Лампы накаливания

"Пул бор, свет йўқ": Самарқанд вилоятида оилалар 3 кундирки светсиз ўтиришибди

836
(Янгиланган 19:22 20.11.2020)
Бугун бўлиб ўтган Сенат ялпи мажлисида самарқандлик сенатор ҳам электр муаммосидан нолиди. "Электр ўчмайди, етади, коммунизм бўлади дейишганди. Ҳозир уйимда ҳам бир неча марта ўчаяпти", деди сенатор Фармон Тошев.

ТОШКЕНТ, 20 ноя - Sputnik. Сўнгги кунларда ижтимоий тармоқлар фойдаланувчилари орасида газ ва свет муаммосидан норозилик оҳанглари кучайди. Сенатнинг бугунги ялпи мажлисида ҳам ушбу масалага алоҳида эътибор қаратилди.

Хусусан, Самарқанд вилояти Булунғур туманида 3 кундан буён светсиз ва сувсиз қолган оилалар бор. Уларнинг муаммосини ечиш ҳозирча мутасаддилар кучи етадиган ишмасдек кўринмоқда.

Энергетика вазирлиги ушбу муаммо чиндан мавжудлигини, вазир ўринбосари бугун вилоятнинг иккита ҳудудига шахсан бориб, муаммоларни ўрганишини маълум қилган эди. Аммо муаммо ҳал бўлган эмас.

Бугун видеоконференцалоқа тарзида ўтган Ўзбекистон Олий Мажлис Сенатининг тўққизинчи ялпи мажлисида Самарқанд вилоятидан бўлган сенатор Фармон Тошев ҳам Танзила Норбоевага қилган мурожаатида электр муаммосини кўтарган.

"Интернетни очиб қарасанг, ҳаммаёқда битта шикоят — "электр йўқ, электр ўчган". Самарқандда ҳам шу аҳвол. Биз ҳозир Сенатнинг йиғилишида шунга эътибор қилмасак, ҳозир гапирмасак, у идоранинг одамлари гапирадиганга ўхшамайди. Шунинг учун уларнинг идорасига илтимосим бор эди — нима учун кўп гапларни халққа олдинроқ айтиш мумкин эмас, графигини ишлаб чиқиш мумкин эмас, нима учун ўзининг одамлари орқали жойларга бориб тушунтириш мумкин эмас? Ахир, ўзингиз ўйлаб кўринг, ҳозир сизнинг Telegram’ингизга ҳам савол тушса, улар орқали жавоб беряпсиз-ку! Халққа нима деймиз биз ҳар куни? Агар жўнатаверсак, жўнатаверсак, бу ҳам, менимча, яхшиликка олиб бормайди. У одамларнинг вакиллари бизга келганда ҳамманинг олдида сўз берган, "Йўқ, бизда свет ўчмайди, етарли ҳамма нарса, ҳамма нарса коммунизм бўлади", деганди. Кечирасиз-у, ҳозир шаҳарнинг ўзида, менинг уйимда ҳам неча марталаб ўчяпти свет. Бу нарсаларни қандайдир тартибга олиш керак. Сайлов округига борганда қийналиб қоляпман", - деб айтган Фармон Тошев.

Сенатор электр таъминоти билан боғлиқ, аҳолининг кескин норозилигига сабаб бўлаётган вазиятни "қандайдир тартиб"га олиш кераклигини қўшимча қилган.

ОАВ ҳам бонг урмоқда

Газ ва электр муаммоси халқни қийнаётган масалалардан бири эканлиги бугун маҳаллий интернет нашрларида, блогерларнинг ижтимоий тармоқлардаги саҳифаларида ҳам алоҳида таъкидлаб ёзилмоқда.

Хусусан, Кун.уз нашри Сенат 9-ялпи мажлисининг YouTube’даги жонли эфири фойдаланувчиларнинг электр ва газ таъминотидаги муаммолар ҳақидаги мурожаатларига тўлиб кетганлигига урғу берди.

