳам ҳаракатлантирувчи омилидир", - дея таъкидлашади БМТ Бутунжаҳон озиқ-оқат дастури ташкилотчилари.

Дастурнинг мақсади - 2030 йилга бориб тўйиб овқатланмаслик муаммосига ечим топишдир.

Бутунжаҳон озиқ-овқат дастури

Бутунжаҳон озиқ-овқат дастури (World Food Programme (WFP) — оч қолган инсонларни ҳар йили 4 миллион тонна озиқ-овқат маҳсулотлари билан таъминлайдиган дунёдаги энг йирик инсонпарварлик ташкилотидир.

Ташкилот 1963 йилда БМТ тизимида озиқ-овқат кўмаги органи сифатида ташкил этилган. Унинг вазифаси ривожланаётган давлатларда очлик ва камбағалликка қарши курашиб, муҳтожларга ёрдам кўрсатишдан иборат.

Ташкилот озиқ-овқат бўйича ёрдамларини иқтисодий ва ижтимоий ривожланишга ёрдам бериш мақсадларида сарфлайди.

149

Россия ва Франция махфий тарзда дипломатларни чиқариб юборишди

195
Экспертлар Les Echos билан суҳбатда, дипломатларнинг чиқариб юборилгани ҳақидаги факт Россия ва Франция ўртасидаги шундоқ ҳам зиддийлашиб турган муносабатларни мураккаблаштирмаслик учун оммага ошкор қилинмаганлигини тахмин қилишди.

ТОШКЕНТ, 6 мар - Sputnik. Россия ва Франция 2020 йилнинг охирида бир нафардан дипломатни махфий тарзда чиқариб юборишган, деб хабар бермоқда Les Echos.

Нашрнинг ёзишича, Россиянинг Париждаги элчихонаси иқтисодий бўлим ходимини жосусликда гумонлаб, Франциядан чиқариб юборишган. Россия акс жавоб чораларини қўллаган ва Франциянинг Москвадаги элчихонаси иқтисодий бўлим ходимини чиқариб юборган.

Россия ТИВ ва Франциянинг Москвадаги элчихонаси нашрга ушбу хабар юзасидан изоҳ бермаган.

Экспертлар Les Echos билан суҳбатда, дипломатларнинг чиқариб юборилгани ҳақидаги факт Россия ва Франция ўртасидаги шундоқ ҳам зиддийлашиб турган муносабатларни мураккаблаштирмаслик учун оммага ошкор қилинмаганлигини тахмин қилишди.

Сал аввал РФ ТИВ Россияда санкцияланмаган акцияларда иштирок этган Швеция, Польша ва Германия дипломатлари "ушбу мамлакатда бўлиши хуш кўрилмаган" шахслар сифатида эълон қилингани ва яқин вақт ичида мамлакатни тарк этишларини эълон қилган эди.

Бунга жавобан Германия, Польша ва Швеция ташқи ишлар вазирликлари ҳар бир мамлакатда бир нафардан россиялик дипломатларни "персона нон-грата" дея эълон қилишди.

195
Министр иностранных дел Узбекистана Абдулазиз Камилов

Камилов ЕИ делегацияси раҳбарини қабул қилди: қандай масалалар кўриб чиқилди?

168
Суҳбат давомида Ўзбекистон билан Европа Иттифоқи ўртасидаги сиёсий, савдо-иқтисодий, молиявий-техникавий, маданий-гуманитар ва бошқа соҳалардаги ҳамкорликнинг ҳолати ва истиқболлари муҳокама қилинди.

ТОШКЕНТ, 6 мар - Sputnik. Ўзбекистон Ташқи ишлар вазири Aбдулазиз Камилов 5-март куни Европа Иттифоқининг Ўзбекистондаги делегацияси раҳбари этиб тайинланган, элчи Шарлотта Aдрианни қабул қилди. Бу ҳақда ТИВ матбуот-хизмати хабар бермоқда.

Элчи вазирга ишонч ёрлиқлари нусхасини топширди.

Вазир Европа Иттифоқи делегацияси раҳбарини мазкур тайинлов билан табриклади, унга Ўзбекистон ва Евроиттифоқ ўртасидаги дўстона муносабатларни ривожлантириш ва мустаҳкамлашда муваффақиятлар тилади.

Суҳбат давомида Ўзбекистон билан Европа Иттифоқи ўртасидаги сиёсий, савдо-иқтисодий, молиявий-техникавий, маданий-гуманитар ва бошқа соҳалардаги ҳамкорликнинг ҳолати ва истиқболлари муҳокама қилинди.

Томонлар Ўзбекистон ва Евроиттифоқ ўртасида Кенгайтирилган шериклик ва ҳамкорлик тўғрисидаги битим лойиҳаси бўйича музокаралар жараёнини ижобий баҳоладилар.

Бўлажак қўшма тадбирлар, жумладан "Ўзбекистон-Европа Иттифоқи" ҳамкорлик кенгашининг навбатдаги йиғилиши, "Европа Иттифоқи - Марказий Осиё" сиёсат ва хавфсизлик масалалари бўйича юқори даражадаги мулоқотининг навбатдаги даврасини ўтказиш жадвали, кун тартиби ва ташкилий масалалари кўриб чиқилди.

2021-йил март ойининг охирига қадар Ўзбекистонга "GSP+" мақоми берилишига умид билдирилди, бу эса Ўзбекистон ва ЕИ мамлакатлари ўртасидаги савдо-иқтисодий ҳамкорликни оширишга ёрдам беради.

ЕИ билан таълим соҳасида, хусусан, янги "Erasmus" дастури орқали яқин ҳамкорликни кенгайтиришга қизиқиш билдирилди.

Учрашувда умумий кун тартибининг бошқа масалалари ҳам муҳокама қилинди.

168

Европада COVID-19 учинчи тўлқини юз бериши мумкинми видео

0
Европа яна чекловлар киритмоқда: коронавирус учинчи тўлқини яқинлашмоқда. Нега унинг олдини олишга муваффақ бўлинмади? Жавоб Sputnik ролигида.

Греция Соғлиқни сақлаш вазирлиги раҳбари "қизил" зоналарни "тўқ қизил" зоналар, деб номлади, бир вақтнинг ўзида Латвия ССВ раҳбари "ташвиш тугмасини босиш" вақти келганини айтди.

Нега европа вакциналари қутқармаяпти? AstraZeneca қандай қилиб испания мактаблари ва ёнғин хавфсизлиги хизматлари фаолиятини ишдан чиқарди? Ва нима учун Россия препаратлари бехато ишламоқда? Шу ва бошқа саволларга жавоблар - бизнинг видеомизда.

0