Рустам Азимов

Рустам Азимов қайси лавозимда қолгани ойдинлашди ёхуд ҳукуматнинг янги таркиби ҳақида

10712
(Янгиланган 13:17 16.12.2016)
Ўзбекистон Республикаси ҳукумат порталида Вазирлар Маҳкамасининг шахсий таркиби келтирилди

ТОШКЕНТ, 15 дек — Sputnik. Ўзбекистон Республикаси Ҳукумат порталида келтирилган хабарга кўра, бугун Ўзбекистон Молия вазирлигидан кетган Рустам Азимов ҳукумат таркибида қолган.

Вазирлар Маҳкамасининг шахсий таркиби эса қуйидагича:

Арипов Абдулла Ниғматович — Ўзбекистон Республикаси Бош вазири.

Бош вазир қуйидаги вазирликлар фаолиятини мувофиқлаштиради: Иқтисодиёт вазирлиги, Молия вазирлиги, Ташқи иқтисодий алоқалар, инвестициялар ва савдо вазирлиги, Меҳнат ва аҳолини ижтимоий муҳофаза қилиш вазирлиги, Давлат солиқ қўмитаси, Давлат божхона қўмитаси, Давлат статистика қўмитаси, Хусусийлаштириш, монополиядан чиқариш ва рақобатни ривожлантириш давлат қўмитаси, Ахборот технологиялари ва коммуникацияларини ривожлантириш вазирлиги.

Ўзбекистон Республикаси Бош вазири ўринбосарлари: Раматов Ачилбай Жуманиязович; Ўзбекистон Республикаси Бош вазирининг биринчи ўринбосари — "Ўзбекистон темир йўллари" акциядорлик жамияти бошқаруви раиси — Ҳудудларни комплекс ривожлантириш ва коммунал соҳа, транспорт, капитал қурилиш ва курилиш индустрияси масалалари комплексининг раҳбари; Азимов Рустам Содиқович — Ўзбекистон Республикаси Бош вазирининг ўринбосари — Макроиқтисодий ривожлантириш, таркибий ўзгартиришлар, хорижий инвестицияларни жалб этиш комплексининг раҳбари.

Мирзаев Зойир Тоирович — Ўзбекистон Республикаси Бош вазирининг ўринбосари — Қишлоқ ва сув хўжалиги вазири — Қишлоқ ва сув хўжалиги, қишлоқ хўжалиги маҳсулотларини қайта ишлаш ҳамда истеъмол товарлари масалалари комплексининг раҳбари.

Ибрагимов Ғуломжон Иномович — Ўзбекистон Республикаси Бош вазирининг ўринбосари, Геология, ёқилғи-энергетика комплекси, кимё, нефт-кимё ва металлургия саноати масалалари комплекси раҳбари.

Розуқулов Улуғбек Убайдуллаевич — Ўзбекистон Республикаси Бош вазирининг ўринбосари, “Ўзавтосанот” акциядордик компанияси бошқаруви раиси — Экспорт салоҳиятини ва машинасозлик, автомобиль ва электротехника саноатини ривожлантириш, маҳсулотларни стандартлаштириш масалалари комплексининг раҳбари.

Икрамов Адҳам Илҳомович — Ўзбекистон Республикаси Бош вазирининг ўринбосари, Ўзбекистон Республикаси Соғлиқни сақлаш вазири — Соғлиқни сақлаш, экология, атроф-муҳитни муҳофаза қилиш, жисмоний тарбия ва спорт масалалари комплекси раҳбари.

Норбоева Танзила Камаловна — Ўзбекистон Республикаси Бош вазирининг ўринбосари, Ўзбекистон хотин-қизлар қўмитаси раиси.

10712
Теглар:
ҳукумат таркиби, Зойир Мирзаев, Азимов, Арипов
Мавзу:
Ўзбекистоннинг янги президенти Шавкат Мирзиёев: ислоҳотлар ва тайинловлар (72)
Заместитель премьер-министра Республики Казахстан Ералы Тугжанов и премьер-министром Республики Узбекистан Абдулла Арипов

Абдулла Арипов Қозоғистон бош вазири ўринбосари билан учрашди

251
Қозоғистон Бош вазирининг ўринбосари Ўзбекистонда Қозоғистон университетларининг филиалларини очиш имкониятларини кўриб чиқишни ҳамда икки давлат президентлик мактаблари ўртасида тажриба алмашишни таклиф қилди.