"Сенаторлар томонидан ялпи мажлис кун тартибидаги масалалар кўрилаётган вақтида минглаб фойдаланувчилар халқимизни қийнаб келаётган газ ва электр энергияси муаммосига эътибор қилишни талаб қилиб изоҳ ёзмоқда.

Масалан, фойдаланувчилардан бири сенаторларга «Блогерлар ва халқнинг танқидларига ҳам эътибор берасизларми?» – дея савол берди.

Яна бир фойдаланувчи эса, давлат камбағалликни қисқартира олмаётгани, балки ошиб кетганини ёзган.

Шунингдек, юзлаб юртдошларимиз "Электр йўқ, газ йўқ" – дея юзлаб изоҳ ёзишган ва амалдорларни шунга эътибор қилишга чақирмоқда. Яна бир фойдаланувчи шундай ёзади: ​Ҳурматли сенаторлар электр масаласини ҳам кўриб чиқинглар. Ургут туманида жуда кўп электр ўчмоқда, наҳот учинчи ренессанс даврида аҳолига электр берилмаса?", - дея келтиради нашр.

Сенат раиси нима деб ваъда берди?

Сенат раиси Танзила Норбоева ўз чиқишида "минглаб интернет фойдаланувчилари газ ва электр муаммосини қачон ҳал қиласизлар, деган савол билан бизга мурожаат қилишяпти", - дея айтган.

"Сизлар ўзи газ-чироқ йўқлигини эшитасизларми? Журналист, блогерларни, аҳолининг гапларини кузатасизларми ўзи?" деган саволларни беришмоқда. Албатта кузатамиз. Мана, шу ерда ўтириб ҳам, юзлаб-минглаб изоҳларни ўқиб ўтирибмиз.

Ҳурматли ҳамюртлар, мен сизларга оммавий ахборот воситалари орқали ваъда бераман — бу муаммо албатта ўрганилади. Бизда бюджет масалалари ва тадбиркорликни ривожлантириш билан шуғулланадиган қўмитамиз бор, газ-свет бўйича шуғулланадиган алоҳида қўмита йўқ. Ана шу қўмитадан илтимос қиламиз — мана, ҳозир минглаб аҳолининг мурожаатини эътиборга олиб, энергия таъминоти масаласини махсус ўрганиб чиқишингизни сўраймиз", - деган Норбоева.

Танзила Норбоева маблағдан муаммо йўқ бўлган бир вақтда нега ҳудудларга газ-свет етиб бормаётгани ва халқнинг эътирозларига сабаб бўлаётгани масала тез кунларда ўрганилиши ва навбатдаги йиғилишда халққа бу ҳақда ахборот берилишини маълум қилган.

836
Шприц и ампула на фоне логотипа Спутник V.

Ўзбекистонда Спутник V вакцинаси билан эмлаш ишлари март ойида бошланади - Қурбонов

224
(Янгиланган 13:53 03.03.2021)
Ўзбекистонда пандемия бошлангандан буён коронавирус инфекцияси билан касалланганлар сони 80 минг нафардан ошди.

ТОШКЕНТ, 3 мар - Sputnik. Ўзбекистонда Спутник V вакцинаси билан эмлаш ишлари март ойида бошланиши режалаштирилган. Бу ҳақда Ахборот ва оммавий коммуникациялар агентлигида бўлиб ўтган брифингда Санитария-эпидемиологик осойишталик ва жамоат саломатлиги хизмати бошлиғи ўринбосари Ботир Қурбонов маълумот берди.

Қурбонов Ўзбекистон фуқароларидан келиб тушган: "Республикада эмлаш жараёнлари қачон бошланади?", деган саволга жавоб берар экан, Ўзбекистон аҳолисининг 20 фоизини эмлаш учун 2021 йил бошида вакциналарга буюртма берилганини ва Ўзбекистон Республикасига март ойининг ўрталарида вакцина билан таъминот етиб келиши ҳақида маълум қилди.

