Большая пресс-конференция Владимира Путина

Путиннинг матбуот-анжумани янгича тартибда ўтади

218
(Янгиланган 12:57 17.12.2020)
Бу тадбирнинг одатий жадаллигини анчайин ўзгартиради: ёрқин либослар, юмшоқ ўйинчоқлар, плакатлардаги лозунглар - бу йил давлат раҳбари эътиборини жалб қилишда буларнинг ҳеч бири иш бермайди.

ТОШКЕНТ, 17 дек — Sputnik. Шахмат тартибида жойлашув, ниқоблар ва қўлқоплар — пандемия шароитида Владимир Путиннинг матбуот-анжумани янгича форматда ўтказилади.

Бу тадбирнинг одатий жадаллигини анчайин ўзгартиради: ёрқин либослар, юмшоқ ўйинчоқлар, плакатлардаги лозунглар - бу йил давлат раҳбари эътиборини жалб қилишда буларнинг ҳеч бири иш бермайди.

Путин ўзининг Ново-Огареводаги қароргоҳида бўлади, журналистлар ва фотосуратчилар бир нечта матбуот-марказларида жойлашадилар. Жой учун курашдан фойда йўқ. Аммо бунинг ҳам ўзига яраша "плюс" томонлари бор.

Плакатлар ўрнига - ниқоб режими

Ҳар йили бир ярим мингдан зиёд одамлар (2019 йилда эса рекорд даражадаги 1895 киши) тўпланадиган Халқаро савдо марказига бу йил фақатгина 247 журналистни киритади. Санитар талаблар шунақа.

Матбуот-анжумани иштирокчиларини федерал округлар бўйича гуруҳларга тақсимлашган. Халқаро савдо марказида чет эл ва Россия федерал ОАВ вакиллари жой олишади. Регионларда эса ўз майдонлари бўлади. Улар матбуот-анжумани бошлангунига қадар икки ярим соат олдин ишга тушади. Москвада — уч ярим соат олдин. Аммо пойтахтда асосий ҳаракатлар куннинг ярмида старт олса, Владивостокда бу кечга тўғри келади.

Кремль матбуот-хизмати бу йил плакатларни таъқиқлаган. Олдинги йилларда бу шоунинг асосий элементларидан бири бўларди - журналистлар қай бирининг транспаранти ёки сўзлари кўпроқ эътиборни жалб қилиши борасида ўзаро баҳслашар эдилар.

Бу сафар омма ичида ажралиш мураккаброқ бўлади. Аммо, ниқоблар устида ёзувлар ҳақида ҳеч ким ҳеч нарса демаган. Шу боис, танкчилар шлемида, космонавтлар костюмида келадиган журналистлар қўлқоплардан ҳам ижодий фойдаланишлари мумкин.

Саволларни нафақат матбуот-марказида орқали, балки Moskva-Putinu.ru сайти ёрдамида ҳам йўллаш мумкин.

Олтинчи декабр куни колл-марказ ўз ишини бошлаган, уларнинг операторларига кўплаб саволлар келиб тушган. Хабарлар Умумроссия халқ фонди томонидан қайта ишланмоқда.

218
Самолет президента Узбекистана во время взлета

Ўзбекистон янги йўналишлар бўйича парвозларни йўлга қўяди - тартиблар белгиланмоқда

666
Ўзбекистонда зиёрат туризми индустриясини янада такомиллаштириш мақсадида зиёратчиларга қатор қулайликлар яратилиб, хизмат кўрсатиш тизимлари учун алоҳида тартиблар белгиланди.

ТОШКЕНТ, 16 янв - Sputnik. Ўзбекистон Республикасида зиёрат туризми индустриясини янада такомиллаштириш мақсадида зиёратчиларга қатор қулайликлар яратилиб, хизмат кўрсатиш тизимлари учун алоҳида тартиблар белгиланди.

"Uzbekistan Airports" АЖ ва Туризмни ривожлантириш давлат қўмитаси ҳамкорлигида ишлаб чиқилган дастур асосида зиёратчиларни ташиш бўйича мамлакат халқаро аэропортларида хорижий авиакомпаниялар ҳаво кемаларига ерда кўрсатиладиган хизматларнинг асосий турлари учун эълон қилинган тарифларга 50%гача чегирмалар жорий қилинади.

