Нурсултон Назарбоев ва Шавкат Мирзиёев

Остона - Тошкент: муз жойидан кўчди

2142
(Янгиланган 19:49 23.03.2017)
Қозоғистон ва Ўзбекистон президентлари музокаралари икки томонлама муносабатларнинг бугунги ҳолатини "Каримов давридаги" билан солиштиришга маҳкум эди

ТОШКЕНТ, 23 мар — Sputnik. Шавкат Мирзиёев Қозоғистонга уюштирган биринчи расмий ташрифи давомида Нурсултон Назарбоев билан биргаликда ўзи билиб ёки бехосдан: Остона ва Тошкент муносабатларида янги саҳифа бошланмоқда, дея бот-бот таъкидлади, деб хабар қилди Спутник Қозоғистон.

Нашрга кўра, бу "янги саҳифа" ўтган йилнинг сентябр ойидан бери, инсульт оқибатида мамлакатнинг Биринчи президенти Ислом Каримов бевақт вафот этганидан бери кутишаётган эди. "Аммо тор доирада ва кенгайтирилган таркибда ўтган учрашувлар давомида Нурсултон Назарбоев ва Шавкат Мирзиёев "дўстлик ва ҳамкорлик кўприклари" икки халқ ўртасида Ўзбекистоннинг собиқ президенти давридаёқ ўрнатила бошланганини кўп бор тилга олдилар", — деб ёзди нашр.

Тўсиқлар йўқ қилинди, имкониятларга йўл очилди

"Сўнгги вақтларда бизнинг муносабатларимиз тамомила бошқача ривожлана бошлади: ўтган йилнинг тўртинчи квартали, ёхуд сўнгги беш ой ичида мамлакатларимиз ўртасидаги товар айланмаси ҳар бир томондан 30%га ошди, — деб таъкидлади Мирзиёев билан биргаликда ўтказган музокаралардан сўнг Нурсултон Назарбоев. — Тўртта савдо уйлари очилди, биз томондан 30 % кўпроқ дон сотилган бўлса, Ўзбекистон томондан 25% кўпроқ мева ва сабзавотлар импорт қилинди. Буларнинг барчаси Ўзбекистоннинг янги раҳбарияти савдо-сотиқ учун имкониятларни кенг очгани ва тўсиқларни олиб ташлагани туфайлидир", — дея қўшимча қилди Назарбоев.

Шу ерда бир воқеани эсламасликнинг иложи йўқ, деб ёзади нашр. Беш йил олдин Тошкентлик бир ҳайдовчи унинг қариндошлари боғдаги гилосни теришни хоҳламаслигини, шу боис мевалар ҳузурини қушлар кўраётганини айтиб қолган. "Уларнинг хоҳламасликларига сабаб, гилосни қўшниларга сотишнинг иложи йўқ — уларнинг ўз гилос дарахтлари бор, хорижга ҳам олиб чиқолмайсиз — чунки олиб чиққани қўйишмайди", — деган афсусланиб ҳайдовчи. Шу ўринда нашр, қизиқ, эндиликда ўша ҳайдовчининг қариндошлари боғидаги гилос мевалари қозоқ бозорларида пайдо бўлармикин, деган саволни ўртага ташлаган. Ёки ўша боғ эгалари, беш ой олдин, икки давлат ўртасидаги алоқалар яхшиланишини кутиб ўтирмасдан, боғдорчиликка қўл силташга улгурдимикин? Аммо, айтиш жоизки, Каримов даврида ҳам Остона ва Тошкент Марказий-Осиё регионида савдо-иқтисодий ҳамкорлик томонидан етакчи ўринни эгаллар эди, деб қўшимча қилган нашр.

Қозоғистон раҳбарининг иккиёқлама муносабатлар фақатгина яхшиланаётгани ҳақидаги таъкиди Мирзиёев томонидан ҳам маъқулланган. "Регионал ҳамкорлик ўзининг реал ҳосиласини беряпти. Биз сиз билан тор доирада келишгандек, биз бу муносабатларни фақат кенгайтирамиз", — деб айтган Мирзиёев.

Хавфсизлик — энг муҳим масала

Ўзбекистон ва Қозоғистон иқтисодиёт ва трансчегаравий дарёлар масаласини муҳокама қилиш билан чегараланмади, деб ёзади нашр.

Икки ўртадаги музокаралар, 23 март куни бўлиб ўтаётгани туфайли, Лондонда юз берган навбатдаги теракт ҳақида хабарлар тарқалган.

Ва шундан сўнг музокаралар региондаги террорчилик ва экстремизм каби иллатларга қарши туриш масалаларига уланиб кетган.

