Автомобиль правоохранительных органов Узбекистана на месте ДТП

Ўзбекистон ИИВ 2020 йилда хизмат вақтида вафот этган ходимлар сонини очиқлади

634
(Янгиланган 21:52 03.02.2021)
2020 йилда фуқаролар томонидан 322та ҳолатда ички ишлар органлари ходимларига қонун талабига бўйсунмаслик ҳолатлари содир бўлган ва уларга қаршилик кўрсатилган.

ТОШКЕНТ, 3 фев - Sputnik. Ўзбекистонда 2020 йил давомида 62 нафар Ички ишлар органлари ходимлари хизмат вазифасини бажариш вақтида вафот этган. 291 нафари эса турли даражада тан жароҳатлари олган.

Бу ҳақда бугун, чоршанба куни, Ички ишлар вазирлиги тизимидаги ислоҳотларга бағишланган матбуот-анжуманида маълум қилинди, деб хабар бермоқда Sputnik Ўзбекистон мухбири.

Ички ишлар вазирлиги кадрлар билан ишлаш бошқармаси бошлиғи ўринбосари Авазбек Иномовнинг айтишича, вафот этган ходимларнинг оила-аъзоларига жами 8 миллиард сўмдан ортиқ моддий ёрдам кўрсатилган. 

Шунингдек, ўтган йил давомида ички ишлар органлари ходимлари ва фуқаролар ўртасида содир бўлган турли ҳолатлар акс этган 201та видеороликлар халқ орасида кенг муҳокамага сабаб бўлган.

"Интернет тармоғида кенг тарқалган 201 та роликдан 84тасида ИИВ ходимлари айби тасдиқланмаган, жумладан, фуқароларга нисбатан 22та ҳолатда маъмурий, 9та ҳолатда жиноий иш қўзғатилган", - деди Иномов.

Маълум қилинишича, кадрлар бош бошқармаси ва ўз хавфсизлик бўлинмалари томонидан ҳар битта ҳолат бўйича хизмат текшируви ўтказилиб, 87 нафар ходимларга нисбатан интизомий жазо чоралари қўлланилган.

Шундан саккиз нафар ходим ички ишлар органлари тизимида бўшатилган, 20 нафари эса эгаллаб турган лавозимидан озод этилган.

Шунингдек, тақдим этилган маълумотларга кўра, 2020 йилда фуқаролар томонидан 322та ҳолатда ички ишлар органлари ходимларига қонун талабига бўйсунмаслик ҳолатлари содир бўлган ва уларга қаршилик кўрсатилган.

Шундан 149та ҳолатда фуқароларга нисбатан жиноят иши қўзғатилган, 97 ҳолатда фуқаролар маъмурий жавобгарликка тортилган.

"Юқоридаги рақамларни келтиришдан мақсад, қанча фуқароларга чора кўрилган, ёки қанча ходимлар ишдан бўшатилганини кўрсатиш эмас, асло ундаймас. Кўп ҳолатларда ходимлар хизмат вазифасини бажараётган вақтда, фуқароларимиз томонидан ўзларини ҳақ-ҳуқуқларини нотўғри талқин қилиш оқибатида, тармоқларда салбий ҳолатлар акс этиб, бу бизнинг имижимизга таъсир этмоқда", - деди Иномов.

Тадбирда шунингдек, 2019-2020 йилларда Ички ишлар тизимида амалга оширилган ислоҳотлар ҳақида ҳам қисқача маълумот бериб ўтилди.

Иномовга кўра, сўнгги йилларда тизимда кадрлар сиёсатини тўғри олиб бориш, лавозимларга юқори салоҳиятга эга профессионал кадрларни жамлаш, айниқса, янги авлод ички ишлар ходимларини шакллантиришга алоҳида эътибор қаратилмоқда.

Ички ишлар органлари хизмат интизоми, ходимларни мақсадли тайёрлаш ва узлуксиз малакасини ошириш, уларни ватанга ва касбга садоқатли қилиб тарбиялаш борасида чора тадбирлар дастури ишлаб чиқилган.

2019-2020 йиллар давомида ички ишлар вазирлиги раҳбарияти томонидан тузилган алоҳида ишчи гуруҳ республикадаги ҳар бир ички ишлар органларига бориб, ўша жойда учрашувларда шахсий таркиб билан содир этилаётган ножўя хатти-ҳаракатлар танқидий муҳокама қилиниб, хизмат интизомини қўпол равишда бузган, жиддий камчиликларга йўл қўйган, ўз хизмат бурчига масъулиятсизлик билан ёндашиб, тизим шаънига доғ тушираётган ходимларга нисбатан йиғилишларнинг ўзида кескин чоралар кўрилган.

Бундан ташқари, халқ билан бевосита ишловчи соҳалар: яъни, йўл-патрул хизмати, патрул-пост хизмати, миграция ва фуқароликни расмийлаштиришнинг барча ходимлари аттестациядан ўткизилиб, улар орасида лавозимига нолойиқ деб топилган 178 нафари лавозимдан озод этилган. 20 нафари ички ишлар органларидан бўшатилган.

Тизимда хизмат интизомига бевосита масъул бўлган ҳар бир раҳбарнинг тарбиявий ишлар бўйича ўринбосарлари лавозимлари мавжуд. Ушбу раҳбар ходимларнинг фаолияти тўлиқ ўрганилиб, махсус комиссия томонидан аттестациядан ўтказилган.

Шахсий таркиб ўртасида маънавий муҳитга салбий таъсир кўрсатувчи ходимлар аниқланиб, ички ишлар органларини бундай ходимлардан холи тизимга айлантириш мақсадида психологлар томонидан ҳар бир ички ишлар органларида маънавий-руҳий муҳитни ўрганиб, ходимларга амалий ёрдамлар кўрсатилиб келинмоқда.

