Рустам Азимов

Рустам Азимов қайси лавозимда қолгани ойдинлашди ёхуд ҳукуматнинг янги таркиби ҳақида

10695
(Янгиланган 13:17 16.12.2016)
Ўзбекистон Республикаси ҳукумат порталида Вазирлар Маҳкамасининг шахсий таркиби келтирилди

ТОШКЕНТ, 15 дек — Sputnik. Ўзбекистон Республикаси Ҳукумат порталида келтирилган хабарга кўра, бугун Ўзбекистон Молия вазирлигидан кетган Рустам Азимов ҳукумат таркибида қолган.

Вазирлар Маҳкамасининг шахсий таркиби эса қуйидагича:

Арипов Абдулла Ниғматович — Ўзбекистон Республикаси Бош вазири.

Бош вазир қуйидаги вазирликлар фаолиятини мувофиқлаштиради: Иқтисодиёт вазирлиги, Молия вазирлиги, Ташқи иқтисодий алоқалар, инвестициялар ва савдо вазирлиги, Меҳнат ва аҳолини ижтимоий муҳофаза қилиш вазирлиги, Давлат солиқ қўмитаси, Давлат божхона қўмитаси, Давлат статистика қўмитаси, Хусусийлаштириш, монополиядан чиқариш ва рақобатни ривожлантириш давлат қўмитаси, Ахборот технологиялари ва коммуникацияларини ривожлантириш вазирлиги.

Ўзбекистон Республикаси Бош вазири ўринбосарлари: Раматов Ачилбай Жуманиязович; Ўзбекистон Республикаси Бош вазирининг биринчи ўринбосари — "Ўзбекистон темир йўллари" акциядорлик жамияти бошқаруви раиси — Ҳудудларни комплекс ривожлантириш ва коммунал соҳа, транспорт, капитал қурилиш ва курилиш индустрияси масалалари комплексининг раҳбари; Азимов Рустам Содиқович — Ўзбекистон Республикаси Бош вазирининг ўринбосари — Макроиқтисодий ривожлантириш, таркибий ўзгартиришлар, хорижий инвестицияларни жалб этиш комплексининг раҳбари.

Мирзаев Зойир Тоирович — Ўзбекистон Республикаси Бош вазирининг ўринбосари — Қишлоқ ва сув хўжалиги вазири — Қишлоқ ва сув хўжалиги, қишлоқ хўжалиги маҳсулотларини қайта ишлаш ҳамда истеъмол товарлари масалалари комплексининг раҳбари.

Ибрагимов Ғуломжон Иномович — Ўзбекистон Республикаси Бош вазирининг ўринбосари, Геология, ёқилғи-энергетика комплекси, кимё, нефт-кимё ва металлургия саноати масалалари комплекси раҳбари.

Розуқулов Улуғбек Убайдуллаевич — Ўзбекистон Республикаси Бош вазирининг ўринбосари, “Ўзавтосанот” акциядордик компанияси бошқаруви раиси — Экспорт салоҳиятини ва машинасозлик, автомобиль ва электротехника саноатини ривожлантириш, маҳсулотларни стандартлаштириш масалалари комплексининг раҳбари.

Икрамов Адҳам Илҳомович — Ўзбекистон Республикаси Бош вазирининг ўринбосари, Ўзбекистон Республикаси Соғлиқни сақлаш вазири — Соғлиқни сақлаш, экология, атроф-муҳитни муҳофаза қилиш, жисмоний тарбия ва спорт масалалари комплекси раҳбари.

Норбоева Танзила Камаловна — Ўзбекистон Республикаси Бош вазирининг ўринбосари, Ўзбекистон хотин-қизлар қўмитаси раиси.

