Главная елка страны зажгла праздничные огни

Ядро тугмаси ва ғанимларга йўлланган табрик: турли давлат раҳбарларининг Янги йил табриклари

1338
(Янгиланган 16:58 01.01.2018)
2018 йил кириб келишига саноқли дақиқалар қолганида, анъанага биноан ҳар бир давлат етакчиси ўз юртдошларига янги йил табригини йўллади, йил сарҳисобини қилди. Қизиқ томони шундаки, кимдир халқини меҳнатга, олға қадам босишга руҳлантирган бўлса, яна кимдир столи устида турган ядро тугмаси ҳақида эслатиб ўтди...

ТОШКЕНТ, 1 янв — Sputnik, Дилшода Раҳматова. Янги йил мурожаати — бу айрим давлатларда давлат раҳбари ёхуд ҳукумат раҳбарининг анъанавий тарзда фуқароларга мурожаати бўлиб, у Янги йил кириб келиши арафасида телевидение орқали тўғридан-тўғри эфирга узатилади.

Мурожаатда давлат етакчилари, одатда, Янги йил билан табриклайдилар, ўтаётган йилнинг қисқача сарҳисобини қиладилар ва келаётган йил истиқболларига тўхталадилар.

Турли давлатларда президентлар ўз халқига мурожаатда нималарни ёдга олгани ҳақида ёдга оламиз.

Ўзбекистон: янги анъана, бағрикенглик ва эртанги кунга ишонч

Ўзбекистон Республикаси Биринчи президенти Ислом Каримовнинг ўзбек халқига табриги "Ахборот" дастури орқали ўқиб эшиттирилар эди. Аммо 2017 йил якунида президент Шавкат Мирзиёев яна бир янги анъанани урфга киритди. Президент ўз халқига янги йил мурожаатини тўғридан-тўғри — онлайн тарзда амалга оширди.

Аксарият ўзбекистонликлар миллат етакчиси табригини давлат раҳбарининг Фейсбукдаги расмий саҳифаси орқали тўғридан-тўғри кузатиш имконига эга бўлдилар.

Мирзиёев ўз байрам табригида "халқнинг фидокорона меҳнати билан 2017 йилни барча соҳаларда ёруғ юз билан якунлашга эришдик, халқнинг эртанги кунга ишончи тобора мустаҳкамланмоқда", деб таъкидлади.

Ўзбекистон раҳбари табригининг ўзига хослиги яна шунда ўз ифодасини топдики, етакчи нафақат Ўзбекистон халқини, балки узоқ ва яқин барча мамлакатлар халқларини ҳам, Янги йил байрами билан табриклаб, уларга тинчлик ва равнақ тилади. 

Мирзиёев 2018 йилда Ўзбекистон халқининг ҳаёт даражаси ва сифатини, барча тоифадаги аҳоли даромадларини оширишга алоҳида аҳамият қаратишга ваъда берди.

Россия: беғараз муҳаббат ва фидойилар

Россия етакчиси Владимир Путин ўзининг Янги йил мурожаатида Россия фуқароларига ижобий ўзгаришлар тилади ҳамда россияликларга Россияга бўлган ишончлари учун миннатдорлик билдирди.

Президент 2017 йилнинг сўнгги дақиқаларида мамлакат фуқароларини кечиримли бўлишга, бир-бирларини бағирларига босиб, муҳаббат изҳор қилиб, бир-бирларидан меҳр ва эътиборни аямасликка чақирди.

Бундан ташқари, Путин айни вақтда меҳнат қилаётган ва ўз профессионаллик бурчини адо этаётганларга алоҳида табрик йўллади. Россия президенти ўз табриги якунида россияликларга фаровонлик ва муваффақият, шунингдек, "ягона ва севимли Россия гуллаб-яшнаши ва унда тинчлик ҳукм суришини" тилади.

Шимолий Корея: Ким Чен Ин халқини Янги йил билан табриклади

КХДР раҳбари ўз мурожаатида столи устида доимий турадиган ядро тугмаси ҳақида гапирди.

Северокорейский лидер Ким Чен Ын
KRT via AP Video
Северокорейский лидер Ким Чен Ын

Пхеньян "тўхтатиб туриш кучига эга бўлгани учун АҚШ Шимолий Кореяга қарши урушни бошлай олмайди", — деди у ва мамлакатда ядровий кучлар яратилиши якунланганини маълум қилди.

Можаро бошлангудек бўлса, "АҚШнинг бутун ҳудуди" жавоб зарбаси остида қолади", — дея ишонтирди Ким Чен Ин.

АҚШ: мамлакатни буюк ишлар кутмоқда

АҚШ президенти Дональд Трамп ўз дўстлари, душманлари, шунингдек "ғирром ОАВ"ларга бахтли Янги йил тилади.What a year it’s been, and we're just getting started. Together, we are MAKING AMERICA GREAT AGAIN! Happy New Year!! pic.twitter.com/qsMNyN1UJG

"Мамлакатимизнинг салоҳияти ва ақли шиддат билан ўсмоқда ва мен ўз дўстларимга, тарафдорларимга, душманларимга, мендан нафратланадиганларга ва ҳатто ёлғон хабарлар тарқатувчи ахборот ОАВларига бахтли ва соғлом Янги йил тилайман. 2018 йил — Америка учун буюк йил бўлади", — деб ёзган Трамп ўз Twitterида.

