Ўзбекистон президенти Шавкат Мирзиёев

Шавкат Мирзиёев оқилона сиёсати учун тақдирланди

2498
Америка бизнес ҳамжамияти ва етакчи компаниялар номидан делегация раҳбари оқилона сиёсати, мамлакат ривожи йўлидаги ислоҳотлар ва хорижий инвестициялар оқимини рағбатлантиришдаги хизматларини эътироф этган ҳолда Шавкат Мирзиёевга эсдалик нишонини топширди

ТОШКЕНТ, 2 фев — Sputnik. Шавкат Мирзиёев 1 феврал куни Америка-Ўзбекистон савдо палатаси раиси Кэролин Лэммни қабул қилди, деб хабар тарқатган Ўзбекистон президенти матбуот-хизмати.

Мирзиёев меҳмонни самимий қутлар экан, АҚШнинг етакчи компаниялари вакилларидан иборат навбатдаги делегациянинг Ўзбекистонга ташрифи икки давлат ўртасида савдо-иқтисодий алоқаларни ривожлантиришга бўлган қизиқиш ва интилишлар ортиб бораётганидан далолат беришини таъкидлаган.

Йигирма йилдан кўпроқ вақт аввал ташкил этилган Америка — Ўзбекистон савдо палатаси бугун иқтисодиётнинг турли тармоқларида қўшма дастур ҳамда лойиҳаларни қўллаб-қувватлаш ва амалга оширишнинг муҳим механизмига, икки давлат ишбилармон доиралари ўртасида ишончли кўприкка айланди.

Айни пайтда Ўзбекистонда АҚШнинг Boeing, General Motors, General Electric, Case, Hyatt, Hilton каби кўплаб жаҳонга машҳур компаниялари фаолият юритмоқда.

Ўзбекистон иқтисодиётига жалб этилган АҚШ инвестициялари ҳажми 1 миллиард доллардан ошади.

Учрашувда икки томонлама алоқалар, айниқса иқтисодий ҳамкорликнинг янги механизмларини яратиш юзасидан фикр-мулоҳазалар алмашилган. Томонлар, шунингдек, агросаноат комплекси, электротехника, фармацевтика ва бошқа тармоқларида АҚШнинг етакчи ташкилот ва компаниялари тажрибаси, тўғридан-тўғри инвестициялари ва замонавий технологик ютуқлари асосида амалга ошириладиган истиқболли лойиҳаларни муҳокама қилганлар.

Алоҳида эътибор халқаро стандартларга мувофиқ юқори малакали мутахассислар тайёрлаш бўйича узоқ муддатли ҳамкорликни кенгайтиришга қаратилган.

Кэролин Лэмм самимий қабул ҳамда икки давлат бизнес доиралари ўртасида шериклик муносабатларини қўллаб-қувватлаш, шунингдек, АҚШ компанияларининг Ўзбекистон бозорида муваффақиятли фаолият юритишига яратилаётган шароитлар учун Ўзбекистон раҳбарига миннатдорлик изҳор қилган.

Учрашув якунида Америка бизнес ҳамжамияти ва етакчи компаниялар номидан делегация раҳбари оқилона сиёсати, мамлакат ривожи йўлидаги ислоҳотлар ва хорижий инвестициялар оқимини рағбатлантиришдаги хизматларини эътироф этган ҳолда Шавкат Мирзиёевга эсдалик нишонини топширди

2498
Теглар:
сиёсат, Шавкат Мирзиёев, Ўзбекистон, АҚШ

Россия қатор давлатлар туристлари учун ўз чегарасини очишни режалаштирмоқда

728
Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

ТОШКЕНТ, 30 май - Sputnik. Россия президенти Владимир Путин Хавфсизлик кенгашига қатор давлатлар туристлари учун кириш чекловларини олиб ташлаш бўйича таклиф киритди.

"Кўплаб давлатлар, иқтисоди туризмга боғлиқ бўлган давлатлар ўз чегараларини очаётгани ҳақида эълон қилди. Биз нафақат бизнинг давлатимиз ичида бўладиган, балки атрофимизда рўй бераётган ўзгаришларни ҳам муҳокама қилишимиз керак", - деди Путин РФ Хавфсизлик кенгаши йиғилишида.

Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

728

Путин Суриядаги Россия ҳарбий базасини кенгайтириш бўйича топшириқ берди

929
Суриядаги Россия Ҳарбий-космик кучлари авиация гуруҳи 2015 йилнинг 30 сентябрида Сурия ҳукуматини террорчилар билан курашда қўллаб қувватлаш учун операцияни амалга ошириш мақсадида ташкил этилган.

