Қозоғистон президенти қасамёд қилмоқда, архив сурат

Дунё мамлакатлари раҳбарлари қасамёди қандай кечади

2116
(Янгиланган 19:02 14.12.2016)
Президент қасамёди тадбири турли давлатларда турлича ўтказилади. Мисол учун, мусулмон давлатларида давлат раҳбарлари муқаддас китобга қўлини қўйган ҳолда қасамёд қилса, айрим мамлакатларда ушбу тадбирга унчалик аҳамият беришмайди

ТОШКЕНТ, 14 дек — Sputnik, Дилшода Раҳматова. Бугун Шавкат Мирзиёев Қуръон ва Конституцияга қўлини қўйган ҳолда қасамёд қилди.

Яъни Марказий сайлов комиссияси раиси Мирзо-Улуғбек Абдусаломов Мирзиёевни Ўзбекистон Президенти этиб сайлангани билан табриклаб, унга Ўзбекистон Республикаси Президенти гувоҳномаси ва МСК шаҳодатномасини топширгач, Шавкат Мирзиёев: "Ўзбекистон халқига садоқат билан хизмат қилишга, республиканинг Конституцияси ва қонунларига қатъий риоя этишга, фуқароларнинг ҳуқуқлари ва эркинликларига кафолат беришга, Ўзбекистон Республикаси Президенти зиммасига юклатилган вазифаларни виждонан бажаришга тантанали қасамёд қиламан", дея қасамёд қилди.

Инагурация президента Узбекистана Шавката Мирзиёева
МСК Раиси Шавкат Мирзиёевга президентлик гувоҳномасини топширди

Бошқа раҳбарлар қандай қасамёд қиладилар?

Албатта, президент қасамёди турли давлатларда турлича тарзда кечади. Мисол учун, АҚШ президенти қасамёд қилар экан, Олий суд раиси айтган сўзларни такрорлаши керак. Тадбир ҳар йили бир хил санада — 20 январда Вашингтондаги Капитолий олдида ўтказилади. Президент оммани ўз дастури билан таништиргач, тантанали парад, сўнгра бал ўтказилади. АҚШда сўнгги қасамёд тадбири 2013 йилнинг январида ўтказилган. Барак Обама Линкольн Инжилига қўлини қўйган ҳолда қасамёд қилган. Ушба тадбирни 2 млндан ортиқ киши кузатган.

Инаугурация президента США Барака Обамы
AFP / JEWEL SAMAD
АҚШ президенти қасамёд тадбири

Қасамёд тарихи

Давлат раҳбарининг ўз лавозимига расман киришиши тадбири АҚШда дунёга келган. 1801 йилда АҚШнинг 3-президенти Томас Жефферсон Капитолий сенатида илк бор қасамёд нутқи билан чиқиш қилган. Ўша вақтдан бошлаб бу жараён анъанага айланган.

Марказий Осиё раҳбарлари қандай қасамёд қиладилар?

Албатта, Марказий Осиё давлатларида қасамёд жараёни Европадан фарқли ўлароқ анча тантанали кечади. Мисол учун, Қозоғистон Президенти ўз халқига қасамёд қилар экан, ўнг қўлини конституцияга қўяди. Шундан сўнг давлат байроғига яқинлашиб, унинг олд томонини ўпади. Шундан сўнг Қозоғистон мадҳияси ижро этилади ва Оқўрда устида Қозоғистон байроғи кўтарилади. Қозоғистон Марказий сайлов комиссияси раиси янги раҳбарга президентлик гувоҳномасини топширгач, президент нутқ сўзлайди ва сўнгра мамлакат Қуролли кучлари томонидан ташкил этилган парадни қабул қилади.

Туркманистонда ҳам ушбу тадбир тантанали ўтказилади. Мисол учун 2008-йилда қасамёд қилган Гурбангули Бердимуҳаммедовга мўл-кўчилик рамзи бўлмиш — дастурхонга ўралган нон, Қуръон ҳамда Туркманистоннинг биринчи президенти, 2006 йилнинг 21 декабрида фавқулодда вафот этган Сапармурод Ниёзов томонидан ёзилган "Руҳнома" асари тақдим этилган. Гурбангули Бердимуҳаммедов, бундан ташқари, туркман халқининг бирдамлигини англатувчи совға — камалак ўқдонни ҳам қабул қилиб олган.

Тожикистон президенти қасамёд тадбири эса Душанбедаги ҳукумат қароргоҳи ҳудудида ўтказилади. Тожикистон миллий мадҳияси янграгач, ва президентга Президентлик нишони топширилгач, давлат раҳбари бир қўлини конституцияга, иккинчисини кўксига қўйганча қасамёд келтиради. Худди шу куннинг ўзида мамлакатдаги марказий майдонда ҳарбийлар паради бўлиб ўтади. Ҳарбийлар бош қўмондонга садоқат ила хизмат қилишга қасамёд қиладилар.

