Командующий Центральным военным округом РФ Александр Лапин прибыл с визитом в Узбекистан

РФ генерал-полковниги Лапин бошчилигидаги ҳарбий делегация Ўзбекистонга ташриф буюрди

342
(Янгиланган 14:06 12.12.2020)
Мудофаа вазирлигида бўлган учрашувда хавфсизликни таъминлашга қаратилган ва ўзаро манфаатли ҳарбий ҳамкорликни янада мустаҳкамлаш бўйича фикрлар алмашинди.

ТОШКЕНТ, 12 дек - Sputnik. Ўзбекистонга Россия Федерацияси Марказий ҳарбий округи қўшинлари қўмондони генерал-полковник Александр Лапин бошчилигидаги ҳарбий делегация ташриф буюрди, деб хабар берди Мудофаа вазирлиги Ахборот ва оммавий коммуникациялар департаменти.

Мудофаа вазирлигида генерал-полковник Александр Лапин Ўзбекистон Республикаси мудофаа вазирининг биринчи ўринбосари – Қуролли Кучлар Бош штаби бошлиғи генерал-майор Павел Эргашев билан учрашди.

Учрашувда мамлакатлар ўртасида ҳарбий соҳага оид ўзаро ҳамкорлик алоқалари тобора мустаҳкамланаётгани эътироф этилди. Хавфсизликни таъминлашга қаратилган ва ўзаро манфаатли ҳарбий ҳамкорликни янада мустаҳкамлаш бўйича фикрлар алмашинди. Икки давлат мудофаа идоралари мутахассислари томонидан турли йўналишларда тажриба алмашиш учун мунтазам равишда амалга оширилаётган алоқаларнинг аҳамияти алоҳида қайд этилди.

Командующий ЦВО РФ Александр Лапин с рабочим визитом в Узбекистане
© Министерство обороны Узбекистана
Командующий ЦВО РФ Александр Лапин с рабочим визитом в Узбекистане

Шундан сўнг меҳмонлар Мудофаа вазирлиги Ахборот-коммуникация технологиялари ва алоқа ҳарбий институтига ташриф буюришди. Ҳарбий институт профессор-ўқитувчилари, курсантлар ҳамда офицерлар билан ўтказилган учрашувда генерал-полковник Александр Лапин олий ҳарбий таълим муассасасининг замонавий қиёфаси ва унда яратилган шарт-шароитларни юксак эътироф этди.

Ҳарбий делегация аъзолари шу куни Президентимиз ташаббуси билан пойтахтимизнинг Олмазор туманида барпо этилган "Ғалаба боғи" мажмуаси ва "Шон-шараф" давлат музейида бўлиб, Ўзбекистон халқининг Иккинчи жаҳон уруши йилларидаги улкан ғалабага қўшган ҳиссаси, матонати, фидойилиги ва юксак инсоний туйғуларини ўзида акс эттирувчи яқин тарихимизга оид осори-атиқалар билан танишишди.

Мамлакат минтақадаги тинчликни сақлаш, халқаро терроризмга қарши кураш олиб бориш борасида халқаро ва Мустақил Давлатлар Ҳамдўстлиги доирасида турли йўналишларда ўзаро ҳамкорлик қилиб келмоқда.

Командующий ЦВО РФ Александр Лапин с рабочим визитом посетил Узбекистан
© Министерство обороны Узбекистана
Командующий ЦВО РФ Александр Лапин с рабочим визитом посетил Узбекистан

Айни кунларда Термиз полигонида Ўзбекистон ва Россия Федерацияси Қуролли Кучлари билан ҳамкорликдаги "Сурхон-2020" ўқув машғулотига тайёргарлик жараёни давом этмоқда. Ҳарбий делегация аъзолари ҳамкорликдаги мазкур ўқув машғулотини кузатиш учун Термиз шаҳрига жўнаб кетдилар.

342

Лўли болаларини ҳуқуқий ҳимоялаш масаласи Парламент комиссиясида кўриб чиқилди

288
2018 йилда 1 200 дан, 2019 йилда 1 400 дан ва 2020 йилда 1 800 дан ортиқ лўли болаларига ижтимоий ёрдам берилган.

ТОШКЕНТ, 23 янв - Sputnik. Инсон ҳуқуқлари соҳасида Ўзбекистоннинг халқаро мажбуриятларга риоя этилиши бўйича парламент комиссиясида "Ирқий камситишларнинг барча шаклларини тугатиш тўғрисида"ги халқаро конвенцияни бажариш бўйича миллий ҳаракатлар режаси юзасидан Бош прокуратуранинг ахбороти эшитилди.

Мазкур миллий ҳаракатлар режасининг 12 та тадбирида Бош прокуратура ижрочилар қаторида назарда тутилган бўлиб, унга кўра этник гуруҳларнинг ҳуқуқларини амалга оширишга тўсқинлик қилувчи омиллар мунтазам таҳлил қилинмоқда.

