РФ Президенти Владимир Путин Россия - АСЕАН саммити якуни бўйича ўтказилган матбуот-анжуманида. Архив сурат

Путин Курил ороллари ҳақида: сотадиган нарсамиз йўқ

1476
(Янгиланган 13:42 21.05.2016)
Россия Япония билан музокара олиб боришга тайёр, шу жумладан тинчлик битими ҳақида ҳам, деб таъкидлади Владимир Путин АСЕН саммити якуни бўйича ўтказилган матбуот-анжуманида.

ТОШКЕНТ, 21 май — Sputnik. Россия Япония билан музокара олиб боришга тайёр, шу жумладан тинчлик битими ҳақида ҳам, деб таъкидлади Владимир Путин АСЕН саммити якуни бўйича ўтказилган матбуот-анжуманида, РИА Новости хабари асосида.

Курил ороллари масаласида Япония билан савдолашиш эҳтимоли ҳақидаги саволга жавоб берар экан, Владимир Путин Россия ҳеч нарсани сотмайди, деб айтди.

"Биз кўп нарсани сотиб олишга тайёрмиз, аммо ҳеч нарсани сотмаймиз. Биз барча ҳамкорларимиз билан музокара олиб боришни, шу жумладан, Япония билан ҳам ҳудудий масалани келишиб олишни назарда тутувчи тинчлик битимини имзолашни хоҳлаймиз ва бунга тайёрмиз", — деди Путин.

Россия президенти Курил ороллари масаласини иккиёқлама ҳамкорлик билан боғламаслигини таъкидлади.

"Яна бир марта такрорлаб ўтаман, биз Япония билан шунчаки муносабатларни ривожлантириш тарафдоримиз. Чунки Япония Осиё ва Тинч океани минтақасида, шунингдек бутун дунёда муҳим ҳамкорлардан биридир", — деб таъкидлади Россия раҳбари.

Россия ва Япония ўртасидаги муносабатларнинг тўлиқ тартибга солиниши ва тинчлик битимининг имзоланишига жанубий Курил оролларига эгалик қилиш масаласи халал бермоқда.
Япония ва Россия ўртасидаги ҳудудий баҳс Иккинчи жаҳон уруши тугаганидан бери давом этади — уруш якунларига кўра, Курил ороллари бутунлигича СССР таркибига қўшиб олинганди.
Бироқ Итуруп, Кунашир, Шикотан ва Хабомаи ороллари гуруҳига Япония мунтазам равишда даъво қилиб келади.

1476
Бундестаг

Ўзбекистон ва Германия ўзаро махфий ахборот алмашади

233
Ўзбекистон Республикаси Ҳукумати билан Германия Федератив Республикаси Ҳукумати ўртасида махфий ахборотни алмашиш ва ўзаро муҳофаза қилиш тўғрисидаги битим имзоланган.

ТОШКЕНТ, 27 янв — Sputnik. 2019 йил 28 майда Ўзбекистон Республикаси Ҳукумати билан Германия Федератив Республикаси Ҳукумати ўртасида махфий ахборотни алмашиш ва ўзаро муҳофаза қилиш тўғрисидаги битим имзоланганди.

Шавкат Мирзиёев ушбу халқаро шартномани тасдиқлаш тўғрисида президент қарорини имзолади. Ўзбекистон Республикаси Давлат хавфсизлик хизмати юқорида кўрсатилган халқаро шартномани амалга ошириш юзасидан масъул ваколатли орган этиб белгилди.

Ўзбекистон Ташки ишлар вазирлиги немис томонига халқаро шартнома кучга кириши учун Ўзбекистон Республикаси томонидан зарур бўлган давлат ички процедуралари бажарилганлиги тўғрисидаги тегишли билдиришномани юборади.

Аввалроқ Ўзбекистон Ички ишлар вазирлиги АҚШ ФБР билан махфий маълумотлар алмашишни йўлга қўйиш масаласини муҳокама қилинганди. Халқаро терроризм ва наркотрафикка қарши биргаликда кураш назарда тутилган.

233
Теглар:
ТИВ, Шавкат Мирзиёев, Ўзбекистон, Германия
Мавзу бўйича
Германия Алексей Навальнийни жим туришга мажбур қилади
Германия ядровий урушга тайёргарлик кўрмоқда – Bild
Германия мамлакат тарихидаги энг қатъий локдаунни жорий этмоқда
Германия Ўзбекистоннинг ЕОИИга босқичма-босқич қўшилишини ижобий баҳолади
Подпись документов

Президент Марказий банк раисига янги ўринбосар тайинлади

138
Аброрхўжа Турдалиев Марказий банки раисининг ўринбосари этиб тайинланди. У Марказий банкнинг Кредит ташкилотлари пруденциал назорати департаменти директори бўлиб ишлаб келаётганди.

ТОШКЕНТ, 26 янв — Sputnik. Ўзбекистон президенти Шавкат Мирзиёевнинг фармони билан Аброрхўжа Турдалиев Марказий банки раисининг ўринбосари этиб тайинланди. Бу ҳақда банк матбуот хизмати хабар қилмоқда.

Турдалиев зиммасига кредит ташкилотлари пруденциал назорати, кредит ташкилотларида молиявий мониторингни мувофиқлаштириш ва валюта назорати, кредит ташкилотларини инспекция қилиш йўналишларини мувофиқлаштириб бориш вазифаси юклатилди.

У 1979 йил Тошкент вилоятида туғилган. 2000 йили Тошкент молия институтини, 2013 йили Банк-молия академиясини тамомлаган.

Меҳнат фаолиятини 2000 йилда мамлакат Марказий банкида етакчи иқтисодчиликдан бошлаб, бош иқтисодчи, бўлим бошлиғи, бошқарма бошлиғи, департамент директори ўринбосари каби лавозимларда фаолият юритган.

Лавозимга тайинлангунга қадар эса, у Марказий банкнинг Кредит ташкилотлари пруденциал назорати департаменти директори бўлиб ишлаб келаётганди.

138
Теглар:
Аброрхўжа Турдалиев, янги тайинлов, Марказий банк
Автомобильная дорога, ведущая к городу Душанбе

Тожикистон ФВҚ минус 50 даража совуқ бўлиши ҳақида огоҳлантирди

636
(Янгиланган 19:43 27.01.2021)
Тожикистон Фавқулодда вазиятлар қўмитаси аҳолини минус 50 даража қаттиқ совуқ бўлиши ҳақида огоҳлантирди.

ТОШКЕНТ, 27 янв — Sputnik. Тожикистон Фавқулодда вазиятлар қўмитаси аҳолини қаттиқ совуқ бўлиши ҳақида огоҳлантирди, деб хабар қилди Sputnik Тожикистон.

Тожикистон метеорология агентлигининг хабар беришича, республиканинг тоғли ва тоғ олди ҳудудларида 29 январга қадар совуқ об-ҳаво бўлиши кутилмоқда.

Кечаси баъзи туманларда термометр минус 16-21 даражагача тушади, ТБАОнинг шарқий қисмида 36-41 даража совуқ бўлиши кутилади. Помирнинг шарқий қисмида - Булункулда ҳарорат 51-53 даражагача пасаяди.

Фавқулодда вазиятлар қўмитаси фуқароларга хавфсизлик чораларига риоя қилиш зарурлиги ҳақида эслатди.

Аввалроқ, январь бошида Тожикистонга минус 40 даражадаги Сибир совуғи келиши ҳақида хабар бергандик.

636
Теглар:
ФВВ, совуқ, об-ҳаво, Тожикистон