ТОШКЕНТ, 29 май - Sputnik. Россия президенти Владимир Путин РФ Мудофаа вазирлиги ва Ташқи ишлар вазирлигига Сурия томони билан ҳарбий базани кенгайтириш борасида музокаралар ўтказиш бўйича топшириқ берди. Бу ҳақда давлат раҳбари фармойишида айтилган.

"Россия Федерацияси ҳукуматининг Россия Федерацияси ва Сурия Араб Республикаси ўртасида Россия Федерацияси Қуролли Кучларининг авиация гуруҳини 2015 йил 26 августда Сурия Араб Республикаси ҳудудида қўшимча кўчмас мулк ва акваторияни топшириш тўғрисидаги Битимга 1-сонли Баённомани имзолаш бўйича таклифи қабул қилинсин", - дейилган ҳуқуқий-ахборот интернет-порталида эълон қилинган ҳужжатда.

Қонунчилик лойиҳасига принципиал характерга эга бўлмаган тузатишлар киритилиши мумкин.

Суриядаги Россия Ҳарбий-космик кучлари авиация гуруҳи 2015 йилнинг 30 сентябрида Сурия ҳукуматини террорчилар билан курашда қўллаб қувватлаш учун операцияни амалга ошириш мақсадида ташкил этилган.

Сурияда Россия ҳарбийлари Хмеймим авиабазасида ва Тартус портидаги ҳарбий-денгиз базасида жойлашган.

929

Карантиндан сўнг россияликлар аввалги ҳаёт тарзига қайтмоқда - фото

0
Россия COVID-19 тарқалиши туфайли мамлакатда жорий қилинган чекловларни босқичма-босқич юмшатишга киришди.

Россия бош вазири Михаил Мишустиннинг сўзларига кўра, мамлакатда эпидемиологик вазият аста-секинлик билан барқарорлашмоқда, аммо эҳтиёткорлик билан иш тутиш керак.

Россиянинг қатор минтақаларида карантин чоралари енгишлаштирилмоқда. Жумладан, Москвада 1 июндан қатор чекловлар олиб ташланади ва барча дўконлар ўз ишини бошлайди. Фуқароларга жадвал бўйича кўчаларда ва боғларда сайр қилишга рухсат берилади. Шунингдек, спорт билан очиқ ҳавода шуғулланиш мумкин.

Шу билан бирга, ижтимойи масофа ва бошқа хавфсизлик чораларига риоя қилиш талаб этилади.

0
  • © Sputnik / Alexandr Kryazhev

    Новосибирскдаги боғда гимнастика билан шуғулланаётганлар.

  • © Sputnik / Pavel Lisitsyn

    Екатеринбургда байдаркаларда сузаётган спортчилар.

  • © Sputnik / Alexei Danichev

    "Усадьба Марьино"га ташриф буюрганлар. Ленинград вилояти.

  • © Sputnik / Maksim Bogodvid

    Спорт машқларини бажараётган йигит. Қозон шаҳри.

  • © Sputnik / Maks Vetrov

    Кекса аёллар Алушта соҳили бўйлаб сайр қилмоқда. Қрим.

  • © Sputnik / Maks Vetrov

    Қримда ўзини ўзи яккалаш ҳаёт тарзи бекор қилингандан сўнг балиқ овига чиққан балиқчи.

  • © Sputnik / Konstantin Mihalchevskiy

    "Ашан" гипермаркетига ташриф буюрган мижозлар. Қрим.

  • © Sputnik / Konstantin Mihalchevskiy

    "Ашан" гипермаркетига ташриф буюрган мижозлар. Қрим

  • © Sputnik / Konstantin Mihalchevskiy

    "Ашан" гипермаркетига ташриф буюрган мижозлар. Қрим

  • © Sputnik / Konstantin Mihalchevskiy

    "Ашан" гипермаркетига ташриф буюрган мижозлар. Қрим

  • © Sputnik / Alexandr Kryazhev

    Гул сотувчи. Новосибирск.

  • © Sputnik / Maksim Blinov

    Москвада "Мои документы" давлат хизматлари марказига ташриф буюрган аёл. 25 майдан ушбу марказлар фаолиятига рухсат берилди.

  • © Sputnik / Maksim Bogodvid

    Спорт билан шуғулланаётганлар. Қозон шаҳри.

  • © Sputnik / Maks Vetrov

    Алушта соҳилидаги мусиқачи. Қрим.