БМТ Бош котиби Антониу Гутерреш, архив сурат

БМТ Бош Котиби Мирзиёев билдирган ишончдан таъсирланди

573
(Янгиланган 02:10 31.12.2016)
БМТ Бош Котиби Ўзбекистон халқи фаровонлиги йўлидаги яқин ҳамкорлик янада кенгайишига умид билдирди

ТОШКЕНТ, 30 дек — Sputnik. БМТ Бош Котиби Антониу Гутерреш Ўзбекистон президенти Шавкат Мирзиёевга мактуб йўллади ва мактуб аввалида Мирзиёев томонидан билдирилган ишончдан ғоятда таъсирланганини айтиб ўтди.

У ўз телеграммасида Бирлашган Миллатлар Ташкилоти ва Ўзбекистон Республикаси ўртасида самарали ҳамкорлик йўлга қўйилганини эътироф этди. 

"Мен бу ҳамкорликни ривожлантириш, шу жумладан, БМТнинг Ўзбекистондаги ваколатхонаси, БМТнинг Марказий Осиё учун превентив дипломатия бўйича минтақавий маркази орқали янада мустаҳкамлашга ҳаракат қиламан", — дейилган йўлланган мактубда.

БМТ Бош Котиби Ўзбекистон халқи фаровонлиги йўлидаги яқин ҳамкорлик янада кенгайишига умид билдирди.

Антониу Гутерреш унингдек, Мирзиёевга Ўзбекистонга ташриф буюриш ҳақидаги таклиф учун миннатдорчилик билдириб, қулай имконият бўлиши билан Ўзбекистонга келиш нияти борлигини айтиб ўтган.

"Фурсатдан фойдаланиб Сизни Ўзбекистон Республикаси Президенти этиб сайланганингиз муносабати билан муборакбод этаман. Сиз билан яқин вақтларда учрашиш ҳамда глобал ва минтақавий долхарб таҳдидларни бартараф этиш йўлида ҳамкорликда ишлаш имкониятини сабрсизлик билан кутаман", — дея қайд этган БМТ Бош котиби.

Эслатиб ўтамиз, Антониу Гутерреш жорий йилнинг октябр ойи бошида БМТ Бош котиби этиб тайинланган эди.

573
Теглар:
БМТ, Мирзиёев
Президент Шавкат Мирзиёев разговаривает по телефону

Ўзбекистон раҳбари Назарбоев ва Тоқаевни Биринчи президент куни билан қутлади

65
Ўзбекистон раҳбари Назарбоев ва Тоқаевни Қозоғистоннинг кўп миллатли халқини давлат байрами – Биринчи президент куни билан самимий қутлаб, тинчлик, фаровонлик ва равнақ тилади.

ТОШКЕНТ, 1 дек — Sputnik. Шавкат Мирзиёев Қозоғистон биринчи президенти – Элбоши Нурсултон Назарбоев ҳамда мамлакат президенти Қасим-Жомарт Тоқаев билан телефон орқали мулоқот қилди.

Ўзбекистон раҳбари Назарбоев ва Тоқаевни Қозоғистоннинг кўп миллатли халқини давлат байрами – Биринчи президент куни билан самимий қутлаб, тинчлик, фаровонлик ва равнақ тилади.

© Пресс-служба президента Узбекистана

Суҳбат чоғида Ўзбекистон ва Қозоғистон ўртасидаги дўстлик, яхши қўшничилик ва стратегик шериклик муносабатларини мустаҳкамлашнинг долзарб масалалари кўриб чиқилди. Амалий ҳамкорликка оид қўшма лойиҳа ва дастурларни, аввало, савдо-иқтисодий, инвестициявий ва гуманитар соҳаларда илгари суришга алоҳида эътибор қаратилди.

Элбошининг замонавий Қозоғистонни барпо этиш ва изчил ривожлантириш, мамлакатнинг халқаро майдондаги нуфузини оширишдаги тарихий роли, шунингдек, Марказий Осиё минтақасида дўстлик ва яхши қўшничилик муносабатларини мустаҳкамлашга қўшган катта ҳиссаси алоҳида қайд этилди.

Мирзиёев ва Тоқаев халқаро кун тартибини, жумладан, шу ойда Ўзбекистон раислигида бўлиб ўтадиган МДҲ саммитига тайёргарлик кўриш масалаларини ҳам муҳокама қилдилар. Ҳамдўстлик ва бошқа минтақавий ҳамда глобал тузилмалар доирасидаги яқин мулоқотни давом эттиришга тайёр эканликларини таъкидладилар.

