Министр иностранных дел Узбекистана Абдулазиз Камилов

Самарқанддаги йирик анжуман янги сиёсий харитани ҳосил қилди - Абдулазиз Камилов

573
(Янгиланган 00:10 12.11.2017)
Марказий Осиё хавфсизлиги глобал хавфсизликнинг ажралмас қисми ҳисобланади. Жаҳон ҳамжамияти шу боисдан ҳам ушбу минтақа тинчлиги, хавфсизлиги ва барқарор ривожланиши учун ўз масъулиятини ҳис қилади. Самарқандда бўлиб ўтган халқаро анжуман иштирокчилари худди шундай якуний хулосага келдилар

ТОШКЕНТ, 11 ноя — Sputnik. Бугун, 11 ноябрь куни Самарқанд шаҳрида ўтказилаётган "Марказий Осиё: бир ўтмиш ва бир келажак, барқарор ривожланиш ва ўзаро фаровонлик учун ҳамкорлик" халқаро конференцияси якунланди.

Тадбир якунида ОАВ вакиллари билан учрашган Ўзбекистон Республикаси Ташқи ишлар вазири Абдулазиз Камилов анжуман муваффақиятли якун топганини қайд этди.

Икки кун давом этган анжуман туфайли қадимий Самарқанд ва бу шаҳарда содир бўлаётган воқеликлар жаҳон ҳамжамияти эътиборида бўлди.

Анжуманда хорижий мамлакатлардан келган 500 дан зиёд делегациялар: 20дан зиёд Осиё давлатлари вакиллари, ўндан зиёд халқаро ташкилотлар вакиллари, жумладан, Марказий Осиё давлатлари ташқи ишлар вазирлари иштирок этди.

Анжуман давомида 70 дан зиёд чиқишлар тингланди. Бу маърузаларда минтақа мамлакатлари ўртасида иқтисодиёт, транспорт, маданий-гуманитар, туризм ва бошқа соҳалардаги ҳамкорликни янада кенгайтириш, давлат чегараларини делимитация ва демаркация қилиш, сув-энергетика ресурсларидан биргаликда фойдаланиш, юзага келиши мумкин бўлган хавф ва таҳдидларга қарши ҳамкорликда курашиш, қўшни Афғонистон республикасида тинчлик ўрнатиш юзасидан муҳим таклифлар билдирилди.

Анжуман қатнашчилари Ўзбекистон Республикаси Президенти Ш.Мирзиёев томонидан Марказий Осиё давлатлари ўртасида аҳил қўшничилик ва ҳамкорлик алоқаларни ривожлантириш, минтақа давлатлари раҳбарларининг доимий маслаҳатлашувлар ўтказиш ва бошқа ташаббусларини қўллаб-қувватлади.

Шунингдек, Бирлашган Миллатлар Ташкилоти Бош Ассамблеясининг Марказий Осиё минтақасида тинчлик, хавфсизлик ва барқарор ижтимоий-иқтисодий тараққиётни таъминлаш бўйича минтақавий ва халқаро ҳамкорликни мустаҳкамлашга доир махсус резолюциясини қабул қилиш тўғрисидаги таклиф маъқулланди.

Халқаро конференция якуни бўйича коммюнике қабул қилингани маълум қилинди.

"Бугунги учрашув, музокаралардан сўнг давлатларимиз бир-бирини янада яхшироқ тушуна бошладилар. Буларнинг барчаси, шубҳасизки, Марказий Осиё давлатларининг янги сиёсий харитасини ҳосил қилди. Самарқандда ҳақиқатда тарихий воқеа юз берди", — дея ўз нутқига якун ясади Абдулазиз Камилов.

573
Мавзу:
Самарқанддаги Марказий Осиё минтақасига бағишланган халқаро анжуман (19)
Президент Узбекистана Шавкат Мирзиёев озвучил послание Олий Мажлису

Мирзиёев: янги Ўзбекистонни барпо этиш устунларидан бири - кучли маънавиятдир

92
Президент раҳбарлигидаги йиғилишда Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

ТОШКЕНТ, 19 янв - Sputnik. Ўзбекистон президенти Шавкат Мирзиёев раислигида 19 январь куни маънавий-маърифий ишлар тизимини тубдан такомиллаштириш, бу борада давлат ва жамоат ташкилотларининг ҳамкорлигини кучайтириш масалалари бўйича видеоселектор йиғилиши ўтказилди.

"Агар жамият ҳаётининг танаси иқтисодиёт бўлса, унинг жони ва руҳи маънавиятдир, – деди Шавкат Мирзиёев йиғилишда. – Биз янги Ўзбекистонни барпо этишга қарор қилган эканмиз, иккита мустаҳкам устунга таянамиз. Биринчиси – бозор тамойилларига асосланган кучли иқтисодиёт. Иккинчиси – аждодларимизнинг бой мероси ва миллий қадриятларга асосланган кучли маънавият. Биз яратаётган янги Ўзбекистоннинг мафкураси эзгулик, одамийлик, гуманизм ғояси бўлади. Биз мафкура деганда, аввало, фикр тарбиясини, миллий ва умуминсоний қадриятлар тарбиясини тушунамиз. Улар халқимизнинг неча минг йиллик ҳаётий тушунча ва қадриятларига асосланган", – деди Мирзиёев.

