Олий Мажлис биноси, архив сурат

Вазир бўлган ҳоким ёхуд Ўзбекистондаги кадрлар алмашуви ҳақида

4890
(Янгиланган 11:54 24.12.2016)
Куни кеча Рустам Азимов Молия вазири лавозимидан кетди, Хотин-қизлар қўмитаси раиси ва бош вазир ўринбосари этиб эса Ўзбекистон Касаба уюшмалари раиси Танзила Нарбаева тайинланди. Ҳукумат таркиби янгиланишда давом этмоқда

ТОШКЕНТ, 16 дек — Sputnik. 15 декабр куни Ўзбекистон Республикаси Ҳукумат порталида Вазирлар Маҳкамасининг шахсий таркиби келтирилди.

Унга кўра, Самарқанд вилояти ҳокими Зойир Мирзаев бундан буёғига Бош вазир ўринбосари, Қишлоқ ва сув хўжалиги вазири, Қишлоқ ва сув хўжалиги, қишлоқ хўжалиги маҳсулотларини қайта ишлаш ҳамда истеъмол товарлари масалалари комплексининг раҳбари лавозимида фаолият юритади.

Шунингдек, Иқтисодиёт вазири биринчи ўринбосари вазифасидан Молия вазирлигига ўтказилган Ботир Ходжаев ўрнига ҳам янги раҳбар тайинланган. Кун.уз нашрига кўра, Бекенов Сунатулла Ҳусанович Ўзбекистон Республикаси Иқтисодиёт вазири Галина Каримовнанинг  Макроиқтисодий параметрлар, молия-валюта баланси ва Республика инвестиция дастурлари масалалари бўйича биринчи ўринбосари ҳисобланади.

Суннатулла Бекенов 1971 йилда Қозоғистоннинг Чимкент шаҳрида туғилган. У 2005 йилгача "Ўзбекистон Қимматли қоғозлар депозитарийси" давлат корхонаси бош директори сифатида ишлаган. 2005-2007 йилларда Ўзбекистон Молия вазири ўринбосари, Вазирлар Маҳкамасининг ахборот-таҳлилий департаменти бошлиғи, 2008-2009 йилларда Вазирлар Маҳкамаси ижро аппарати раҳбари, 2009-2010 йилларда Иқтисодиёт вазири сифатида фаолият юритган.

2010-2015 йилларда Вазирлар Маҳкамасининг ижро этувчи аппарати бошқарувчиси сифатида ишлаган. 2015 йилдан шу кунгача Ташкилий-кадрлар масаласи бўйича Президент давлат маслаҳатчисининг биринчи ўринбосари сифатида ишлаб келаётган эди.

Шунингдек, Ўзбекистон президенти Шавкат Мирзиёевнинг 15 декабрдаги фармонига биноан Сирдарё вилоятига янги ҳоким тайинланган.

Вилоятнинг янги ҳокими этиб Ғофуржон Ғаниевич Мирзаев тайинланган. У бу лавозимда Ойбек Ашурматовни алмаштирган. Ойбек Аширматов 2010 йилдан буён вилоятга раҳбарлик қилиб келаётган эди. Унинг кейинги фаолияти ҳақида аниқ маълумот йўқ.

Шавкат Мирзиёевнинг 14 декабрдаги Фармонига мувофиқ Бош вазирнинг собиқ ўринбосари Зокиров Ботир Эркинович Ўзбекистон Республикаси Давлат архитектура ва қурилиш қўмитаси раиси лавозимига тасдиқланган. Шу муносабат билан Ботир Зокиров Ўзбекистон Республикаси Бош вазири ўринбосари — Давлат архитектура ва қурилиш қўмитаси раиси — Коммунал соҳа, транспорт, капитал қурилиш ва қурилиш индустрияси масалалари комплекси раҳбари лавозимидан озод этилган.

Ўзбекистон президентининг 14 декабрдаги фармонига мувофиқ Шаропов Анвар Қурбонович Ўзбекистон Республикаси Туризмни ривожлантириш давлат қўмитаси раиси лавозимига тасдиқланди. Шу муносабат билан у Ўзбекистон Республикаси Президенти Давлат маслаҳатчиси ўринбосари — Ташкилий-кадрлар хизмати раҳбари лавозимидан озод этилган.

Эслатиб ўтамиз, шу йилнинг 6 декабрида Ўзбекистонда "Ўзбектуризм" компанияси тугатилиб, Туризмни ривожлантириш давлат қўмитаси ташкил этилиши маълум қилинган эди.

Сурхондарё вилоятига ҳам янги ҳоким тайинланди.