Санитария-эпидемиологик осойишталик ва жамоат саломатлиги хизмати бошлиғи ўринбосарининг айтишича, Россия давлатида ишлаб чиқарилган вакцина бўйича ҳам РФ билан доимий музокаралар олиб борилмоқда ва Спутник V вакцинаси билан Ўзбекистонда эмлаш жараёнларини март ойида бошлаш режалаштирилган.

224
Мавзу:
COVID-19 умумжаҳон пандемияси
Площадь Регистан, Самарканд

Ўзбекистонда ШҲТ Саммитига тайёргарлик ишлари бошланди

164
Вазирлар Маҳкамаси бир ҳафта муддат ичида Самарқанд шаҳрида инфратузилма объектларини барпо этиш, таъмирлаш, жиҳозлаш  каби вазифаларни амалга ошириш учун доиммий ишчи гуруҳ таркибини тасдиқлайди

ТОШКЕНТ, 3 мар - Sputnik. Ўзбекистон президентининг "2022 йилда Самарқанд шаҳрида ўтказиладиган Шанхай ҳамкорлик ташкилоти саммитига тайёргарлик кўриш чора-тадбирлари тўғрисида"ги  фармойиши қабул қилинди, деб хабар бермоқда "Дунё" АА.

Ҳужжатда 2022-2023 йилларда Самарқанд шаҳрида ўтказилиши белгиланган қатор анжуманлар, форумлар, фестивалларни ва бошқа юқори даражаги халқаро сиёсий, иқтисодий, маданий, туристик ва спорт тадбирларини сифатли ташкил этиш бўйича тайёргарлик  кўриш ва уларни юксак савияда ўтказиш вазифалари белгиланган.

Хусусан, фармойишга мувофиқ, 2022 йилда Самарқанд шаҳрида ўтказиладиган Шанхай ҳамкорлик ташкилоти саммитига тайёргарлик кўриш бўйича Республика ташкилий комиссияси таркиби ҳамда Саммит тадбирларини ўтказиш бўйича босқичли иш режаси тасдиқланди.

Комиссиянинг асосий вазифалари этиб Саммитни юқорида савияда ўтказилшга қаратилган комплекс тайёргарлик ва ташкилий тадбирларни  амалга ошириш, Саммит концепцияси ва дастурини ишлаб чиқишни таъминлаш, ушбу фармойиш, ундан келиб чиқадиган Вазирлар Маҳкамаси қарорлари ва «йўл хариталари»да белгиланадиган вазифаларнинг ижросини қатъий мониторинг қилиб бориш ва бошқалар белгиланди.

Бундан ташқари, Вазирлар Маҳкамаси бир ҳафта муддат ичида Самарқанд шаҳрида инфратузилма объектларини барпо этиш, таъмирлаш, жиҳозлаш  каби вазифаларни амалга ошириш учун доиммий ишчи гуруҳ таркибини тасдиқлайди.

Фармойишга кўра, Ташқи ишлар вазирлигига хорижий давлатлардан, хусусан Хитойдан халқаро йирик тадбирларни ташкил этиш бўйича илғор тажрибага эга эксперт ва мутахассисларни жалб  этиш ва Саммит доирасида таклиф қилинадиган таржимонлар рўйхатини тузиш ҳамда тадбирларда синхрон таржима қилиш билан боғлиқ ташкилий масалалар юклатилди.

Шунингдек, мазкур ҳужжат билан "www.sco-summit2022.uz" веб-сайти фаолияти йўлга қўйилиб, ўтказилган тадбирлар бўйича Ўзбекистоннинг Шанхай ҳамкорлик ташкилотидаги раислигига оид тегишли маълумотлар билан тўлдириб борилади.

Ҳужжатга кўра, Саммитнинг халқаро ва  маҳаллий оммавий ахборот воситаларида кенг ёритилишини таъминлаш мақсадида "Саммит медиа маркази"ни ташкил этиш бўйича таклифлар ишлаб  чиқилади.

Фармойишга биноан, вазирлик, идора, ташкилот ва маҳаллий давлат ҳокимияти органлари ўзларига юклатилган вазифаларнинг ижроси юзасидан жорий йилда ҳар ойда бир маротаба, 2022 йилда эса ҳар 15 кунда Комиссияга маълумот бериб боради.

