Шавкат Мирзиёев ва Владимир Путин Кремлда учрашди. Воқеа жойида олинган сурат

Шавкат Мирзиёев Кремлда Владимир Путин билан учрашди

1272
(Янгиланган 17:35 05.04.2017)
Ўзбекистон президенти Шавкат Мирзиёев Россия президенти Владимир Путин таклифига биноан 4 апрел куни Москвага расмий давлат сафарини уюштирди

ТОШКЕНТ, 5 апр — Sputnik. 4 апрел куни Ўзбекистон президенти самолёти Москва шаҳрининг "Внуково-2" аэропортига келиб қўнди.

Икки давлат байроқлари билан безатилган "Внуково-2" аэропортида олий мартабали меҳмон шарафига фахрий қоровул саф тортди. Ўзбекистон раҳбарини Россия Федерацияси ҳукумати аъзолари кутиб олди.

Мирзиёев Россияга давлат ташрифи давомида Россия ҳукумати раҳбари Дмитрий Медведев билан учрашди.
Айни вақтда Кремлда Мирзиёев ва Путин учрашуви бўлиб ўтмоқда.

Кремлда олий мартабали меҳмон шарафига фахрий қоровул саф тортди. Ўзбекистон ва Россия давлат мадҳиялари янгради. Шавкат Мирзиёев ва Владимир Путин фахрий қоровул сафи олдидан ўтдилар.

Россия раҳбари Ўзбекистон президентига мурожаат қилар экан қуйидаги гапларни айтди:

"Ҳурматли Шавкат Миромонович, ҳурматли дўстлар, ҳамкасблар! Сизларни Кремлда кўриб турганимдан мамнунман. Вақт ажратиб Россияга ташриф уюштирганингиздан бағоят хурсандмиз. Бу сизнинг энг олий даражадаги, давлат мақомига эга биринчи ташрифингиз, — деб таъкидлади Путин. — Тўғри, бу ерда протоколга оид нарсалар кўп, лекин биз Сизнинг ушбу ташрифингиз давомида қандай тўхтамга келишимиз муҳимроқ.

Ҳозир, бу ерга келаётганда, йўлда, шу ҳақда айтилди. Ҳамкасбларимиз жуда фаол ишларни амалга оширдилар, бир тўплам ҳужжатларни тайёрлаб қўйдилар. Лекин гап бугун имзоланадиган ҳужжатларда ҳам эмас, балки бу ҳужжатларнинг мазмунида. Гап ҳақиқатан ҳам Россия ва Ўзбекистон ўртасидаги муносабатларнинг янги босқичи, жиддий ўзгаришлар ҳақида бормоқда.

Умуман олганда ҳозирнинг ўзидаёқ ўтган давр мобайнида, ҳар ҳолда Сиз президент этиб сайланган қисқа давр ичида ўзаро савдо-иқтисодий алоқаларимизда муҳим ўзгаригшлар юз бераётганини, фаолликни сезяпмиз. Сиз ҳар вақт буларга алоҳида эътибор билан қарадингиз.

Таъкидлаш жоизки, умуман олганда савдо айланмасини юқори даражада ушлаб турибмиз, айрим позицияларда у ниҳоятда, ҳайратланарли даражада ўсиб бормоқда", — деди Путин.

Ўзбекистон президенти бу ўсиш оорасида ҳатто 260%лик кўрсаткич қайд этилганини қўшимча қилди.

Шундан сўнг Владимир Путин Ўзбекистон Россия учун минтақадаги муҳим позиция эканини қайд этди. Ва Ўзбекистон президентини кўриб турганидан ҳақиқатда хурсандлигини яна бир карра изҳор қилди.

"Нафақат умид қиламан, балки ишонч билан айтаманки, Сизнинг бугунги ташрифингиз, бизнинг биргаликдаги ишимиз иккиёқлама муносабатларни мустаҳкамлашда муҳим омил бўлиб хизмат қилади", — дея ўз мурожаатини якунлади Путин.

Шавкат Мирзиёев Россия президентига мурожаатини Санкт-Петербургда юз берган теракт муносабати билан ҳамдардлик билдиришдан бошлади.