2008-2016 йилларда Навоий вилояти ҳокими вазифасида фаолият юритган Эркинжон Турдимов Оқбўтаевич Сурхондарё вилоятига ҳоким этиб тайинланган. 2015-йилда Сурхондарё вилояти ҳокими этиб тайинланган Тожимурод Нормуродович Мамараимов вилоятнинг Қизириқ тумани раҳбарлигига ўтказилган.

Эслатиб ўтамиз, жорий йилнинг 24-сентябр куни Сурхондарё вилоятида беш туман ҳокими ишдан бўшатилган эди.

Шунингдек, бугун Бухоро вилояти ҳокими ҳам ўзгаргани маълум бўлди. Кун уз нашри хабарига кўра, 16 декабрь куни Халқ депутатлари Бухоро вилояти кенгашининг навбатдан ташқари сессияси бўлиб ўтган. Сессияда Ўзбекистон Республикаси Президенти Шавкат Мирзиёев иштирок этди. Муҳиддин Турдиевич Эсонов Бухоро вилояти ҳокими лавозимидан озод этилган ва унинг ўрнига Ўктам Барноев вилоятнинг янги ҳокими этиб тайинланган. Эслатиб ўтамиз, асли бухоролик бўлган Ўктам Барноев Исоевич 2008 йилнинг апрелидан 2010 йилнинг декабригача Самарқанд вилояти ҳокими лавозимида фаолияти юритган. Ундан олдин, 2008 йилгача Қишлоқ ва сув хўжалиги вазирининг биринчи ўринбосари бўлган.

4890
Теглар:
Рустам Азимов, Молия вазири, Бош вазир, ҳукумат янгиланиши, кадрлар алмашуви, Ўзбекистон
Мавзу:
Ўзбекистоннинг янги президенти Шавкат Мирзиёев: ислоҳотлар ва тайинловлар (72)
Визит госсекретаря США Майкла Помпео в Узбекистан

Помпео толиблар билан "келишув" ҳақидаги миш-мишлар туфайли РФга дағдаға қилди

332
(Янгиланган 21:32 13.08.2020)
Июнь ойи охирида NYT нашри исми сир сақланган америка разведка хизмати вакилларига таяниб, Россия ҳарбий разведкаси "Толибон"га алоқаси бўлган жангариларга Афғонистонда америкалик ҳарбийларига ҳужум уюштириш эвазига мукофот таклиф этгани ҳақида хабар тарқатган эди.

ТОШКЕНТ, 13 авг - Sputnik. АҚШ Давлат котиби Майк Помпео агар Россия толибларга Афғонистондаги америкалик ҳарбийларнинг қотиллиги учун пул тўлаган бўлса, РФ учун бу "ўта қимматга" тушишини айтиб, таҳдид қилди.

"Агар руслар америкаликлар ёки умуман Ғарбдаги одамлар қотиллиги учун пул таклиф қилишаётган бўлса, у ҳолда бу улар учун жуда қимматга тушади. Мен бу ҳақда ташқи ишлар вазири (Сергей) Лавров билан гаплашдим. Бизнинг ҳарбийларимиз уларнинг етакчилари (РФ Мудофаа вазирлиги раҳбарияти - таҳр.) гаплашишганидан хабардорман. Биз энди бунга тоқат қилмаймиз", - деб айтган Помпео интервьюда. Интервью матни давлат департаменти томонидан тарқатилган.

Июнь ойи охирида The New York Times нашри исми ошкор қилинмаган америка разведка хизмати вакилларига таяниб, Россия ҳарбий разведкаси "Толибон"га алоқаси бўлган жангариларга Афғонистонда америкалик ҳарбийларга ҳужум уюштириш эвазига мукофот таклиф этгани ҳақида хабарни тарқатган эди. Нашр бу борада бирорта далил келтирмаган.

Россия ТИВ мақолани уйдирма, деб атади, ташқи сиёсий маҳкама раҳбари Сергей Лавров эса ушбу айбловларни Қўшма Штатларда сайловлар олдидан рўй бераётган ички сиёсий кураш билан боғлади.

Президент Дональд Трамп, ўз навбатида мақолани буюртма, деб атади. Унинг сўзларига кўра, америка разведкаси New York Times хабарини ишончга сазовор, деб топмаган. Пентагондагилар ҳам "келишув" тасдиқларига эга эмаслигини таъкидлашган.

"Толибон" радикал ҳаракати сиёсий офиси расмий вакили Сухайл Шахин РИА Новостига берган интервьюсида Россия билан "келишув" ҳақидаги хабарларни "хато ва асоссиз маълумот", дея атаган. Шахиннинг айтишича, бу маълумотлар Афғонистон миллий хавфсизлик департаментидан чиққан бўлиши мумкин.