Региондаги хавфсизлик масаласи ҳақида кўпроқ Мирзиёев гапирди, деб ёзади нашр.

"Бизнинг бугунги учрашувимиз биз жаҳонда кузатаётган тезкорлик билан ўзгараётган вазиятлар ва ноаниқ мураккаб жараёнлар фонида кечмоқда, деб айтган Мирзиёев. — Мана шундай мураккаб вазиятларда Ўзбекистон ва Қозоғистон вужудга келаётган таҳдидлар ва чақириқларга ўз вақтида жавоб қайтариш ва уларнинг олдини олиш учун умумий ёндашув ишлаб чиқишлари фавқулодда муҳим. Негаки бизнинг давлатларимиз бизнинг катта минтақамизда фаровонлик ва тинчлик сақланиб туриши учун алоҳида жавобгарлик олиб борадилар. Биз бу ҳақда тор доирадаги учрашув вақтида ҳам келишиб олдик — ҳуқуқни муҳофаза қилиш органларимиз учрашуви ҳақида. Биз соталаримизни вақти-вақти билан солиштириб туришимиз жуда муҳим, чунки таҳдидлар — жиддий муаммо ва биз уларга қарши ягона ёндашувни ишлаб чиқишимиз лозим", — деб фикр билдирган Ўзбекистон раҳбари.

2142
Теглар:
Каримов, Назарбоев, Ўзбекистон, Мирзиёев, Қозоғистон
Мавзу:
Ўзбекистон президенти Шавкат Мирзиёев Қозоғистонга давлат ташрифи билан келди (15)
Президент РФ Владимир Путин и президент Кыргызстана Садыр Жапаров (слева) во время встречи в Кремле

ЕОИИ, КХШТ ва рус тили - Жапаров ва Путин нималарни муҳокама қилишди

242
(Янгиланган 10:33 25.02.2021)
Садир Жапаров Владимир Путин билан учрашув давомида иттифоқлар доирасида ҳамкорлик қилиш Қиризистон ташқи сиёсати ва иқтисодининг устувор ривожланиш йўналиш бўлиб қолишини таъкидлади.

ТОШКЕНТ, 24 фев — Sputnik. Қирғизистон Республикаси президенти Садир Жапаров ўзининг биринчи хоридий ташрифини Россияга амалга оширди. Расмий қабул 24 феврал куни Кремль саройида бўлиб ўтди.

Учрашув бошида Қирғизистон президенти Владимир Путинга Россияга таклифи учун миннатдорлик билдирди ва икки давлат орасидаги муносабатларнинг юқори даражада эканини қайд этди.

“Қирғизистон президенти сифатида менинг биринчи хорижий ташрифим Россияга амалга оширилиши – шубҳасиз, давлатларимиз орасида муносабатлар юқори даражада эканини тасдиқлайди. Биз стратегик ҳамкорликни ва иттифоқчилик муносабатларини мустаҳкамлашда давом этамиз”, - деди Жапаров.

 Шунингдек Қирғизистон президенти республикада сиёсий инқирозни бартараф этишда Россиянинг ёрдами учун миннатдорлик биллдирди.

“Биз ЕОИИ, МДҲ, КХШТ ва ШҲТ доирасида ҳамкорликни давом эттирамиз. Бу республикамизнинг  ташқи сиёсий ва иқтисодий ривожланиш йўлида - устувор йўналиш бўлиб қолади. Пандемия каби мураккаб даврда бизга кўрсатган ёрдамингиз учун сизга алоҳида миннатдорлик билдирмоқчимиз. Россия вакцинасининг юқори самарадорлиги ва хавфсизлиги дунё ҳамжамияти томонидан тан олинган. Биз ҳам яқин орада аҳолини оммавий вакцинация қилиш кампаниясини бошлашдан умидвормиз”, - деди Қирғизистон президенти.

Учрашув давомида Қирғизистон президенти Владимир Путинни унга қулай бўлган вақтда Қирғизистонга ташриф буюришга таклиф қилди.

Россия президенти Садир Жапаровни президентлик лавозимига расман киришиши билан табриклади ва коронавирус билан боғлиқ чекловлар туфайли ушбу учрашувни ташкил қилиш осон бўлмаганини таъкидлади.

Шунингдек Путин, Россия ва Қирғизистон муносабатлари иттифоқчилик даражасида эканини ҳамда иқтисодий ҳамкорлик бўйича Россия Қирзиғистоннинг биринчи рақамли ҳамкори эканини алоҳида қайд этиб ўтди.

Ундан ташқари Россия президенти, коронавирусга қарши кураш борасида Қирғизистонда олиб борилаётган ишлар самарали эканини ва бу борада Россия билан ҳамкорликни янада чуқурлаштириш борасида билдирилаётган қўшимча таклифлар борасида Россия Қирғизистонни қўллаб-қувватлашга тайёр эканини билдирди.

