Ўзбекистон ва Туркманистон президентлари - Шавкат Мирзиёев ва Гурбангули Бердимуҳаммедов

Мирзиёев ва Бердимуҳаммедов долзарб муаммоларга қарши биргаликда курашишга ваъдалашдилар

263
(Янгиланган 11:34 07.03.2017)
Ашхободда бўлиб ўтган Ўзбекистон ва Туркманистон раҳбарлари ўртасида бўлиб ўтган музокаралардан сўнг Гурбангули Бердимуҳамедов матбуот қаршисида чиқиш қилиб, бугунги учрашув икки давлат муносабатларида янги саҳифа очганини қайд этиб ўтди

ТОШКЕНТ, 7 мар — Sputnik. Гурбангули Бердимуҳамедов туркман-ўзбек музокаралари натижасини умумлаштирди, деб хабар қилмоқда Туркменистан сегодня ахборот агентлиги.

Бердимуҳаммедов Шавкат Мирзиёев Ўзбекистон Президенти этиб сайланганидан кейин давлат ташрифи билан биринчи бўлиб Туркманистонга келганини таъкидлаб ўтди, дейилади хабарда.

Гурбангули Бердимуҳаммедовга кўра, музокаралар чоғида икки томонлама алоқалар ҳолати муҳокама қилиниб, халқаро масалалар бўйича фикрлар алмашилган. Давлат раҳбарлари музокаралар якунида сиёсий, савдо-иқтисодий, маданий-гуманитар соҳаларни ўз ичига олган салмоқлигина ҳужжатларга имзо чекишган.

Президент Гурбангули Бердимуҳамедов Ўзбекистон президенти билан учрашув икки давлатнинг турли йўналишларда ҳамкорликни ривожлантиришдан манфаатдор эканини тасдиқлаганига ишонч билдирди.

Туркманистон раҳбарининг қайд этишича, музокаралар вақтида алоҳида эътибор минтақа хавфсизлиги масалаларига қаратилган. У икки мамлакатнинг қўшни Афғонистонда фақат сиёсий йўл билан барқарорлик ўрнатилиши борасидаги фикри ҳам муштараклигини тасдиқлади.

Томонлар иккиёқлама форматда яқиндан ҳамкорлик қилишга ҳамда халқаро ташкилотлар доирасида халқаро террорчилик, экстремизм, наркотрафик ва уюшган жиноятчиликка қарши курашишга келишиб олганларю.

"Алоҳида эътибор эса Марказий Осиё ҳудудида тинчлик ва барқарорликни таъминлаш масаласига қаратилди. Бугунги кунда Ўзбекистон ва Туркманистон ўртасидаги ҳамкорлик бу жараённинг муҳим таркибий қисми бўлмоқда. Бу ўринда позициялар аниқ: икки мамлакат ҳам Марказий Осиёнинг тинч ва барқарор ривожланиши учун мустаҳкам ва самарали механизм яратилишини истайди", деган туркманистонликлар раҳбари.

Президент Гурбангули Бердимуҳамедов икки мамлакат ҳам Афғонистон муаммосини ҳал этиш борасида умумий фикрдалигини, яъни муаммони фақат тинч ва сиёсий йўл билан, умуммиллий мулоқот воситасида ҳал этиш мумкин деган фикрда эканини қайд этган. Давлат раҳбарлари Афғонистонда БМТнинг тинчликпарвар кучлари янада фаолроқ ва кенгроқ ҳаракатланиши лозимлигини таъкидлашган.

263
Теглар:
Бердимуҳаммедов, Туркманистон, Ўзбекистон, Мирзиёев
Мавзу:
Шавкат Мирзиёевнинг биринчи расмий сафари (11)
Президент РФ Владимир Путин и президент Кыргызстана Садыр Жапаров (слева) во время встречи в Кремле

ЕОИИ, КХШТ ва рус тили - Жапаров ва Путин нималарни муҳокама қилишди

236
(Янгиланган 10:33 25.02.2021)
Садир Жапаров Владимир Путин билан учрашув давомида иттифоқлар доирасида ҳамкорлик қилиш Қиризистон ташқи сиёсати ва иқтисодининг устувор ривожланиш йўналиш бўлиб қолишини таъкидлади.

ТОШКЕНТ, 24 фев — Sputnik. Қирғизистон Республикаси президенти Садир Жапаров ўзининг биринчи хоридий ташрифини Россияга амалга оширди. Расмий қабул 24 феврал куни Кремль саройида бўлиб ўтди.

Учрашув бошида Қирғизистон президенти Владимир Путинга Россияга таклифи учун миннатдорлик билдирди ва икки давлат орасидаги муносабатларнинг юқори даражада эканини қайд этди.

“Қирғизистон президенти сифатида менинг биринчи хорижий ташрифим Россияга амалга оширилиши – шубҳасиз, давлатларимиз орасида муносабатлар юқори даражада эканини тасдиқлайди. Биз стратегик ҳамкорликни ва иттифоқчилик муносабатларини мустаҳкамлашда давом этамиз”, - деди Жапаров.

 Шунингдек Қирғизистон президенти республикада сиёсий инқирозни бартараф этишда Россиянинг ёрдами учун миннатдорлик биллдирди.

“Биз ЕОИИ, МДҲ, КХШТ ва ШҲТ доирасида ҳамкорликни давом эттирамиз. Бу республикамизнинг  ташқи сиёсий ва иқтисодий ривожланиш йўлида - устувор йўналиш бўлиб қолади. Пандемия каби мураккаб даврда бизга кўрсатган ёрдамингиз учун сизга алоҳида миннатдорлик билдирмоқчимиз. Россия вакцинасининг юқори самарадорлиги ва хавфсизлиги дунё ҳамжамияти томонидан тан олинган. Биз ҳам яқин орада аҳолини оммавий вакцинация қилиш кампаниясини бошлашдан умидвормиз”, - деди Қирғизистон президенти.