Маълумки, бугун дунёда кескин кураш ва рақобат ҳукм сурмоқда, манфаатлар тўқнашуви кучаймоқда. Глобаллашув жараёнлари инсоният учун беқиёс янги имкониятлар билан бирга кутилмаган муаммоларни ҳам келтириб чиқармоқда. Миллий ўзлик ва маънавий қадриятларга қарши таҳдид ва хатарлар тобора ортмоқда. Фақат ўзини ўйлаш, меҳнатга, оилага енгил қараш, истеъмолчилик кайфияти турли йўллар билан одамлар, айниқса, ёшлар онгига устамонлик билан сингдириляпти.

Терроризм, экстремизм, трансмиллий ва кибер-жиноятчилик, одам савдоси, наркотрафик каби таҳдидлар хавфи ошиб бормоқда. Баъзи ҳудудларда атайин беқарорлик юзага келтирилиб, норозилик кайфияти авж олдирилмоқда.

Бундай таҳликали вазиятда ҳушёр ва огоҳ бўлиб, халқ тинчлиги, мамлакат манфаатларини ўйлаб яшаш зарур.

Давлат раҳбари лоқайдлик ва бепарволик энг катта хавф эканини, бугун учраётган ижтимоий муаммоларни камайтириш учун нуронийлар тарбияси, жамоатчилик назорати етишмаётганини таъкидлади.

Йиғилишда қайд этилганидек, ижтимоий-маънавий муҳитни илмий асосда таҳлил қилишни даврнинг ўзи талаб этмоқда. Жамиятда маънавий-маърифий ишлар шундай асосда йўлга қўйилмагани учун ҳам кутилган натижани бермаяпти.

Шунинг учун Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

Президент ушбу марказнинг "Маънавият тарғиботчиси" ўқув муассасаси негизида Ижтимоий-маънавий тадқиқотлар институтини ташкил этиш таклифини билдирди.

Йиғилишда маънавий-маърифий ишларни сифат ва мазмун жиҳатидан янги босқичга кўтариш чора-тадбирлари белгиланди.

 

92
Портфель

Жиззах вилоятининг уч тумани ва бир шаҳрида ҳокимлар ўзгарди

79
Жиззах вилоятининг Зафаробод, Мирзачўл ва Фориш туманларида ҳоким ўзгарди. Шунингдек, Жиззах шаҳрига янги ҳоким тайинланди.

ТОШКЕНТ, 19 янв — Sputnik. Бугун, 19 январь куни Жиззах вилояти Халқ депутатлари Жиззах шаҳар кенгашининг навбатдан ташқари сессияси бўлиб ўтди. Бу ҳақда вилоят матбуот хизмати хабар қилмоқда.

Жиззах шаҳар ҳокими лавозимида ишлаб келаётган Акбар Шукуровнинг бошқа лавозимга ўтгани муносабати билан шаҳар ҳокими лавозимига Комил Холмуродов номзоди маъқулланди.

Комил Холмуродов бугун Халқ депутатлари Мирзачўл туман кенгашининг навбатдан ташқари сессиясида туман ҳокими лавозимидан озод этилган эди.

Унинг ўрнига Мирзачўл туманига ҳоким этиб, 2016 йилдан буён “Агробанк” акциядорлик тижорат банкининг Жиззах вилояти бошқармаси бошлиғи лавозимида ишлаб келаётган Шерзод Аҳмедов тайинланди.

Халқ депутатлари Зафаробод тумани кенгашининг навбатдан ташқари сессиясида туман ҳокими лавозимида ишлаб келаётган Иброҳим Қаршибоев бошқа ишга ўтганлиги муносабати билан лавозимидан озод қилинди. 

Сессияда депутатлар Нодирбек Раджаповни туман ҳокими этиб тасдиқлади. 

Нодирбек Ражапов бунгача Жиззах вилояти ҳокимининг биринчи ўринбосари лавозимида ишлаб келаётган эди. 

Халқ депутатлари Фориш тумани Кенгашининг навбатдан ташқари сессиясида туман ҳокими Абдивали Мустанов бошқа ишга ўтганлиги муносабати билан лавозимидан озод қилинди. 

Икром Матиев номзоди депутатлар томонидан Фориш туман ҳокими лавозимига маъқулланди.

У бунга қадар Янгиобод тумани ҳокими лавозимида ишлаб келаётган эди.

79
Теглар:
тайинлов, ҳоким ўзгариши, Жиззах