10695
Теглар:
ҳукумат таркиби, Зойир Мирзаев, Азимов, Арипов
Мавзу:
Ўзбекистоннинг янги президенти Шавкат Мирзиёев: ислоҳотлар ва тайинловлар (72)
Президент РФ В. Путин принял участие в заседании дискуссионного клуба Валдай

Путин Россия душманларига: "Дафн маросимингизда шамоллаб қолмасак гўргайди"

1193
(Янгиланган 22:45 23.10.2020)
Россия президенти Владимир Путин "Валдай" мунозаралар клубида чиқиш қилиб, Россия душманлари, президентликда қолиши имконияти, пандемия, иқтисод, санкциялар ҳақида фикр билдирди. Президент чиқишидан асосий фикрлар

ТОШКЕНТ, 23 окт — Sputnik. Владимир Путин "Валдай" мунозаралар клуби йиғилишида иштирок этди, президент видео-алоқа орқали чиқиш қилди. Жорий йил мавзуси — "Пандемия сабоқлари ва янги кун тартиби: жаҳон инқирозини дунё учун қандай қилиб имкониятга айлантириш мумкин".

Давлат раҳбарининг муҳим баёнотлари - РИА Новости материалида.

"Россияни сўниши"ни кутиш ҳақида

Ўз чиқишида Путин айрим давлатларнинг Россияни ҳолдан тойишига умид қилишлари бўйича фикр билдирди.

"Давлатимизни мустаҳкамлар эканман, дунёда ва бошқа давлатларда нималар рўй бераётганини кўриб, Россиянинг секин-аста сўнишини кутаётганларга шуни айтмоқчиман: бизни ҳозирги ҳолатда бир нарса ташвишга солмоқда: дафн маросимингизда шамоллаб қолмасак гўргайди".

Президент Россия ўзининг ақлий, ҳудудий, иқтисодий ва ҳарбий имкониятлари ва салоҳиятини адекват баҳолашини таъкидлаб ўтди.

Пандемия ҳақида

COVID-19  ҳақида гапирар экан, Путин, коронавирус чекинмаганини, дунё барча соҳаларда "тектоник силжишлар" бўсағасида турганини айтди.

"Коронавирус эпидемияси жамоат, бизнес, халқаро ҳаётни жиддий ўзгартирди. Ҳар бир инсоннинг одатий ҳаёт тарзини буткул ўзгартириб юборди".

Путин Россия фуқаролари билан, айниқса, шифокорлар ва уларнинг бир-бирига ёрдамга келиш хусусжиҳатлари билан фахрланишини таъкидлади.

"Пандемия инсон ҳаётининг ўта мўртлигини эслатди. Биз яшаётган ва технологик жиҳатдан илғорлаб кетган XXI асрда ҳатто энг фаровон ўзига тўқ давлатларда ҳам инсон бир қарашда унчалик хавфли бўлмаган, унчалик қўрқинчли бўлмаган таҳдид олдида ҳимоясиз қолишини тасаввур қилиш қийин кечди".

Президентнинг сўзларига кўра, коронавирусга қарши курашда халқаро ҳамжамият барча ишларни ҳам амалга ошира олмади, бой берилган имкониятлар бўлди.

Янги чекловлар киритилиши мумкинлиги ҳақида

Путиннинг сўзларига кўра, бугун, пандемия туфайли баҳорда бўлгани сингари, чеклов чораларига қайтиш зарурати йўқ, шу жумладан, "тиббиёт самарали иш бергани" учун ҳам. РФ президентининг қайд этишича, касалхоналарда захира ўринлар шакллантирилган, дорилар пайдо бўлган, "тиббиёт ходимлари ҳам нима қилиш кераклигини тушунишмоқда, билишмоқда".

Давлат раҳбари, Швеция коронавирус туфайли чеклов чораларини киритмагани, аммо бунинг натижасида, уларда иқтисодда пастлаш рўй берганини эслатиб ўтди.

Ҳозирда Россияда макроиқтисодий кўрсаткичлар мақбул, иқтисод тикланмоқда, деб қўшимча қилди президент.

Дунёдаги алмашаётган роллар ҳақида

Президент АҚШ бугун устунликка даъвогарлик қила олмаслигини таъкидлаб, ўзи бу Америкага керакми, деган саволни берди.

