Туркия президенти Рустам Азимовни қабул қилди

Эрдўғон Рустам Азимовни "Бейлербейи" саройида қабул қилди

521
(Янгиланган 14:51 28.02.2017)
Ўзбекистон Бош вазирининг ўринбосари Рустам Азимов Туркия президенти Тойиб Эрдўғон билан учрашув ўтказди

ТОШКЕНТ, 28 фев — Sputnik. Туркия президенти Тойиб Эрдўғон ва Ўзбекистон Бош вазирининг ўринбосари Рустам Азимов 27 феврал куни Истанбулдаги "Бейларбейи" саройида учрашишган.

Туркия раҳбари сайтида берилган хабарга кўра, бир соатча давом этган учрашувда ОАВ вакиллари иштирок этишмаган.

Учрашувда шунингдек, Туркия бош вазири ўринбосари Туғрул Туркеш, иқтисодиёт вазири Ниҳот Зайбекчи ва миллий мудофаа вазири Фикри Ишиқ қатнашган.

Ўзбекистон делегацияси Истанбулда ўзбек-турк бизнес-форумида иштирок этган, унинг якунида иқтисодий ҳамкорликни ривожлантиришга қаратилган келишувлар имзоланган.

Форумда чиқиш қилган Туркия иқтисодиёт вазири Ниҳат Зейбекчи ўтган йилда икки мамлакат ўртасидаги товар айланмаси ҳажми 1,2 млрд долларни ташкил этганини қайд этган, шу билан бирга бу кўрсаткич имкониятлар даражасидан паст этгани таъкидланган.

Туркия томони статистик маълумотига кўра, 2016 йилда Туркиядан Ўзбекистонга экспорт ҳажми 488,5 млн доллардан 533,3 млн долларга ўсган, Ўзбекистондан Туркияга импорт ҳажми эса 711,5 млн доллардан 709,2 млн долларга пасайган.

Кун.уз нашри хабарига кўра, Рустам Азимов ўз чиқишида, Ўзбекистон Туркия билан нефт-кимё соҳасида ҳамкорлик қилиш ниятида эканини айтиб ўтган. Азимовнинг сўзларига кўра, Ўзбекистонда 2та нефтни қайта ишлаш заводи фаолият кўрсатмоқда ва учинчисини қуриш ишлари олиб борилмоқда.

"Биз Ўзбекистонда олтин, кумуш ва уран каби фойдали қазилмаларни қазиб олиш ва қайта ишлаш соҳасида ҳамкорлик қилишимиз мумкин", — деб айтган бош вазир ўринбосари.

Темир ва автомобиль йўллари қурилиши лойиҳалари ҳам ҳамкорликнинг яна бир йўналиши бўлиши мумкин, дея қўшимча қилди у.

Рустам Азимов Туркия Ўзбекистон мустақиллигини тан олган биринчи мамлакат бўлганини эслаб ўтган ва "Ўзбекистон халқи буни ҳеч қачон унутмайди", деб айтган.

521
Теглар:
Эрдўғон, Рустам Азимов, Ўзбекистон, Туркия
Заместитель премьер-министра Республики Казахстан Ералы Тугжанов и премьер-министром Республики Узбекистан Абдулла Арипов

Абдулла Арипов Қозоғистон бош вазири ўринбосари билан учрашди

43
Қозоғистон Бош вазирининг ўринбосари Ўзбекистонда Қозоғистон университетларининг филиалларини очиш имкониятларини кўриб чиқишни ҳамда икки давлат президентлик мактаблари ўртасида тажриба алмашишни таклиф қилди.

ТОШКЕНТ, 6 мар — Sputnik. Ўзбекистон бош вазири Aбдулла Aрипов Тошкентга ишчи ташрифи билан келган Қозоғистон бош вазирининг ўринбосари Ерали Тугжановни қабул қилди, деб хабар қилмоқда Қозоғистон бош вазири расмий сайтида.

Томонлар соғлиқни сақлаш, таълим ва фан соҳаларида Ўзбекистон-Қозоғистон ҳамкорлигини мустаҳкамлаш масалаларини муҳокама қилдилар.

Музокаралар чоғида иккала мамлакатдаги эпидемик вазият тўғрисида фикр алмашилди, COVID-19 га қарши курашиш бўйича кўрилган чораларни амалга ошириш муҳимлиги таъкидланди, шу билан бирга эпидемия ва пандемия бўлган тақдирда тезкор чоралар кўриш ва ўзаро таъсир ўтказиш бўйича қўшма самарали чораларни ишлаб чиқишга келишилди.

Юқори технологиялар соҳасидаги қўшма лойиҳаларни кенгайтиришга ва икки давлат ўртасида узлуксиз тиббий таълим соҳасида, тиббий таълим муассасалари талабалари ва ўқитувчилари ўртасида академик ҳаракатчанликни кенгайтириш, тегишли қўшма илмий тадқиқотларни ишлаб чиқиш ва амалга ошириш бўйича ўзаро алоқаларни ўрнатиш соҳасида ҳамкорликни фаоллаштиришга келишилди.

