2017 йил откриткаси

Мирзиёев, Путин ва Назарбоев Янги йил мурожаатида нималарни эсга олишди?

1781
(Янгиланган 22:36 02.01.2017)
Турли давлат раҳбарлари ўз халқини Янги йил билан табриклар экан байрам нутқида нималарни эсга олдилар ва халқни нимага даъват қилдилар?

ТОШКЕНТ. 2 янв — Sputnik. Ўзбекистон ҳаётига катта ўзгаришларни олиб келган 2016 йил ҳам ортда қолди. 31 декабр куни интиқлик билан кутадиган, қарийб оилавий анъаналаримиздан бирига айланган бир ҳолат — бу албатта, Президент табригидир.

Ўзбекистон тарихида биринчи марта ўзбек халқи байрам табригини президентнинг ўзидан эшитди

Мустақиллик йилларида Ўзбекистоннинг биринчи президенти Ислом Каримов табриги бизга телевидение орқали ўқиб эшиттирилар эди. Ўзбекистоннинг янги сайланган президенти Шавкат Мирзиёев ўзбек халқини шахсан табриклаш анъанасини киритди. Ўзбекистон халқи биринчи марта президент табригини диктордан эмас, балки давлат раҳбарининг шахсан ўзидан тинглашга муваффақ бўлди.

Шавкат Мирзиёев 2016-йилда Ўзбекистон ҳаётида яхши кунлар ва шу билан бирга оғир синовлар бўлганини, аммо ўзбек халқи ўз матонати туфайли қийинчиликларни муносиб енгиб ўтганини таъкидлади. "Ўтаётган йилни деҳқон ва фермерларимиз, ишчи ва қурувчилар, ўқитувчи ва шифокорлар, жасур ҳарбийларимиз, олимлар, ижодкор зиёлилар — барча касб эгалари ёруғ юз билан якунладилар", деб эътироф этди у. Ва айниқса, ўзбекистонлик спортчиларнинг Олимпиада ва Паралимпия ўйинларида эришган беқиёс ютуқлари Ўзбекистон шуҳратини бутун дунёга янада юксалтирганини қўшимча қилди.

Шунингдек, 2017-йил "Халқ билан мулоқот ва инсон манфаатлари йили" деб номлангани, бунинг негизида "Инсон манфаатлари ҳамма нарсадан улуғ" деган олижаноб мақсад ётганини қайд этди. Ҳамда янги — 2017-йилнинг қадами жонажон Ватанимизга қутлуғ ва баракали келсин, дея тилак билдирди.

Путин ўз халқини "бир оз сеҳргар бўлишга" чорлади

Россия президенти Владимир Путин ҳам 2016-йил мураккаб келганини, аммо қийинчиликлар бутун мамлакатни янада жипслаштиргани ва улкан "имкониятлар захирасини кашф қилишга" ундаганини қайд этди. "Асосийси — биз ўзимизга, ўз кучимизга, ўз давлатимизга ишонамиз. Биз ишлаяпмиз, ишларимиз муваффақиятли кечаяпти ва кўп нарсанинг уддасидан чиқаяпмиз", — деди Путин.

Россия президенти шунингдек, Ватан олдидаги бурчини адо этаётган ва шу сабабли янги йилни қадрдон уйидан йироқларда кутаётган россияликларни эслади ва уларга энг эзгу тилакларни билдириб ўтди.

Президент РФ В. Путин выступил на торжественном приёме в Кремле
© Sputnik / Михаил Климентьев
Президент РФ В. Путин выступил на торжественном приёме в Кремле

Владимир Путин Россия фуқароларини Янги йил оқшомида "бир оз сеҳргар" бўлишга чорлади. "Бунинг учун ота-онага меҳр-мурувватли бўлиш, фарзандларингизни яхши кўриш, оилангизни, ҳамкасбларини ҳурмат қилиш, дўстликни асраш, ҳақиқат ва адолатни ҳимоя қилиш ҳамда қўллаб-қувватлашга муҳтожларга ёрдам бериш ва меҳрибон бўлиш лозим, холос", деди Путин.

Дональд Трамп энг аввало ўз душманларига табрик йўллади

АҚШнинг янги сайланган президенти ўзининг Твиттердаги саҳифасида Янги йил табрикномасини эълон қилди.Happy New Year to all, including to my many enemies and those who have fought me and lost so badly they just don't know what to do. Love!

​​"Барчани Янги йил билан! Шу жумладан, менинг кўпсонли душманларимни ҳам! Ҳамда мен билан курашган ва мағлуб бўлган, энди эса нима қиларини билмай ўтирган ғанимларимни табриклайман!, — деб ёзган Трамп.

Порошенко ўз байрам нутқида Россия, уруш ва АҚШ санкциялари ҳақида гапирди

"Азиз ватандошлар! Украина оккупацияси — бу вақтинчалик. Биз албатта, қайта бирлашамиз. Украина ягона. Украинага шон-шарафлар ", — деб баёнот қилган Петр Порошенко Донбассда ҳарбийларга янги йил нутқи билан мурожаат қилиб.

