Мигрант

Камиловдан "запрет"ни йўқотишда ёрдам беришни сўрашди

973
(Янгиланган 16:21 06.07.2017)
Ўзбекистон ТИВ раҳбари Россия томонидан Ўзбекистон фуқароларига қўйилган "запрет"ни қандай қилиб олдириб ташлаш мумкинлигини тушунтирди

ТОШКЕНТ, 5 июл — Sputnik. Халқаро пресс-клубда ўтказилган жонли мулоқот давомида Ўзбекистон Ташқи ишлар вазири Абдулазиз Камиловга Бухородан мурожаат бўлди.

Ўзбекистон фуқароси вазирга Россияга боришга қўйилган таъқиқни қай тарзда олдириб ташлаш мумкинлиги ҳақида савол берди ҳамда бу борада амалий ёрдам кўрсатишни илтимос қилди.

"2016-йилда Россиядан қайтганман. 2017-йилда менга аэропортда "сенга "запрет" қўйилган" деб айтишди. Менга амалий ёрдам беринг", — деди у.

Абдулазиз Камилов бу саволга жавобан таъқиқни олдириб ташлаш учун Россия Федерациясининг ўзида суд қарори чиқиши кераклигини таъкидлади.

"Биз илтимос қилганимиз билан илтимосимиз ўтмайди", — тушунтирди вазир.

"Сизнинг аризангиз Россия судигача етиб бориши керак, бунинг учун адвокат ёллашингиз керак бўлар", — қўшимча қилди Камилов.

Ҳамда агар фуқаро аризани Ўзбекистон ТИВга юборса, маҳкама адвокат ёллаб, Россия томонга ушбу аризани юборишда ёрдам кўрсатишга тайёр эканлигини билдирди.

973
Теглар:
запрет, жонли мулоқот, Камилов, Россия
Мавзу:
Ўзбекистон ташқи ишлар вазирининг халқ билан мулоқоти (12)
Марк Эспер

Пентагон раҳбари Россия муфаффақиятли "жиловлангани" ҳақида ҳисобот берди

330
Эспернинг айтишича, ўтган бир йил давомида Пентагон Шимолий Корея ва Эрон сингари эътибордан қолган мамлакатлар, шунингдек, яқин рақиб давлатлар - Россия ва Хитой томонидан содир этилган агрессив ҳаракатларни жиловлай олди

ТОШКЕНТ, 8 июл — Sputnik. Пентагон раҳбари Марк Эспер фаолиятининг биринчи йилида Россия муваффақиятли "жиловлангани" ҳақида ҳисобот берди. РИА Новости хабари асосида.

"Ўтган бир йил давомида (мудофаа) вазирлиги … Шимолий Корея ва Эрон каби эътибордан қолган мамлакатлар, шунингдек, яқин рақиб давлатлар - Россия ва Хитой томонидан содир этилган агрессив ҳаракатларни жиловлади", - деди у ўзининг бир йиллик фаолияти муносабати билан Пентагон сайтида эълон қилинган видеода.

Эспер мисоллар тариқасида амалга оширилган ёки амалга оширилиши қўллаб-қувватланган ва натижасида "жанг мойдонидан ўнлаб энг етакчи террорчилар йўқ қилинган" контртеррористик операцияларни, Форс қўлтиғи ёки Жануби-Хитой денгизидаги баҳсли сувларда кемалар ҳаракати ва савдо эркинлиги сақлаб қолинганини келтириб ўтган.

330
Президент Узбекистана Шавкат Мирзиёев

Шавкат Мирзиёев Япония бош вазирига ҳамдардлик билдирди

107
Ўзбекистон президенти Япониянинг Кумамото ва Кагосима префектураларида сув босиши оқибатида ҳалок бўлганларнинг оилаларига ҳамдардлик билдирди.

ТОШКЕНТ, 8 июл - Sputnik. Ўзбекистон президенти Шавкат Мирзиёев Япония бош вазирига ҳамдардлик билдирди, деб хабар қилмоқда президент матбуот хизмати. 

"Шавкат Мирзиёев Япониянинг Кумамото ва Кагосима префектураларида рўй берган табиий офат туфайли кўплаб инсонлар қурбон бўлгани муносабати билан мамлакат Бош вазири Синдзо Абэга ҳамдардлик билдирди. Давлатимиз раҳбари ҳалок бўлганларнинг оила аъзоларига самимий таъзия изҳор қилиб, жароҳат олганларнинг тез фурсатда шифо топишини тилади", - дейилган расмий хабарда.

Эслатиб ўтамиз, Япония жанубидаги Кюсю оролида содир бўлган кучли ёғингарчилик оқибатида кучли сел келиб кўплаб уйлар сув остида қолган эди. Сўнгги маълумотларга кўра, ушбу табиий офат оқибатида 57 киши қурбон бўлган, яна бир неча киши бедарак йўқолган. Энг катта зарар Кумамото префектурасига етказилган. Шунингдек Кагосима, Оита ва Фукуока префектуралари ҳам зарар кўрган. 

107
Президент Узбекистана Шавкат Мирзиёев

Ўзингизга ва оила аъзоларингизга нисбатан бепарво ва бефарқ бўлманг! - Мирзиёев

23
Ўзбекистон президенти Шавкат Мирзиёев 8 июль куни видеоселектор йиғилиши аввалида коронавирус инфекциясига қарши кураш доирасида мамлакатда амалга оширилаётган ишларга алоҳида тўхталиб ўтди.

