Сербия 250 минг доза "Спутник V" вакцинасига буюртма берди - Вучич

277
Хавфсизлик, самарадорлик ва узоқ муддатли салбий таъсирларнинг мавжуд эмаслиги Россияда ишлаб чиқилган "Спутник V" вакцинасининг энг муҳим устуворликларидан бири саналади.

ТОШКЕНТ, 16 янв - Sputnik. Сербия сешанба куни, 19 январда 250 минг доза Россиянинг коронавирусга қарши "Спутник V" вакцинасини олиши кутилмоқда, деб баёнот берди мамлакат президенти Александр Вучич.

Шанба куни у Хитойдан бир миллион дозада келтирилган Sinopharm компанияси вакцинасини кутиб олди.

"Душанба куни яна 19,5 минг доза Pfizer вакцинаси келтирилади, сешанба куни 250 минг доза "Спутник V" вакцинаси олиб келинади, шу тариқа, биз чоршанба кунгача 1,43 миллион доза вакцинага эга бўламиз", – дея иқтибос келтирган РИА Новости Сербия президенти сўзларидан.

Россия Соғлиқни сақлаш вазирлиги 2020 йилнинг августида COVID-19га қарши Гамалея маркази томонидан ишлаб чиқилган вакцинани дунёда биринчилардан бўлиб рўйхатдан ўтказган эди. У "Спутник V" номини олди. Вакцина инсоннинг ўрганилган ва ишончли аденовирусли векторлари платформасида яратилган. Хавфсизлик, самарадорлик ва узоқ муддатли салбий таъсирларнинг мавжуд эмаслиги вакцинанинг энг муҳим устуворликларидан бири саналади.

277
Теглар:
Спутник нашри, Спутник Лайт, Спутник V, коронавирус пандемияси, вакцина
Мавзу:
COVID-19 умумжаҳон пандемияси (1380)

Ўзбекистонда Жанубий Корея гранти ҳисобидан 11 миллион долларлик лойиҳа амалга оширилади

56
(Янгиланган 17:26 27.02.2021)
Корейс дастури нафақат болалар билан машғулотларни, балки ота-оналар билан ўзаро муносабатларни ҳам таъминлайди.

ТОШКЕНТ, 27 фев - Sputnik. Мактабгача таълим вазири Агриппина Шин KOICAнинг Ўзбекистондаги ваколатхонаси раҳбари Пак Сунжин хоним билан учрашди, деб хабар бермоқда МТВ матбуот-хизмати.

Учрашув давомида Тошкентда Кадрларни қайта тайёрлаш марказини очиш ҳамда шу марказнинг ўзида давлат мактабгача таълим ташкилотини барпо этиш ҳақида келишилди.

Лойиҳа Корея Республикасининг ташқи ёрдами (гранти) ҳисобидан 11 миллион АҚШ доллари миқдорида (тахминий равишда) 2021-2026 йилларда амалга оширилиши режалаштирилган.

Комплекс марказ мактабгача таълим ташкилотлари педагоглари ва методистларини ўқитади ва малакасини оширади.

Корейс дастури нафақат болалар билан машғулотларни, балки ота-оналар билан ўзаро муносабатларни ҳам таъминлайди.

"Биз мактабгача таълимга кўпроқ ота-оналарни жалб қилмоқчимиз, пандемия вақтида, мактабгача ёшдаги болалар вақтинча мактабгача таълим ташкилотларига қатнамаган пайтда, ота-оналар ўзлари мустақил равишда фарзандлари билан биргаликда уларнинг билимини ривожлантириш, қобилиятларини аниқлаш ва йўналтириш кераклиги маълум бўлди. Ушбу марказ инновацион рақамли кластер ва энг яхши мактабгача таълим лойиҳаларидан бири бўлади деган умиддаман”, - деди Агриппина Шин.

Бундан ташқари, Марказ МТТлар учун инновацион ўқув-услубий қўлланмалар ва ўқув материалларини ишлаб чиқади.
Комплекс марказнинг қурилиши 2022 йилга мўлжалланган.

56

Туркманистон президенти Пойтахт куни туғилган чақалоқлар учун исмлар таклиф қилди

244
Ҳозирда Туркманистонда Пойтахт кунини нишонлаш учун кенг кўламли тайёргарлик ишлари олиб борилмоқда. Байрам 25 май куни бўлиб ўтади

ТОШКЕНТ, 27 фев – Sputnik. Туркманистон президенти Гурбангули Бердимуҳамедов Ашхобод юбилейи нишонланадиган куни дунёга келадиган болалар учун исмлар таклиф қилди. Шанба куни шу мақсадда махсус ҳукумат комиссияси ташкил этилди.

Жорий йил 25 май куни мамлакатда Туркманистон пойтахтининг 140 йиллиги нишонланади.

"Бердимуҳамедов "25 май куни биринчи бўлиб дунёга келган ўғил бола чақалоққа Пойтахт ёки Ашхобод, қиз чақалоққа эса - Маржон ёки Мая, деб исм берилса, бу рамзий маънога эга бўлади", дея қайд этган ва тегишли раҳбарларга туғилажак болалар учун совғалар ҳозирлаб қўйишни буюрган.

Президент шунингдек, Ашхободда ўтказиладиган кенг кўламли ишлар ҳақида ҳам тўхталган.

"Пойтахт - Осиёнинг тан олинган марваридидир, эришилган муваффақиятлар ва ташкил этилаётган байрам тадбирлари - бутун туркман халқининг фахри саналади", - дея қайд этган ҳукумат йиғилишида Бердимуҳаммедов.

25 май куни Ашхободда жамоат транспортида ҳаракатланиш бепул бўлади.

244

Латвияда совет жангчиларига қўйилган яна бир ёдгорлик таҳқирланди

0
Совет аскарлари хотираси устидан навбатдаги даҳшатли таҳқирлаш ҳолати Латвиянинг Екабпилс шаҳрида юз берди. Тунда маҳаллий мемориал жойидан пушка ғойиб бўлди.

Кимдир пушкани жойидан қисмларга ажратиб, номаълум йўналишда олиб кетган. Видеокузатув камералари тракторни суратга олган. Кадрларда трактор ковшида ўша пушка олиб кетилаётгани акс этган.

Совет жангчиларига мемориални ким таҳқирлади? Миллатчилар бу хабарни қандай қарши олди? Латвиядаги вандалларни кимдир тўхтата оладими? Бу саволларга ҳамон ҳеч қандай жавоб йўқ. Маҳаллий аҳоли ўз тахминларини билдирмоқда - кадрларни томоша қилинг.

0