Украина: Порошенко мамлакат тараққиёт ва ривожланиш босқичига ўтгани ҳақида баёнот қилди

Украина президенти Петр Порошенко ўз мурожаати аввалида мамлакатнинг шарқий чегараси мудофаасида турган украиналик жангчиларни алоҳида табриклади. Порошенко, шунингдек, Қрим ва Севастополь, Донецк ва Лугансга ўз тилакларини йўллади.

"Ака-сингилларим, сизнинг уйингиз — Украина… Бизнинг уйимизни хонавайрон қилган ғанимни эса — вақти келади — қувамиз ва жазолаймиз", — деди у.

У шунингдек, ўз мурожаатида Қўшма Штатлар замонавий мудофаа қуролларини етказиш бўйича қарорни эълон қилгани, бу борада Канада ва бошқа мамлакатлар ҳам қадам қўйганини, Европа Иттифоқи жанговар кайфиятда бўлган мамлакатга нисбатан санкцияларни узайтирганини айтиб ўтди.

Украина раҳбари Европа давлатларига визасиз кириб бораётган юз минглаб украиналикларни ҳам эсга олди ҳамда барчани "Европага қараб дадил ва қайтмас қадамлар қўйилаётгани" билан табриклади.

Порошенко уруш оқибатида юзага келган бир неча йиллик инқироздан кейин Украина тикланиш ва тараққиёт босқичига ўтганини, Янги йилда Ҳукумат ривожланиш салоҳиятини кучайтиришини, аксарият украиналикларнинг ҳаёт даражасини ошириш ҳукумат қўлидан келиши тўғрисида гапирди ва украиналикларни бирликни сақлашга, ўз мамлакатига ишонишга ва меҳнат қилишга чақирди.

1338
Мавзу:
Корея яриморолидаги вазият: зиддият, келишув, тинчлик сари йўл (84)
Государственный секретарь США Майк Помпео

Помпео COVID-19 келиб чиқишини хитой лабораторияларига боғлади

419
Помпеонинг сўзларига кўра, АҚШ Ухань вирусология институтининг бир неча нафар тадқиқотчилари 2019 йилнинг ёзида - ҳали COVID-19 биринчи ҳолати қайд этилгунга қадар касалланишган, дейиш учун барча асосларга эга.

ТОШКЕНТ, 16 янв - Sputnik. АҚШ Давлат котиби Майк Помпео коронавирус пандемияси ХХР лабораторияларида юзага келган бўлиши мумкин мазмунида тарқалган тахминларни тасдиқловчи маълумотни эълон қилди.

Помпео ўз баёнотини ушбу ҳафтада коронавирус пандемияси сабабларини ўрганиш ва бу борада суриштирув ўтказиш учун Хитойга етиб борган Бутунжаҳон соғлиқни сақлаш ташкилоти инспекторларига йўллади.

"АҚШ ҳукумати бугун 2019 йилда Хитой давлат лабораториялари фаолияти ичида юз берган янги маълумотлар ҳақида хабар беришмоқда", - дейилади Помпеонинг ёзма баёнотида. Жумладан, унинг сўзларига кўра, АҚШ Ухань вирусология институтининг бир неча нафар тадқиқотчилари 2019 йилнинг ёзида - ҳали COVID-19 биринчи ҳолати қайд этилгунга қадар касалланишган, дейиш учун барча асосларга эга.

Бундан ташқари, институтда камида 2016 йилдан бошлаб COVID-19 билан 96% га ўхшаш бўлган RaTG13 кўршапалакларида коронавирус ўрганилган. Унинг сўзларига кўра, институт вируснинг эҳтимолий "юқумлилиги ёки ўлим ҳолатларини ошириши бўйича ўтказилган тажрибалар" борасида ҳисобот тақдим этмаган.

Вирусология институти ҳарбий тадқиқотлар билан боғлиқ, дея таъкидлаган яна Помпео. "Узань вирусология институти фуқаролик институти сифатида тақдим этилишига қарамай, у Хитой ҳарбийлари билан материаллар чоп этишда ва махфий лойиҳаларда ҳамкорлик қилган", - дейилади Помпео баёнотида.

"COVID-19 пандемияси олдини олиш мумкин эди. Ҳар қандай масъулиятли давлат инфекция авж олганидан бир неча кун ўтгач Уханьга соғлиқни сақлаш соҳасида жаҳон экспертларини таклиф қилган бўлар эди", - деган Помпео.