"Терактда қурбон бўлганларнинг яқинларига, қариндошларига ҳамдардлик билдиришдан бошламоқчиман. Санкт-Петербургда рўй берган ҳодиса — барчамиз учун оғриқ. Террорнинг на сарҳади, на миллати бор. Яна бир карра таъкидламоқчиман, бу масалада биргаликда, уюшган ҳолда ўта кескин чораларни кўришимиз даркор. Мен терактда қурбон бўлганларнинг оилаларига, яқинларига ва шахсан Сизга ўз ҳамдардлигимни билдираман", — деди Мирзиёев.

Шундан сўнг Ўзбекистон президенти Россия раҳбарига таклиф учун миннатдорчилик билдирди.

"Албатта, энг аввало Россияга давлат ташрифи билан таклиф этганингиз учун ўзимнинг миннатдорчилигимни билдирмоқчиман. Ўйлашимча, бизнинг ташрифимиз, Сиз аввалроқ айтиб ўтганингиз каби катта ўзгаришлардан белги

Самарқандга ташрифингиз давомида барча йўналишлар бўйича сиз билан ишончли, очиқ мулоқот ўтказган эдик. Ҳақиқатан ҳам, мана шу қисқа вақт ичида кўп ўзгаришлар бўлди. Сизга ўз миннатдорчилигимни билдирмоқчиман: сиз билан нимагаки келишган бўлсак, амалга ошмоқда. Қолаверса, бугун сиз билан имзолайдиган ҳужжатлар тўплами ҳам бундан дарак беради.

<…> Сиз жуда тўғри таъкидладингиз, Афғонистон, Афғонистондаги тинчлик айниқса бизлар учун, Ўзбекистон учун жуда муҳим. Афғонистондаги тинчлик ва осойишталик жуда муҳим. Биз Россия Афғонистон бўйича олдинга йўналтираётган барча ҳаракатларда ёрдам қилишга ва қўллаб қувватлашга тайёрмиз. <…>

Сизга бу меҳмондорчилик учун яна бир ўз миннатдорчилигимни билдираман.

Музокаралар давом этмоқда.

1272
Теглар:
Кремл, Владимир Путин, Россия, Шавкат Мирзиёев
Мавзу:
Шавкат Мирзиёевнинг Россияга давлат ташрифи (18)
Председатель Комитета Сената Олий Мажлиса Республики Узбекистан по делам молодежи, культуры и спорта Бахтиёр Сайфуллаев в составе парламентской делегации находится в Таджикистане.

Ўзбекистон ва Тожикистон парламентлараро ҳамкорликни мустаҳкамлашни муҳокама қилди

22
Душанбе шаҳрида Ўзбекистон ва Тожикистон парламентлараро ҳамкорлик гуруҳларининг ишчи йиғилиши бўлиб ўтди.

ТОШКЕНТ, 22 сен — Sputnik. Ўзбекистон Олий Мажлиси Қонунчилик палатаси спикери ўринбосари Улуғбек Иноятов бошчилигидаги парламент делегациясининг Тожикистонга ташрифи доирасида куни икки мамлакат парламентлараро ҳамкорлик гуруҳларининг ишчи йиғилиши бўлиб ўтди.

Сенат матбуот хизмати хабарига кўра, унда ҳар икки мамлакат ҳам ўз тараққиётининг янги босқичида эканлиги, дўстлик ва яхши қўшничилик алоқаларини жадал ривожлантириш учун қулай шарт-шароитлар мавжудлиги қайд этилди.  

Йиғилишда минтақавий ҳамкорликни мустаҳкамлаш, Марказий Осиёни хавфсиз, барқарор яхши қўшничилик минтақасига айлантириш масалалари ҳам муҳокама қилинди.

Ўзбекистон парламенти аъзоларининг Тожикистонга ташрифи давом этмоқда.

22
Флаги Узбекистана и Туркменистана

Ўзбекистон ва Туркманистон транспорт-коммуникация йўлагини шакллантиришни муҳокама қилди

31
Икки мамлакат “Ўзбекистон-Туркманистон-Эрон-Ўмон” халқаро транспорт-коммуникация йўлагини шакллантириш бўйича Ашхобод келишувини тезроқ амалга ошириш тарафдори эканликларини маълум қилди.