Шу билан бирга, Владимир Путин Садир Жапаровга Қирғизистонда рус тилининг давлат тили мақомида сақлаб қолинаётгани учун алоҳида миннатдорлик билдириб ўтди.

"Мен, икки томонлама муносабатларимизнинг яна бир ўта муҳим жиҳатини қайд этмоқчиман - бу Сиз томондан (Қирғизистонда-таҳр.) рус тилининг давлат мақомини сақлаб қолганингиз. Бу биз учун жуда муҳим...", - деди Путин. 

"Биз учун ҳам муҳим", - деб қўшимча қилди Жапаров. 

Владимир Путин рус тили қирғизистон фуқароларига Россияда ишлаши учун қулай имкониятлар яратишини ва келажакда ҳам ушбу самарали ҳамкорлик сақланиб қолишини қайд этди ва Қирғизистонда рус тилини ўрганиш учун шароит яратишда ёрдам беришини билдирди. 

242

Садир Жапаров Ўзбекистонга ташриф буюради

444
(Янгиланган 13:09 24.02.2021)
Айни дамда Қирғизистон президенти Садир Жапаровнинг Ўзбекистонга расмий ташрифига тайёргарлик кўрилмоқда.

ТОШКЕНТ, 24 фев — Sputnik. Қирғизистон президенти Садир Жапаровнинг Ўзбекистонга расмий ташрифига тайёргарлик кўрилмоқда. Бу ҳақда Sputnik Қирғизистон мамлакат ТИВ матбуот хизматига асосан хабар қилди.

22 феврал куни бўлиб ўтган онлайн музокарада Қирғизистон Республикаси ташқи ишлар вазирининг биринчи ўринбосари Нуран Ниёзалиев ва Ўзбекистон Республикаси ташқи ишлар вазирининг биринчи ўринбосари Фарҳод Арзиев бўлажак ташрифни муҳокама қилдилар.

"Томонлар Қирғизистон президентининг Ўзбекистонга расмий ташрифини тайёрлаш, мазмуни ва ўтказилишига алоҳида эътибор беришди", - дейилган хабарда.

Ҳозирча расмий ташриф санаси ҳақида маълум берилмади.

Шунингдек, Ўзбекистон Ташқи ишлар вазирлиги раҳбари Абдулазиз Комиловнинг Қирғизистонга амалий ташрифи кутилаётганини таъкидлади.

444
Теглар:
Садир Жапаров, Шавкат Мирзиёев, Қирғизистон, Ўзбекистон
Мавзу бўйича
Садир Жапаровнинг рафиқаси ҳақида 9та қизиқарли факт
Шавкат Мирзиёев Садир Жапаровни ғалаба билан табриклади
“Қамоқдан президентликка”: Садир Жапаровга ўхшаган етакчилар кўп бўлганми?
Садир Жапаров расман Қирғизистон президенти бўлди

Қозоғистонда қишлоқ хўжалиги ерларини хорижликларга сотиш тақиқланади

29
(Янгиланган 12:20 25.02.2021)
Тоқаев ер масаласи қозоғистонликлар учун жуда муҳимлиги, ер улар учун давлатчилик рамзи эканини қайд этди.

ТОШКЕНТ, 25 фев — Sputnik. Қозоғистонда қишлоқ хўжалиги ерларини чет эллик жисмоний ва юридик шахсларга ижарага бериш ва сотиш тақиқланади. Мамлакат президенти Қасим-Жомарт Тоқаев тегишли қонун лойиҳасини тайёрлаш бўйича топшириқ берди.

Тоқаев Миллий жамоат ишонч кенгаши йиғилишида чиқиш қилаётиб, ер масаласи қозоғистонликлар учун жуда муҳимлиги, ер улар учун давлатчилик рамзи эканини қайд этди.

“Мен бир неча марта ер хорижликларга сотилмаслигини айтганман. Бу борадаги миш-мишларга чек қўйиш даркор. Биринчидан, мен қишлоқ хўжалиги ерларини хорижликларга ва хорижлик юридик шахсларга сотиш, ижара беришни қонун билан тақиқлаш бўйича топшириқ бераман. Бу хорижлик улуши бор юридик шахслага ҳам тааллуқли”, - деди Тоқаев. Унинг сўзларидан Sputnik Қозоғистон келтирган.

Давлат раҳбари бу масалага оид қонун лойиҳасини президент девони ишлаб қилиши шартлиги қўшимча қилди.

29
Теглар:
Қасим-Жомарт Тоқаев, Қозоғистон