"Ўзининг иқтисодий салмоғи ва сиёсий таъсирига кўра супердержава позициясига Хитой тобора фаол яқинлашмоқда. Германия ҳам шу йўналишда бормоқда".

Шу билан бир қаторда, Буюк Британия ва Франциянинг дунё масалаларидаги роли сезиларли трансформация бўлди, Бразилия ва ЖАР сингари державалар ҳам жиддий кучайганликлари сезилмоқда, деди у.

Президент коронавирус пандемияси шароитида мамлакатларни давлатларо муносабатларда ростгўйроқ бўлишга ва иккиталик стандартлардан воз кечишга чақирди.

"Коронавирус инфекциясидан азият чеккан ва азият чекаётган кўплаб бошқа мамлакатлар четдан келадиган ёрдамга эмас, шунчаки, чекловлар олиб ташланиши, ҳеч бўлмаганда, инсонпарварлик соҳасидаги чекловлар йўқотилишига, медикаментлар, кредит ресурслари, ускуналар, технологиялар билан ўзаро алмашинувга муҳтождирлар. Бу тўғри ва соф маънодаги инсонпарварлик ёрдамларидир. Йўқ, инсонпарварликка ҳеч қандай алоқаси бўлмаган ўй-фикрлар ниқоби остида бу чекловларни бекор қилишмади. Шу билан бир вақтда ҳамма инсонийлик тўғрисида гапиради".

Қурол-аслаҳалар устидан назорат

Путин қурол устидан назорат ва қуролни тарқатмаслик режимларига чақириқ ташланган бир шароитда стратегик барқарорлик масалалари кучлироқ эътиборни талаб қилади, дея фикр билдирди. Бу соҳада чеклов бўлмас экан, дунёнинг келажаги бўлмайди, деди у. Вашингтон эса босқичма-босқич бу сингари битимлардан чиқаётганини эслатди.

Президент Москва СНВ шартномасига Хитойни ҳам қўшишга қарши эмаслигини, аммо Пекин билан мулоқотни Вашингтоннинг ўзи олиб бориши кераклигини, бу масалани Россия зиммасига ташламаслиги кераклигини қўшимча қилди.

Путин шунингдек, барча ядровий дердаваларни бу битимга қўшиш тарафдори эканлигини маълум қилди.

"Европаликлар бизга шартномадан улар (АҚШ - таҳр.) чиқишсин, сиз чиқманг, дейишди. Мен, ассалому алайкум, яхши кино бошландику, дедим. Ахир сизлар барчаларингиз НАТО аъзолари бўлсангиз, демак, сизлар учасизлар, америкаликларга маълумотни етказиб турасизлар, биз эса шартномада қолганимиз туфайли бундай қила олмаймиз, дедим. Шунинг учун, келинг, ўзимизни аҳмоққа солмаймизда, бир-биримиз билан тўғрисизлик билан гаплашайлик. <...> Аслида эса, мени тушунишимча, АҚШнинг европалик шериклари ҳам АҚШ бу шартномада қолишини ва ҳеч нарса барбод бўлмаслигини исташмоқда".

Қорабоғдаги ҳолат ҳақида

Мунозаралар давомида, иштирокчилар Тоғли Қорабоғ атрофидаги вазиятнинг зиддийлашуви мавзусини тилга олдилар.

Путин эскалация бошланганидан буён можаро зонасида барча томондан икки мингдан зиёд одам ўлганини ҳалок бўлишди, қурбонларнинг умумий сони беш мингга яқинлашмоқда.

Путиннинг таъкидлашича, кўплаб йиллар давомида Россия вазиятни узоқ тарихий истиқболга стабиллаштириш мақсадида ушбу инқирозни бартараф этишнинг турли вариантларини таклиф этган. Президент сўзларига кўра, бу позицияларни  яқинлаштириш бўйича жуда оғир иш бўлган эди.

"Яна оз-моз ва биз ечим топа оламиз, дея ўйлаган эдик. Афсуски, бу рўй бермади, ва биз бугун ўзининг энг ёмон кўринишидаги можарога гувоҳ бўлиб турибмиз", — деди Путин.

