Обстрел аэропорта в Йемене: число жертв выросло до 13

Яман аэропортидаги теракт: 25 киши қурбон бўлган, 110 киши жароҳатланган

399
Аэропортга янги ҳукумат аъзолари По прилете членов нового правительства аэропорт обстреляли ракетами. Власти страны заявили, что перед взрывами были слышны беспилотники.

ТОШКЕНТ, 31 дек — Sputnik. Яман жанубида Аден аэропортида юз берган теракт оқибатида 25 киши ҳалок бўлди, 110 нафари жароҳатланди, деб хабар бермоқда РИА Новости.

Фожиа кеча юз берган. Келиш залида бир нечта кучли портлашлар юз берган. Худди шу вақтда самолёт трапидан Саудия Арабистонидан қайтган янги ҳукумат аъзолари тушиб келишлари керак эди.

Дастлабки маълумотларга кўра, жароҳатланганлар орасида алоқа вазири ўринбосари, Аден губернатори вакили ва маҳаллий қамоқхона директори бор. явазирлар жабр кўришмаган, уларни ҳукумат саройига ўтказишган.

РИА Новости манбаси маълумотларига кўра, аэропорт Яман жануби-ғарбидаги Таиз провинциясида жойлашган "Ансар-Алла" (хусийлар) ҳаракати қўзғолончилари назоратида бўлган ҳудудлардан ракета ҳужумига учраган.

Sky News Arabia телеканали ўз навбатида, портлашлар олдидан аэропорт устида дронлар овозларини эшитилгани ҳақида хабар берган. Телеканал шунингдек, ракета келиб тушиши лаҳзалари акс этган видеони жойлаган.

Яман ҳукумати терактда қўзғолончиларни айбламоқда, аммо хусийлар сиёсий бюроси аъзоси Муҳаммад ал-Бахитий уларнинг ҳаракати "Аден аэропортидаги ҳужумга ҳеч қандай алоқадор жойи йўқлиги, портлашлар эса ҳукумат кучларидаги турли гуруҳлар ўртасида ҳисоб-китоб натижаси" эканини маълум қилган.

Юз берган ҳодисага халқаро ҳамжамият тезкорлик билан муносабат билдирди.

Россия терактни кескин қоралади, синчковлик билан суриштирув ишларини ўтказиш тарафдори эканини маълум қилиб, ҳалок бўлганларнинг яқинларига таъзия билдирди.

Москва таъкидига кўра, ичкияман можаросининг барча томонлари муросага келмас экан, ушбу муаммони ҳал этиб бўлмайди.

АҚШ ўз баёнотида Яман ҳукуматини қўллаб-қувватлаган.

Маълумот учун: Яманда 2015 йилдан буён президент Абду Раббу Мансур Хади (Саудия Арабистони ҳарбий кўмаги билан) ва хусий-қўзғолончилар (Эрон кўмаги остидалиги тахмин қилинади) тарафдорлари ўртасида фуқаролик уруши давом этиб келмоқда.

Сал олдин, Саудия Арабистонида бўлган президент Хади Абдул Малик бошчилигида 24 вазирдан иборат янги ҳукуматни тайинлаган эди.

Ҳукумат таркибига республика жанубий қисми ажралиб чиқиши тарафдори бўлган Жанубий Яман Муваққат кенгашининг беш нафар аъзоси кирган.

Мамлакатнинг шимоли, шу жумладан, Сана шаҳри, хусийлар назоратида қолмоқда. Шу боис, республиканинг халқаро даражада тан олинган вақтинчалик пойтахти Аден шаҳри бўлди.

399

Лўли болаларини ҳуқуқий ҳимоялаш масаласи Парламент комиссиясида кўриб чиқилди

249
2018 йилда 1 200 дан, 2019 йилда 1 400 дан ва 2020 йилда 1 800 дан ортиқ лўли болаларига ижтимоий ёрдам берилган.

ТОШКЕНТ, 23 янв - Sputnik. Инсон ҳуқуқлари соҳасида Ўзбекистоннинг халқаро мажбуриятларга риоя этилиши бўйича парламент комиссиясида "Ирқий камситишларнинг барча шаклларини тугатиш тўғрисида"ги халқаро конвенцияни бажариш бўйича миллий ҳаракатлар режаси юзасидан Бош прокуратуранинг ахбороти эшитилди.

Мазкур миллий ҳаракатлар режасининг 12 та тадбирида Бош прокуратура ижрочилар қаторида назарда тутилган бўлиб, унга кўра этник гуруҳларнинг ҳуқуқларини амалга оширишга тўсқинлик қилувчи омиллар мунтазам таҳлил қилинмоқда.

Жумладан, "Таълим тўғрисида"ги Қонун билан жинси, ирқи, миллати, тили, дини, ижтимоий келиб чиқиши, эътиқоди, шахсий ва ижтимоий мавқеидан қатъи назар, ҳар кимга таълим олиш учун тенг ҳуқуқлар кафолатланиши белгиланган.

