Мужчина в наручниках

Ўзбекистонда тўққиз ой давомида 647 нафар мансабдор жиноий жавобгарликка тортилган

161
Жиноий жавобгарликка тортилган шахсларнинг 4 нафари республика миқёсидаги, 15 нафари вилоят миқёсидаги 626 нафар шаҳар-туман миқёсидаги амалдорлардир. Тўққиз ой давомида коррупцион жиноятлар оқибатида 200 миллиард сўмдан кўп зарар етказилган.

ТОШКЕНТ, 19 ноя - Sputnik. 2020 йилнинг 9 ойи давомида ҳуқуқни муҳофаза қилувчи органлар томонидан 838 та коррупция ҳолатлари юзасидан жиноят ишлари қўзғатилган. Шундан судларга юборилган 454та жиноят ишлари бўйича 647 та мансабдор шахс жиноий жавобгарликка тортилган.

Бу ҳақда Коррупцияга қарши курашиш агентлиги маълум қилмоқда.

2020 йилнинг 9 ойи давомида аниқланган коррупцион ҳуқуқбузарликлар содир этган мансабдор шахсларнинг энг катта қисми, яъни 261 нафар шахс (40,3%) ни ЖК нинг 167-моддаси(Ўзлаштириш ёки растрата йўли билан талон-торож қилиш)да кўрсатилган жиноятларни содир этган мансабдор шахслар ташкил қилган.

Шунингдек, ЖК нинг 168-моддаси(Фирибгарлик) билан 116 нафар шахс,  184-моддаси(Бюджет ва смета-штат интизомини бузиш) билан 68 нафар шахс, 210-моддаси билан 56 нафар шахс, 205-моддаси билан 24 нафар шахс, 206-моддаси билан 9 нафар шахс, 207-моддаси билан 15 нафар шахс, 209-моддаси билан 7 нафар шахс жиноий жавобгарликка тортилган.

Жиноий жавобгарликка тортилган мансабдор шахсларнинг 4 нафари республика миқёсидаги, 15 нафари вилоят миқёсидаги 626 нафар шаҳар-туман миқёсидаги мансабдор шахсларни ташкил қилади.

Жиноий жавобгарликка тортилган мансабдор шахслар фаолият юритган соҳалар кесими бўйича таҳлил натижалари кўра, 7 нафар ҳоким ўринбосарлари, 1 нафар прокуратура, 1 нафар Иқтисодий жиноятларга қарши курашиш департаменти, 13 нафар Мажбурий ижро бюроси, 1 нафар адлия, 59 нафар ИИВ ходими, 6 нафар ДСҚ ходими, 1 нафар божхона, 2 нафар Миллий гвардия, 3 нафар Мудофаа вазирлиги, 57 нафар соғлиқни сақлаш вазирлиги,  8 нафар бандлик ва меҳнат муносабатлари вазирлиги, 15 нафар Олий ва ўрта махсус таълим вазирлиги, 89 нафар халқ таълими вазирлиги, 36 нафар мактабгача таълим вазирлиги, 34 нафар банк раҳбарлари, 184 нафар уставида давлат улуши мавжуд бўлган хўжалик юритувчи субъектларнинг раҳбарлари жиноий жавобгарликка тортилган.  

2020 йилнинг 9 ойи давомида коррупцион жиноятлар оқибатида 200 339 388 сўмлик моддий зарар етказилган.

161

Ўзбекистон қайси вакцинани харид қилади - ССВ жавоби

185
Бирор мамлакатнинг вакцинаси ижобий кўрсаткичлар қайд этгани илмий исботлансагина, уни харид қилиш, сотиб олинган вакцинани сақлаш ва ташиш билан боғлиқ масалалар тегишли мезонлар асосида кўриб чиқилади, деб таъкидланади хабарда

ТОШКЕНТ, 4 дек - Sputnik. Ўзбекистон 3-босқич клиник синовлари ижобий ўтган вакцинани харид қилади, дея баёнот берди Соғлиқни сақлаш вазирлиги матбуот-хизмати.

Хабарга таъкидланишича, юқумли касалликлар тарқалишининг олдини олиш бўйича энг самарали йўл бу – иммунизация тадбирлари, яъни соғлом инсонларни ушбу касалликка қарши эмлашдир. Дунёда бу йўналишда қатор илмий текшириш институтлари ҳамда фармацевтика корхоналари томонидан коронавирусга қарши вакцина ишлаб чиқариш бўйича илмий тадқиқотлар олиб борилмоқда.

