Тошкент вилояти ҳокимияти, архив сурат

Тошкент вилоятига янги ҳоким тайинланди

1438
(Янгиланган 18:29 15.12.2016)
Шу кунга қадар Исламжан Эргашхўжаев Тошкент вилояти ҳокими вазифасини бажариб келаётган эди

ТОШКЕНТ, 15 дек — Sputnik. Халқ депутатлари Тошкент вилоят кенгашининг навбатдан ташқари сессияси бўлиб ўтди. Унда Ўзбекистон Президенти Шавкат Мирзиёев иштирок этди.

Йиғилиш кун тартибида кўриб чиқилган масалалар қаторида вилоят ҳокимини тайинлаш масаласи ҳам муҳокама этилди, деб хабар қилмоқда кун.уз.

Хабарда маълум қилинишича, вилоят ҳокими лавозимига Бобаев Шукрулло Ҳабибуллаевич номзоди кўриб чиқилган ва вилоят кенгаши депутатлари қўллаб-қувватлаши билан бир овоздан маъқулланган.

У 2016 йилнинг 4 февралида Тошкент вилоятида Аҳмаджон Усмонов ўрнига янги ҳоким сифатида тайинланган, шу йил августида ишдан олинган Содиқ Абдуллаев ўрнини эгаллади.

Ўзбекистон Президентининг 12 августдаги фармонига мувофиқ Исламжан Эргашхўжаев Тошкент вилояти ҳокими вазифасини бажарувчи сифатида тайинланганди.

Хабарларга кўра, И.Эргашхўжаев ҳозирга қадар бўш турган Республика Бош прокурорининг биринчи ўринбосари лавозимига ўтказилган.

1438
Теглар:
Аҳмаджон Усмонов, Тошкент вилояти, Абдуллаев, ҳоким
м

Ўзбекистон Арманистон ва Озарбайжонни ҳарбий ҳаракатларни тўхтатишга чақирди

150
(Янгиланган 23:32 27.09.2020)
Ўзбекистон ТИВ баёнотида қайд этилишича, ўзаро қарама-қаршилик чоғида ҳарбий кучнинг ишлатилиши икки томондан ҳам кўплаб инсонларнинг қурбон бўлишига олиб келиши мумкин.

ТОШКЕНТ, 27 сен — Sputnik. Озарбайжон ва Aрманистон муносабатларидаги кескинликнинг ошиши Ўзбекистонда жиддий ташвиш уйғотмоқда.

Ўзбекистон ТИВ баёнотида қайд этилишича, ўзаро қарама-қаршилик чоғида ҳарбий кучнинг ишлатилиши икки томондан ҳам кўплаб инсонларнинг қурбон бўлишига олиб келиши мумкин. 

Ўзбекистон Мустақил Давлатлар Ҳамдўстлигида раислик қилаётган давлат сифатида МДҲ ҳудудида дўстлик, яхши қўшничилик муносабатлари ва ўзаро ишончни мустаҳкамлаш, баҳсли масалаларни халқаро ҳуқуқ нормаларига қатъий мос равишда тинч йўл билан ҳал қилинишининг муҳимлигини яна бир бор тасдиқлайди.

“Озарбайжон Республикаси ва Aрманистон Республикасини ҳарбий ҳаракатларни тезда тўхтатишга ҳамда можарони суверенитет ва ҳудудий яхлитлик тамойилларига риоя қилган ҳолда тинч йўл билан бартараф этиш мақсадида дипломатик музокараларни бошлашга чақирамиз”, - дейилган баёнотда.

Тоғли Қорабоғдаги кескинлик

Тоғли Қорабоғдаги туташув чизиғидаги вазият якшанба, 27 сентябрь куни эрталаб кескинлашди. Тан олинмаган республика Озарбайжон ҳарбийлари унинг ҳудудини, жумладан, пойтахт Степанакертани ўққа тутганини маълум қилди. Тинч аҳоли орасида қурбонлар бор.

Боку ва Ереван вазиятни кескинлаштиришда бир-бирини айламоқда. Озарбайжон Мудофаа вазирлиги арман томони ўт очгани, озарбайжон томони эса ҳужумга қарши амалиётни бошлаганини таъкидламоқда. Арманистон Мудофаа вазирлиги Қорабоғ Озарбайжон томонидан ҳаво ва ракета ҳужумига учраганини маълум қилмоқда.

Арманистон ҳукумати Тоғли Қорабоғдаги ҳодисалар туфайли мамлакатда ҳарбий ҳолат ва умумий сафарбарлик жорий этди. Тан олинмаган Тоғли Қорабоғ республикаси раҳбарияти ҳам шундай қарор қабул қилган.

Озарбайжон Миллий Мажлиси (парламенти) Тоғли Қорабоғда вазият кескинлашгани туфайли қатор шаҳарлар ва ҳудудларда ҳарбий ҳолат жорий этишга қарор қилди.

Аввалроқ Россия Ташқи ишлар вазирлиги Боку ва Ереванни зудлик билан ўт очишни бас қилишга ва музокаралар ўтказишга чақирган эди.