Республикада 2020 йил якуни бўйича 28 мингдан ортиқ лўли болалари қайд этилган бўлиб, уларнинг 15 минг нафари уй, 428 нафари мактабгача таълим тарбиясида, 12 минг нафари мактабларда, 98 нафари коллеж ва лицейларда таълим олаётганлар ҳисобига тўғри келади. 2018 йилда 1 200 дан, 2019 йилда 1 400 дан ва 2020 йилда 1 800 дан ортиқ лўли болаларига ижтимоий ёрдам берилган.

Қайд этилган этник гуруҳлар ва апатридлар учун ирқий камситишлар соҳасида ҳуқуқий ҳимоя масалалари бўйича Бош прокуратура Академияси томонидан Ички ишлар вазирлиги Академияси билан ҳамкорликда семинар-тренинглар ишлаб чиқилган.

Парламент комиссиясида БМТ Ирқий камситишни тугатиш бўйича қўмитасининг якуний мулоҳазалари ва тавсияларини бажариш юзасидан Миллий ҳаракатлар режаси доирасида Бош прокуратура томонидан келгусида амалга оширилиши лозим бўлган долзарб вазифалар ҳам белгиланиб олинди.

249
Самолет Airbus A320 компании Uzbekistan Airways

"Uzbekistan Airways" Краснодар ва Қозондан чартер рейсларни амалга оширади

182
Ўзбекистонга Россия Федерациясининг шаҳарларидан ПЗР-тестдан (қатнов жўнашидан 72 соат ичида амалга оширилган) ўтганлиги тўғрисидаги маълумотномани тақдим этилган ҳолда парвоз қилишга рухсат этилади.

ТОШКЕНТ, 23 янв - Sputnik. "Uzbekistan Airways" авиакомпанияси 2021-йил 9 ва 23-феврал кунлари Краснодардан Тошкентга чартер қатновларини амалга оширади.

Краснодар - Тошкент жўнаб кетиш 21:20 да, етиб келиш соат 02:50 да

Ўзбекистонга Россия Федерациясининг шаҳарларидан ПЗР-тестдан (қатнов жўнашидан 72 соат ичида амалга оширилган) ўтганлиги тўғрисидаги маълумотномани тақдим этилган ва Ўзбекистон Республикаси виза режимига риоя қилинган ҳолда парвоз қилишга рухсат этилади. ПЗР маълумотномасига ега бўлмаган йўловчилар авиакомпаниянинг қатновларига қўйилмайди.

Шунингдек, авиакомпания 2021-йил 2, 9, 16 ва 23-феврал кунлари Қозондан Тошкентга чартер қатновларини амалга оширади.

Қозон - Тошкент жўнаб кетиши соат 18:30да, етиб келиш соат 23:30да.

182
Новый детский сад открыли в Сергелийском районе Ташкента

“Ўлик жонлар” ортидан 983,5 млн сўмни ўмарган боғча мудирасининг кирдикорлари фош бўлди

31
Боғча мудираси ва бошқалар билан тил бириктириб, 2014-2020 йиллар давомида амалда боғчада ишламайдиган 37 нафар, шу жумладан, 4 нафар яқин қариндошини ишга қабул қилган.

ТОШКЕНТ, 24 янв — Sputnik. Тошкент вилояти Зангиота туманидаги 16-сонли мактабгача таълим ташкилотида 983,5 млн сўм бюджет маблағлари талон-торож қилингани аниқланди. Бу ҳақда Бош прокуратура матбуот хизмати хабар қилмоқда.

Бош прокуратура ҳузуридаги Департаментнинг Зангиота тумани бўлими мактабгача таълим вазирлиги мутахассислари билан ҳамкорликда ушбу боғчада текшириш ўтказилган.

Текширишда боғча мудираси ва бошқалар олдиндан тил бириктириб, 2014-2020 йиллар давомида амалда боғчада ишламайдиган 37 нафар, шу жумладан, 4 нафар яқин қариндошини ишга қабул қилгани аниқланган. Ходимларнинг меҳнат фаолияти бўйича штат жадваллари ва бухгалтерия табелларига сохта маълумотлар киритиш орқали ҳужжатларни қалбакилаштирилган. Бу йўл билан 983,5 млн. сўм бюджет маблағлари талон-торож қилинган.

Мазкур ҳолат юзасидан боғча мудираси ва бошқаларга нисбатан Жиноят кодексининг тегишли моддалари билан жиноят иши қўзғатилган.

Тергов ҳаракатлари ўтказилмоқда.

Эслатиб ўтамиз, аввалроқ Молия вазирлиги 2020 йилда бюджет маблағларини мақсадли сарфланиши юзасидан амалга оширилган назорат ишлари тўғрисида маълумот берган эди. Унга кўра, мактабгача таълим вазирлиги тизимида ўтказилган 327 та назорат тадбирларининг 270 тасида 16,7 млрд сўм миқдорида қонунбузилиш ҳолатлари аниқланган.

31