РФ президенти Владимир Путин

Путин "Ал-Қоида", Горбачёв ва Россияни ўз вассалига айлантиришга уринаётган АҚШ ҳақида

2656
(Янгиланган 18:02 13.06.2017)
Россия президенти Владимир Путин режиссёр Оливер Стоунга берган интервьюсида Россиянинг ташқи сиёсати, АҚШ билан муносабатлар, оиласи ва Горбачёвнинг хатоси ҳақида гапирди

ТОШКЕНТ, 13 июн — Sputnik. Россия президенти Владимир Путиннинг режиссёр Оливер Стоунга берган интервьюси Showtime телеканали орқали намойиш этилган, деб хабар қилади РИА Новости.

Интервью давомида Путин Россия ташқи сиёсати, АҚШ билан ўзаро муносабатлар ва Михаил Горбачёв томонидан йўл қўйилган хатолар хусусида тўхталиб ўтган.

Қуйида Россия президенти интервьюсидан иқтибослар келтириб ўтамиз.

Американинг Россияга нисбатан стратегияси ҳақида

Путин Оливер Стоунга Американинг Россияга нисбатан стратегияси ҳақида пенсияга чиққач батафсил сўзлаб беришга ваъда қилган.

"Мен бу саволингизга албатта жавоб бераман. Жавобим батафсил ва очиқ бўлади, фақат пенсияга чиққанимдан кейин", деган Путин.

Россия президенти шунингдек, АҚШ Россия иқтисодиётини йўқ қилиб, мамлакат раҳбарини алмаштиришни ва охир-оқибат унинг ядро арсеналига эгалик қилишни хоҳлаётганини қўшимча қилган.

"Сиёсатнинг бундай варианти, бундай ўйлашлар бор гап. Агар шундай бўлса, менинг фикримча бу хато юргизилаётган сиёсат, негаки, Россия билан муносабатларда бундай ёндашув келажакни ўйламай қилинган иш ҳисобланади. 25-50 йил олдинга назар ташламаган одамлар мана шундай сиёсат юргизишлари мумкин. Акс ҳолда улар Россия билан муносабатларни тамомила бошқача йўналишда қурардилар ва Россияни ўзининг вассалига айлантиришга ҳаракат қилмасдилар", — деб таъкидлаган Путин.

Горбачёвнинг хатоси

ЦК КПСС Бош котиби Михаил Горбачев ва унинг атрофидагилар СССР ўзгаришларга муҳтожлигини тушунардилар, аммо шу билан бирга бу ўзгаришлар қандай бўлиши керак ва уларни қандай амалга ошириш мумкинлигини билмасдилар, деди Россия президенти Владимир Путин.

"Аммо мен бугун ишонч билан айтишим мумкин-ки, улар қандай ўзгаришлар кераклиги ва уларни қандай амалга ошириш мумкинлигини тушунмасдилар. Горбачёвнинг хизмати шундан иборатки, у ўзгаришлар зарурлигини ҳис қилган, бу бор гап, ва тизимнинг ўзини ўзгартиришга ҳаракат қилган, муаммо эса шундан иборат эди-ки, ўша тизимнинг ўзи яроқсиз эди", — деб айтган интервью давомида Путин.

Путиннинг сўзларига кўра, ўша вақтда мамлакатдаги вазиятни ўзгартириш учун нима қилиш лозимлигини ҳеч ким билмагани учун ўша вақтдаги етакчилар "мамлакатни тарқалиб кетиш" ҳолатига олиб келишган.

Путин нима учун СССР тарқалиб кетишини 20 асрнинг энг йирик фожиаси, деб билишига изоҳ берди

Режиссёр Оливер Стоунга берган интервьюсида Путин СССР тарқалиб кетишини нима сабабдан 20 асрнинг энг йирик фожиаси деб ҳисоблашига изоҳ берди.