164
Основатель веб-сайта Bellingcat Элиот Хиггинс

Фейклар фабрикаси ва унинг ҳақиқий эгалари

21
Сўнгги вақтларда Bellingcat ахборот агентлиги тез-тез эсга олинмоқда. ОАВда агентлик ташкилотчиси сифатида тилга олинадиган "Эллиот Хиггинс" китоб чоп этди. Унинг шериги "Христо Грозев" ёки "Морис Ракушицкий" (иккаласи ҳам битта одам) янги фош этишларни ваъда берган.

Виктория Никифорова
Ушбу фош этишлар баҳоси эса аллақачон маълум — Донбассда уриб туширилган Боинг, Гутадаги кимёвий ҳужум, Скрипаллар ва Навальнийнинг заҳарланиши ҳақидаги фейклар муаллифлари ҳеч қачон ҳақиқатни айтиш учун ўзларини қийнамаганлар.

Бу уйдирмалар ҳақида жиддий гапириш мумкинмас — уни журналистик суриштирув жанрига компромат деб аташ мумкин ҳатто. Аммо Bellingcat агентлигининг дунёга келиши тарихи анча қизиқ. Ушбу фейклар фабрикаси қай тариқа юзага келган?

2010-йилнинг бошида Афғонистондаги америка ҳарбий разведкаси бошлиғи Майкл Флинн "Разведка қандай созланади?" мавзусида жуда қизиқ докладни эълон қилади.

Партизанлар уруши ўз чақириқларини илгари сурар ва бесўнақай разведтузилмалар уларни эплай олмай қолган эди. Флинн ҳаммуаллифлар билан биргаликда ўз ҳамкасбларига маълумот беришни истаганларнинг барчасидан - хоҳ у маҳаллий аҳоли бўлсин, хоҳ журналистлар, ННТ вакиллари ёки аёллар ташкилотлари бўладими ёхуд БМТ ходимлари, ё фаоллар - хуллас, ҳамма-ҳаммадан маълумотлар олишни таклиф қилди.

Маълумотларни фақатгина ҳарбий мавзудагина эмас, балки мамлакатда рўй бераётган барча ҳолатлар ҳақида тўплаш талаб қилинаётган эди. Йўл-йўлакай мавжуд сирларни фош қилиш, тўпланган ахборотларни НАТО бўйича иттифоқдошлар, журналистлар, ННТлар ва барча-барчага тақдим этиш режалаштирилганди.

Тўғри форматланган ва узатилган ахборот қуролга айланарди. У маҳаллий аҳолига оккупантлар улар ҳақида қандай қайғураётганлигини кўрсатар ва халқни партизанлардан узоқлаштирарди. Четдан қараганда эса Яқин Шарққа қонун ва тартибни олиб келган америка демократиясининг ёрқин образини намойиш этишга имкон берарди.

Маълумотларни махсус танлаб олинган таҳлилчилар сортировка қилишлари керак эди — Флинн "энг иқтидорли ва очларни" танлаб олишни маслаҳат беради. Улар барча икир-чикирларга эътиборли бўлишлари, геолокация ва очиқ манбалар билан ишлай олишлари керак эди. Доклад якунида муаллифлар америка разведкаси ветерани Сэмюэл Уилсондан иқтибос келтирганлар: "Маълумотларнинг 90 фоизи, - деган АҚШ Мудофаа вазирлиги Разведка бошқармасининг собиқ раҳбари - очиқ манбалардан келади. <…> Разведканинг ҳақиқий қаҳрамони — Жеймс Бонд эмас, балки Шерлок Холмсдир".

Тахминан худди шу вақтда Британия армияси зобити Боб Сили Афғонистонда хизмат олиб борарди. Инглиз нашрларида улар разведкачилар, сифатида тилга олинади, аммо бунга далиллар келтирилмаган ҳеч қачон. Эҳтимол, 2008-йилдан 2017 йилгача Ироқ, Афғонистон, Ливия ва Сурияда Боб Сили чиндан ҳам бошқа нарсалар билан шуғуллангандир.