ТОШКЕНТ, 8 июл — Sputnik. Ўзбекистон президенти Шавкат Мирзиёев 8 июль куни видеоселектор йиғилиши аввалида коронавирус инфекциясига қарши кураш доирасида мамлакатда амалга оширилаётган ишларга алоҳида тўхталиб ўтди.

Давлат раҳбари, жумладан, шундай деди:

“Барчамиз гувоҳи бўлиб турибмиз, афсуски, бутун дунёда коронавирус пандемияси давом этмоқда. Дунёнинг қатор мамлакатларида касалликнинг иккинчи тўлқини бошланаётгани барчамизда жиддий хавотир уйғотмоқда.

Бугунги ҳолат шуни кўрсатмоқдаки, ушбу инфекцияга қарши курашда қандайдир “сеҳрли рецептлар” ҳали йўқ.

Жаҳон ҳамжамияти, дунёдаги энг йирик илмий марказлар, энг кучли олимлар бу офатга даво топиш учун қаттиқ изланмоқда. Ва бундай тадқиқотлар тез орада ўзининг ижобий натижасини беради, деб умид қиламиз.

Ҳозирги кунда республикамизда касалликка чалинганлар сони 10 минг 982 нафарга, соғайганлар сони 6 минг 890 нафарга етди.

Тиббиёт ва санитария-эпидемиология ходимларининг касб малакаси ва жасорати, ҳуқуқ-тартибот идоралари ходимларининг фидойилиги, шунингдек, карантин давридаги қатъий интизом мамлакатимизда эпидемиологик вазиятни нисбатан барқарор сақлаш имконини бермоқда.

Лекин бу хотиржамликка берилиш, бу масалага енгил-елпи қараш учун асос бўлмаслиги керак.

Чунки июль ойининг биринчи ҳафтасида беморлар сони 2 минг 167 нафарга кўпайган. Шундан 1 минг 267 та (58%) ҳолат аҳоли орасида аниқланган.

Бу карантин давридаги энг юқори кўрсаткичдир. Афсуски, беморлар орасида ўлим сони ҳам ортиб бормоқда. Бу барчамизни жиддий ташвишга солиши шарт.

Биз мамлакатимизда коронавирус аниқланган кундан бошлаб қайта-қайта таъкидлаб келмоқдамиз: бу жуда мураккаб синов ва оғир кураш бўлади.

Бу курашда кўп нарса ўзимизга, ақл билан ҳаракатимизга, сабр-тоқатимизга темир интизом билан, қатъият ва жипсликда иш кўришимизга боғлиқ.

Лекин, минг афсуски, аҳоли ўртасида кўпчилик мана шу талабларга тўла амал қилмаяпти.

Айниқса, тиббий ниқоб тақмаслик ёки уни номига тақиш, санитария-гигиена қоидаларини бузиш, ўзаро қўл бериб кўришиш, ижтимоий масофани сақламаслик, заруратсиз оилавий тадбирларни ўтказиш ҳолатлари кун сайин кўпаймоқда.

Жойларда “яшил”, “сариқ” ва “қизил” ҳудуд тамойили тўлиқ ишламаяпти.

Биз бу борада аҳволни ўзгартириш учун аввало жамоатчилик назоратини кучайтиришимиз керак.

Юзага келган вазиятни ҳисобга олиб, Республика комиссияси вилоят, шаҳар, туманлар ҳокимлари ҳамда сектор раҳбарлари билан бирга пандемияни жиловлаш бўйича барча чораларни кўриши шарт.

Тегишли раҳбарлар ўзига бириктирилган ҳар бир вилоят кесимида аҳолининг белгиланган чекловларга қатъий амал қилиши ва карантин талаблари бажарилиши устидан, жойига чиққан ҳолда, назорат ўрнатсин.

Албатта, биз қўшни давлатларда маълум сабабларга кўра қолиб кетган Ўзбекистон фуқароларини мамлакатимизга қайтариш бўйича ҳам тегишли чора-тадбирларни кўрамиз.

Бироқ юртдошларимизга мурожаат қилиб яна бир бор таъкидламоқчиман: бутун дунёда минг-минглаб одамларнинг ўлимига сабаб бўлаётган бундай хатарли офатга асло бепарво ва енгил қараб бўлмайди.

Касалликнинг бирор-бир кичик белгисини ўзингизда сездингизми, дарҳол шифокорга мурожаат қилинг.

Ўзингизча уйда даволанманг. Бу оғир оқибатларга олиб келиши, ва ниҳоят ўлим билан тугаши мумкин.

Ўзингизга ва оила аъзоларингизга нисбатан бепарво ва бефарқ бўлманг!

Халқимиз, оиламиз ва фарзандларимиз саломатлиги ва ҳаёти биз учун энг улуғ бойлик экан, бу ўта муҳим масалада бефарқ бўлиб, карантин талабларини бузишга ҳеч кимнинг ҳаққи йўқ.

Буни ҳеч ким, аввало, барча раҳбар ва мутасаддилар ҳеч қачон унутмаслиги шарт.

Бугунги мураккаб вазиятда барчамиз “Ўз соғлиғингни, ўз болангни, ўз оилангни ўзинг асра!” деган шиорга амал қилиб яшашимиз шарт.

Айни вақтда ҳаётимизни нормал изга солиш, иқтисодиётимизнини тиклаш учун пандемия шароитида яшаш ва меҳнат қилишга ўрганишимиз, барча эҳтиёт чораларини кўрган ҳолда, бу борада бошлаган ишларимизни темир интизом билан давом эттиришимиз керак”.

23
Мавзу:
COVID-19 умумжаҳон пандемияси