Эслатиб ўтамиз, 2005 йилда Федерал кенгашга йўллаган мурожаатномасида Путин СССР тарқалишини ўтган асрнинг энг йирик геосиёсий фожиаси дея тавсифлаган эди.

"Собиқ Иттифоқ тарқалиб кетиши юзасидан афсусдалигим туфайли менга кўпинча танқид тошларини отишади. Биринчидан, ва энг асосийси шуки, собиқ Иттифоқ тарқалгач бир оқшом ичида 25 миллион нафар руслар чет давлатда бўлиб қолишган ва бу ҳақиқатан ҳам 20 асрнинг энг йирик фожиаларидан биридир", — деган Путин.

"Шу билан бирга ижтимоий муҳофаза тизимимиз тўлалигича барбод қилинган, иқтисодиётнинг бутун бошли соҳалари тўхтаб қолган, соғлиқни сақлаш тизими деярли йўқ қилинган, армия ҳам ачинарли аҳволга келиб қолган ва миллионлаб одамлар қашшоқлик даражасига келиб қолишганди. Буни ҳам унутмаслик лозим", — деб қўшимча қилган Путин.

Ал-Қоида — Вашингтон фаолияти маҳсули

Россия раҳбари Стоунга берган интервьюсида "Ал-Қоида" — Вашингтон фаолияти маҳсули эканлигини айтди.

"Бу Афғонистонда совет уруши давридаёқ бошланган. Ўшанда Америка махсус хизматлари совет аскарлари билан урушда радикал исломчиларни қўллаб-қувватлашган. "Ал-Қоида" ва бен Лодинни Америкаликларнинг ўзлари етиштирган", — деб таъкилади Путин.

Путиннинг сўзларига кўра, вақт ўтгач, террористлар Вашингтон измидан чиқишни бошлаган.

"Ҳамиша шундай бўлади. Ва АҚШдаги бизнинг ҳамкорларимиз бу ҳақда билишлари лозим. Бу уларнинг хатоси", — деб таъкидлаган Россия президенти.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

2656
Флаги Узбекистана и Туркменистана

Ўзбекистон ва Туркманистон транспорт-коммуникация йўлагини шакллантиришни муҳокама қилди

20
Икки мамлакат “Ўзбекистон-Туркманистон-Эрон-Ўмон” халқаро транспорт-коммуникация йўлагини шакллантириш бўйича Ашхобод келишувини тезроқ амалга ошириш тарафдори эканликларини маълум қилди.

ТОШКЕНТ, 22 сен — Sputnik. Ўзбекистон ва Туркманистон ташқи сиёсий идоралари ўртасида сиёсий маслаҳатлашувлар навбатдаги раунди видеоконференция шаклида бўлиб ўтди.

ТИВ матбуот хизмати хабарига кўра,  музокаралар чоғида сиёсий, савдо-иқтисодий, илмий-техникавий, сув хўжалиги, транспорт-коммуникация, маданий-гуманитар соҳалардаги икки томонлама ҳамкорликнинг ҳозирги ҳолати ва алоқаларни ривожланиш истиқболлари атрофлича муҳокама қилинди.

Ташқи ишлар вазирлари илгари эришилган олий даражадаги келишувларнинг бажарилишини таҳлил қилдилар ва қўшма тадбирларни ўтказиш муддатлари, шу жумладан, Савдо-иқтисодий, илмий-техникавий ва маданий ҳамкорлик бўйича Ўзбекистон-Туркманистон ҳукуматлараро комиссиясининг навбатдаги раунди, Ўзбекистон-Туркманистон ишбилармонлар кенгашининг биринчи йиғилишини ўтказиш муддатлари тўғрисидаги таклифларни кўриб чиқдилар.

“Транспорт, транспорт-коммуникациялари ва транзит соҳасидаги алоқаларни кенгайтиришга қизиқиш билдирилди. Вазирлар “Ўзбекистон-Туркманистон-Эрон-Ўмон” халқаро транспорт-коммуникация йўлагини шакллантириш бўйича Ашхобод келишувини тезроқ амалга ошириш тарафдори эканликларини маълум қилдилар”, - дейилган хабарда.