332
Мавзу:
Афғонистон: 30 йил тинчлик илинжида
м

Аёллар, тинчлик ва хавфсизлик: Ўзбекистон-АҚШ-Афғонистон йиғилиши бўлиб ўтди

172
(Янгиланган 20:59 12.08.2020)
Наркотрафик ва терроризмга қарши курашиш самарадорлигини ошириш учун томонларнинг соҳа идоралари ўртасида чегараларни қўриқлаш ва ахборот алмашиш борасидаги ҳамкорликни кенгайтиришнинг муҳимлиги таъкидланди.

ТОШКЕНТ, 12 авг - Sputnik. Бугун, 12-август куни видеоконференцалоқа воситасида "Ўзбекистон-АҚШ-Афғонистон" уч томонлама ҳамкорлик шакли Хавфсизлик бўйича қуйи қўмитасининг биринчи йиғилиши бўлиб ўтди, деб хабар қилмоқда ТИВ матбуот-хизмати.

Тадбирда қуйи қўмита ҳамраислари – Ўзбекистон Давлат хавфсизлик хизмати раиси ўринбосари Салимжон Хусанов, Ўзбекистон Ташқи ишлар вазири ўринбосари Фурқат Сидиков, АҚШ Давлат котибининг Жанубий ва Марказий Осиё бўйича ёрдамчиси ўринбосари Ненси Жексон, АҚШ Мудофаа вазири ёрдамчиси ўринбосари Томас Крочи, Афғонистон Президентининг Миллий хавфсизлик масалалари бўйича маслаҳатчиси ўринбосари Салам Шаҳ Ибраҳими, Афғонистон Миллий мудофаа вазири ўринбосари Абдулҳай Рауф, учта давлатнинг мутасадди вазирлик ва идораларнинг вакиллари иштирок этди.

Томонлар жорий эпидемиологик ҳолат юзасидан фикр алмашдилар, коронавирус инфекциясининг минтақавий ва глобал хавфсизликка таъсирини муҳокама қилдилар. COVID-19 оқибатларини бартараф этиш учун кучларни бирлаштириш зарурлиги қайд этилди.

Наркотрафик ва терроризмга қарши курашиш самарадорлигини ошириш учун томонларнинг соҳа идоралари ўртасида чегараларни қўриқлаш ва ахборот алмашиш борасидаги ҳамкорликни кенгайтиришнинг муҳимлиги таъкидланди.

"Аёллар, тинчлик ва хавфсизлик"” кун тартиби бўйича муносабатларнинг долзарб жиҳатларига алоҳида эътибор қаратилди. Аёллар ва қизларнинг ҳуқуқ ва манфаатларини таъминлаш соҳасидаги алоқаларни мустаҳкамлаш, уларга нисбатан куч ишлатиш ва хотин-қизларнинг сифатли таълим олиши борасидаги муаммоларни ҳал қилиш механизмлари муҳокама қилинди.

Йиғилишда қўшма кун тартибининг бошқа масалалари ҳам кўриб чиқилди.

172

Энди шимол томондан: Россия қирувчиси АҚШ самолётини тўхтатди

222
Россия МиГ-31бм қирувчи самолёти Баренц денгизи устида чегарага яқинлашиб келаётган АҚШ разведка самолётини тўхтатиб қолди.

ТОШКЕНТ, 13 авг — Sputnik. Россия қирувчилари Баренц денгизи осмонидан АҚШ самолётини тўхтатди. Бу ҳақда РИА Новости Россия Федерациясининг Миллий мудофаа назорати марказига асосан хабар қилди.

13 август куни Россиянинг Баренц денгизидаги нейтрал сувлар устидан фазовий назорат қилиш мосламалари Россия Федерациясининг давлат чегарасига яқинлашаётган нишонни пайқаб қолди. Нишонни аниқлаш учун Шимолий флотнинг ҳаво мудофаа кучлари навбатчиликда бўлган МиГ-31бм қирувчи самолёт ҳавога кўтарилди.

Россия қирувчи экипажи хавфсиз масофада АҚШнинг Р-8А "Посейдон" самолётини аниқлади.

Америка самолёти Россия Федерациясининг давлат чегарасидан бурилгандан сўнг, Россия қирувчиси аэродромга қайтди. Россиянинг МиГ-31бм қирувчи самолётининг парвози ҳаво майдонларидан фойдаланиш бўйича халқаро қоидаларга қатъий мувофиқ амалга оширилди.

Америка ҳарбий самолётига Россия Федерациясининг давлат чегарасини бузишга йўл қўйилмади.

222