ТОШКЕНТ, 15 июн — Sputnik. Ҳоким билан учрашувга марҳамат, деб таклиф қилган Самарқанд вилояти ҳокимлиги матбуот-хизмати.
Учрашувлар туман ва шаҳар ҳокимликларининг фаоллар залида видео селектор тарзида ташкил этилади.
Учрашувларда иштирок этишни хоҳлаган ёшлар жорий йилнинг 20 июнига қадар вилоят ҳокимлигида ташкил этилган Ишчи гуруҳига 235-10-98, 235-63-48 телефон рақамлари орқали, yoshlar2352066@umail.uz электрон почтаси, шунингдек туман ва шаҳар ҳокимликларига ёки "Камолот" ёшлар ижтимоий ҳаракатининг жойлардаги Кенгашларига мурожаат қилишлари мумкин.
Учрашувда ёшлар ўзларини қизиқтирган саволлар, таклифлар билан вилоят ҳокими ва бошқа раҳбарларга мурожаат қилишлари мумкин.
Эслатиб ўтамиз, ҳокимлик матбуот-хизмати 6 июн куни барча ёшларни Самарқанд вилоятининг собиқ ҳокими Ҳиммат Оқбўтаев билан учрашувга таклиф қилган эди.
Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.