У Россия учун Арманистон ва Озарбайжон - тенг ҳамкорлар эканлигини, Москва улар билан тўлақонли муносабатларни ўрнатишни исташини қайд этди.

Sputnik/RUPTLY/МИД РФ/Минобороны Азербайджана, Минобороны Армении

Давлат раҳбари Тоғли Қорабоғ бўйича муроса топишни жуда хоҳлашини таъкидлади. Путиннинг сўзларига кўра, у Озарбайжон президенти Ильхом Алиев ва Арманистон бош вазири Никол Пашинян билан бир кунда бир неча маротаба телефон орқали суҳбатлашиб туради.

Навальний ҳақида

Мунозара иштирокчиларининг бирининг Алексей Навальний билан боғлиқ ҳолат ҳақидаги саволига жавоб берар экан, Путин, Россия рўй берган воқеа бўйича суриштирув ўтказишга тайёрлигини, аммо бунинг учун мамлакат Навальний ҳақиқатдан ҳам заҳарлангани тўғрисидаги тасдиққа эга бўлиши кераклиги, бундай маълумот эса тақдим этилмаётгани ҳақида гапирди.

Президент Навальнийнинг рафиқаси мурожаатидан сўнг дарҳол Бош прокуратурага беморнинг чет элга чиқиши имкониятини (жиноят иши бўйича чекловларни назарда тутган ҳолда) текшириб кўриш кераклиги ҳақида топшириқ берганини айтди.

"Бундан ташқари, европалик етакчилардан бири билан суҳбат давомида мен, бизнинг мутахассисларимиз француз, немис, швед мутахассислари билан биргаликда Германияга боришлари ва жойида бирга ишлаб, қандайдир бўлса ҳам материалларга эга бўлишларини таклиф қилган эдим. Ва бу материалларни жиноят иши қўзғатилиши учун асос сифатида киритиш мумкин эди, агар бу чиндан криминал ҳодиса бўлган бўлса, уни ўрганишарди. Аммо ҳеч вақо тақдим этишмаяпти-ку".

Путин шунингдек, Навальний организмида "Новичок" излари аниқлангани ҳақидаги хабарлар ҳам шубҳалилигини қўшимча қилди.

"Унда "Новичок" изларини топишгани ҳақида айтишди. Кейин бу маълумотлар гўёки ОЗХОга топширилди <…>, ва тўсатдан бизга: бу "Новичок" эмас, бошқа нарса дейишди. <...> Хўш, "Новичок"миди у ёки "Новичок" эмас? Бошида айтишган ҳолат бўйича гумонлар пайдо бўла бошлади", - деб қўшимча қилди президент.

Президентлиги ҳақида

Владимир Путин давлат раҳбари сифатида ваколатлари қачондир ўз ниҳоясига етишини тўлиқ англашини айтди.

Конституцияга киритилган ўзгартиришлар амалдаги президентга ушбу лавозимга қайта сайланиш ҳуқуқини беради. Йиғилиш давомида Путин 2024 йилдан кейин давлат раҳбари лавозимида қолиш қарори ҳақидаги сўзлари турли фитналар ва ворис излашга қарши кафолат бўлишини таъкидлади.

"Йўқ, бу, сўзсизки, қачондир ниҳоясига етади, мен бу борада ўзимга ҳисоб бераман", - деди президент.

Путин шунингдек, тарихдаги ролини қандай кўришини ва дунё етакчиси сифатида ўз меросини нимада кўриши ҳақидаги саволга ҳам жавоб қайтарди. Унинг сўзларига кўра, у ҳеч қачон бундай тоифада фикрламайди.

"Бу ҳақда шу нарсага қизиқувчи одамлар ўйлашсин, мен эса ўзим ҳақимда бирорта китобни ҳатто ўқимаганман. Мен шунчаки меҳнат қиламан, кундан-кун жорий масалаларни ечиб, ўз нигоҳимни келажакка тикаман, токи жорий масалалар стратегик мақсадларга эришишга тўсқинлик қилишмасин", – деди Путин.