Ҳозирда "COVID-19"га қарши Хитойнинг "Ayhui Zhifei Longcom Biopharmaceutical" компаниясининг вакцинаси ва Россия Федерациянинг "Спутник-V" вакцинасининг 3-босқич клиник тадқиқотлари Ўзбекистонда ўтказилиши режалаштирилмоқда.

Бунда вакциналарнинг хавфсизлик кўрсаткичларини баҳолаш, уларнинг инфекцияни олдини олишдаги самарадорлигини аниқлаш асосий вазифа қилиб белгиланган. Шунингдек, "Sinopharm group" компанияси билан ҳам ушбу йўналишда иш олиб борилмоқда.

"Ижтимоий тармоқларда тарқалган Россия Федерациясида ишлаб чиқарилган вакцинани республикага олиб келиш ва аҳолига етказиш ваколати ягона хусусий ширкатга берилгани ҳақида билдирилган фикр-мулоҳазалар ҳақиқатга зид. Чунки "COVID-19" инфекциясига қарши вакцина харид қилиш ва ундан фойдаланиш масалалари бутун жаҳонда бўлгани каби мамлакатимизда ҳам клиник тадқиқотларнинг 3-босқичи натижаларига кўра белгиланади", - дейилади хабарда.

Бирор мамлакатнинг вакцинаси ижобий кўрсаткичлар қайд этгани илмий исботлансагина, уни харид қилиш, сотиб олинган вакцинани сақлаш ва ташиш билан боғлиқ масалалар тегишли мезонлар асосида кўриб чиқилади.

Бундан ташқари, ҳозирда БМТ билан ҳамкорликда COVAXга аъзо давлатлар қаторида Ўзбекистонга жаҳонда олиб борилаётган клиник тадқиқотлар асосида самараси ижобий баҳоланган коронавирусга қарши вакциналарни етказиб бериш бўйича музокаралар ҳам олиб борилмоқда.

185
Мавзу:
COVID-19 умумжаҳон пандемияси
Мясо на рынке в Ташкенте

Қаршидан Тошкентга олиб келинаётган 351 кило гўшт истеъмолга яроқсиз бўлиб чиқди

105
(Янгиланган 19:59 04.12.2020)
Гўшт лабораторияда текширилиб, истеъмолга учун яроқсиз эканлиги юзасидан хулоса олингач, белгиланган тартибда йўқ қилинди.

ТОШКЕНТ, 4 дек - Sputnik. Сирдарё вилоятида истеъмолга яроқсиз гўшт маҳсулотлари аниқланди, деб хабар бермоқда ИИВ ППХваЖТСББ.
Воқеа 3 декабрь соат 02:30 ларда Сирдарё туманида жойлашган "Сирдарё" ЙПХ масканида хизмат олиб бораётган вилоят ветеринария ва чорвачиликни ривожлантириш бошқармаси ҳамда ППХваЖТСБ Карантин тадбирларини таъминлаш бўлинмаси ходимлари билан ҳамкорликда тадбир ўтказилган.

Тадбир давомида "Қарши-Тошкент" йўналишида ҳаракатланиб кетаётган Қашқадарё вилояти, Чироқчи туманида яшовчи 20 ёшли Э.Х. бошқарувидаги "Нексия-2" машинаси тўхтатилиб текширилганда, унинг салон қисми ва юк хонасида ветеринария-санитария қоидаларига зид ҳамда ветеринария кузатув ҳужжатисиз жами 351 кг. қорамол гўшт маҳсулотлари борлиги аниқланган.

Гўшт вилоят ветеринария ва чорвачиликни ривожлантириш бошқармаси лабораториясида текширилганида, истеъмолга учун яроқсиз эканлиги аниқланиб, у белгиланган тартибда йўқ қилинган.

Фуқаро Э.Х.га нисбатан тегишли ҳужжатлар расмийлаштирилиб, Ўзбекистон Бош прокуратураси ҳузуридаги иқтисодий жиноятларга қарши курашиш Департаментининг Сирдарё вилояти бошқармасига топширилган.

105

Қрим сабабли: НАТО Россия армиясини тақиқлашни орзу қилмоқда

0
(Янгиланган 21:32 04.12.2020)
НАТО Қора денгиздаги ҳарбий кучини кўпайтирмоқда, бу Россиянинг ҳаракатларига жавобан амалга оширилмоқда, деб айтди Йенс Столтенберг.

Бироқ, Шимолий Атлантика алянси бош котиби ҳарбий блокнинг кучлари Россия чегаралари яқинида нима қилаётганига аниқлик киритмади.

Сўнгги пайтларда альянснинг Россия чегаралари яқинидаги тажовузкор ҳаракатлари сони сезиларли даражада ошди, шу сабабли Россия ўз хавфсизлигини таъминлашга мажбур бўлмоқда.

0