Туркия президентининг Ўзбекистонга ташрифи

Мирзиёев ва Эрдўғон учрашуви: икки раҳбар нималарга келишиб олди?

1895
(Янгиланган 21:45 19.11.2016)
Ўзбекистон ва Туркиянинг ўз олдига қўяётган мақсадларига эришиш учун келаси йил бошида Тошкент шаҳрида Ҳукуматлараро қўшма комиссиянинг навбатдаги мажлисини ўтказишга, унинг доирасида Ўзбекистон – Туркия сармоявий форумини ташкил қилишга келишиб олинди

ТОШКЕНТ, 19 ноя — Sputnik. 17-ноябр куни Туркия Республикаси Президенти Ражаб Тойиб Эрдўғон Самарқанд шаҳрига ташриф буюргани ҳақида хабар қилган эдик.

Эслатиб ўтамиз, Туркия президенти 16-ноябр куни Покистонда бўлган эди. Парвоз олдидан Анқара халқаро аэропортида матбуот вакиллари билан учрашув ўтказган Туркия президенти "Биз ўзбек биродарларимиз билан муносабатларнинг янги саҳифасини очишни истаймиз" деб таъкидлаган.

Россия Фанлар Академияси Шарқшунослик институтининг катта илмий ходими Владимир Аҳмедов Sputnik Ўзбекистонга Эрдўғоннинг ушбу ташрифи Туркия етакчисининг мамлакат геосиёсий мавқеини мустаҳкамлаш истаги билан боғлиқ, дея фикр билдирган эди. "Эрдўғон Туркиянинг ички муаммоларини фаол ташқи сиёсат эвазига ёпиши лозим. У Ироқда, Сурияда фаол ҳаракат қилмоқда ва Ўзбекистон билан алоқаларни тиклаш истагида", — деб таъкидлаган эди эксперт.

Хўш, аслида-чи? Эрдўғон Ўзбекистоннинг муваққат президенти Шавкат Мирзиёев билан ўтказган музокараларида нималар хусусида келишишга муваффақ бўлди? Ўзбекистон ТИВ матбуот-хизматининг бу борадаги ахборотини эътиборингизга ҳавола қиламиз.

Ҳурмат бажо келтирилди

Ўзбекистон Республикаси Президенти вазифасини бажарувчи Шавкат Мирзиёев ва Туркия Республикаси Президенти Ражаб Тойиб Эрдўғон 18-ноябр куни Ҳазрати Ҳизр мажмуига ташриф буюриб, Ўзбекистон Республикасининг Биринчи Президенти қабрини зиёрат қилдилар ва Ислом Каримов хотирасига ҳурмат бажо келтирдилар. Ислом Каримов руҳи покига Қуръон тиловат қилинди.

Шундан сўнг Самарқанд шаҳридаги Форумлар мажмуасида Ўзбекистон Республикаси Президенти вазифасини бажарувчи Шавкат Мирзиёев билан Туркия Республикаси Президенти Ражаб Тойиб Эрдўғон ўртасида музокара бўлиб ўтди.

Шавкат Мирзиёев Биринчи Президентимиз Ислом Каримов вафоти муносабати билан самимий ҳамдардлик йўллагани учун Туркия Президентига миннатдорлик билдирди. Ражаб Тойиб Эрдўғон Самарқандга ташриф буюриб, Юртбошимизнинг ёрқин хотирасига ҳурмат бажо келтиргани Ўзбекистон халқига юксак эҳтиром ифодасидир.
Ушбу ташриф Туркияда Ўзбекистон билан муносабатларни ривожлантиришга катта аҳамият берилишидан далолат экани қайд қилинди.

Туркия Ўзбекистон мустақиллигини биринчилар қаторида тан олган

Ўзбек ва турк халқлари кўп асрлик умумий тарих, ягона тил ва дин, муштарак қадриятлар ва ўхшаш урф-одатлар билан бир-бирига чамбарчас боғланган.

Шавкат Мирзиёев Ўзбекистон Туркияга ўзининг муҳим ва узоқ муддатли ҳамкори сифатида қарашини, халқларимиз ўртасидаги дўстлик ришталарини мустаҳкамлаш, ҳамкорликни ўзаро ишонч тамойиллари асосида ривожлантириш тарафдори эканини қайд этди.

Ражаб Тойиб Эрдўғон Туркия Ўзбекистонни Марказий Осиёдаги устувор шерик деб билишини, мамлакатимизнинг ижтимоий-сиёсий барқарорлиги ва иқтисодий тараққиёти изчил давом этишига ишончи комил эканини алоҳида таъкидлади.