Жумладан, "Таълим тўғрисида"ги Қонун билан жинси, ирқи, миллати, тили, дини, ижтимоий келиб чиқиши, эътиқоди, шахсий ва ижтимоий мавқеидан қатъи назар, ҳар кимга таълим олиш учун тенг ҳуқуқлар кафолатланиши белгиланган.

Республикада 2020 йил якуни бўйича 28 мингдан ортиқ лўли болалари қайд этилган бўлиб, уларнинг 15 минг нафари уй, 428 нафари мактабгача таълим тарбиясида, 12 минг нафари мактабларда, 98 нафари коллеж ва лицейларда таълим олаётганлар ҳисобига тўғри келади. 2018 йилда 1 200 дан, 2019 йилда 1 400 дан ва 2020 йилда 1 800 дан ортиқ лўли болаларига ижтимоий ёрдам берилган.

Қайд этилган этник гуруҳлар ва апатридлар учун ирқий камситишлар соҳасида ҳуқуқий ҳимоя масалалари бўйича Бош прокуратура Академияси томонидан Ички ишлар вазирлиги Академияси билан ҳамкорликда семинар-тренинглар ишлаб чиқилган.

Парламент комиссиясида БМТ Ирқий камситишни тугатиш бўйича қўмитасининг якуний мулоҳазалари ва тавсияларини бажариш юзасидан Миллий ҳаракатлар режаси доирасида Бош прокуратура томонидан келгусида амалга оширилиши лозим бўлган долзарб вазифалар ҳам белгиланиб олинди.

288
Самолет Airbus A320 компании Uzbekistan Airways

"Uzbekistan Airways" Краснодар ва Қозондан чартер рейсларни амалга оширади

189
Ўзбекистонга Россия Федерациясининг шаҳарларидан ПЗР-тестдан (қатнов жўнашидан 72 соат ичида амалга оширилган) ўтганлиги тўғрисидаги маълумотномани тақдим этилган ҳолда парвоз қилишга рухсат этилади.

ТОШКЕНТ, 23 янв - Sputnik. "Uzbekistan Airways" авиакомпанияси 2021-йил 9 ва 23-феврал кунлари Краснодардан Тошкентга чартер қатновларини амалга оширади.

Краснодар - Тошкент жўнаб кетиш 21:20 да, етиб келиш соат 02:50 да

Ўзбекистонга Россия Федерациясининг шаҳарларидан ПЗР-тестдан (қатнов жўнашидан 72 соат ичида амалга оширилган) ўтганлиги тўғрисидаги маълумотномани тақдим этилган ва Ўзбекистон Республикаси виза режимига риоя қилинган ҳолда парвоз қилишга рухсат этилади. ПЗР маълумотномасига ега бўлмаган йўловчилар авиакомпаниянинг қатновларига қўйилмайди.

Шунингдек, авиакомпания 2021-йил 2, 9, 16 ва 23-феврал кунлари Қозондан Тошкентга чартер қатновларини амалга оширади.

Қозон - Тошкент жўнаб кетиши соат 18:30да, етиб келиш соат 23:30да.

189
Британские военнослужащие

Эркак севгилисини ҳарбий қисмга олиб келиб, хонасида яшириб қўйди

370
(Янгиланган 19:47 25.01.2021)
Буюк Британияда эркак севгилисини ҳарбий қисмга олиб келиб, ўз хонасида икки давомида яшириб сақлади.

ТОШКЕНТ, 25 янв — Sputnik. Буюк Британияда самолёт устаси икки ҳафта давомида аёлни ҳарбий базадаги хонасида яшириб қўйди, деб хабар қилди РИА Новости The Sun нашрига асосан.

Эркак бу ҳолатни яширишга ҳаракат қилиб, “Илтимос, хона тозаланмасин” деган ёзувни осиб қўйди. Бироқ хонадан келаётган ҳид шикоятларга сабаб бўлди. Шундан сўнг, бир гуруҳ зобитлар хонани текшириш учун келишди. Улар шкафда ҳарбий кийим орқасидан аёлни топишди.

Аёл - Шарқ мамлакатларидан бирининг фуқароси, Голландия паспортига эга. Ҳарбий қисмда аёл эркакни алдаб, ундан сирларни олиши мумкинлиги ҳақида гумон қилишди.

Эркак севгилининг жосус эканлиги ҳақидаги шубҳаларни рад этди. Манбанинг маълум қилишича, аёл рухсатномасиз қўриқланадиган ҳудудга кирган.

Газетанинг ёзишича, севишганлар 2019 йилда танишган. Эркак қизни Рождество таътилидан кейин автомобил юкхонасида олиб келиб, ўз хонасида яшириб қўяди. Ҳарбий хизматчи жиддий қонунбузарлик содир этган ва қамоқ жазосига ҳукм қилиниши мумкин. Аёл Британияни тарк этди.

Денгиз кучлари вакилининг сўзларига кўра, ҳодиса юзасидан текширув тайинланган. У аёл Европа Иттифоқи фуқароси эканлигини ва унга  жосусликда айб қўйилмагани таъкидланди.

370
Теглар:
ҳарбийлар, ҳарбий база, Буюк Британия