Қирғизистон президенти Алмазбек Атамбаев ва Ўзбекистон президенти Шавкат Мирзиёев учрашуви

"Ўртамизда чегара эмас, дўстлик дарвозалари бўлади" - икки президентдан ваъда

2986
(Янгиланган 22:42 06.09.2017)
Атамбаев ва Мирзиёев учрашуви - президентлар нима ҳақда гаплашдилар ва қандай ваъдаларни бердилар? Ўзбекистон президентининг айтишича, Атамбаев билан учрашув давомида кўплаб нозик масалалар ҳал этилган

ТОШКЕНТ, 5 сен — Sputnik. 5-6 сентябр кунлари Ўзбекистон президенти Шавкат Мирзиёев Қирғизистонга давлат ташрифини уюштирди.

Шу бугун икки мамлакат президентлари тор доирада учрашдилар ва учрашувдан сўнг журналистлар олдида чиқиш қилдилар, деб хабар берди Спутник Қирғизистон нашри.

Ташриф буюрганларга юзланар экан, Алмазбек Атамбаев "сизлар бугун тарихий воқеанинг шоҳиди бўлиб турибсизлар", деган.

"Бугун биз чегаранинг 85 %и белгилаб олингани ҳақида келишув имзоладик, 15 %гина келишилмаган қисми қолди, холос. Асосийси сиёсий ирода, хоҳиш-истак бор экан ҳар борада келишиш мумкинлигига амин бўлдик", — деб таъкидлаган Қирғизистон президенти.

Шавкат Мирзиёев бу ҳақиқатда тарихий кун бўлганини тасдиқлаган.

"Тасаввур қиляпсизми, 25 йил ичида чегаранинг бир километри ҳам белгиланмаган, бир йилдан қисқа муддат ичида 85%и борасида келишишга муваффақ бўлинди", — деган Мирзиёев.

Учрашув давомида икки мамлакат ўртасидаги чегаралар орқали эркин ҳаракатланиш имкони тўғрисида масала кўтарилган. Атамбаев чегарани кесиб ўтишдаги қийинчиликлар Фарғона водийси аҳолиси учун кўплаб муаммоларни юзага келтирмоқда, дея таъкидлаган.

"Музокаралар чоғида барча масалалар бўйича фикрларимиз мос тушди. Ўзбекистонга уюштирадиган сафаримгача бўлган муддат ичида, ўйлайманки октябр ойида у бўлиб ўтади, бугунги келишувларни рўёбга чиқаришни режалаштирмоқдамиз. Барча чегара пунктлари максимал даражада очиқ бўлиб, одамлар улар орқали эркин ҳаракатланишларига эришамиз, деб умид қиламан. Чегаралар муаммолар манбаи эмас, балки дўстлик ва яхши қўшничилик дарвозаси бўлмоғи лозим", — деб айтган Қирғизистон президенти.

Мирзиёев гулдурос қарсаклар остида йиғилганларга бу борада ҳаммаси бўлишини маълум қилган.

Шунингдек, Атамбаев ва Мирзиёев ГЭС масаласини муҳокама қилганлар.

Илгарироқ Ўзбекистон томон Норин дарёсида ГЭС қурилишига қарши эди.

"Бугун биз сув масалалари ва ГЭС қурилиши борасида келишувга бора олдик. Алмазбек Шаршенович биронта ҳам станция Ўзбекистон иштирокисиз қурилмаслигини маълум қилди", — деб қайд этган Мирзиёев.

Ўзбекистон президенти ушбу лойиҳаларни амалга оширишда ўз давлати Қирғизистонни молиявий томондан ҳамда ресурслар билан қўллаб-қувватлашини маълум қилган.

"Биз биргаликда Қамбар-ота" ГЭСини қурамиз, у бизга зарур", — деб таъкидлаган президент.

Икки давлат президентлари бир-бирини бир неча маротаба "дўст" ва "биродар" деб аташган ва бир-бирларидан яхши гапларни аямаганлар.

Хусусан, Атамбаев қўшни мамлакатда сўнгги бир йил ичида кескин ўзгаришлар юз берганини, позитив ислоҳотлар ҳаётга татбиқ этилаётганини эътироф этган. Шулар ўлароқ Ўзбекистон нафақат жўғрофий, балки сиёсий ва иқтисодий жиҳатдан минтақа марказига айланишига ишонч билдирган.

"Сиз сўнгги ўн йилликларда Ўзбекистон ва Қирғизистон кутган прогрессив етакчисиз. Мен сиёсий донишмандлигингиз учун сизга яна бир бор ташаккур билдирмоқчиман", — деган Атамбаев Мирзиёевга юзланиб.

Мирзиёев ўз навбатида қисқа давр ичида Атамбаев раҳбарлиги остида Қирғизистонда вазиятни барқарорлаштириш борасида кўплаб ишлар амалга оширилганини эътироф этган. Қирғизистон ютуқлари Ўзбекистон ва бошқа қўшни давлатларни фақат хурсанд этишини қўшимча қилган.

