Шавкат Мирзиёев, Ўзбекистоннинг янги сайланган раҳбари, архив сурат

Шавкат Мирзиёев қатор давлат раҳбарлари билан телефонлашди

398
(Янгиланган 10:26 07.12.2016)
Ўзбекистон Республикасининг янги сайланган президенти Шавкат Мирзиёев Нурсултон Назарбоев, Эмомали Раҳмон, Владимир Путин, Тойиб Эрдўғон ҳамда Гурбангули Бердимуҳаммедовлар билан телефон орқали мулоқотлар ўтказди

ТОШКЕНТ, 6 дек — Sputnik. Россия, Қозоғистон, Туркия, Туркманистон ва Тожикистон президентлари Шавкат Мирзиёевни Ўзбекистон Республикаси президенти сайловида муваффақият қозонгани муносабати билан чин қалбдан табриклашди, деб хабар қилмоқда "Жаҳон" АА.

Жумладан, Россия Федерацияси Президенти Владимир Путин билан ўтказилган телефон орқали мулоқот давомида давлат раҳбарлари ҳозирги кунда кўп қиррали Ўзбекистон-Россия муносабатлари юксак даражада эканини мамнуният билан таъкидлаб, Самарқанд шаҳрида ўтган олий мақомдаги икки томонлама учрашув чоғида эришилган келишувлар режали ва тизимли асосда ҳаётга татбиқ этилаётганини ижобий баҳолаганлар.

Томонлар стратегик шериклик ва иттифоқчилик муносабатларини, шунингдек, икки томонлама алоқаларга доир барча соҳаларда ҳамда долзарб халқаро ва минтақавий масалалар бўйича ишончли, очиқ ва конструктив давлатлараро мулоқотни изчил давом эттириш ва жадал ривожлантиришга қатъий тайёр эканликларини билдирганлар.

Шавкат Мирзиёев билан Тожикистон Республикаси Президенти Эмомали Раҳмон ўртасида 5-декабр куни ўтказилган телефон мулоқоти давомида давлат раҳбарлари Ўзбекистон-Тожикистон муносабатларни мустаҳкамлаш масалалари бўйича фикр алмашганлар.Шунингдек, сиёсий, савдо-иқтисодий, транспорт-коммуникация, маданий-гуманитар ва бошқа соҳалардаги долзарб вазифаларнинг амалий рўёбга чиқаришдан ҳар икки томон ҳам манфаатдор эканлигини таъкидлаганлар.

Ўзбекистон ва Тожикистон раҳбарлари ўзаро манфаатли лойиҳаларни амалга ошириш бўйича аниқ қарорларга келиш мақсадида давлат ва жамоат тузилмалари, хўжалик субектларининг икки томонлама мулоқотларини қўллаб-қувватлашга келишиб олганлар.

Шавкат Мирзиёев билан Туркия Республикаси Президенти Ражаб Тойиб Эрдўғон ўртасида Туркия томонининг ташаббуси билан 6-декабр куни ўтказилган телефон орқали мулоқот давомида Давлат раҳбарлари давлатлараро муносабатларнинг долзарб масалаларини муҳокама этган ва 18-ноябрда Самарқандда олий даражада ўтган Ўзбекистон – Туркия ўртасидаги серқирра мулоқот ва ўзаро манфаатли ҳамкорликни янада мустаҳкамлаш ва кенгайтиришга тайёр эканини таъкидлаганлар.

Томонлар бугунги икки томонлама муносабатлар ўзбек ва турк халқларининг тарихи ҳамда маънавияти муштараклигининг мустаҳкам асосига таяниши ва ўзаро манфаатларга жавоб берадиган амалий натижаларга эришишни мақсад қилганини алоҳида таъкидлаганлар.

Ўзбекистон билан Туркия шериклик муносабатларини иқтисодий, инвестицион-технологик, маданий-гуманитар ва бошқа соҳалардаги улкан салоҳият инобатга олинган ҳолда, янги мазмун билан бойитиш тарафдори экани қайд этилган.
Ўзбекистон ва Туркия раҳбарлари ўзаро расмий ташриф алмашишга келишиб олганлар ва шу муносабат билан манфаатдор вазирлик ва идораларга тегишли топшириқлар берилган.

Қозоғистон президенти Нурсултон Назарбоев билан телефон орқали мулоқот чоғида томонлар Ўзбекистон – Қозоғистон муносабатларининг бугунги ҳолати ва истиқболлари ҳақида фикр алмашганлар. Икки мамлакатнинг турли вазирлик ва идоралари ўртасидаги алоқаларга, хўжалик субектларининг самарали ҳамкорлиги, шунингдек, минтақалараро алоқалар жадал ривожланиб бораётганига алоҳида эътибор қаратилган. Давлат раҳбарлари ўзаро муносабатларнинг барча жиҳатлари ва минтақавий ҳамда халқаро аҳамиятга молик долзарб масалалар юзасидан ҳамкорликни изчил давом эттиришга келишиб олганлар.

Туркманистон Президенти эса Шавкат Мирзиёевни Ўзбекистон Республикаси Президенти сайловидаги ишончли ғалабаси билан самимий табриклаган ва суҳбат чоғида ўзбек ва туркман халқларининг тарихи муштараклиги, маънавий ва маданий қадриятлари яқинлиги таъкидланган. Мамлакат раҳбарлари Ўзбекистон билан Туркманистон ўртасидаги серқирра ҳамкорликнинг бугунги ҳолати ва истиқболли йўналишларини муҳокама этиб, томонларни қизиқтирган минтақавий ва халқаро масалалар юзасидан фикр алмашганлар.