Президент Украины Пётр Порошенко
© Sputnik / Стрингер
Президент Украины Пётр Порошенко

Порошенконинг нутқини тингловчилар ҳайқириқлар ва гулдурос қарсаклар билан кутиб олганлар.

Энг қизиғи, Украина президенти ҳарбийларни табриклар экан, Россия, уруш ва АҚШ санкцияларини кўпроқ тилга олган ва гапидан кўриниб турибдики, халққа соғлиқ ва бахт тилаш ўрнига украиналикларни урушга чорлаган.

Қозоғистон президенти 2017 йил мамлакатда йирик халқаро тадбилар бўлиб ўтишини эълон қилди

"Остона "ЭКСПО" кўргазмасида бутун коинотдан меҳмонларни қабул қилади, бундан ташқари БМТ Хавфсизлик кенгашидаги доимий бўлмаган аъзолик вазифаларини бажара бошлашини маълум қилди.

Президент Казахстан Нурсултан Назарбаев
© Sputnik / Mikhail Voskresenskiy
Президент Казахстан Нурсултан Назарбаев

"Бу тузилма глобал тинчлик ва хавфсизлик учун жавоб беради — буларнинг барчаси Қозоғистон ва ҳар биримиз учун муҳимдир" — дея таъкидлади Назарбоев ўз байрам нутқида.

Олланд миллатчилик хавфи бош кўтараётганини таъкидлади

Франция президенти Франсуа Олланд ўзининг янги йил олдидаги мурожаатида мамлакатда миллатчилик хавфи бош кўтараётгани ҳақида баёнот қилди. Айтиш жоизки, жорий йилда Олланднинг президентлик ваколати ўз ниҳоясига етади, шу боис у сўнгги бор Франция халқини Янги йил байрами билан табриклади.

© Ruptly
Гнусные и подлые – президент Франции Франсуа Олланд о терактах в Брюсселе

Тарихда шундай даврлар бўладики, ҳаммаси фожеавий тарзда ўзгариб кетиши мумкин. Ҳозир биз ана шундай даврларнинг биридамиз", — дея таъкидлади Олланд.

1781
Теглар:
Назарбоев, Олланд, Порошенко, 2017 йил, янги йил, Мирзиёев, Путин
Министр иностранных дел Узбекистана Абдулазиз Камилов

Камилов Қирғизистон президенти билан учрашди

204
(Янгиланган 14:00 27.02.2021)
Бўлиб ўтган суҳбат чоғида томонлар сиёсий, савдо-иқтисодий, маданий-гуманитар ва бошқа соҳалардаги икки томонлама муносабатларнинг ривожи ҳақида фикр алмашдилар.

ТОШКЕНТ, 27 фев - Sputnik. Бугун, 27-феврал куни Бишкек шаҳрига амалий ташриф билан келган Ўзбекистон Ташқи ишлар вазири Абдулазиз Камилов Қирғиз Республикаси президенти Садир Жапаров томонидан қабул қилинди. Бу ҳақда ТИВ матбуот-хизмати хабар бермоқда.

Вазир Ўзбекистон президенти Шавкат Мирзиёевнинг Қирғиз Республикаси президенти Садир Жапаровга йўллаган мактубини топширди.

Бўлиб ўтган суҳбат чоғида томонлар сиёсий, савдо-иқтисодий, маданий-гуманитар ва бошқа соҳалардаги икки томонлама муносабатларнинг ривожи ҳақида фикр алмашдилар.

Марказий Осиёда сўнгги йилларда шаклланган хавфсизлик, барқарорлик ва яхши қўшничилик муҳитини янада мустаҳкамлаш масалалари кўриб чиқилди.

Қайд этилганидек, бугун денгиз портларига ва янги ташқи бозорларга энг қисқа йўл очадиган транспорт йўлаклари тизимини шакллантириш учун кенг имкониятлар яратилмоқдаки, бу, ўз навбатида, минтақалараро савдо-сотиқнинг жадаллашуви, транзит юк ташувларини орттириш, хом-ашё, асбоб-ускуналар ва тайёр маҳсулотларни ташиш нархининг пасайишига хизмат қилади.

Учрашувда томонларни қизиқтирган бошқа масалалар ҳам муҳокама қилинди.

204
Представитель Узбекистана при ЕАЭС Шухрат Шукуров (слева) и председатель Коллегии ЕЭК Михаил Мясникович

Мясникович ЕОИИдаги Ўзбекистон вакилига муваффақиятлар тилади

430
(Янгиланган 19:28 26.02.2021)
Бугун Шуҳрат Шукуровни Евроосиё иқтисодий комиссияси (ЕИК) ҳайъат раиси Михаил Мясниковичга таништирди.