ТОШКЕНТ, 22 сен — Sputnik. Ўзбекистон ва Туркманистон ташқи сиёсий идоралари ўртасида сиёсий маслаҳатлашувлар навбатдаги раунди видеоконференция шаклида бўлиб ўтди.

ТИВ матбуот хизмати хабарига кўра,  музокаралар чоғида сиёсий, савдо-иқтисодий, илмий-техникавий, сув хўжалиги, транспорт-коммуникация, маданий-гуманитар соҳалардаги икки томонлама ҳамкорликнинг ҳозирги ҳолати ва алоқаларни ривожланиш истиқболлари атрофлича муҳокама қилинди.

Ташқи ишлар вазирлари илгари эришилган олий даражадаги келишувларнинг бажарилишини таҳлил қилдилар ва қўшма тадбирларни ўтказиш муддатлари, шу жумладан, Савдо-иқтисодий, илмий-техникавий ва маданий ҳамкорлик бўйича Ўзбекистон-Туркманистон ҳукуматлараро комиссиясининг навбатдаги раунди, Ўзбекистон-Туркманистон ишбилармонлар кенгашининг биринчи йиғилишини ўтказиш муддатлари тўғрисидаги таклифларни кўриб чиқдилар.

“Транспорт, транспорт-коммуникациялари ва транзит соҳасидаги алоқаларни кенгайтиришга қизиқиш билдирилди. Вазирлар “Ўзбекистон-Туркманистон-Эрон-Ўмон” халқаро транспорт-коммуникация йўлагини шакллантириш бўйича Ашхобод келишувини тезроқ амалга ошириш тарафдори эканликларини маълум қилдилар”, - дейилган хабарда.

Музокараларда кўп томонлама тузилмалар доирасидаги ўзаро алоқалар, шунингдек, Афғонистон муаммосига алоҳида эътибор бериб, халқаро ва минтақавий кун тартибининг айрим масалалари кўриб чиқилди.

31
Теглар:
ҳамкорлик, Туркманистон, Ўзбекистон
Женщины в метро

Туркияга бир неча қизларни фоҳишаликка юбораётган шахс қўлга олинди

0
Фуқаро Тошкент шаҳар ИИББга мурожаат қилиб, Шаҳина исмли таниши уни Туркияга фоҳишалик қилишга юбораётганини маълум қилган.

ТОШКЕНТ, 22 сен — Sputnik. Тошкентда қизларни Туркияга фоҳишалик учун жўнатаётган жиноий гуруҳ фош этилди. Бу ҳақда “Ўзбекистон 24” телеканали репортажида маълум қилди.

12 сентябрь куни Дилфуза исмли шахс Тошкент шаҳар ИИББга мурожаат қилиб, Шаҳина исмли таниши уни Туркияга фоҳишалик қилишга юбораётганини маълум қилган.

Мурожаат ва олинган тезкор маълумотларга асосан, Тошкент шаҳар ИИББ терроризм ва экстремизмга қарши кураш бошқармаси одам савдоси ва ноқонуний миграцияга қарши курашиш бўлими ходимларисуриштирув ҳаракатларини олиб борган.

Дилфуза исмли фуқаро томонидан айтилган Шаҳинанинг шахсига аниқлик киритиш чоралари кўрилган.

Ўзини Шаҳина деб таништирган шахс аслида 1990 йилда Тошкент вилоятида туғилган Зокирова Шойиста бўлиб чиққан. У Дилфузани 14 сентябрь куни Туркиянинг Истанбул шаҳрига юбораётгани аниқланди. 

Зокирова Шойиста яна уч нафар қизни фоҳишаликка юбормоқчи бўлганида қўлга олинган. У қилган ишидан пушаймонлигини билдирган.

Ҳолат юзасидан Шойистага нисбатан Ўзбекистон Жиноят кодексининг 135 моддаси 2 қисми “е” банди билан (Одам савдоси) жиноят иши очилган. Ҳозирда унинг яна бошқа жиноятларга алоқадорлиги текширилмоқда.

0