Давлат раҳбарлари дўстлик, яқин қўшничилик ва ўзаро манфаатли ҳамкорлик принципларига асосланган юксак даражадаги давлатлараро муносабатларни мамнуният билан қайд этиб, бундан буён ҳам сиёсий, савдо-иқтисодий, маданий-гуманитар ва бошқа соҳаларда амалий ва очиқ мулоқотларни фаол давом эттиришга қатъий ишонч билдирганлар.

Гурбангули Бердимуҳамедов Шавкат Мирзиёевга ўзи учун қулай бўлган вақтда Туркманистонга расмий ташриф билан келишини таклиф этган. Таклиф мамнуният билан қабул қилинган.

398
Теглар:
давлат раҳбарлари, қутлов, табрик, телефон орқали мулоқот, Эмомали Раҳмон, Нурсултон Назарбоев, Владимир Путин, Шавкат Мирзиёев, Тожикистон, Туркия, Қозоғистон, Ўзбекистон
Мавзу:
Ўзбекистоннинг янги президенти Шавкат Мирзиёев: ислоҳотлар ва тайинловлар (72)
Министр иностранных дел Узбекистана Абдулазиз Камилов

Абдулазиз Камилов “Марказий Осиё + Япония” видеоконференциясида иштирок этади

14
Марказий Осиё мамлакатлари ва Япония ТИВ раҳбарлари мажлисда чоғида коронавирус қарши биргаликда курашишда ҳамкорликни янада ривожлантириш истиқболларини муҳокама қилишади.

ТОШКЕНТ, 10 авг — Sputnik. Ўзбекистон ташқи ишлар вазири Абдулазиз Камилов видеоконференция шаклида “Марказий Осиё + Япония” мулоқоти ташқи сиёсат идоралари раҳбарларининг навбатдан ташқари мажлисида иштирок этади.

ТИВ матбуот хизмати хабарига кўра, мажлис 2020 йил 11 август куни бўлиб ўтади.

Тадбирда, шунингдек, Япония ташқи ишлар вазири Тосимицу Мотэги, Қирғизистон Қозоғистон, Тожикистон ва Туркманистон ТИВ раҳбарлари қатнашади.

Мажлисда чоғида жорий эпидемиологик ҳолат, коронавирус инфекцияси ва унинг оқибатларига қарши биргаликда курашиш масалалари ҳамда пандемия шароитида ҳамкорликни янада ривожлантириш истиқболларини муҳокама қилиш режалаштирилган.

14
Боевики движения Талибан*

Толиблар АҚШга қарши Россия билан тил бириктирилганини рад этди

439
Толибон ҳаракати сиёсий офиси расмий вакили Сухайл Шахин сўзларига кўра, ушбу "нотўғри ва асоссиз маълумот Қобул миллий хавфсизлик департаменти томонидан тинчлик ўрнатиш  жараёнига путур етказиш мақсадида америка ва европанинг айрим журналистларига тақдим этилган".

ТОШКЕНТ, 8 авг - Sputnik. Россия толибларни ўз томонига "оғдириб олгани" ҳақидаги хабарларда биронта рост сўз йўқ, бу Афғонистонда тинчлик жараёни ўрнатилишига қарши бўлганлар томонидан йўлга қўйилган кампаниянинг бир қисмидир, деди РИА Новостига берган интервьюсида "Толибон" радикал ҳаракати сиёсий офисининг расмий вакили Сухайл Шахин.

"Улар (тинчлик жараёни душманлари - таҳр.) унга зиён етказмоқчи, халал беряпти", - деди Шахин телефон орқали олинган интервью давомида.

Унинг сўзларига кўра, ушбу "нотўғри ва асоссиз маълумот Қобул миллий хавфсизлик департаменти томонидан "тинчлик ўрнатиш  жараёнига путур етказиш мақсадида америка ва европанинг айрим журналистларига тақдим этилган".

"Бу хабарларда ҳақиқатга тўғри келадиган ҳеч вақо йўқ, бу шунчаки тинчлик жараёнига қарши кампания. Ва биз бундай баёнотларни тўлалигича рад этамиз", - деди толиблар сиёсий офиси вакили.

Илгарироқ New York Times газетаси бир мақола чоп этган бўлиб, унда аллақандай россия ҳарбий разведкаси бўлинмаси толибларни пул эвазига Афғонистондаги халқаро коалиция ҳарбий хизматчиларига ҳужум уюштиришга даъват қилгани ҳақида айтилган эди.

New York Timesдаги мақоладан сўнг Россиянинг Вашингтондаги элчихонаси ушбу ёлғон мақола туфайли ижтимоий тармоқларда "руслар билан ҳисоб-китоб қилиш"га доир чақириқлар пайдо бўлгани ҳақида хабар берди. Таҳдидлар ҳақидаги маълумотни дипломатлар АҚШ ва Давлат департаменти ҳуқуқ-тартибот органларига топширдилар.

ТИВда ушбу мақола ёлғон, дея баҳоланди, ташқи сиёсий маҳкама раҳбари Сергей Лавров ушбу айбловларни Қўшма Штатларда бўлиб ўтадиган сайловлар олдидаги ички сиёсий кураш билан боғлади.

АҚШ президенти Дональд Трамп ўз навбатида ушбу мақолани "буюртма" деб атади ва америка разведкаси New York Times хабарини ишончга сазовор, деб топмаганини хабар қилди. Пентагон ҳам "тил бириктирув"ни тасдиқловчи далилларга эга эмаслигини маълум қилди.

439
Мавзу:
Афғонистон: 30 йил тинчлик илинжида