Нима бўлганда ҳам мана бугун таниқли сиёсатчига айлангандан сўнг ҳам Сили ўзини Штирлиц каби тутишда давом этмоқда. У ўз яқинлари, ота-онаси ёки сирли рафиқаси акс этган биронта фотосуратни ҳеч қачон эълон қилмаган. Пэрлар китобида "Ната Расимас" сифатида тилга олинган эса-да, аммо ахборот майдонида у ҳақда ҳеч қандай маълумот мавжуд эмас. Сили ҳамма жойда якка ўзи кўриниш беради, ҳа, айтганча, у бачабозлар ҳуқуқларининг ашаддий ҳимоячиларидан бири сифатида ҳам ном қозонган.

Унинг таржимаи ҳоли аввалгидек катта қизиқиш уйғотиб келади. Силининг оиласи бир аср олдин Aнглиянинг энг бадавлат олий мартабали оилаларидан бири бўлган. Унинг насл-насаби тарихи худди достон сингари ўқилади - ундан барону, баронеталар, губернаторлар, вазирлар, парламент аъзолари ўрин олган. Ўғилларининг ҳаммаси Хэрроуда ўқиган, гоҳ Уинстон Черчилл, гоҳ шаҳзода Филипп уларнинг чўқинтирган отасига айланишади. Силилар оиласи яқинда таниқли актёр - машҳур аслзода - Бенедикт Камбербатч билан қариндошлик ришталарини боғлади. Уайт оролидаги энг йирик ер эгаси сифатида маҳаллий аҳоли 2017 йилда Силини парламентга сайлади - бу оилавий анъаналардан бири саналади. У ерда консерваторлардан депутат бўлган Сили Россияга қарши агрессив кун тартиби тарғиботи билан шуғулланмоқда.

1990-йиллар бошида Хэрроуни тамомлаган Боб Сили собиқ совет иттифоқи ҳудудида стрингер сифатида фаолият юритган. У Киев, Тирасполь, Чеченистондан репортажлар тайёрларди. Унинг асосий иш берувчиси The Times нашри эди.

“Спутник V” ўз самарадорлигини исботлади. Нима учун Ғарб унга қарши ахборот урушини олиб бормоқда?
Ruptly / RT / пресс-служба БАЭС / Роспотребнадзор / @sputnikvaccine

2012-йиллар бошида интернет маконида "Қорамағиз Моисей" (Brown Mozes) блоги пайдо бўлади. Бу Фрэнк Заппа қўшиғи номи эди. Сили рок-мусиқани яхши кўради, маълум вақт Британия MTV сида ишлаган ва гитарани қойилмақом чала олади.

Кейинчалик "Қорамағиз Моисей"ни ОАВ "энг зўр блогер" дея атайди, аслида эса унинг ёзганларини ўқиб бўлмайди. Бу шунчаки газеталарда чиққан ўзга муаллифлар мақолалари асосида тўқилган нарсалар эди - зерикарли, бирёқлама ва бачкана.

Аввалига "Моисей" Руперт Мердокнинг News Corporation нидан шахсий маълумотлар ўғирланиши билан боғлиқ жанжални ёритади. Ўшанда жамоатчиликда австралиялик медиамагнатга махсус хизматларнинг порахўр ходимлари ишлаган, деган жиддий гумонлар пайдо бўлган. "Моисей" блоги эса муштарийларни бу мавзудан астойдил узоқлаштиришга интилар, барча ишораларни Скотленд-Ярдга бурар эди. Аммо ҳеч ким бу материалларни ўқимасди. "Зўр блогер" ўз аудиториясидан нари борса иккита изоҳ олиши мумкин эди.