1193
Путин: приближение НАТО к границам России угрожает безопасности страны

Путин собиқ СССР мамлакатлари ишига аралашиш керакмаслиги ҳақида огоҳлантирди

952
(Янгиланган 10:43 23.10.2020)
Собиқ иттифоқ давлатлари билан муносабатларимиз қандай шаклланмасин, манфаатлар бирлиги барибир тош босади, деди Путин.

ТОШКЕНТ, 23 окт - Sputnik. Собиқ иттифоқ ҳудудидаги мамлакатларда давлатчилик ниҳолларига ўта эҳтиёткорлик билан муносабатда бўлиш, маслаҳатлар ва тавсиялар билан улар ишига аралашмаслик керак, турли томонларни қўллаб қувватлаш мақсадида таклифлар ва миллионларни тутқазиб, ўта нозик жойда дағаллик билан ҳаракат қилиб, борини ҳам йўқ қилмаслик керак, деб баёнот қилди Россия президенти Владимир Путин.

"Барча собиқ иттифоқ мамлакатларига ўта эътиборлилик билан муносабатда бўлиб, бу давлатчилик ниҳолларини ўта эҳтиёткорлик билан қўллаб-қувватламоқ лозим, четдан туриб турли маслаҳатлар ва тавсиялар бериш, мутлақо мумкин эмас, шунингдек, ҳар қандай аралашувдан тийилиш лозим. Чунки бу нарсалар ушбу мамлакатлардаги энди ривожланиб келаётган, ҳали мўрт бўлган институтлар, суверенитетлар ва давлатчиликни барбод қилади. Бу мамлакатлардаги одамларга жамият ичидаги муносабатларни эҳтиёткорлик билан қуришларига имкон бериш лозим. Шунчаки мисоллар келтириш мумкин, бироқ ўз таклифларингиз, ўз миллионларингиз билан гоҳ бир, гоҳ иккинчи томонни, уларни қўллаб-қувватлаш мақсадида идиш-товоқлар дўконига кириб қолган филдек тутиш, улар ишига аралашиш керак эмас", - деди у "Валдай" мунозаралар майдонида қилган чиқишида.

Собиқ иттифоқ давлатлари билан муносабатларимиз қандай шаклланмасин, манфаатлар бирлиги барибир тош босади, деди Путин.

РФ президентига кўра, чунки бу давлатлар шунчаки кўп йиллар давомида ягона мамлакат доирасида яшаган эмас, улар юз йилликлар давомида умумий давлат доирасида бўлишган.

"Биз улкан алоқаларга эгамиз, иқтисоддаги кооперациямиз ўта чуқур, гуманитар алоқаларимиз кучли, бир ҳаммамиз битта тилда гаплашамиз... Мазмунан олганда, биз битта маданий майдон одамларимиз, мен тарих ҳақида гапирганим йўқ ҳали - биз умумий тарихга, нацизм устидан умумий ғалабага эгамиз. Бизнинг аждодларимиз, оталаримиз, боболаримиз ўз қони билан алоҳида муносабатларимизни мустаҳкамлашган. Ва бугун нимаики рўй бермасин, сиёсий конъюктура қандай ривожланмасин, айни вақтда шунга қатъий ишонаманки - мана шу - манфаатлар умумийлиги барча давлатлар билан, улар билан муносабатларимиз қанчалик қийин кечмасин, бироқ барибир алоқаларимиз қайтадан тараққий этишига йўл очиб беради", - деди Путин.

952
Мясо на рынке в Ташкенте

Булунғурда озиқ-овқат маҳсулотларни арзонлаштириш бўйича чоралари қабул қилинди

0
(Янгиланган 13:18 24.10.2020)
Айни вақтда Булунғур туман ҳокимлиги мажлислар залида Халқ депутатлари Булунғур тумани Кенгашининг ўн бешинчи сессияси ўз ишини бошлади.

