Школьные будни

Ўзбекистонлик ўқитувчилар фикрини халқаро миқёсда ўрганиш истиқболлари муҳокама қилинди

96
Ўзбекистон умумтаълим муассасаларининг TALIS тадқиқотида иштирок этиш масаласи ҳукуматнинг 2018 йилдаги қарорида белгиланган. Таълим инспекцияси ва OECD ўртасида бир неча марта олиб борилган учрашувлар натижасида, тадқиқотда қатнашиш бўйича дастлабки келишувга эришилган

ТОШКЕНТ, 24 фев - Sputnik. Таълим инспекцияси раҳбарияти ва Иқтисодий ҳамкорлик ва тараққиёт ташкилоти (OECD) вакиллари ўртасида Ўзбекистоннинг 2024 йилги Таълим бериш ва ўқитиш сифатини баҳолаш бўйича халқаро тадқиқотлар (TALIS)да қатнашиши масалаларига бағишланган онлайн учрашув бўлиб ўтди.

Унда Таълим инспекцияси бошлиғи Улуғбек Ташкенбаев, инспекциянинг тегишли бошқарма ва бўлим раҳбарлари, шунингдек унинг ҳузуридаги Миллий марказ жамоаси, ҳамда OECD ташкилотининг TALIS бошқармаси бошлиғи ўринбосари Карин Тремблей, TALIS аналитиги, халқаро ҳамкорликлар бошқарувчиси Софи Вайссетт ва Пабло Фрейзерлар иштирок этди.

TALIS (Teaching and Learning International Survey) ўқитувчилар фаолияти, иш шароити ва мактабдаги таълим муҳитини баҳолашга қаратилган энг йирик халқаро тадқиқот бўлиб, ҳар 6 йилда ўтказилади. Сўнгги марта 2018 йилда ўтказилган TALIS халқаро баҳолаш тадқиқотларида 48 та давлат қатнашган бўлиб, натижалари 2020 йилда июнь ойида эълон қилинган.

Унинг мақсади — иштирокчи мамлакатларга самарали ўқитиш ва ўрганиш учун шарт-шароитлар яратишга қаратилган таълим сиёсатини ишлаб чиқишда янги устувор йўналишларни кўриб чиқиш ва аниқлаш имконини берадиган ишончли, долзарб ва қиёсий маълумотлар тақдим этишдан иборат. Тадқиқотлар мактаб ўқитувчилари ва директорларига нафақат миллий, балки халқаро даражада ўз фикрини билдириш имконини беради.

Муҳокамалар аввалида Таълим инспекцияси бошлиғи Улуғбек Ташкенбаев хорижий ҳамкорларга Ўзбекистон таълим тизими ва педагог кадрлар фаолияти бўйича амалга оширилаётган ишлар ҳақида маълумот бериб ўтди.

"Таълим сифатини назорат қилиш давлат инспекцияси ташкил топган кунлардан бошлаб, тизимда сифат кўрсаткичларини янги босқичга олиб чиқишга ҳаракат қилиб келмоқда. Шу нуқтайи-назардан соҳадаги муаммо ва ютуқларимизни ва шаффоф тарзда аниқлаб олиш биз учун жуда муҳим. Ушбу тадқиқотнинг халқаро миқёсда ўтказилиши Ўзбекистондаги таълим тизимини объектив баҳолаб, муаммо ва камчиликларни бошқа мамлакатлар билан солиштиришга ва келгусидаги режаларни янада аниқроқ белгилаб олишга хизмат қилади", – деди Таълим инспекцияси бошлиғи.

TALIS тадқиқоти ўқитувчилар ва мактаб директорлари ўртасида олинадиган сўровномалар орқали таълим муассасасидаги бошқарув муҳити баҳоланади. Унда тасодифийлик асосида танлаб олинадиган ўртача 200 та таълим муассасалари, 4000 нафар ўқитувчи ва 200 нафар мактаб директори қатнашиши кўзда тутилган.

Ўзбекистон умумтаълим муассасаларининг ушбу нуфузли халқаро TALIS тадқиқотида иштирок этиш масаласи ҳукуматнинг 2018 йилдаги қарорида белгиланган бўлиб, тадқиқотда қатнашиш бўйича дастлабки келишувга эришилган. Тадқиқотда иштирок этиш бўйича молиявий масалалар эса инспекция ва Жаҳон банки ҳамкорлигида амалга оширилаётган лойиҳада кўзда тутилган.

Инспекция ва OECD ўртасида бўлиб ўтган навбатдаги учрашув тадқиқотда иштирок этиш йўналишлари ва моделлари борасида олиб борилган муҳокамаларнинг мантиқий давоми бўлиб, томонлар ўртасидаги шартнома лойиҳасини ишлаб чиқиш бўйича келишувга эришилди.

96

Францияда ўқитувчини ўлдирган қотилни шериги Тожикистон фуқароси бўлиб чиқди

172
Франциялик терговчилар Париж яқинида мактаб ўқитувчисини бошидан жудо қилган радикал исломчи мулоқотда бўлган сурияликнинг шахсини аниқладилар

ТОШКЕНТ, 9 мар — Sputnik. Махсус хизматлар Францияда ўқитувчини бошидан жудо қилган террорчининг шеригини аниқладилар, у Тожикистон фуқароси бўлиб чиқди, деб хабар бермоқда Sputnik Тожикистон нашри Le Parisien газетасига таянган ҳолда.

Қотилнинг шериги Фарук Шами - Суриядаги "Хайат Таҳрир аш-Шом" (РФда таъқиқланган "Жабхат ан-Нусра"нинг яна бир номи) террористик уюшмасининг фаол иштирокчиси эканлиги маълум бўлди.