634

Россия ва Франция махфий тарзда дипломатларни чиқариб юборишди

718
Экспертлар Les Echos билан суҳбатда, дипломатларнинг чиқариб юборилгани ҳақидаги факт Россия ва Франция ўртасидаги шундоқ ҳам зиддийлашиб турган муносабатларни мураккаблаштирмаслик учун оммага ошкор қилинмаганлигини тахмин қилишди.

ТОШКЕНТ, 6 мар - Sputnik. Россия ва Франция 2020 йилнинг охирида бир нафардан дипломатни махфий тарзда чиқариб юборишган, деб хабар бермоқда Les Echos.

Нашрнинг ёзишича, Россиянинг Париждаги элчихонаси иқтисодий бўлим ходимини жосусликда гумонлаб, Франциядан чиқариб юборишган. Россия акс жавоб чораларини қўллаган ва Франциянинг Москвадаги элчихонаси иқтисодий бўлим ходимини чиқариб юборган.

Россия ТИВ ва Франциянинг Москвадаги элчихонаси нашрга ушбу хабар юзасидан изоҳ бермаган.

Экспертлар Les Echos билан суҳбатда, дипломатларнинг чиқариб юборилгани ҳақидаги факт Россия ва Франция ўртасидаги шундоқ ҳам зиддийлашиб турган муносабатларни мураккаблаштирмаслик учун оммага ошкор қилинмаганлигини тахмин қилишди.

Сал аввал РФ ТИВ Россияда санкцияланмаган акцияларда иштирок этган Швеция, Польша ва Германия дипломатлари "ушбу мамлакатда бўлиши хуш кўрилмаган" шахслар сифатида эълон қилингани ва яқин вақт ичида мамлакатни тарк этишларини эълон қилган эди.

Бунга жавобан Германия, Польша ва Швеция ташқи ишлар вазирликлари ҳар бир мамлакатда бир нафардан россиялик дипломатларни "персона нон-грата" дея эълон қилишди.

718
Министр иностранных дел Узбекистана Абдулазиз Камилов

Камилов ЕИ делегацияси раҳбарини қабул қилди: қандай масалалар кўриб чиқилди?

265
Суҳбат давомида Ўзбекистон билан Европа Иттифоқи ўртасидаги сиёсий, савдо-иқтисодий, молиявий-техникавий, маданий-гуманитар ва бошқа соҳалардаги ҳамкорликнинг ҳолати ва истиқболлари муҳокама қилинди.

ТОШКЕНТ, 6 мар - Sputnik. Ўзбекистон Ташқи ишлар вазири Aбдулазиз Камилов 5-март куни Европа Иттифоқининг Ўзбекистондаги делегацияси раҳбари этиб тайинланган, элчи Шарлотта Aдрианни қабул қилди. Бу ҳақда ТИВ матбуот-хизмати хабар бермоқда.

Элчи вазирга ишонч ёрлиқлари нусхасини топширди.

Вазир Европа Иттифоқи делегацияси раҳбарини мазкур тайинлов билан табриклади, унга Ўзбекистон ва Евроиттифоқ ўртасидаги дўстона муносабатларни ривожлантириш ва мустаҳкамлашда муваффақиятлар тилади.

Суҳбат давомида Ўзбекистон билан Европа Иттифоқи ўртасидаги сиёсий, савдо-иқтисодий, молиявий-техникавий, маданий-гуманитар ва бошқа соҳалардаги ҳамкорликнинг ҳолати ва истиқболлари муҳокама қилинди.

Томонлар Ўзбекистон ва Евроиттифоқ ўртасида Кенгайтирилган шериклик ва ҳамкорлик тўғрисидаги битим лойиҳаси бўйича музокаралар жараёнини ижобий баҳоладилар.

Бўлажак қўшма тадбирлар, жумладан "Ўзбекистон-Европа Иттифоқи" ҳамкорлик кенгашининг навбатдаги йиғилиши, "Европа Иттифоқи - Марказий Осиё" сиёсат ва хавфсизлик масалалари бўйича юқори даражадаги мулоқотининг навбатдаги даврасини ўтказиш жадвали, кун тартиби ва ташкилий масалалари кўриб чиқилди.

2021-йил март ойининг охирига қадар Ўзбекистонга "GSP+" мақоми берилишига умид билдирилди, бу эса Ўзбекистон ва ЕИ мамлакатлари ўртасидаги савдо-иқтисодий ҳамкорликни оширишга ёрдам беради.

ЕИ билан таълим соҳасида, хусусан, янги "Erasmus" дастури орқали яқин ҳамкорликни кенгайтиришга қизиқиш билдирилди.

Учрашувда умумий кун тартибининг бошқа масалалари ҳам муҳокама қилинди.

265
Певица Каниза

Сирли ошиқ хонанда Канизага турмушга чиқишни таклиф қилди - фото

33
(Янгиланган 18:21 08.03.2021)
Каниза номи остида ижод қилувчи ўзбекистонлик хонанда Шаҳризода Аҳмедова турмушга чиқмоқда. Бу ҳақда хонанданинг ўзи Instagram’даги саҳифасида маълум қилди.

ТОШКЕНТ, 8 мар — Sputnik. Каниза номи остида ижод қилувчи хонанда Шаҳризода Аҳмедова турмушга чиқмоқда.

Бу ҳақда хонанданинг ўзи Instagram’даги саҳифасида маълум қилди.

Посмотреть эту публикацию в Instagram

Публикация от Kaniza (singer) (@kaniza_shahrizoda)

Эълон қилинган суратда йигитнинг юзи “юракча“ билан беркитилган. 

 

33