Суҳбат сўнгида қардош мамлакатлар ўртасидаги кенг кўламли ҳамкорликни ривожлантиришга икки томоннинг ҳам интилиши қатъий экани тасдиқланди.

65
Теглар:
телефон мулоқоти, табрик, Қасим-Жомарт Тоқаев, Нурсултон Назабоев, Шавкат Мирзиёев, Қозоғистон, Ўзбекистон

Мирзиёев ва Путин МДҲ саммитини муҳокама қилишди

130
(Янгиланган 10:51 01.12.2020)
Ўзбекистон ва Россия президентлари телефон орқали коронавирус оқибатлари ҳамда МДҲ саммитини муҳокама қилишди.

ТОШКЕНТ, 1 дек - Sputnik. Ўзбекистон президенти Шавкат Мирзиёев Россия президенти Владимир Путин билан 30 ноябр куни телефон орқали мулоқот қилишди.

Суҳбатда, жумладан яқин кунларда видеоанжуман шаклида ўтказилиши режалаштирилган МДҲ саммитига тайёргарлик кўриш масаласи ҳам муҳокама қилинди. Бу йил ушбу мажлисда Ўзбекистон раислик қилади. 

Шунингдек президентлар коронавирус пандемиясининг тарқалиши оқибатида келиб чиққан глобал инқироз шароитида икки томонлама савдо-иқтисодий алоқалар барқарор ривожланиб бораётганини мамнуният билан қайд этдилар.

Бу борада ўзаро ташрифлар, ҳукуматлараро ҳамкорлик механизмлари унумли ишлаётгани, ўзаро савдо ҳажмлари ортиб бораётгани ҳамда иқтисодиётнинг турли тармоқларида саноат кооперацияси дастурлари давом этаётгани қайд этилди. 

Ундан ташқари Ўзбекистон ва Россия раҳбарлари халқаро аҳамиятга молик масалалар, бўлажак олий даражадаги тадбирларни ҳам муҳокама қилишди. "Суҳбат ҳар доимгидек самимий, дўстона ва конструктив руҳда ўтди", - дейилган хабарда.

130

Ҳабиб: отамнинг зали ўзбекистонлик ММА жангчилари учун ҳамиша очиқ

0
UFC бўйича мутлақ жаҳон чемпиони, таниқли россиялик жангчи Ҳабиб Нурмагомедов Тошкентда матбуот анжуманини ўтказди.

Ҳабиб Нурмагомедов Тошкентдаги матбуот анжуманида  ўзбекистонлик аралаш яккакураш жангчиларининг тайёрланиш даражасига юқори баҳо берди.

“Сизда эркин кураш, дзюдо, кураш мактаблари ҳамиша кучли бўлган, бугун сиз боксда жаҳон етакчиларисиз. Буларнинг барчаси ММА каби спорт турларининг мажмуасидир. Сўнгги уч-тўрт йил ичида бу спорт турида сизларда катта ривожланишни кузатаётганим тасодифий эмас. Бирданига бир неча жангчи профессионал лига, жумладан,  GFCда иштирок этмоқда. Ўйлмайманки, жангчиларингизда барча имконият бор ва улар катта натижаларга эришишади”, - деди Нурмагомедов.

Спортчининг сўзларига кўра, ҳар бир жангчининг шаклланишида унинг мураббийи муҳим роль ўйнайди. Ҳабибнинг ўзи отаси Абдулманап Нурмагомедов раҳбарлиги остида жанг сирларини ўрганган ва тарбияланган. У бугунги кунда Ўзбекистонда унвон ва мукофот учун курашишга қодир ҳақиқий профессионалларни тайёрлашга имкон берадиган мустаҳкам мураббийлик гуруҳи шаклланганини таъкидлади.

“Халқаро йиғинлар амалиёти ҳақида тўхталсак, биз фақат мамнун бўламиз. Бошқа шаҳар ва залга келиш, у ерда икки-уч ҳафта машғулот ўтказиш, янги рақиблар билан учрашиш спортчи учун жуда фойдалидир. Бу маънода отамнинг зали ёш жангчилар, айниқса, ўзбекистонликлар учун ҳамиша очиқ. Республикадан бизга кўплаб кишилар келишади. Сизларни ҳамиша кутиб қоламиз”, - деди UFC чемпиони.

Ҳабиб Нурмагомедов матбуот анжуман давомида ММАни Олимпиадага киритиш унинг кейинги икки йиллик асосий вазифаларидан бири эканини маълум қилган эди. Унинг сўзларига кўра, бу йўналишда аллақачон ишлар олиб борилмоқда.

0
Теглар:
Ўзбекистон, спорт, ММА, Ҳабиб Нурмагомедов