Қозоғистон Бош вазирининг ўринбосари Ўзбекистонда Қозоғистон университетларининг филиалларини очиш имкониятларини кўриб чиқишни ҳамда икки давлат президентлик мактаблари ўртасида тажриба алмашишни таклиф қилди.

Учрашув якунларига кўра, Ерали Тугжанов Ўзбекистон бош вазирини жавоб ташрифи билан Қозоғистонга таклиф этди.

43
Президент Узбекистана Шавкат Мирзиёев озвучил послание Олий Мажлису

Мирзиёев хотин-қизларни 8-март билан табриклади

84
"Бундан буён Ўзбекистонда бирор аёл давлат ва жамиятнинг эътиборидан четда қолмайди", дея ваъда берган давлат раҳбари байрам арафасида ташкиллаштирилган тантанали тадбирда

ТОШКЕНТ, 6 мар - Sputnik. Ўзбекистон президенти Шавкат Мирзиёев мамлакат хотин-қизларини 8 март айёми билан табриклади. Айни дақиқаларда пойтахтдаги "Конгресс-ҳолл"да 8 март — Халқаро хотин-қизлар куни муносабати билан тантанали маросим бўлиб ўтмоқда, деб хабар бермоқда АОКА.

"Ҳамма ҳаракатларимизда аёлларимиз, муқаддас оналаримизни рози қилиш ётади. Мана шундай пайтда, сиз азизларнинг шаънингизга мадҳиялар айтиш учун одам шоир бўлиб туғилмаганига афсусланиб қолади. Сизлар биз учун аввало муқаддас она, азиз ватан, оила тимсоли, битмас-туганмас меҳр, эзгулик ва куч-ғайрат манбаидирсиз. Бу азалий ҳақиқатни, мураккаб пандемия шароитида, айниқса, чуқур ҳис этмоқдамиз. Сизларнинг барча соҳалардаги фидокорона меҳнатингиз ҳисобидан мамлакатимизнинг қудрати ва салоҳияти, халқаро обрў-эътибори тобора ортиб бормоқда. Бугун барча соҳаларда маррани жуда катта оляпмиз, улкан дастурлар, режа ва лойиҳаларни амалга оширяпмиз. Улар, биринчи навбатда, оналаримиз, опа-сингилларимиз, азиз фарзандларимизнинг ҳаёти ва меҳнат шароитини яхшилашга қаратилган. Фурсатдан фойдаланиб, барчамизга доимо тоғдек таянч бўлиб келаётганингиз учун сизларга, бутун Ўзбекистон хотин-қизларига чуқур миннатдорчилик билдираман", - деган Ўзбекистон раҳбари.

Мирзиёевнинг таъкидлашича, муаммолар бўйича манзилли иш олиб бориш учун мутлақо янги тизим — "Аёллар дафтари" жорий этилди ва кейинги 3 ойда республика комиссияси томонидан ушбу «дафтар»га киритилган 80 минг нафар хотин-қизнинг муаммолари ҳал этилди.

Ижтимоий ҳимояга муҳтож, турмуш шароити оғир аёлларнинг 32 минг нафари иш билан таъминланди. Инқирозга қарши кураш жамғармаси маблағлари ҳисобидан салкам 17 минг нафар хотин-қизга амалий ёрдамлар кўрсатилди.

 Аёл фарзанди бахтли бўлса, асл бахтни ҳис этади. Биргина "Ҳар бир оила — тадбиркор" дастури доирасида 126 мингга яқин аёлларга имтиёзли кредитлар берилди.

Оилавий тадбиркорликни ривожлантириш учун қарийб 215 минг оилага 6 триллион сўмдан зиёд кредит маблағлари ажратилди. Деярли 55 минг нафар хотин-қизлар тадбиркорлик ва касб-ҳунар марказлари томонидан ўқитилди, ҳунармандчилик ва касаначиликка жалб этилди. "Беш муҳим ташаббус" доирасида чекка ҳудудларда тикувчилик цехлари ташкил этилиб, 10 минг нафар аёллар бандлиги таъминланди.

Уй-жой сотиб олиш учун 1 250 нафар аёлларга қарийб 22 миллиард сўмлик бошланғич бадаллар тўлаб берилди.

Жорий йилда ҳам ушбу хайрли ишлар давом эттирилади ва бу борада куни кеча янги қарор имзоланган. Унга кўра, жамиятда аёлларга бўлган эътиборни энг қуйи бўғингача, маҳаллагача тушириб, уларни ҳар томонлама қўллаб-қувватлашнинг яхлит тизими яратилмоқда.

"Бундан буён Ўзбекистонда бирор аёл давлат ва жамиятнинг эътиборидан четда қолмайди", дея ваъда берган давлат раҳбари.

84