ТОШКЕНТ, 24 окт — Sputnik. Булунғурда Халқ депутатлари Булунғур тумани Кенгаши озиқ-овқат нархини ушлаб туриш учун кўрилаётган чоралар кўриб чиқилди.

Сессияда туман ҳокими Баходир Бахрамов, Олий Мажлис сенати аъзоси Фарход Боқиев, Халқ депутатлари Самарқанд вилоят Кенгаши депутати Бахтиёр Абдуллаев, туман ҳокими ўринбосарлари, тегишли корхона ва ташкилот раҳбарлари иштирок этди.

Сессия кун тартибида 4 та масала кўриб чиқилиши тасдиқлаб олинди.

Сессия кун тартибидаги биринчи масалага мувофиқ, Ўзбекистон президенти Шавкат Мирзиёев раислигида 16 октябрь куни озиқ-овқат хавфсизлигини таъминлаш ва ички бозорда нарх-наво барқарорлигини сақлаш чора-тадбирлари юзасидан ўтказилган видеоселектор йиғилишида берилган топшириқлар ижросини таъминлаш мақсадида “Булунғур туманида озиқ-овқат хавфсизлигини таъминлаш жамғармасини ташкил этиш тўғрисида” Булунғур туман ҳокимининг қарори қабул қилинди.

Туман аҳолисининг асосий турдаги озиқ-овқат маҳсулотларига бўлган 6 ойлик талабини тиббиёт меъёрлари бўйича ойма-ой ҳисоблаб чиқилди.

Гўштга 3 минг 968 тонна талаб бўлса ишлаб чиқариш 6 минг 77 тонна, талабга нисбатан 1 минг 54 тонна кўп ишлаб чиқарилади.

Жумладан, мол гўштига 1 минг 761 тонна талаб бўлса ишлаб чиқариш 2 минг 431 тонна, талабга нисбатан 670 тонна кўп, қўй гўштига 848 тонна талаб бўлса ишлаб чиқариш 1 минг 215 тонна, талабга нисбатан 368 тонна кўп ва товуқ гўштига 1 минг 360 тонна талаб бўлса ишлаб чиқариш 2 минг 431 тонна, талабга нисбатан 1 минг 71 тонна ишлаб чиқарилади.

Тухумга 20 млн 120 минг дона талаб бўлса ишлаб чиқариш 24 млн 550 минг дона талабга нисбатан 2 млн 215 минг дона кўп ишлаб чиқарилади.

Картошкага 4 минг 844 тонна талаб, ишлаб чиқариш 51 минг 556 тонна талабга нисбатан 23 минг 356 тонна кўп ишлаб чиқарилади.

Пиёзга 1 минг 863 тонна талаб, ишлаб чиқариш 15 минг 271 тонна талабга нисбатан 6 минг 704 тонна кўп ишлаб чиқарилади.

Сабзига 2 минг 422 тонна талаб, ишлаб чиқариш 8 минг 461 тонна талабга нисбатан 3 минг 19 тонна кўпроқ ишлаб чиқарилади.

Гуруч 913 тонна талаб қилинади ушбу маҳсулотни Хоразм вилоятидан деҳқон бозорида фаолият юритаётган тадбиркорлар томонидан хар хафтада бир мартта 30 тонна олиб келиниб кунлик ўртача 4-5 тонна атрофида сотиб келинмоқда.

Ун 7 минг 200 тонна талаб этилади тумандаги 23 та чакана савдо корхоналари томонидан аҳолига узлуксиз етказиб берилмоқда.

Ўсимлик ёғи 848 тонна талаб этилади ушбу маҳсулотни тумандаги савдо ташкилотлари томонидан Каттақўрғон ёғ мой заводидан ва Самарқанд шаҳардаги ёғ базаларидан олиб келинмоқда.

Шакарга 1 минг 25 тонна талаб этилиб Хоразм вилояти ва Украина давлатидан тумандаги савдо корхоналари томонидан узлуксиз олиб келиниши таъминланади.

0