Учрашув давомида Қирғизистон президенти Владимир Путинни унга қулай бўлган вақтда Қирғизистонга ташриф буюришга таклиф қилди.

Россия президенти Садир Жапаровни президентлик лавозимига расман киришиши билан табриклади ва коронавирус билан боғлиқ чекловлар туфайли ушбу учрашувни ташкил қилиш осон бўлмаганини таъкидлади.

Шунингдек Путин, Россия ва Қирғизистон муносабатлари иттифоқчилик даражасида эканини ҳамда иқтисодий ҳамкорлик бўйича Россия Қирзиғистоннинг биринчи рақамли ҳамкори эканини алоҳида қайд этиб ўтди.

Ундан ташқари Россия президенти, коронавирусга қарши кураш борасида Қирғизистонда олиб борилаётган ишлар самарали эканини ва бу борада Россия билан ҳамкорликни янада чуқурлаштириш борасида билдирилаётган қўшимча таклифлар борасида Россия Қирғизистонни қўллаб-қувватлашга тайёр эканини билдирди.

Шу билан бирга, Владимир Путин Садир Жапаровга Қирғизистонда рус тилининг давлат тили мақомида сақлаб қолинаётгани учун алоҳида миннатдорлик билдириб ўтди.

"Мен, икки томонлама муносабатларимизнинг яна бир ўта муҳим жиҳатини қайд этмоқчиман - бу Сиз томондан (Қирғизистонда-таҳр.) рус тилининг давлат мақомини сақлаб қолганингиз. Бу биз учун жуда муҳим...", - деди Путин. 

"Биз учун ҳам муҳим", - деб қўшимча қилди Жапаров. 

Владимир Путин рус тили қирғизистон фуқароларига Россияда ишлаши учун қулай имкониятлар яратишини ва келажакда ҳам ушбу самарали ҳамкорлик сақланиб қолишини қайд этди ва Қирғизистонда рус тилини ўрганиш учун шароит яратишда ёрдам беришини билдирди. 

236

Садир Жапаров Ўзбекистонга ташриф буюради

444
(Янгиланган 13:09 24.02.2021)
Айни дамда Қирғизистон президенти Садир Жапаровнинг Ўзбекистонга расмий ташрифига тайёргарлик кўрилмоқда.

ТОШКЕНТ, 24 фев — Sputnik. Қирғизистон президенти Садир Жапаровнинг Ўзбекистонга расмий ташрифига тайёргарлик кўрилмоқда. Бу ҳақда Sputnik Қирғизистон мамлакат ТИВ матбуот хизматига асосан хабар қилди.

22 феврал куни бўлиб ўтган онлайн музокарада Қирғизистон Республикаси ташқи ишлар вазирининг биринчи ўринбосари Нуран Ниёзалиев ва Ўзбекистон Республикаси ташқи ишлар вазирининг биринчи ўринбосари Фарҳод Арзиев бўлажак ташрифни муҳокама қилдилар.

"Томонлар Қирғизистон президентининг Ўзбекистонга расмий ташрифини тайёрлаш, мазмуни ва ўтказилишига алоҳида эътибор беришди", - дейилган хабарда.

Ҳозирча расмий ташриф санаси ҳақида маълум берилмади.

Шунингдек, Ўзбекистон Ташқи ишлар вазирлиги раҳбари Абдулазиз Комиловнинг Қирғизистонга амалий ташрифи кутилаётганини таъкидлади.

444
Теглар:
Садир Жапаров, Шавкат Мирзиёев, Қирғизистон, Ўзбекистон
Мавзу бўйича
Садир Жапаровнинг рафиқаси ҳақида 9та қизиқарли факт
Шавкат Мирзиёев Садир Жапаровни ғалаба билан табриклади
“Қамоқдан президентликка”: Садир Жапаровга ўхшаган етакчилар кўп бўлганми?
Садир Жапаров расман Қирғизистон президенти бўлди

Қозоғистонда қишлоқ хўжалиги ерларини хорижликларга сотиш тақиқланади

24
(Янгиланган 12:20 25.02.2021)
Тоқаев ер масаласи қозоғистонликлар учун жуда муҳимлиги, ер улар учун давлатчилик рамзи эканини қайд этди.

ТОШКЕНТ, 25 фев — Sputnik. Қозоғистонда қишлоқ хўжалиги ерларини чет эллик жисмоний ва юридик шахсларга ижарага бериш ва сотиш тақиқланади. Мамлакат президенти Қасим-Жомарт Тоқаев тегишли қонун лойиҳасини тайёрлаш бўйича топшириқ берди.

Тоқаев Миллий жамоат ишонч кенгаши йиғилишида чиқиш қилаётиб, ер масаласи қозоғистонликлар учун жуда муҳимлиги, ер улар учун давлатчилик рамзи эканини қайд этди.

“Мен бир неча марта ер хорижликларга сотилмаслигини айтганман. Бу борадаги миш-мишларга чек қўйиш даркор. Биринчидан, мен қишлоқ хўжалиги ерларини хорижликларга ва хорижлик юридик шахсларга сотиш, ижара беришни қонун билан тақиқлаш бўйича топшириқ бераман. Бу хорижлик улуши бор юридик шахслага ҳам тааллуқли”, - деди Тоқаев. Унинг сўзларидан Sputnik Қозоғистон келтирган.

Давлат раҳбари бу масалага оид қонун лойиҳасини президент девони ишлаб қилиши шартлиги қўшимча қилди.

24
Теглар:
Қасим-Жомарт Тоқаев, Қозоғистон