Икки мамлакатнинг бугунги муносабатлари Ўзбекистон ва Туркиянинг имконият ва салоҳиятига мос эмаслиги, ушбу учрашув ҳамкорликнинг янги саҳифаларини очиш масалалари юзасидан батафсил фикр алмашиш учун қулай имконият экани қайд этилди.

Музокарада Ўзбекистон билан Туркия ўртасидаги ўзаро ишонч муҳитини мустаҳкамлаш масаласи муҳокама қилиниб, ташқи сиёсат маҳкамалари ўртасида мунтазам маслаҳатлашувлар ташкил қилиш, халқаро ташкилотлар доирасида бир-бирини қўллаб-қувватлаш тўғрисида фикр алмашилди.

Ўзбекистон Ислом ҳамкорлик ташкилоти фаолияти доирасида Самарқандда Имом Бухорий халқаро тадқиқотлар марказини таъсис этиш таклифини илгари сурди. Томонлар ИҲТнинг Туркиядаги Ислом тарихи, санъати ва маданияти тадқиқотлари маркази бу ташаббусни қўллаб-қувватлаганидан мамнуният изҳор қилдилар.

Суҳбат чоғида савдо-иқтисодий ҳамкорлик масалалари ҳам атрофлича муҳокама қилинди.

Туркия Ўзбекистоннинг анъанавий ва муҳим савдо шерикларидан биридир. 2015-йилда ўзаро савдо ҳажми 1,2 миллиард АҚШ долларини ташкил этди. Бу борадаги ўсиш суръатлари жорий йилда ҳам сақланиб қолиши кутилмоқда. Лекин томонлар қайд қилганидек, бу рақамлар мамлакатларимиз салоҳиятини акс эттирмайди. Бу миқдорни яқин йиллар ичида 2-3-марта ошириш учун етарли имкониятлар мавжудлиги таъкидланди.

Визит президента Турции в Узбекистан
Визит президента Турции в Узбекистан

Ҳозирги кунда Ўзбекистонда Туркиянинг 500 га яқин фирма ва компаниялари фаолият юритмоқда. Мамлакатимиз иқтисодиётига жалб қилинган Туркия сармояси ҳажми 1 миллиард доллардан ошади.

Суҳбат чоғида ушбу ташриф икки мамлакат ишбилармон доиралари ўртасидаги ўзаро манфаатли ҳамкорликка янги суръат бахш этишига ишонч билдирилди.

Томонлар қишлоқ хўжалиги маҳсулотларини етиштириш ва чуқур қайта ишлаш, озиқ-овқат маҳсулотларини сақлаш, қадоқлаш, қайта ишлаш ва экспорт қилиш бўйича мажмуалар барпо этишга, тўқимачилик ва терини қайта ишлаш саноатида замонавий қўшма корхоналар яратишга, хусусан, биргаликда пахта толаси ва тери хомашёсини чуқур қайта ишлаш орқали тайёр брендли маҳсулотларни ташқи бозорларга чиқаришни йўлга қўйиш, фармацевтика соҳасида ҳамкорликка оид янги лойиҳалар тузиш ва амалга ошириш масалаларини кўриб чиқдилар.

Туркиянинг етакчи туристик компанияларини жалб этган ҳолда Ўзбекистонда сайёҳлик инфратузилмасини янада ривожлантириш, Самарқанд, Бухоро, Хоразм ва Тошкент вилоятларида халқаро талабларга мос замонавий сайёҳлик мажмуалари барпо этиш масалалари муҳокама қилинди.

Транспорт коммуникацияларига ҳам алоҳида эътибор қаратилди. "Боку – Ахалкалаки – Қарс" темир йўлининг ишга туширилиши икки мамлакатни бир-бири билан боғлайдиган тўғридан-тўғри транспорт йўлагини яратишдек стратегик аҳамиятга эга масалани ҳал этишда, бинобарин, савдо-иқтисодий алоқаларни ривожлантиришда муҳим омил бўлиши қайд этилди.

Муҳокама қилинган масалалардан келиб чиққан ҳолда, Ўзбекистон ва Туркиянинг ўз олдига қўяётган мақсадларига эришиш учун келаси йил бошида Тошкент шаҳрида Ҳукуматлараро қўшма комиссиянинг навбатдаги мажлисини ўтказишга, унинг доирасида Ўзбекистон – Туркия сармоявий форумини ташкил қилишга келишиб олинди.

Давлатлараро муносабатларда маданий-гуманитар ҳамкорлик алоҳида ўрин тутади. Томонлар бу борадаги шерикликни ривожлантириш масалаларини муҳокама қилди.

Шавкат Мирзиёев ва Ражаб Тойиб Эрдўғон ушбу учрашув давомида эришилган келишувлар икки томонлама муносабатларни янги босқичга кўтариб, ўзаро манфаатли соҳаларда ҳамкорликнинг янги саҳифасини очишга хизмат қилишига қатъий ишонч билдирганлар.