150

Мирзиёев ва Назарбоев учрашуви бўлиб ўтди

311
Икки мамлакат етакчилари Ўзбекистон-Қозоғистон стратегик шериклик муносабатларининг бугунги ҳолати ва истиқболларини муҳокама қилиб, минтақавий ва халқаро аҳамиятга молик долзарб масалалар юзасидан фикр алмашдилар.

ТОШКЕНТ, 26 сен - Sputnik. Ўзбекистон президенти Шавкат Мирзиёев ва Қозоғистоннинг Биринчи Президенти – Элбоши Нурсултон Назарбоевнинг амалий учрашуви бўлиб ўтди. Бу ҳақда Ўзбекистон президенти матбуот-хизмати хабар қилмоқда.

Учрашув Қозоғистон томонининг таклифига биноан Туркистон вилоятининг Ўзбекистон билан чегарадош ҳудудидаги Сариағаш шаҳрида ўтказилди.

Икки мамлакат етакчилари Ўзбекистон-Қозоғистон стратегик шериклик муносабатларининг бугунги ҳолати ва истиқболларини муҳокама қилиб, минтақавий ва халқаро аҳамиятга молик долзарб масалалар юзасидан фикр алмашдилар.

Коронавирус инфекцияси глобал миқёсда тарқалишининг оқибатларини тез фурсатда енгиб ўтиш мақсадида ҳукуматлар даражасида яқиндан мувофиқлашув ва самарали ҳамкорликни давом эттиришга алоҳида эътибор қаратилди.

Икки томонлама савдо ҳажмини ошириш ва товар айирбошлашнинг ўзаро келишилган кўрсаткичларига эришиш учун қулай шароитлар шакллантиришни давом эттириш, қабул қилинган қўшма "Йўл харитаси" доирасида саноат, энергетика, қишлоқ хўжалиги ва транспорт соҳаларида кооперация бўйича устувор лойиҳаларни амалга оширишга кўмаклашиш, ҳудудлараро алоқалар ва гуманитар алмашинувларни қўллаб-қувватлаш муҳимлиги қайд этилди.

Шунингдек, минтақавий шерикликни, жумладан, 2019 йил ноябрь ойида Тошкент шаҳрида ўтказилган Марказий Осиё давлатлари раҳбарларининг иккинчи Маслаҳат учрашуви якунида эришилган келишувлар асосида илгари суриш масалаларига тўхталиб ўтилди.

Бундан ташқари, МДҲ доирасидаги ўзаро манфаатли ҳамкорликнинг асосий йўналишлари кўриб чиқилди.

Суҳбат чоғида Шавкат Мирзиёев ва Нурсултон Назарбоев қардош Ўзбекистон ва Қозоғистон халқлари ўртасида яхши қўшничилик ришталари ва ҳар томонлама алоқаларни мустаҳкамлашда доимо қатъий эканликларини яна бир бор таъкидладилар.

Учрашув ҳар доимгидек очиқ ва дўстона руҳда ўтди.

311
Ситуация в Нагорном Карабахе

Тоғли Қорабоғда 30дан ортиқ аскар қурбон бўлди

35
(Янгиланган 10:38 28.09.2020)
Озарбайжон ва Арманистон орасидаги можаро 28 сентябрь кун яна қайта бошланди. Томонлар бир бирини ўққа тутиши оқибатида ҳарбийлар ва тинч аҳоли қурбон бўлди.

ТОШКЕНТ, 28 сен – Sputnik. Тан олинмаган Тоғли Қорабоғ республикаси ҳукумати яна 15 нафар ҳарбийлар қурбон бўлганини хабар қилди. Бир кун олдин улар 16 нафар аскар қурбон бўлганини маълум қилишган эди. РИА Новости хабарига асосан. 

"28 сентябрь куни жанглар вақтида яна 15 нафар аскар қурбон бўлди", - дейилган Тоғли Қорабоғ Мудофаа вазирлиги хабарида. Вазирлик, шунингдек, қурбон бўлган аскарлар исми шарифини келтириб ўтган. 

Якшанба куни эрталаб Озарбайжон Мудофаа вазирлиги Арманистон ҳарбийлари томонидан Қорабоғ чегара яқинидаги аҳоли пунктлари ўққа тутилганини хабар қилган эди. Арманистон хабарига кўра, Озарбайжон Қорабоғ республикасига ҳаво ва ракета ҳужуми уюштирган. Жумладан, тоғли республиканинг пойтахти - Степанакерт ҳам ўққа тутилган. Қорабоғ ва Арманистонда ҳарбий вазият киритиб, мобилизация эълон қилинган.

Эслатиб ўтамиз, Қорабоғдаги дастлабки ҳарбий тўқнашувлар 1988 йилда бошланган эди. Ўшанда Озарбайжон таркибига кирувчи Тоғли-Қорабоғ автоном вилояти Республика таркибидан чиқишини эълон қилган эди. 1992 - 1994 йилларда бўлиб ўтган жанговор тўқнашувлардан сўнг Озарбайжон Қорабоғ ва унинг атрофидаги 7та туман устидан назоратни йўқотган эди. Шу вақтдан бери ушбу ҳудудда тинчлик ўрнатиш музокаралари олиб борилмоқда. Озарбайжон ўз ҳудуддий яхлитлигини сақлаб қолишни, Арманистон эса Тоғли Қорабоғни ҳимоя қилишни истайди. 

35