Шунингдек, парвозлар кўламини кенгайтириш ва Ўзбекистондаги халқаро аэропортлар жозибадорлигини оширишда муҳим аҳамиятга эга имтиёзлар берилиши ҳам кўзда тутилди. Унга кўра, хорижий авиакомпаниялар ҳаво кемаларига ерда кўрсатиладиган хизматларнинг асосий турлари бўйича эълон қилинган тарифларга 30%гача табақалаштирилган чегирма қуйидаги ҳолларда тақдим этилишини маълум қиламиз:

– Ўзбекистон Республикасининг халқаро аэропортларига янги йўналишлар бўйича парвозларни йўлга қўйиш ва уларни ривожлантириш таклифи билан илк бор мурожаат қилган хорижий авиакомпаниялар учун;

- Ўзбекистон Республикасининг ҳудудий аэропортларига (аэропортларидан) парвозларни амалга ошираётган хорижий авиакомпанияларнинг янги йўналишлари учун;

- мавжуд парвозлар сонидан ташқари шу йўналиш бўйича қўшимча қатновлар учун.

666
Азиатский форум по правам человека в Самарканде

Ўзбекистонда инсон ҳуқуқлари бўйича глобал форум ўтказилади

107
Инсон ҳуқуқлари бўйича Ўзбекистон Миллий маркази маълумотларига кўра, жорий йилда мамлакатда "Инсон ҳуқуқлари соҳасида таълим" глобал форуми ўтказилиши режалаштирилмоқда, унда инсон ҳуқуқлари маданиятини шакллантиришнинг янги муаммолари ва вазифалари муҳокама қилинади.

ТОШКЕНТ, 16 янв — Sputnik. Ўзбекистон пойтахти Тошкент шаҳрида олимлар, давлат идоралари ва халқаро ташкилотлар иштирокида Илмий-мувофиқлаштириш кенгаши йиғилиши ўтказилди. Тадбир доирасида Ўзбекистон президентининг Олий Мажлисга мурожаатномасида янграган инсон ҳуқуқлари соҳасидаги масалалар кўриб чиқилди.

Ситуация после выборов президента в Республике Узбекистан
© Sputnik / Валерий Мельников

Тадбир давомида Ўзбекистоннинг ҳозирги босқичидаги инсон ҳуқуқлари соҳасидаги давлат сиёсатига алоҳида эътибор қаратилди.

"Ўзбекистоннинг Бирлашган Миллатлар Ташкилоти Инсон ҳуқуқлари бўйича Кенгашига аъзолиги илмий жамоатчиликка инсон ҳуқуқлари соҳасидаги халқаро ҳуқуқий жараёнларни таҳлил қилиш ва бундан тадқиқот ва таълим жараёнида кенг фойдаланиш заруратини келтириб чиқаради", -  дейилади релиз матнида.

Шунингдек, республика манфаатларини халқаро миқёсда илгари суриш инсон ҳуқуқларининг халқаро аспектида юқори малакали мутахассисларни тайёрлашни талаб қилиши таъкидланган.

Инсон ҳуқуқлари бўйича Ўзбекистон Миллий маркази маълумотларига кўра, жорий йилда мамлакатда "Инсон ҳуқуқлари соҳасида таълим" глобал форуми ўтказилиши режалаштирилмоқда, унда инсон ҳуқуқлари маданиятини шакллантиришнинг янги муаммолари ва вазифалари муҳокама қилинади.

Кутилишича, тадбир ғоя алмашиш ва инсон ҳуқуқлари соҳасида таълим бериш борасида энг яхши тажрибага айланади.

Эслатиб ўтамиз, 2021-йил БМТ нинг таълим ва инсон ҳуқуқлари соҳасида декларацияси қабул қилинганининг 10 йиллиги нишонланади. Декларация 2011 йилнинг декабрида БМТ Бош ассамблеяси томонидан қабул қилинган. 2019 йилда Олий Мажлис палаталарининг қўшма қарори билан ҳужжатда қайд этилган низомларни амалга ошириш учун "Йўл харитаси" бўйича миллий режалар дастури тасдиқланган.

107

Тоғли Қорабоғда Россия тинчликпарвар кучлари COVID-19га қарши эмланмоқда видео

0
Тоғли Қорбоққа жами 2 минг дозага яқин вакцина келтирилган. Бу тинчликпарвар кучларнинг бутун шахсий таркибини эмлаш учун етарли.

Тоғли Қорабоғда бир кун ичида 100 нафарга яқин Россия тинчликпарвар кучлари коронавирусга қарши Спутник-V билан эмланди. Бу ҳақда Россия Мудофаа вазирлиги хабар қилмоқда.

Sputnik Арманистон маълумотларига қараганда, эмлаш икки босқичда ўтказилади: ҳарбийлар 14 январдан 31 январгача вакцинанинг биринчи, 1 февралдан 28 февралгача иккинчи дозасини олади.

0