2986
Мавзу:
Шавкат Мирзиёевнинг Қирғизистонга давлат ташрифи (14)
Утвержден хоким Бухарской области - Ботир Комилович Зарипов

Бухоро вилоятига ҳоким тасдиқланди

172
Ўзбекистон президенти Шавкат Мирзиёев Ботир Зарипов номзодини вилоят ҳокими лавозимига тавсия этди.

ТОШКЕНТ, 22 янв — Sputnik. Бухоро шаҳрида Халқ депутатлари вилоят кенгашининг навбатдан ташқари сессиясида Ўзбекистон президенти Шавкат Мирзиёев 2020 йил ноябрь ойидан буён Бухоро вилояти ҳокими вазифасини вақтинча бажариб келаётган Ботир Комилович Зарипов номзодини вилоят ҳокими лавозимига тавсия этди.

“Вилоятни бошқариш, одамларни сафарбар қилиш осон иш эмас. Буни Зариповнинг ўзиям тушуняпти. Мен уни турли лавозимларда синаганман, охирги уч ойда ҳоким вазифасини бажарувчи сифатида сизлар ҳам синадингиз. Бухоронинг сувини ичиб, чангини ютиб улғайган йигит вилоят шароитини яхши билади. Энг муҳими, бухороликларни яхши кўради,” - деди Шавкат Мирзиёев.

Б.Зарипов 1969 йилда Ғиждувон туманида туғилган. Банк соҳасида турли лавозимларда ишлаган. 2016-2020 йилларда республика қурилиш материаллари саноатини бошқарган.

Халқ депутатлари, оқсоқоллар сўзга чиқиб, номзодни қўллаб-қувватлади. Овозга қўйиш натижаларига кўра, Ботир Зарипов Бухоро вилоятининг ҳокими этиб тасдиқланди.

“Бухорои шарифдек жойга, унинг буюк халқига раҳбар бўлиш ҳаммага ҳам насиб этмайди. Ана шу ишонч доим қулоғингиз остида турсин. Кунлар, йиллар шиддат билан ўтади. Агар бухороликлар “вилоятимизга тўғри кадр келган экан”, деб рози бўлса, мен ҳам ўзимни бахтиёр сезаман,” – деди президент.

Шунингдек, вилоят ҳокимининг биринчи ўринбосари лавозимига Инвестициялар ва ташқи савдо вазири ўринбосари лавозимида ишлаб келган Нозимжон Холмуродов, Бухоро вилоятининг прокурори вазифасига Марказий сайлов комиссияси раиси ўринбосари бўлган Маҳмуд Истамов ҳамда Вобкент тумани ҳокими лавозимига Фарҳод Умаров тайинлангани маълум қилинди.

172

Европарламент Навальний туфайли Россияга қарши резолюция қабул қилди

438
(Янгиланган 11:38 22.01.2021)
Европарламент ЕИнинг барча аъзоларига Россия билан муносабатларни танқидий назардан қайта кўриб чиқишни тавсия қилди ва "Шимолий оқим-2"ни тўхтатишга чақирди.

ТОШКЕНТ, 22 янв — Sputnik. Европа Парламенти Россияда мухолифатчи Алексей Навальнийнинг ҳибсга олинишидан сўнг “Шимолий оқим-2” қурилишини тўхтатишни ва Москвага қарши санкциларни кучайтириш тўғрисидаги резолюцияни қабул қилди.

Россияга қарши резолюцияни қабул қилишга 581 нафар депутат рози бўлди. Қарши бўлганлар - 50 киши ва бетерафлар - 44 кишини ташкил қилди. Европарламентнинг ушбу резолюцияси  декларатиб характерга эга бўлиб, у Иттифоқ аъзоларидан мажбурий ҳаракатларни талаб қилмайди, лекин ЕИнинг бошқа органлари ўз қарорларида ушбу резолюцияни назарда тутишлари керак бўлади.

“Европарламент ЕИ аъзоларидан Россия билан ҳамкорликни танқидий нуқтаи назардан қайта кўриб чиқишни талаб қилади”, - дейилган ҳужжатда.

Ундан ташқари резолюция Москва билан муносабатларда, фуқаро ҳамжамиятини қўллаб-қувватловчи янги стратегия ишлаб чиқиш зарурлиги таъкидланган.

Шу билан бирга Европарламент Москвада Алексей Навальнийни ва унинг жамоаси аъзоларини дарҳол озод қилишни талаб қилган. Ундан ташқари ЕП мухолифатчини ҳибсга олиш ортида турган барча жисмоний ва юридик шахсларга, Кремль билан боғлиқ бўлган олигархларга ва уларнинг оила аъзоларига нисбатан ҳам санкциялар киритишни талаб қилган.

