"Оғир бўлади": Кудрин Россияда коронавируснинг учинчи тўлқинини башорат қилди

781
Кудриннинг айтишича, ҳозирда ҳукумат ўтган йилда амал қилган инқирозга қарши чораларни узайтириш борасида қарор қабул қилган.

ТОШКЕНТ, 15 янв - Sputnik. Тез орада коронавирус пандемиясининг учинчи тўлқини бошланади, ва у, эҳтимолки, иккинчисига қараганда кучсиз бўлмаслиги мумкин, деб маълум қилди журналистларга РФ Ҳисоб палатаси раҳбари Алексей Кудрин Гайдар форуми давомида норасмий суҳбат вақтида, деб хабар бермоқда РИА Новости.

"2021 йилда, кўриниб турибдики, унчалик енгил бўлмайди. Европа давлатларида бугун гувоҳи бўлаётган ҳолатлар, қоидага кўра, сал кечикиб бизга ҳам келади - гап учинчи тўлқин ҳақида бормоқда. Яъни иккинчи тўлқин келди, ҳозирда учинчи тўлқин келмоқда, ва эҳтимолки, у иккинчисига нисбатан кучсиз бўлмайди, балки кучлироқ бўлиши ҳам мумкин. Шу боис, ҳотиржам бўлишга имкон қолмайди, барқарор ҳолат бўлмайди", - деди Кудрин.

Ҳисоб палатаси раҳбарининг сўзларига кўра, 2021 йил мураккаб йил бўлади. Ва ҳукумат, унинг сўзларига кўра, янги қўллаб-қувватлов чораларини қабул қилади. Кудриннинг айтишича, ҳозирда ҳукумат ўтган йилда амал қилган инқирозга қарши чораларни узайтириш борасида қарор қабул қилган.

Унинг айтишича, жорий йилда кўп нарса пандемияни жиловлаш ёки давом этиши билан боғлиқ бўлади, кўпгина чораларни узайтириш керак бўлади, ва бу жуда қимматга тушиши мумкин.

Инқирозга қарши кураш стратегиясида қўшимча қадамлар керак бўлади.

781
Теглар:
Британияда коронавируснинг янги штамми, коронавирус пандемияси, коронавирус
Мавзу:
COVID-19 умумжаҳон пандемияси (1393)

Россия ва Франция махфий тарзда дипломатларни чиқариб юборишди

718
Экспертлар Les Echos билан суҳбатда, дипломатларнинг чиқариб юборилгани ҳақидаги факт Россия ва Франция ўртасидаги шундоқ ҳам зиддийлашиб турган муносабатларни мураккаблаштирмаслик учун оммага ошкор қилинмаганлигини тахмин қилишди.

ТОШКЕНТ, 6 мар - Sputnik. Россия ва Франция 2020 йилнинг охирида бир нафардан дипломатни махфий тарзда чиқариб юборишган, деб хабар бермоқда Les Echos.

Нашрнинг ёзишича, Россиянинг Париждаги элчихонаси иқтисодий бўлим ходимини жосусликда гумонлаб, Франциядан чиқариб юборишган. Россия акс жавоб чораларини қўллаган ва Франциянинг Москвадаги элчихонаси иқтисодий бўлим ходимини чиқариб юборган.

Россия ТИВ ва Франциянинг Москвадаги элчихонаси нашрга ушбу хабар юзасидан изоҳ бермаган.

Экспертлар Les Echos билан суҳбатда, дипломатларнинг чиқариб юборилгани ҳақидаги факт Россия ва Франция ўртасидаги шундоқ ҳам зиддийлашиб турган муносабатларни мураккаблаштирмаслик учун оммага ошкор қилинмаганлигини тахмин қилишди.

Сал аввал РФ ТИВ Россияда санкцияланмаган акцияларда иштирок этган Швеция, Польша ва Германия дипломатлари "ушбу мамлакатда бўлиши хуш кўрилмаган" шахслар сифатида эълон қилингани ва яқин вақт ичида мамлакатни тарк этишларини эълон қилган эди.

