Вид на город Сеул с горы Намсан

Жанубий Корея КХДРга олий даражада музокаралар ўтказишни таклиф этди

488
Жанубий Кореянинг Рёнхап агентлиги маълумотларига кўра, КХДР ва Жанубий Корея вазирлари ўринбосарлари даражасидаги музокаралар охирги марта 2015 йилнинг декабрида бўлиб ўтган

ТОШКЕНТ, 2 янв — Sputnik. Жанубий Корея КХДРга 9 январ куни икки корейс давлатлари ўртасидаги чегаравий зонада — Пханмунж пунктида — олий даражадаги музокараларни ўтказишни таклиф этмоқда, деб баёнот қилди Корея республикасининг миллий уюшма масалалари бўйича вазири Чо Мён Гун. РИА Новости хабарига асосан.

Эслатиб ўтамиз, илгарироқ Шимолий Корея етакчиси Ким Чен Ин халққа мурожаатида Пхёнчханда ўтказилаётган қишги олимпиадага муваффақиятлар тилаб, унда шимолийкореялик спортчилар қатнашишига ҳам умид билдирган эди.

Чо Мён Гюннинг сўзларига кўра, ушбу муносабат билан Сеул Пхеньянга муносабатларни яхшилаш истагида олий даражадаги мулозимлар учрашувини таклиф этишга қарор қилган.

"Умид қиламизки, Жануб ва Шимол Пхёнчханда бўлиб ўтадиган олимпиадада шимол томоннинг иштироки масаласи билан биргаликда Жануб ва Шимол ўртасидаги муносабатларни яхшилашга қаратилган бошқа масалалар бўйича ҳам музокара ўтказа олади", — дея изоҳ берган Чо Мён Гюн.

Жанубий Корея Рёнхап агентлиги маълумотларига кўра, КХДР ва Жанубий Корея вазирлари ўринбосарлари даражасидаги музокаралар охирги марта 2015 йилнинг декабрида бўлиб ўтган.

488
Мавзу:
Корея яриморолидаги вазият: зиддият, келишув, тинчлик сари йўл (84)
Шухрат Ганиев

Шуҳрат Ғаниев расман бош вазир ўринбосари этиб тайинланди

157
(Янгиланган 14:37 28.09.2020)
Президент фармони билан Шуҳрат Ғаниев бош вазирнинг аграр ва озиқ-овқат соҳаларини ривожлантириш масалалари бўйича ўринбосари лавозимига тасдиқланди.

ТОШКЕНТ, 28 сен — Sputnik. Шуҳрат Ғаниев бош вазирнинг аграр ва озиқ-овқат соҳаларини ривожлантириш масалалари бўйича ўринбосари лавозимига тасдиқланди. Тегишли фармонга президент Шавкат Мирзиёев имзо чекди.

2020 йил февралидан буён бош вазирнинг аграр ва озиқ-овқат соҳаларини ривожлантириш масалалари бўйича ўринбосари лавозимида ишлаб келган Ўктам Барноев  сентябрь ойида коронавирус оқибатларидан вафот этгач, бу лавозим бўш қолаётганди.

Аввалроқ Ғаниевнинг номзодини ушбу лавозимга Олий Мажлис Қонунчилик палатаси депутатлари маъқуллаган эди.

Эслатиб ўтамиз, 2012 йилдан буён Шуҳрат Ғаниев бунга қадар Фарғона вилояти ҳокими лавозимида фаолият юритиб келаётган эди. Ғаниев бошқа ишга ўтиши муносабати билан унинг ўрнини Наманган вилоятининг собиқ ҳокими Хайрулла Бозоров эгаллаган эди.

157
Премьер-министр Узбекистана Абдулла Арипов прибыл с рабочим визитом в Кыргызстан

Абдулла Арипов эртага Тожикистонга ташриф буюради

201
Душанбе шаҳрида Ўзбекистон бош вазири бошчилигидаги ҳукумат делегацияси Савдо-иқтисодий ҳамкорлик бўйича Ҳукуматлараро комиссиянинг 7-йиғилишида иштирок этади.

ТОШКЕНТ, 28 сен — Sputnik. Ўзбекистон бош вазири Абдулла Арипов 2020 йил 29 сентябрь куни Душанбе шаҳрига ташриф буюради. Бу ҳақда бош вазир матбуот хизмати хабар қилмоқда.

Арипов бошчилигидаги ҳукумат делегацияси Савдо-иқтисодий ҳамкорлик бўйича Ҳукуматлараро комиссиянинг 7-йиғилишида иштирок этади.

Комиссия кун тартибида савдо-иқтисодий, транспорт-коммуникация, энергетика, қишлоқ ва сув хўжалиги ҳамда маданий-гуманитар соҳаларида ва бошқа устувор йўналишларда икки томонлама амалий ҳамкорликни кенгайтиришнинг долзарб масалалари муҳокама қилиш назарда тутилмоқда.

Ташриф доирасида Ўзбекистон – Тожикистон ишбилармон доиралари вакиллари ўртасида Бизнес-форум ва Ишбилармонлар кенгашининг йиғилишини ўтказиш режалаштирилган.

Эслатиб ўтамиз, Ўзбекистон бош вазири Абдулла Ариповнинг Тожикистонга ташриф буюриши сентябрь бошида маълум бўлган эди.

201
Евро. Иллюстративное фото.

Россияда евро курси кескин кўтарилди

213
Москва биржаси маълумотларига кўра, Россияда евро курси 2016 йилдан бўён биринчи марта 92 рублдан ошди.

ТОШКЕНТ, 28 сен — Sputnik. Москва биржаси маълумотларига кўра, рубл асосий хорижий валюталарга нисбатан пасайишни тезлаштирди.

Хусусан, евро курси 2016 йил январидан бери биринчи марта 92 рублдан ошди. Москва вақти билан соат 16: 01дан бошлаб "эртага" ҳисоб-китоби билан доллар курси 53 копейкага ошиб, 78,74 рублни ташкил қилди.

Шу ўринда, Brent маркали нефтнинг бир баррели 0,92 фоизга ўсиб, 42,8 долларни ташкил этди.

Бундан аввал экспертлар ташқи сиёсий вазият, жумладан янги санкциялар таҳдиди, Алексей Навальний билан боғлиқ вазият, шунингдек, COVID-19 пандемиясининг иккинчи тўлқини рублга қўшимча босим ўтказаётгани ҳақида огоҳлантирган эди.

Мутахассисларнинг фикрига кўра, бу нефт ва газга бўлган талабга зарба бериш хавфи мавжуд ва бу ўз навбатида Россияда валюта тушумини камайтиради.

213