Музокараларда кўп томонлама тузилмалар доирасидаги ўзаро алоқалар, шунингдек, Афғонистон муаммосига алоҳида эътибор бериб, халқаро ва минтақавий кун тартибининг айрим масалалари кўриб чиқилди.

20
Теглар:
ҳамкорлик, Туркманистон, Ўзбекистон
Глава МИД РФ Сергей Лавров

Лавров ОДКБ номидан БМТ Бош Ассамблеясида чиқиш қилди

108
РФ ТИВ раҳбарининг таъкидлашича ҳозирда, "қоидаларга асосланган дунё тартиботи" сингари концепция ва стандартларни куч билан ўтказиш, бир вақтнинг ўзида давлатларнинг ички ишларига аралашишга уриниш ҳолатлари кўриниш бермоқда.

ТОШКЕНТ, 22 сен - Sputnik. Дунё ажратувчи чизиқлардан толиқди, қуролли можаролар, халқаро жиноятчилик ва янги чақириқлар ҳар томонлама кўмак ва ҳамкорликни кучайтиришни талаб қилмоқда, деб баёнот қилди Россия ТИВ раҳбари Сергей Лавров БМТ Бош Ассамблеяси олий ҳафталигида КХШТ (ОДКБ) номидан қилган видеомурожаатида.

"Бугун, таассуфки, дунёнинг турли минтақаларида қуролли можаролар авж олишда давом этмоқда. Унга: халқаро терроризм, нарко- ва кибержиноятчилик, иқлим ўзгариши каби замонамизнинг ўткир таҳдидлари келиб қўшилмоқда. Жорий йилда бу рўйхат ижтимоий-иқтисодий ва бошқа соҳаларда жиддий инқироз ҳолатларини келтириб чиқарган яна бир хавфли чақириқ: коронавирус пандемияси билан тўлдирилди", - деди Лавров.

Унинг сўзларига кўра, глобал муаммоларга жавоб қайтариш йилдан йилга, айниқса, ҳозирги, дунё ҳамжамиятининг бир-бирига нисбатан адовати ўсиб бораётган бир шароитда тобора мураккаблашиб бормоқда. Бундай ҳолатлар айрим давлатларнинг бошқа давлатлар қонуний манфаатлари билан ҳисоблашишни истамаслиги билан боғлиқдир, деб қайд этди Лавров.

Ташқи ишлар вазири таъкидлаганидек, "қоидаларга асосланган дунё тартиботи" сингари концепция ва стандартларни куч билан ўтказиш, бир вақтнинг ўзида давлатларнинг ички ишларига аралашишга уриниш, БМТ Хавфсизлик Кенгаши ҳуқуқларига зид равишда бир томонлама санкциялар қўллаш, муросасизлик ва нафрат кўриниш бермоқда.

"Аммо тарихнинг табиий боришини синдириб бўлмайди. Бугунги кунда халқаро майдонда иқтисодий тараққиётнинг янги марказлари кучаймоқда, қуролли можароларни фақатгина тинчлик воситалари билан бартараф этишга зарурат кучаймоқда, ўзаро боғлиқлик ўсиб бормоқда. Дунё ажратувчи чизиқлардан, давлатларни "ўзимизники" ва "бегоналарга" бўлишлардан чарчади, дунё ҳартомонлама ўзаро ёрдам ва ҳамкорликни оширишни талаб қилмоқда. Бошқача қилиб айтганда, БМТ ташкил топган вақтда, 75 йил олдин ўртага ташланган мақсадлар тобора аҳамиятлироқ бўлиб бормоқда2, - деб қайд этди вазир.