Бунга жавобан Германия, Польша ва Швеция ташқи ишлар вазирликлари ҳар бир мамлакатда бир нафардан россиялик дипломатларни "персона нон-грата" дея эълон қилишди.

718
Министр иностранных дел Узбекистана Абдулазиз Камилов

Камилов ЕИ делегацияси раҳбарини қабул қилди: қандай масалалар кўриб чиқилди?

265
Суҳбат давомида Ўзбекистон билан Европа Иттифоқи ўртасидаги сиёсий, савдо-иқтисодий, молиявий-техникавий, маданий-гуманитар ва бошқа соҳалардаги ҳамкорликнинг ҳолати ва истиқболлари муҳокама қилинди.

ТОШКЕНТ, 6 мар - Sputnik. Ўзбекистон Ташқи ишлар вазири Aбдулазиз Камилов 5-март куни Европа Иттифоқининг Ўзбекистондаги делегацияси раҳбари этиб тайинланган, элчи Шарлотта Aдрианни қабул қилди. Бу ҳақда ТИВ матбуот-хизмати хабар бермоқда.

Элчи вазирга ишонч ёрлиқлари нусхасини топширди.

Вазир Европа Иттифоқи делегацияси раҳбарини мазкур тайинлов билан табриклади, унга Ўзбекистон ва Евроиттифоқ ўртасидаги дўстона муносабатларни ривожлантириш ва мустаҳкамлашда муваффақиятлар тилади.

Суҳбат давомида Ўзбекистон билан Европа Иттифоқи ўртасидаги сиёсий, савдо-иқтисодий, молиявий-техникавий, маданий-гуманитар ва бошқа соҳалардаги ҳамкорликнинг ҳолати ва истиқболлари муҳокама қилинди.

Томонлар Ўзбекистон ва Евроиттифоқ ўртасида Кенгайтирилган шериклик ва ҳамкорлик тўғрисидаги битим лойиҳаси бўйича музокаралар жараёнини ижобий баҳоладилар.

Бўлажак қўшма тадбирлар, жумладан "Ўзбекистон-Европа Иттифоқи" ҳамкорлик кенгашининг навбатдаги йиғилиши, "Европа Иттифоқи - Марказий Осиё" сиёсат ва хавфсизлик масалалари бўйича юқори даражадаги мулоқотининг навбатдаги даврасини ўтказиш жадвали, кун тартиби ва ташкилий масалалари кўриб чиқилди.

2021-йил март ойининг охирига қадар Ўзбекистонга "GSP+" мақоми берилишига умид билдирилди, бу эса Ўзбекистон ва ЕИ мамлакатлари ўртасидаги савдо-иқтисодий ҳамкорликни оширишга ёрдам беради.

ЕИ билан таълим соҳасида, хусусан, янги "Erasmus" дастури орқали яқин ҳамкорликни кенгайтиришга қизиқиш билдирилди.

Учрашувда умумий кун тартибининг бошқа масалалари ҳам муҳокама қилинди.

265
Купол мечети

Шайх Абдулазиз Мансурнинг ўғли вафот этди

3
Ўзбекистон Ислом цивилизацияси маркази директорининг ўринбосари Шайх Абдулазиз Мансурнинг ўғли Абдулбосит Мансуров вафот этди.

ТОШКЕНТ, 8 мар — Sputnik. Ўзбекистон Ислом цивилизацияси маркази директорининг ўринбосари Шайх Абдулазиз Мансурнинг ўғли Абдулбосит Мансуров вафот этди. Бу ҳақда Ўзбекистон мусулмонлари идораси матбуот хизмати хабар қилди.

Идора Шайх Абдулазиз Мансурнинг фарзанди вафоти муносабати билан унинг барча оила аъзоларига таъзия билдирди.

3