Визит президента Турции в Узбекистан
Kayhan Ozer, Presidential Press Service, Pool photo via AP
Визит президента Турции в Узбекистан

Куннинг иккинчи ярмида олий мартабали меҳмон Имом Бухорий ва Имом Мотуридий йодгорлик мажмуалари, Амир Темур мақбарасини зиёрат қилди, Регистон майдонини кўздан кечирган.

Ражаб Эрдўғон истиқлол йилларида Президент Ислом Каримов раҳнамолигида бу эзгу масканлар тубдан қайта таъмирланиб, мутлақо янги қиёфа касб этганини алоҳида таъкидлаган. Ўзбекистон аждодларимизнинг бой маънавий меросини тиклаш, ўрганиш ва дунёга танитишда юксак натижаларга эришаётганини қайд этган.

Шу билан Туркия Республикаси Президенти Ражаб Тойиб Эрдўғоннинг мамлакатимизга ташрифи якунига етган.

1895
Махмуд Шухратович Истамов назначен прокурором Бухарской области.

Бухоро вилоятига янги прокурор тайинланди

161
Марказий сайлов комиссияси раисининг ўринбосари лавозимида ишлаб келаётган Маҳмуд Истамов Бухоро вилояти прокурори бўлди.

ТОШКЕНТ, 20 янв — Sputnik. Ўзбекистон бош прокурорининг буйруғига асосан адлия катта маслаҳатчиси Маҳмуд Истамов Бухоро вилояти прокурори лавозимига тайинланди. Бу ҳақда Бош прокуратура матбуот хизмати хабар қилмоқда.

Истамов 2019 йил 23 июлидан Марказий сайлов комиссияси раиси ўринбосари лавозимида ишлаб келаётган эди.

Маҳмуд Истамов 1979 йил 24 февралда Бухоро шаҳрида туғилган. 2000 йилда Тошкент давлат юридик институтини тамомлаган. Меҳнат фаолиятини 2000 йилда Адлия вазирлиги Идоравий меъёрий ҳужжатларни давлат рўйхатидан ўтказиш бошқармасининг катта маслаҳатчиси лавозимида бошлаган. Кейинчалик мазкур бошқармада бош маслаҳатчи, бўлим бошлиғи, бошқарма бошлиғи ўринбосари лавозимларида ишлаган.

2004—2005 йилларда Адлия вазирлиги ҳузуридаги Ҳуқуқий ахборот билан таъминлаш маркази раҳбари, 2005—2006 йилларда Адлия вазирлиги ҳузуридаги Норматив-ҳуқуқий ҳужжатларнинг амалга оширилиши устидан мониторинг қилиш маркази бўлими бошлиғи лавозимларида фаолият олиб борган. 2006 йилдан Президент девонига ишга ўтган.

Жумладан, 2006—2011 йилларда Президент девони Ҳуқуқни муҳофаза қилувчи ва назорат идоралари фаолиятини мувофиқлаштириш бўйича Давлат маслаҳатчиси хизматининг Адлия ва суд идоралари фаолияти масалалари бўйича инспектори, 2011—2014 йилларда Президенти девони Ҳуқуқни муҳофаза қилувчи ва назорат идоралари фаолиятини мувофиқлаштириш хизматининг Адлия идоралари масалалари шў’басининг етакчи инспектори, 2014—2017 йилларда Президент девони Олий Мажлис, сиёсий ва жамоат ташкилотлари билан ҳамкорлик қилиш хизмати Сиёсий партиялар билан ҳамкорлик қилиш шўъбаси мудири бўлган.

2017 йил августига қадар Президент девони Сиёсий-ҳуқуқий масалалар хизмати Суд-ҳуқуқ соҳасидаги қонунчилик шўъбаси мудири лавозимида фаолият кўрсатган. Шу йил 14 августида адлия вазири ўринбосари этиб тайинланган. 2019 йил январида эса унинг лавозими адлия вазирининг биринчи ўринбосари даражасига кўтарилган. 2019 йил 23 июлида эса Истамов Марказий сайлов комиссияси раиси ўринбосари лавозимига сайланган.

161
Теглар:
Маҳмуд Истамов, Бош прокуратура, прокурор, Бухоро вилояти

Россия ва АҚШ орасида муносабатлар вектори ўзгармоқда сиёсатчи

420
(Янгиланган 14:57 20.01.2021)
АҚШ янги президенти Жо Байден, инагурациядан кейин дарҳол СНВ-3 шартномасини узайтиришни ният қилган.