Лавров, шунингдек, тарихни қайта кўриб чиқиб, фашизм устидан қозонилган ғалабала ҳал этувчи ҳиссани қўшган халқлар ролини пасайтиришга бўлаётган уринишларни бемаънилик, дея атади. У тарих сабоқларини ёдда сақлашга, халоскор-жангчилар жасоратига ҳурмат кўрсатишга, уларнинг шарафига қад ростланган ёдгорликларнинг бутлигини таъминлашга чақирди.

Россия Ташқи ишлар вазирлиги раҳбари сўзларига кўра, замонавий шароитларда БМТ ўз уставига қатъий мувофиқ равишда иш олиб борадиган самарали тузилма бўлиб қолиши керак, БМТ тизими асосий органлари мандатларини хиралаштириб, улар ваколатларини такрорлашларига йўл қўймаслик керак, бу фақат керакли мақсадларга эришишни кечиктиради.

Жаҳон ҳамжамиятининг асосий вазифаларидан бири: можароларни халқаро миқёсда тан олинган музокаралар форматлари доирасида, халқаро ҳуқуқ нормалари асосида фақат тинчлик, сиёсий ва дипломатик воситалар билан ҳал этиш бўлиб қолиши керак, бунда терроризмга ва халқаро уюшган жиноятчиликка қарши курашда ҳамкорликни кенгайтириш сўзсиз устуворликни касб этиши лозим, дея таъкидлайди Лавров.

Шунингдек, глобал барқарорликни сақлаб қолиш учун қурол-яроғ, қуролсизланиш ва қуролни тарқатмаслик назорати тизимини заифлаштиришга уринишларни чеклаш деди вазир.

108
Сотрудница лаборатории проводит испытания вакцины от COVID-19 в центре Гамалеи

Россияда яна бир COVID-19 га қарши вакцина синовига рухсат берилди

31
Россияда коронавирусга қарши учинчи вакцинанинг клиник синовларига рухсат берилди. У Чумаков номидаги Илмий марказ томонидан яратилган.

ТОШКЕНТ, 22 сен — Sputnik. Россия Соғлиқни сақлаш вазирлиги Чумаков номидаги Илмий марказ томонидан яратилган коронавирусга қарши вакцинанинг клиник синовларига рухсатнома берди. Бу ҳақда идора матбуот хизмати хабар қилди.

Таъкидланишича, вакцина синовларида уч мингдан зиёд кўнгилли иштирок этади ва бу Жаҳон соғлиқни сақлаш ташкилоти талабларига мувофиқ келади.

Вакцинанинг клиник синовлари яқин кунларда Киров, Санкт-Петербург ва Новосибирскда бошланади. Кўнгиллилар эмлангандан сўнг 16 кун стационарда бўлади.

Вакцинанинг клиник синовлари жорий йилнинг ноябрь ойида якунланиши кутилмоқда.

Россия дунёдаги биринчи коронавирусга қарши “Спутник V” вакцинасини август ойида рўйхатга олди. У Гамалея номидаги марказ томонидан яратилган ва Россия тўғридан-тўғри инвестициялар жамғармаси билан ҳамкорликда ишлаб чиқарилмоқда.

Шунингдек, Россияда “Вектор” маркази томонидан яратилган вакцина клиник синовдан ўтмоқда. Куни кеча Ўзбекистон айнан “Вектор” маркази томонидан яратилган коронавирусга қарши вакцина синовларида иштирок этишга қизиқиш билдиргани маълум бўлган эди.

31
Теглар:
коронавирус, вакцина, Россия
Мавзу бўйича
Ғарб нега вакцина пойгасида ютқазмоқда: Россия аллақачон фош қилинди
Қирғизистон Россия билан вакцина етказиб беришга доир музокара олиб бормоқда
ЖССТ коронавирусга қарши вакцина учун Россияга миннатдорчилик билдирди
Беларусь коронавирусга қарши Россия вакцинаси синовларини бошламоқда
Россиянинг коронавирусга қарши вакцинаси иштирокчиларига тавсиялар эълон қилинди
Ўзбекистон COVID-19 га қарши Россия вакцинаси синовида иштирок этишга қизиқиш билдирди