ТОШКЕНТ, 6 мар — Sputnik. Ўзбекистон бош вазири Aбдулла Aрипов Тошкентга ишчи ташрифи билан келган Қозоғистон бош вазирининг ўринбосари Ерали Тугжановни қабул қилди, деб хабар қилмоқда Қозоғистон бош вазири расмий сайтида.

Томонлар соғлиқни сақлаш, таълим ва фан соҳаларида Ўзбекистон-Қозоғистон ҳамкорлигини мустаҳкамлаш масалаларини муҳокама қилдилар.

Музокаралар чоғида иккала мамлакатдаги эпидемик вазият тўғрисида фикр алмашилди, COVID-19 га қарши курашиш бўйича кўрилган чораларни амалга ошириш муҳимлиги таъкидланди, шу билан бирга эпидемия ва пандемия бўлган тақдирда тезкор чоралар кўриш ва ўзаро таъсир ўтказиш бўйича қўшма самарали чораларни ишлаб чиқишга келишилди.

Юқори технологиялар соҳасидаги қўшма лойиҳаларни кенгайтиришга ва икки давлат ўртасида узлуксиз тиббий таълим соҳасида, тиббий таълим муассасалари талабалари ва ўқитувчилари ўртасида академик ҳаракатчанликни кенгайтириш, тегишли қўшма илмий тадқиқотларни ишлаб чиқиш ва амалга ошириш бўйича ўзаро алоқаларни ўрнатиш соҳасида ҳамкорликни фаоллаштиришга келишилди.

Қозоғистон Бош вазирининг ўринбосари Ўзбекистонда Қозоғистон университетларининг филиалларини очиш имкониятларини кўриб чиқишни ҳамда икки давлат президентлик мактаблари ўртасида тажриба алмашишни таклиф қилди.

Учрашув якунларига кўра, Ерали Тугжанов Ўзбекистон бош вазирини жавоб ташрифи билан Қозоғистонга таклиф этди.

251
Президент вручил награды самым активным и талантливым женщинам и девушкам

Мирзиёев хотин-қизларни 8-март билан табриклади

500
(Янгиланган 17:26 06.03.2021)
"Бундан буён Ўзбекистонда бирор аёл давлат ва жамиятнинг эътиборидан четда қолмайди", дея ваъда берган давлат раҳбари байрам арафасида ташкиллаштирилган тантанали тадбирда

ТОШКЕНТ, 6 мар - Sputnik. Ўзбекистон президенти Шавкат Мирзиёев мамлакат хотин-қизларини 8 март айёми билан табриклади. Айни дақиқаларда пойтахтдаги "Конгресс-ҳолл"да 8 март — Халқаро хотин-қизлар куни муносабати билан тантанали маросим бўлиб ўтмоқда, деб хабар бермоқда АОКА.

"Ҳамма ҳаракатларимизда аёлларимиз, муқаддас оналаримизни рози қилиш ётади. Мана шундай пайтда, сиз азизларнинг шаънингизга мадҳиялар айтиш учун одам шоир бўлиб туғилмаганига афсусланиб қолади. Сизлар биз учун аввало муқаддас она, азиз ватан, оила тимсоли, битмас-туганмас меҳр, эзгулик ва куч-ғайрат манбаидирсиз. Бу азалий ҳақиқатни, мураккаб пандемия шароитида, айниқса, чуқур ҳис этмоқдамиз. Сизларнинг барча соҳалардаги фидокорона меҳнатингиз ҳисобидан мамлакатимизнинг қудрати ва салоҳияти, халқаро обрў-эътибори тобора ортиб бормоқда. Бугун барча соҳаларда маррани жуда катта оляпмиз, улкан дастурлар, режа ва лойиҳаларни амалга оширяпмиз. Улар, биринчи навбатда, оналаримиз, опа-сингилларимиз, азиз фарзандларимизнинг ҳаёти ва меҳнат шароитини яхшилашга қаратилган. Фурсатдан фойдаланиб, барчамизга доимо тоғдек таянч бўлиб келаётганингиз учун сизларга, бутун Ўзбекистон хотин-қизларига чуқур миннатдорчилик билдираман", - деган Ўзбекистон раҳбари.