Қотил, радикал исломчи, 18 яшар Абдуллоҳ Анзоров 2020 йилнинг октябрида Конфлан-Сент-Онорин комуннасида ўқитувчини бошидан жудо қилишдан олдин айнан у билан мулоқотда бўлган.

Полициячилар Анзоровни йўқ қилишларидан олдин у Instagram да охирги хабарни Dnevnik_71 ники остидаги фойдаланувчига ёзган. Маълум бўлишича, бу ник остидаги фойдаланувчи тожикистонлик Фарук Шами бўлиб чиқади.

Эркак ўз аккаунтида ўзини Суриядаги ноқонуний қуролланган уюшмалар фаолиятини ёритадиган мустақил журналист сифатида кўрсатган.

Аммо, француз нашрининг ёзишича, аслида Фарук Суриядаги номи юқорида тилга олинган террористик гуруҳнинг фаол иштирокчиларидан бири бўлган.

Эслатиб ўтамиз, 2020 йилнинг 16 октябрида кечқурун Франциянинг Конфлан-Сент-Онорин комуннасида маҳаллий мактаб ёнида тарих ва география фани ўқитувчиси Самюэль Патига ҳужум уюштирилган эди.

Жиноят қурбоннинг бўйнидан сўйган, сўнгра жиноят содир бўлган жойга етиб келган полициячиларга таҳдид қила бошлаган ва оқибатда отиб ўлдирилган.

Франция президенти Эмманюэль Макрон содир бўлган ҳодисани теракт, деб номлади.

172
Теглар:
Янгиликлар
Усыпальница И.Каримова, Самарканд

Самарқандда аҳоли пунктларининг бош режаси ишлаб чиқилмоқда

78
Бундан ташқари, вилоят бўйича бош режанинг амал қилиш муддати яқинлашган 3 та шаҳар, бош режа лойиҳаси билан таъминланмаган 40 та шаҳар посёлкаларининг бош режа лойиҳаларини ишлаб чиқиш режалаштирилган.

ТОШКЕНТ, 9 мар - Sputnik. Самарқанд вилоятида ўтган 2020 йилда 8 та шаҳар ва шаҳарчанинг бош режаси ишлаб чиқилди. Бу ҳақда вилоят бош архитектори Ҳаёт Мирзаевга таянган ҳолда "Зарафшон" нашри хабар бермоқда.

Вазирлар Маҳкамасининг 2019 йил 31 июлдаги "2020-2022 йилларда маҳалла фуқаролар йиғинлари ҳудудларининг бош режа лойиҳалари ишлаб чиқилиши билан бир вақтда қишлоқ (овул) аҳоли пунктларини батафсил режалаштириш лойиҳаларини ҳамда ёндош маҳаллаларни шаҳарсозлик жиҳатидан ривожлантириш схемаларини ишлаб чиқиш дастурини тасдиқлаш тўғрисида"ги қарори қабул қилиган.

Қарор асосида Қўшработ, Пайшанба шаҳарлари, Ургут туманининг Муродқишлоқ, Оқмачит, Ғиштмачит ва Чоштепа, Нуробод туманининг Сазағон, Улус маҳаллаларининг бош режа ва батафсил режалаштириш лойиҳалари ишлаб чиқилди.

Дастурга мувофиқ, 2021 йилда вилоят бўйича 12 та аҳоли пунктининг бош режаси ишлаб чиқилади. Вазирлар Маҳкамасининг юқоридаги қарори асосида Тойлоқ ва Митан шаҳарчалари ҳамда 10 та (Тойлоқ туманида Боғизоғон, Олмазор, Қўшчинор ва Таллиота, Нарпай туманида Гулистон, Дедон, Чархин ва Хўжақўрғон, Жомбой туманида Ғазира ва Сўхмон маҳаллалари) бош режа ва батафсил режалаштириш лойиҳалари ишлаб чиқиш ишлари бошланган.

Бундан ташқари, вилоят бўйича бош режанинг амал қилиш муддати яқинлашган 3 та шаҳар, бош режа лойиҳаси билан таъминланмаган 40 та шаҳар посёлкаларининг бош режа лойиҳаларини ишлаб чиқиш режалаштирилган. 51 та маҳалла аҳоли пунктларини батафсил режалаштириш лойиҳалари ҳамда қишлоқлар (овуллар) фуқаролар йиғинлари ҳудудларини архитектура-режалаштириш жиҳатидан ташкил этиш лойиҳаларини 2023-2027 йилларда ишлаб чиқиш бўйича дастлабки таклифлари шакллантирилиб, Қурилиш вазирлигига тақдим этилган.

Туман ва шаҳарлар марказларини ободонлаштириш бўйича 47 та марказий кўчалар танлаб олиниб, дастлабки манзилли рўйхати шакллантирилган. Мазкур кўчаларни ободонлаштириш ва "Саломатлик йўлаклари" ташкил этиш мақсадида 71,2 километр пиёдалар ва велосипед йўлаклари, 52,1 километр кўчани таъмирлаш (йўл элементлари), 560 дона тунги ёритиш қурилмалари, 76 километр суғориш тизими ҳамда 292 та чиқинди ташлаш қутилари ўрнатиш бўйича дастлабки таклифлар ишлаб чиқилмоқда.

Бунда йўлаклар атрофида ҳар хил турдаги соғломлаштириш майдонлари "Workout", "Стритбол", шунингдек, бадминтон ва мини-футбол спорт майдончалари жойлаштириш назарда тутилган.

78
Теглар:
Янгиликлар
Президент Кыргызстана Садыр Жапаров

Садир Жапаровнинг Ўзбекистонга ташрифи тафсилотлари борасида маълумот берилди

0
0
Теглар:
Сиёсат