COVID-19 лабораториядан назоратсиз чиқиб кетган бўлиши мумкин - Британия разведкачилари >>>

У яна бир карра БССТ экспертларига барча объектларга, лаборатория маълумотларига, ходимларга, гувоҳларга ва шикоятчиларга йўл очиб беришга чақириб қолган.

АҚШ бундан олдин ҳам коронавирус хитой лабораторияларида пайдо бўлган бўлиши мумкин, деган тахминларни билдириб келган, аммо шу вақтгача ўз сўзларига далилларни келтирмаган эди.

Помпеонинг ҳозирги таъкидлари ҳам ҳужжатлар билан далилланмаган. Хитой бу айбловларни рад этмоқда.

419
Теглар:
коронавирус пандемияси, Британияда коронавируснинг янги штамми, коронавирус
Мавзу:
COVID-19 умумжаҳон пандемияси

АҚШ МДҲ давлатларидан очиқ ва рақобатбардош сайловларни ўрганса бўлади - Володин

319
Бугунги кунда ОДКБ ва МДҲга кирувчи собиқ Совет Иттифоқи давлатларида сайловлар стандартлари ўта юқори, деб ҳисоблайди РФ Давлат думаси спикери.

ТОШКЕНТ, 15 янв — Sputnik. РФ Давлат думаси раиси Вячеслав Володин МДҲ давлаларида сайловларни ўтказиш тажрибасини АҚШ билан бўлишишни таклиф этди.

"Россия 24" телеканалига берган интервьюсида Давлат демаси спикери Қозоғистон ва Қирғизистонда сайловлар ўта юқори даражада ўтказилганини қайд этди. Володиннинг айтишича, КХШТ (ОДКБ) ва МДҲ Парламент ассамблеяси доирасида бу давлатларда кузатувчи сифатида бўлган Давлат думаси депутатлари шундай хулосани берганлар.

Шу билан бирга, АҚШдаги сайлов кампаниясига доир саволлар кўплаб йиғилиб қолган, дейди Володин.

"Шу боис, бошқа мамлакатлардаги сайловлар ҳақида гапирганимизда, ҳозир маълум бир тажрибани ёки қандайдир таклифларни таҳлил қилиб, умумлаштириб, сўнгра Америка Қўшма Штатларидаги ҳамкасбларимизга йўлласак, тўғри бўлар эди", - деди РФ Давлат думаси раиси.

"Биз тавсияларни йўллаймиз. Бундан ташқари, бу сингари масалалар чиндан ҳам анча самаралироқ ҳал этилаётган кўплаб мамлакатлар тажрибаси билан танишиб чиқишни тавсия этамиз. Лекин, бунда энг асосийси, бу ҳақда олдин ҳам айтганмиз, яна такрорлаб ўтамиз, суверен давлатлар ишларига аралашманг, ўз муаммоларингизни ҳал этинг, биз эса ўзимизни муаммоларимизни ўзимиз ҳал этиб оламиз. Агар ёрдам керак бўлса, марҳамат", - дея хотима қилди сиёсатчи.

РФ Федерация кенгаши халқаро қўмитаси раҳбари Константин Косачев илгарироқ, АҚШ ўз сайлов тизимида рўй берган "сбой"дан сўнг бошқа давлатлардаги сайловларга "баҳо" қўйиш имкониятидан маҳрум бўлганини айтган эди.

319
Теглар:
сайлов, сайловлар, Россия, АҚШнинг янги президенти, АҚШ президенти, АҚШ

Ҳайдовчиликка ўқиётган шахсларнинг давомати онлайн назорат қилиниши мумкин

67
Ўзбекистонда ҳайдовчилик гувоҳномасини олмоқчи бўлганларнинг давомати ва ўқув жараёнини онлайн назорат қилиш йўлга қўйилиши мумкин.

ТОШКЕНТ, 17 янв — Sputnik. 2021 йилда Давлат йўл ҳаракати хавфсизлиги хизмати (ДЙҲХББ) соҳасида амалга қатор истиқболли режалар амалга оширилиши кутилмоқда.

ИИВ Йўл ҳаракати хавфсизлиги бош бошқармаси хабарига кўра, ҳайдовчилик гувоҳномасини олиш учун ўқиётган номзодлар давомати ва ўқув жараёнини онлайн тарзда назорат қилиш тизимини яратиш режалаштирилмоқда. 

Бундан ташқари, 2021 йилда транспорт воситаларини давлат рўйхатидан ўтказишда аризаларни онлайн юбориш ҳам жорий этилиши кутилмоқда. Тўловларни эса тўлиқ биллинг тизимига ўтказиш мўлжалланган. Бу фуқароларнинг сабабсиз кутиб қолишларининг олдини олишга ёрдам бериши айтилмоқда.

Эслатаб ўтамиз, Ўзбекистонда 2021 йил 1 апрелдан тадбиркорлар ҳайдовчилик гувоҳномасини олиш учун имтиҳон ўтказиш ҳуқуқига эга бўлади.

67
Теглар:
Ўзбекистон янгиликлари, ҳайдовчилик гувоҳномаси