Мирзиёевнинг таъкидлашича, муаммолар бўйича манзилли иш олиб бориш учун мутлақо янги тизим — "Аёллар дафтари" жорий этилди ва кейинги 3 ойда республика комиссияси томонидан ушбу «дафтар»га киритилган 80 минг нафар хотин-қизнинг муаммолари ҳал этилди.

Ижтимоий ҳимояга муҳтож, турмуш шароити оғир аёлларнинг 32 минг нафари иш билан таъминланди. Инқирозга қарши кураш жамғармаси маблағлари ҳисобидан салкам 17 минг нафар хотин-қизга амалий ёрдамлар кўрсатилди.

 Аёл фарзанди бахтли бўлса, асл бахтни ҳис этади. Биргина "Ҳар бир оила — тадбиркор" дастури доирасида 126 мингга яқин аёлларга имтиёзли кредитлар берилди.

Оилавий тадбиркорликни ривожлантириш учун қарийб 215 минг оилага 6 триллион сўмдан зиёд кредит маблағлари ажратилди. Деярли 55 минг нафар хотин-қизлар тадбиркорлик ва касб-ҳунар марказлари томонидан ўқитилди, ҳунармандчилик ва касаначиликка жалб этилди. "Беш муҳим ташаббус" доирасида чекка ҳудудларда тикувчилик цехлари ташкил этилиб, 10 минг нафар аёллар бандлиги таъминланди.

Уй-жой сотиб олиш учун 1 250 нафар аёлларга қарийб 22 миллиард сўмлик бошланғич бадаллар тўлаб берилди.

Жорий йилда ҳам ушбу хайрли ишлар давом эттирилади ва бу борада куни кеча янги қарор имзоланган. Унга кўра, жамиятда аёлларга бўлган эътиборни энг қуйи бўғингача, маҳаллагача тушириб, уларни ҳар томонлама қўллаб-қувватлашнинг яхлит тизими яратилмоқда.

"Бундан буён Ўзбекистонда бирор аёл давлат ва жамиятнинг эътиборидан четда қолмайди", дея ваъда берган давлат раҳбари.

500
Денежные купюры: доллары США. Архивное фото

Япония Ўзбекистонга 2та кредит ажратади

155
Япония коронавирус пандемиясининг салбий таъсирига қарши курашиш учун тезкор ёрдам сифатида 15,0 миллиард япон йенаси миқдоридаги маблағ 15 йил муддатга 4 йиллик имтиёзли давр билан ажратади.

ТОШКЕНТ, 8 мар — Sputnik. “Япония халқаро ҳамкорлик агентлиги иштирокида “Ўзбекистонда шаффоф ва кенг бозор иқтисодиётига ўтишни ривожлантириш сиёсатини қўллаб-қувватлаш” лойиҳасини амалга ошириш
чора-тадбирлари тўғрисида”ги ҳукумат қарори лойиҳаси тайёрланди.

Лойиҳа доирасида ЯХҲА томонидан ажратиладиган қарз маблағлари Ўзбекистон Республикаси республика бюджети харажатларини молиялаштириш учун йўналтирилиши режалаштирилган.

Лойиҳа доирасида ўтказилган қарз музокаралари бўйича эришилган натижалар: музокоралар давомида ЯХҲА ушбу қарз маблағлари иккита траншда ажратилишини маълум қилди:

- Коронавирус пандемиясининг салбий таъсирига қарши курашиш учун тезкор ёрдам сифатида 15,0 миллиард япон йенаси миқдоридаги маблағ 15 йил муддатга 4 йиллик имтиёзли давр билан ажратиш учун Жахон банки ЯХҲА билан биргаликда ислоҳотлар матрицаси ишлаб чиқилиб, Ўзбекистон Республикасида амалга оширилди;

- Ривожлантириш сиёсатини қўллаб-қувватлаш учун 195,0 миллион АҚШ доллар миқдоридаги маблағ 25 йил муддатга 7 йиллик имтиёзли давр билан ажратилиш мақсадида ЯХҲА томонидан энергетика соҳасида ислоҳотлар матрицаси ишлаб чиқилган бўлиб, Энергетика вазирлиги томонидан ҳамда “Иссиқлик электр станциялари” АЖ томонидан бажарилиши кутилмоқда.

155
Теглар:
ташқи қарз, коронавирус пандемияси, коронавирус, Япония, Ўзбекистон