Основатель мира и национального единства — Лидер нации Эмомали Рахмон
Эмомали Раҳмон, Миллат етакчиси, Тожикистон президенти

 

Жанубий Кореяда эса президент қасамёди бир палатали миллий кенгаш биноси олдида ўтказилади. Тадбирда сон-саноқсиз меҳмонлар иштирок этадилар. Уларнинг барчаси президент нутқ сўзлайдиган минбар қаршисида йиғма курсичаларга ўтқазилади. Мабодо, ёмғир ёғиши эҳтимоли бўлса, меҳмонларга полиэтилен плашч тарқатилади.

Биргина хато президентлик курсисидан жудо қилиши мумкин

Чехияда бу тадбирга ўта жиддий қаралади. Халқ томонидан сайланган раҳбар қасамёд қабул қилаётганда кичик бўлса-да хатога йўл қўядиган бўлса, мамлакатда бўлиб ўтган сайловлар ҳисобга ўтмайди.

Инаугурация президента Чехии Милоша Земана
AFP / RADEK MICA
Чехия президенти Милош Земаннинг қасамёд тадбири

Дунёнинг аксарият мамлакатларида, диний институтлар катта кучга эга. Яъни қасамёд қабул қилаётган давлат раҳбари қўлини муқаддас китобга қўяди. Ва шу тарзда амалга оширилган қасамёд расмий тусга эга бўлади.

Французча қасамёднинг ўзига хос жиҳатлари

Европа давлатларида президент қасамёд қилиш тадбири ўта одми ва қисқа тарзда кечади. Мисол учун, Францияда президент умуман қасамёд қабул қилмайди, у ваколатини ўзидан олдинги президентдан қабул қилиб олади.

Яъни, Франциянинг амалдаги ва бўлажак президентлари ярим соат ҳоли қолиб, суҳбатлашадилар. Шу вақт оралиғида "кетаётган" президент ўз ўрнига келган янги раҳбарга "ядровий кодлар" ва давлатга тегишли бошқа муҳим сирларни топширади.

Офицер с ядерным чемоданчиком
Sputnik / Владимир Федоренко
Ядро чемоданчаси

Қасамёд тадбирига катта аҳамият қаратмайдиган давлатлар ҳам бор. Мисол учун, 2000-йилда Мексикада ўз лавозимига киришаётган Висенте Фокс ушбу тадбирни Мехико ҳаробаларидаги қаровсиз болалар билан нонушта қилган ҳолда "нишонлаган".

Интернет маълумотлари асосида тайёрланди.

2116
Теглар:
ядро жомадони, Инжил, Қуръон, президент қасамёди, давлат раҳбарлари, Франция, АҚШ
Президент Республики Корея Мун Чжэ Ин 18 апреля прибыл в Узбекистан с государственным визитом

Мирзиёев Шимолий иқтисодий ҳамкорлик халқаро форумида иштирок этади

83
(Янгиланган 17:19 29.10.2020)
Шавкат Мирзиёев Корея президентининг таклифига биноан Сеул шаҳрида видеоанжуман шаклида бўлиб ўтадиган Шимолий иқтисодий ҳамкорлик иккинчи халқаро форумида иштирок этади.

ТОШКЕНТ, 29 окт — Sputnik. Ўзбекистон президенти Шавкат Мирзиёев 30 октябрь куни Сеул шаҳрида видеоанжуман шаклида бўлиб ўтадиган Шимолий иқтисодий ҳамкорлик иккинчи халқаро форумида иштирок этади. Бу ҳақда давлат раҳбари матбуот хизмати хабар қилмоқда

Иштирок этиш таклифи Корея президенти Мун Чже Ин томонидан билдирилган. Тадбир кун тартибидан коронавирус пандемияси оқибатларини биргаликда енгиб ўтиш ва халқаро шерикликни кенгайтириш масалалари ўрин олган.

Таъкидланишича, давлат раҳбари ўз нутқида минтақавий сиёсатнинг энг долзарб масалалари ва ўзаро манфаатли ҳамкорликни янада ривожлантириш истиқболларига тўхталиб ўтади.

Форум ишида Ўзбекистон ва Жанубий Корея етакчилари билан бир қаторда Россия, Қозоғистон, Туркманистон, Мўғулистон президентлари ва бошқалар иштирок этади.

83
Теглар:
форум, Мун Чже Ин, Шавкат Мирзиёев, Жанубий Корея, Ўзбекистон
Узбекистан и Турция подписали соглашение о развитии военного и военно-технического сотрудничества

Ўзбекистон ва Туркия ҳарбий ҳамкорликни ривожлантириш тўғрисида битим имзолади

83
Битимни Туркия мудофаа вазири генерал Ҳулуси Акар ва Ўзбекистон мудофаа вазири генерал-майор Баҳодир Қурбонов имзолади.

ТОШКЕНТ, 28 окт — Sputnik. Ўзбекистон ва Туркия ўртасида ҳарбий ва ҳарбий-техник ҳамкорликни ривожлантириш тўғрисида битим имзоланди.

Битимни мамлакатга ташриф буюрган Туркия мудофаа вазири генерал Ҳулуси Акар ва Ўзбекистон мудофаа вазири генерал-майор Баҳодир Қурбонов имзолади.

