ТОШКЕНТ, 27 ноя - Sputnik. 2021 йилнинг иккинчи ярмида Термизда ўзбекистонлик ва афғонистонлик ҳамшираларни ўқитиш ва уларнинг малакасини ошириш бўйича ўқув маркази очилади.
Бу ҳақда Олий Мажлис Сенат раиси Танзила Норбоева ва Германиянинг Ўзбекистондаги элчиси Гюнтер Лео Оверфелд ўртасидаги учрашувда маълумот берилган.
Маълум қилинишича, Германия ҳамкорлик доирасида пандемия шароитида соғлиқни сақлаш ва бошқа соҳаларни ривожлантиришга 180 миллион евро икки йилга ажратган.
2021 йилнинг иккинчи ярмида Термизда Ўзбекистон ва Афғонистон ҳамшираларини ўқитиш ва уларнинг малакасини ошириш бўйича ўқув марказини очиш режалаштирилган. Шунингдек, навбатдаги лойиҳа доирасида давлат бошқаруви, шу жумладан, хотин-қизларнинг давлат бошқарувидаги ролини кучайтириш учун 10 миллион евро ажратилади.