Орадан вақт ўтиб "Моисей" Сурия темасига қизиқиб қолади. Номаълум блогер, афтидан, Флин докладидаги "иқтидорли ва оч" аналитик қилиши лозим бўлган ишларни қиларди. У Суриядан YouTube га юкланган видеоларни кўриб чиқиб, уларни мос сарлавҳалар билан номлаган ҳолда тақдим этади. Масалан: "Шрапнель (артиллерия қуроли тури)дан ўқ еган 12 тага яқин гўдаклар жасади" сингари.

Аммо блогер маълумотларни таҳлил қилмайди, балки барчасини жавобга яқин олиб келади. У Хуладаги фожиада шак-шубҳасиз Сурия ҳукуматини айблайди, гарчи кейинги тергов ишлари оммавий қотилликлар жангарилар томонидан содир этилганини кўрсатган бўлсада. Бу ҳеч қандай разведка эмас, балки тозаланган пропаганданинг ўзи эди.

Мана шу ерда The New York Times мухбири, собиқ денгиз пиёда аскари, бир вақтлар газетанинг Москва бюросига раҳбарлик қилган Си Жей Чиверс уни "кашф қилади" ва жамоатчиликка таништиради. У Хорватиядан Сурияга қурол экспорти тўғрисидаги суриштирувларни чоп этади. Унинг мақоласида таъкидланишича, материаллар "Қорамағиз Моисей" тахаллуси остида ижод қиладиган блогер томонидан тақдим этилган. Аслида эса унинг исми "Элиот Хиггинс"дир.

Британия ва америка ОАВлари завқ-шафқ билан Эллиот Хиггинсни машҳур қилишга киришиб кетадилар. "Камтар кўзойнакли йигит", "зиёли ботаник", "гик" — ва шу билан бирга у сурия режимининг "жиноятларини" фош этади. Исми машҳур шоирникига уйғун, фамилияси эса "Пигмалион" қаҳрамони Шоуникидек — тез ёдга қоладиган. Аммо Хиггинс ОАВларда мана саккиз йилдан бери тушмай келаётган бўлсада, унинг ота-онаси ҳақида ҳеч нарса маълум эмас.

Шундай қилиб, унинг исми ва фамилияси осонликча ўйлаб топилган бўлиши мумкин — шерикларимиз яхши кўриб айтадиган бир гап борку - highly likely.

Аслида унинг Лестерда турк-рафиқаси ва икки фарзанди билан яшаши ҳақида ҳеч қандай далил йўқ. Aгар у куну-тун YouTube да ўтирган бўлса, қандай қилиб пул ишлагани умуман тушунарсиз. Ипотекага олинган уйи ва яшаш ҳаражатларини ким қоплаган - наҳот, почта бўлимида ишлаб, қўшимча пул топган рафиқаси? Энг асосийси, олий таълим масканини ўқиб битиролмаган, барча иш жойларидан ҳайдалган, ҳеч қандай чет тилларини билмаган, армияда хизмат қилмаган ва ўзининг иқрори бўйича "қуролларни  Х-Box-ўйинчисидан яхшироқ билмайдиган" бу талаба қандай қилиб тўсатдан профессионал ҳарбий таҳлилчига айланиб қолди?

Кўп нарсаларни Хиггинснинг ўзи ҳам тушунтира олмасди. 2013-йилда унга хайрихоҳлик билдирадиган "Нью-Йоркер" мухбири ундан нега ўз блоги учун бундай ном танлаганини сўрайди. "Тасодифан", - дейди бу саволга жавобан блогер.

Bellingcat агентлигини Хиггинснинг номига ўтказишади, унда барча янги Россияга қарши "фош этишлар" эълон қилина бошлайди. Аммо уларнинг ҳеч бири далиллар билан асосланмаган эди. Аммо ҳар бир мақола Россияга қарши ахборот хуружлари ва навбатдаги санкциялар учун асос бўла олган.