Музокара давомида мудофаа вазирлари давлат раҳбарларининг Ўзбекистонга ва Туркияга амалий ташрифлари давомида эришилган натижаларга, шунингдек, ҳарбий соҳада икки томонлама ҳамкорликнинг бугунги ҳолати, истиқболига ҳам алоҳида эътибор қаратишди.

“Музокаралардан сўнг икки давлат Мудофаа вазирлиги раҳбарлари Ўзбекистон ҳамда Туркия ўртасида ҳарбий ва ҳарбий-техник ҳамкорликни ривожлантириш тўғрисидаги битимни имзоладилар”, - дейилган Ўзбекистон Мудофаа вазирлиги матбуот хизмати хабарида.

Эслатиб ўтамиз, аввалроқ Шавкат Мирзиёев Туркия миллий мудофаа вазири, армия генерали Ҳулуси Акарни қабул қилгани хабар қилинган эди.

83
Рабочие на стройплощадке

Қурилиш ва “яширин иқтисодиёт”: ҳуқумат қарори лойиҳаси тайёрланди

147
“Қурилиш соҳасида “яширин иқтисодиёт”ни қисқартириш бўйича қўшимча чора-тадбирлар тўғрисида”ги ҳукумат қарори лойиҳаси тайёрланди.

ТОШКЕНТ, 29 окт — Sputnik. “Қурилиш соҳасида “яширин иқтисодиёт”ни қисқартириш бўйича қўшимча чора-тадбирлар тўғрисида”ги ҳукумат қарори лойиҳаси умумий муҳокамага қўйилди.

Қурилиш ташкилотлари томонидан ўз яширин фаолиятини ихтиёрий равишда қонунийлаштириши учун 2020 йил 1 декабрдан қуйидаги рағбатлантириш механизмлари жорий қилиш таклиф этилмоқда:

а) норасмий бандлик ҳолатлари кузатилмаган ёки яширин фаолиятни тўлиқ бартараф этган қурилиш ташкилотлари реестри юритилади.

Реестрга кирган қурилиш ташкилотларга қурилиш объектларида бажарилган ишлар учун буюртмачи томонидан маблағ ажратилгунга қадар даромад ва иш ҳақидан бўлган солиқларни тўлаш муддатини мутаносиб равишда узайтиришга рухсат этилади.

б) ўрганиш жараёнида нолегал ходимларни расмийлаштирган қурилиш ташкилотига уларнинг касбий малакасини ошириш, меҳнат муҳофазаси қоидаларига ўргатиш ва шахсий ҳимоялаш воситаларини харид қилиш учун Бандликка кўмаклашиш давлат жамғармаси маблағлари ҳисобидан субсидия берилади. Бунда:

субсидия касбий малакани ошириш учун ҳар бир ходим учун 6 ой муддатгача ҳар ойда базавий ҳисоблаш миқдорининг 4 баравари миқдоригача, меҳнат муҳофазаси қоидаларига ўргатиш ва шахсий ҳимоялаш воситаларини харид қилиш учун бир марта базавий ҳисоблаш миқдорининг 10 баравари миқдоригача берилади;

ишчи гуруҳлар томонидан аниқланган норасмий ишлаётган ходимларга уларни касбга ўқитиш, қайта ўқитиш, малакасини ошириш учун касб-ҳунарга ўқитиш марказларига йўлланма берилади, бунда иш берувчи томонидан ушбу ходимларни ўқишдан кейин расмий равишда ишга олиш бўйича кафолати олинади.

в) қурилиш ташқилотлари томонидан 2020 йил 1 декабрга қадар ишчиларга норасмий иш ҳақи тўланган холатлар юзасидан ҳуқуқий чоралар қўлланилмайди ва юзага келиб чиқиши мумкин бўлган ҳар қандай солиқ ва мажбурий тўловлардан воз кечилади, бир йил ичида ишчиларига норасмий иш ҳақи тўланган холатлар аниқланган қурилиш ташкилотлар бундан мустасно.

Қурилиш ташкилотларига айрим қурилиш ишлари турлари бўйича ўзини ўзи банд қилган шахсларни хизмат кўрсатиш шартномаси асосида жалб этишга рухсат бериш кўрсатилмоқда.

Бандлик ва меҳнат муносабатлари вазирлиги ва суғурта компаниялари томонидан иш берувчилар, шу жумладан қурилиш ташкилотлари ўз фуқаролик жавобгарликларини мажбурий суғурта қилганлигини биргаликда мониторинг қилиш тажрибаси жорий этиш таклиф қилинмоқда.

Бандлик ва меҳнат муносабатлари вазирлиги Давлат солиқ қўмитаси билан биргаликда икки ой муддатда фаолиятида ходимлар сонини яшириш аниқланган ҳолатлари бўйича мансабдор шахсларга базавий ҳисоблаш миқдорининг йигирма беш бараваридан эллик бараваригача, худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, мансабдор шахсларга эллик бараваридан юз бараваригача миқдорда жарима солинишини назарда тутувчи таклифлар ишлаб чиқиш режалаштирилган.

147