ТОШКЕНТ, 25 фев — Sputnik. Ўзбекистоннинг Россиядаги элчиси Ботиржон Асадов республиканинг ЕОИИдаги вакили Шуҳрат Шукуровни Евроосиё иқтисодий комиссияси (ЕИК) ҳайъат раиси Михаил Мясниковичга таништирди. "Дунё" АА хабарига асосан.

Учрашув жума куни ЕИК биносида бўлиб ўтди.

"ЕИК ҳайъат раисига Ўзбекистон Республикаси бош вазири Абдулла Ариповдан комиссия таркибига Ўзбекистон Республикасининг вакилини тайинлаш тўғрисида мактуб тақдим этилди", - дейилган хабарда.

Мясникович Шуҳрат Шукуровга янги масъулиятли лавозимда муваффақиятлар тилади.

Бундан ташқари, Шукуров ЕИКнинг интеграция ва макроиқтисодиёт вазири Сергей Глазьев ва савдо вазири Андрей Слепнев билан таништирилди.

2020 йил 11 декабрдан бошлаб Ўзбекистон Евроосиё иқтисодий иттифоқида кузатувчи-давлат мақомини олди.

Куни кеча, Шуҳрат Шукуров Ўзбекистоннинг Евроосиё Иқтисодий Иттифоқидаги вакили этиб тайинлангани маълум бўлди. Шу кунга қадар у Макроиқтисодий изланишлар ва прогноз институти директори ўринбосари лавозимида ишлаб келган. У Москва иқтисодий-статистика институтини ва Ўзбекистон давлат ва жамият қурилиши академиясидаги Олий бизнес мактабини тугатган. Ўзбекистон иқтисодий мажмуасида 30 йиллик меҳнат тажрибасига эга.

430
Теглар:
ЕОИИ, Ўзбекистон, Россия
Мавзу:
Ўзбекистон ва ЕОИИ – интеграция истиқболлари
Мавзу бўйича
ЕОИИ: Қирғизистон мигрантлар учун чегараларни очишни таклиф қилди
Малкина: Ўзбекистон ва ЕОИИ "йўл харитаси"ни июль ойига қадар имзолайди, деб умид қиламиз
ЕОИИ Ғарб санкцияларига биргаликда жавоб беради
Экспертлар Ўзбекистон қай тарзда ЖСТга аъзо бўлишини айтишди — бунда ЕОИИ ёрдам беради

Бутина америка турмаларидаги қийноқлар ҳақида гапирди

616
(Янгиланган 18:07 27.02.2021)
Бутинанинг айтишича, уни карцерга ўтказиб, у ерда тўрт ой давомида ушлаб туришган, гарчи халқаро стандартлар бўйича карцерда 15 кундан ортиқ ушлаш мумкин бўлмаган.

ТОШКЕНТ, 27 фев — Sputnik. Америка қамоқхонасидан озод қилинган россиялик, жамоатчилик палатаси аъзоси Мария Бутина "НТВ" учун суратга олинган фильмда америка турмасида бошидан кечирганлари ҳақида сўзлади.

"Рўй берган воқеаларни холокостга қиёслаш мумкин, ахир бу миллатингиз туфайли таъқиб эди-да. Ҳозир эса россиялик ватандошларимизни ҳам худди шундай миллати ва фуқаролиги учун таъқиб қилишмоқда", - деди у.

Бутинанинг айтишича, уни карцерга ўтказиб, у ерда тўрт ой давомида ушлаб туришган, гарчи халқаро стандартлар бўйича карцерда 15 кундан ортиқ ушлаш мумкин бўлмаган.

"Тунда ҳар 15 дақиқада светни ёқишиб: "Are you окay?" (Яхшимисан?) деб сўрашади. То уларга жавоб бермагунингга қадар сени уйғотаверишади", - деди Бутина.

Бундан ташқари, Бутинани аллақандай препаратлар қабул қилишга мажбур этмоқчи бўлишган.

"Улар одамни урмайди, шунчаки руҳан қийнашади, психотроп препаратлар ичишга мажбур этишади, чунки улар таъсирида тергов қилиш осонроқ", - дейди Мария.

Бутинанинг айтишича, кунига беш маҳалдан назоратчилар унинг камерасига келиб, контрабанда борлиги гумони остида уни яланғоч қилиб ечинтиришган.

Россияликнинг сўзларига кўра, камерада деярли ҳеч қачон свет ўчирилмаган. Боз устига, назоратчилар ҳамиша баланд чийилдоқ овоз чиқишини таъминлаб берганлар.

"Яъни улар ҳамиша шу чийилдоқ овоз билан ҳам мўртлашиб қолган руҳиятингизга таъсир ўтказишади. Иродангизни тамомила синдиришади", - деб хотима қилди Бутина.

Бутина 2018 йилнинг июлида қўлга олинган ва "ноқонуний чет эл агенти бўлиш мақсадида тил бириктирув" айблови билан 18 ойга қамалган. 2019 йилнинг октябрида Бутина озодликка чиқарилган ва Россияга депорт қилинган эди.

616