ТОШКЕНТ, 20 янв - Sputnik. АҚШ янги маъмурияти 5 февралга қадар СНВ-3 шартномасини узайтиришни ният қилган. Плеханов номидаги РЭУ Сиёсатшунослик факультетти раҳбари, сиёсатчи Андрей Кошкин айтишига кўра, Оқ Уйнинг янги жамоаси СНВ-3 шартномаси муддатини узайтириш тарафдори бўлади ва ракеталарга қарши мудофаа тизимлари чекланишига рози бўлмайди.

“Байден маъмуриятининг ушбу режасини фақат қўллаб-қувватлаш мумкин. Ушбу  қадам қандайдир маънода АҚШ ва Россия Федерацияси орасидаги ўзаро ҳамкорлик алоқалар векторини ҳам ўзгартиради. АҚШ раҳбариятининг ушбу ҳаракати – стратегик ядровий қуролланишни чеклашга қаратилган янгича сиёсатининг бошланиши бўлади ва келажакда янги, давлатлар ядровий қуролларини тўлиқ назорат остида сақлаб турувчи шартномаларга олиб келиши мумкин”, - деди Кошкин.    

Эслатиб ўтамиз, Россия ва АҚШ орасида имзоланган СНВ-3 шартномаси 2011 йилнинг 5 февралида кучга кирган эди. Унга кўра 7 йил ичида қуруқликдаги, самолётлар ва сув ости кемаларидаги  ядровий қурол ҳажми 700 континетлараро баллистик ракеталардан, 1 550 жанговар бош ва 800 та учирувчи установкадан ошмайди.

Айни дамда СНВ-3 - Россия ва АҚШ орасида амал қилаётган, қурол-яроғ миқдорини чеклашга қаратилган ягона шартномадир. Унинг муддати 2021 йилнинг 5 февралида тугайди.

420

Кремл "Путин қасри" ҳақидаги хабарлар юзасидан изоҳ берди

569
(Янгиланган 20:21 20.01.2021)
Кремл Геленджикдаги Владимир Путиннинг "қасри" ҳақидаги Алексей Навальний томонидан ўтказилган суриштирувни асоссиз сафсата ва компиляция деб атади.

ТОШКЕНТ, 20 янв — Sputnik. Кремл Геленджикдаги Владимир Путиннинг "қасри" ҳақидаги Алексей Навальний томонидан ўтказилган текширувни асоссиз сафсата ва компиляция деб атади.

Куни кеча Навальний жамоаси президент Қора денгиз қирғоғида 100 миллиард рублга қаср қургани тўғрисидаги материални эълон қилди.

"Биласизми, бу мавзу 3-4 йил олдин тармоққа ташланганди. Ва бу ҳолатда қуруқ сафсата қилинмоқда, мана бу ҳийла-найранглардан фойдаланишга бир неча бор уринишди. Кўпинча ўзларини қийнашмаяпти ҳам <...> ҳеч бўлмаганда бирон бир нарсани исботлаш эмас, ҳеч бўлмаганда тасвирлаб беришга минимал уринишлар билан” - деди президент матбуот котиби Дмитрий Песков.

У ягона янгилик бу - "монтаж ҳикоялари"дан фойдаланиш бўлган, дея тахмин қилди.

"У ерда, маълум бир қасридаги бассейнда, Путиннинг Енисейда сузиб юргани акс этган <...> бутун дунёда тарқалган <...> тасвирлар қўшиб қўйилган. Бу шундай қуруқ констатация", - деб тушунтирди Кремл вакили.

Бундан ташқари, Песков россияликларни "ФБК муттаҳамларига" пул ўтказмасликка чақирди, бундай текширувлар – бу фирибгарлик эканлигини таъкидлади.

"Давлат раҳбарига қарши тайёрланган ва тайёрланаётган ахборот хужумлари ҳақида аллақачон бизга маълум. Улар бўлган, афсуски, давом этади. Бу ҳолатда президент мавжуд бўлмаган мулкка эгалик қилишда айбланмоқда. Бутун мол-мулк Россия президенти томонидан ҳар йили декларацияланади ва чоп этилган йиллик декларацияда акс этган", - деб хулоса қилди Песков.

569
Теглар:
Навальний, Кремль, Москва, Россия
Мавзу бўйича
Кремль ЕИнинг Навальний туфайли санкцияларига муносабат билдирди
Олимпиада-Навальний жанжали: АҚШ ва Британия энг қимматли нарсасини қутқармоқда
Лавров ЕИнинг Навальний туфайли санкцияларига муносабат билдирди
Навальний иши: Россия Европа Иттифоқига қарши санкция қўллади
Навальний билан боғлиқ ҳолат бўйича жиноят ишини қўзғатишга асос йўқ - Лавров
Коронавирус, Беларусь, Қорабоғ ва Навальний: РФ ташқи разведка раҳбари билан интервью