Европа қонунчилигига кўра, Россияга қарши санкциялар фақат ЕИнинг барча 27 аъзоси маъқуллагандагина киритилиши мумкин.

Эслатиб ўтамиз, 2020 йилнинг августида Навальний кучли заҳарланиш оқибатида Омск шаҳри касалхонасига олиб келинади. У ерда шифокорлар унинг ҳаётини сақлаб қолишади, лекин ҳеч қандай заҳарланиш изи топа олишмайди. Шундан сўнг Навальнийнинг рафиқаси илтимосига биноан махсус самолётда мухолифатчи Германиянинг “Шарите” клиникасига кўчирилади.

2020 йилнинг октябрь ойида Европарламент илк бор Навальнийнинг заҳарланишида Россия ҳукуматини айблаган эди. Ўша вақтда “Шимолий оқим-2”ни тўхтатиш ҳақида дастлабки муҳокамалар бошланган эди.

17 январда Россияга қайтиб келган Алексей Навальний аэропортда ҳибсга олиниб, суд қарорига кўра 30 кунлик терговгача сақлаш изолияторига жойлаштирилади. Россияда мухолифатчи бир қатор маъмурий ва жиноий қоидабузарликларда, жумладан катта миқдордаги маблағларни талон-тарож қилишда айбланмоқда.

Россия ташқи ишлар вазири Сергей Лавров ўтган ҳафтада берган катта интервьюсида Европа Иттифони Россияга қўйган айбловлари бўйича борорта ҳам далил келтра олгани йўқ. Россиянинг ушбу ишни биргаликда ўрганиш таклифини эса рад этмоқда, деб жавоб берганди.

Ўз навбатида, Россия президентининг матбуот котиби Дмитрий Песков – Кремль бу мавзуда Ғарб баёнотларига қулоқ солмаслигини таъкидлаган эди.

438
Шавкат Абдукамилов, начальник управления науки, инновации и подготовки кадров агенства УзАтом

Абдукамилов: битирувчи-атомчилар дарҳол ўзбек АЭСи пультига яқинлаштирилмайди

77
"Ўзатом" агентлигининг Илм-фан, инновациялар ва кадрлар тайёрлаш бўлими бошлиғи Шавкат Aбдукамилов атом энергетикаси бошқаруви тизимига тўлиқ кириш имкониятига эга бўлишидан олдин атом соҳасидаги ёш мутахассисларни нималар кутиши ҳақида гапирди

Ўзбекистонда 2028 йилга қадар Марказий Осиёда биринчи атом электр станциясини барпо этиш режалаштирилган. Бироқ, кадрларни тайёрлаш жараёни анча олдин бошлаб юборилган. Хусусан, кадрлар нафақат Тошкентдаги НИЯУ МИФИ томонидан, балки республика олийгоҳларидаги алоҳида мухсус факультетлар томонидан ҳам тайёрланмоқда.

Шавкат Абдукамиловнинг сўзларига кўра, атом энергетикаси сингари энг муҳим соҳада мутахассисларни тайёрлаш олий таълим муассасасида олинган таълим билан чегараланмайди - бу тайёргарликнинг биринчи пиллапоясидир, холос.

"Бу, зинҳор, атомчи-битирувчилар дипломларини олганларидан сўнг дарҳол AЭС энергия блокларини бошқариш имкониятига эга бўлишларини англатмайди. Кадрларни тайёрлаш - узлуксиз жараёндир. Шу тарзда, ёш мутахассислар қурилиш жараёнида ва ишга тушириш босқичларида фаол иштирок этишади ва иш моҳиятини ўрганадилар. Бундан ташқари, Россиядаги шунга ўхшаш АЭСларда, хусусан, Нововоронеждаги АЭСда мажбурий стажировкалар режалаштирилган. Булардан ташқари, биринчи блок ишга туширилгандан сўнг, қурилаётган иккинчи блокнинг мутахассислари ўқув машғулотлари мақсадида ишлаётган реакторда ҳамкасблари билан биргаликда барча ҳаракатларни машқ қиладилар", - дея изоҳ берди "Ўзатом" вакили.

Aйтганча, Ўзбекистондаги бўлажак АЭСнинг биринчи объекти бошқарув панелининг тўлиқ ўлчамдаги моделига эга ўқув мажмуаси бўлади. Aйнан ушбу тренажерда станциянинг бўлажак операторлари тажрибали ҳамкасблари ва муҳандислар раҳбарлигида ҳар қандай фавқулодда вазиятларда ўз ҳаракатларини машқ қилиб, маҳоратларини оширишади.

Мамлакат атом саноати фаолияти учун кадрлар тайёрлаш методикаси ҳақида Sputnik Ўзбекистон радиоподкастида рус тилида тингланг.

Абдукамилов: выпускников-атомщиков никто сразу не допустит к пульту АЭС
77
Теглар:
АЭС