Бу вақт оралиғида Боб Сили машҳур сиёсатчига ва обрўли ҳарбий таҳлилчига айланди. Парламентарий тобора жанговар руҳдаги ҳарбий матнларни тўқимоқда. Brexit дан сўнг, унинг фикри бўйича Британия "глобаллашиши" кутилмоқда - яъни шундан кейин у ўз бошқарувини барча "шерикларга" ўтказа олади. Британиянинг асосий душмани ролига Сили Россияни тайинлаган. У ўзининг барча қўрқувларини бизнинг мамлакатимизга проекциялаган — гоҳ Россия ўзининг жосусларини юборади, гоҳ дезинформация билан шуғулланади, гоҳ "бизга қарши учинчи жаҳон урушини олиб боради ва ғолиб чиқади!".

"Тажовузкор Россияда ҳимояланишнинг ўнта усули", "Россиянинг Ғарбга қарши гибрид урушда қўллаган элликта инструменти" - Силининг рус мавзусидаги фиксацияси мана шундай носоғлом кўриниш касб этади. Эҳтимол, 90-йилларда, собиқ совет иттифоқи маконида у билан нимадир рўй берган бўлса керак.

Ҳарбий аналитик сифатида у "ноконвенциал уруш" - яъни, дезинформация, пропаганда, фитна, ижтимоий тармоқлардаги фаол тадбирлар мавзулари устида ишлайди. Bellingcat ҳам ахборот маконида худди шундай ишлар билан шуғулланади.

2018-йилда Сили сиёсий каминг-аутни амалга оширади. У Bellingcat учун парламентда Скрипаллар воқеаси бўйича "матбуот-анжумани" ўтказади. "Мана, замонамизнинг Шерлок Холмслари, — дея таништиради у ҳамкасбларга Хиггинс ва Грозевни - уларнинг рақамли детектив суриштирувлари шунчаки ноёб".

Ўша вақтдан буён парламентарий очиқчасига Bellingcat нинг маънан раҳнамосига айланган. У Элиот Хиггинсни Атлантик кенгаш ва Генри Жексон кембриж ҳамжамиятига олиб кирди — энг агрессив русофоб аналитик марказларга. "Лестерлик гик" ва Уайт оролидаги аслзодани қандай муносабатлар боғлаб туришини Худо билади, аммо уларни Россияга қарши нафрат ҳаммасидан ҳам кўра кучлироқ бирлаштириши аниқ.

Боб Силининг энг ёрқин аждодларидан бири Моттистоуннинг биринчи барони, бир умр Черчилл билан дўст бўлган ва мамлакатда юқори лавозимларни эгаллаган генерал Жон Сили, Германияга бориб келгач, фюрерга мафтун бўлиб қолади: "Жаноб Гитлер, — дея ҳикоя қилган у қайтиб келгач Англия пэрларига — мутлақо тўғрисўз, самимий ва худмин эмас". Эҳтимол, Гитлернинг "Драх нах Остен" ғояси Силига мерос тариқасида ўтгандир.

Bellingcat бўйича унинг шериги сирли медиаменежер Христо Грозевнинг патрони ҳам бизнинг мамлакатга нисбатан илиқ туйғуларни туймайди. Грозев бир умр дўстлашиб келган Карл Габсбург-Лотарингский ҳанузгача аждодлари мулкларини йўқотиб қўйганидан ўзига келолган эмас. Габсбурглар уйига раҳбар бўлгач, у ўзининг отасидан фарқли ўлароқ, империя ерларига бўлган ҳуқуқдан воз кечмаган. У учун собиқ совет иттифоқи майдони — бу бой берилган отамерос мулкдир. Айтганча, Габсбургнинг рафиқаси Франческа Тиссен — Гитлернинг ҳукуматга келиши ва унинг қурол-аслаҳаларини сахийлик билан молиялаштирган афсонавий немис саноатчисининг набирасидир.

Ғарбнинг элита оилалари кланлари учун Россия атрофидаги ҳудудлар лимитрофлари - бу шунчаки эгасиз ерлар, овчилар маконидир. Маҳаллий аҳоли ҳам - тараққий этганлиги ёки қолоқлигидан қатъи назар - шунчаки флора ва фауна кўринишларидан бири. Bellingcat сингари инструментлар эса — гибрид уруш учун идеал қурол ҳисобланади.

21