Мирзиёев призывает к прямому диалогу между Кабулом и талибами

Ўзбекистон Афғонистон ҳукумати ва “Толибон” музокаралари учун шароит яратишга тайёр

368
(Янгиланган 11:18 27.03.2018)
Афғонистон ҳукумати ва Толибон орасида ўтказиладиган тинчлик музокаралари учун Тошкент ҳар қандай майдон таклиф этишга тайёр.

ТОШКЕНТ, 27 мар — Sputnik. Ўзбекистон Афғонистон ҳукумати ва қуролланган мухолифат орасида, биринчи навбатда “Толибон” орасида тўғридан-тўғри музокаралар бошлашни таклиф қилди. Бу ҳақида Ўзбекистон президенти Шавкат Мирзиёев  Тошкентда бугун бўлиб ўтаётган "Тинчлик жараёни, хавфсизлик соҳасида ҳамкорлик ва минтақавий шерикчилик" номли юқори даражадаги халқаро анжуман очилишида хабар қилди.

“Афғонистон ичида марказий Ҳукумат ва қуролланган мухолифат орасида, авваломбор “Толибон” ҳаракати билан, дастлабки шартларсиз тўғридан-тўғри суҳбатни бошлаш керак”, — деди Ўзбекистон президенти Анжуман очилиш маросимида.

Шунингдек, Ўзбекистон раҳбари Афғонистон ҳукумати ва Толибон орасида ана шундай суҳбат ва музокаралар ўтказиш учун ўз ҳудудида барча шароитларни яратишга тайёр эканини билдирди.

"Афғонистоннинг тинч келажаги учун жавобгарликни ҳис қилган ва ўзбек ва афғон халқларининг азалий дўстона муносабатларини ҳисобга олган ҳолда, ушбу тинчлик жараёнининг ҳар қандай босқичида Афғонистон ҳукумати ва "Толибон" ҳаракати музокаралари учун Ўзбекистон ҳудудида барча керакли шароитларни яратишга тайёрмиз", — деди Мирзиёев.

Шавкат Мирзиёев айтишига қараганда, Афғонистон уруши ташқаридан бошланган, афғон хақининг ўзи эса буни истамаган. “Афғон уруши четдан бошланган ва олиб борилаётган урушдир. Бу афғон халқининг танлови эмас”,  - деди Мирзиёев.

Шунингдек, Мирзиёев айтишига қараганда, бугунги кунда гуруҳлар орасида мавжуд  саволлар олдинда турган музокарларда муҳокама мавзулари бўлиши мумкин. Сиёсий жараённи эса имкон қадар тезроқ бошлаш керак. 

“Афғонистон ички сиёсий жараёнининг бошланишини орқага суриб бўлмайди. Бу яна кўплаб одамларнинг умрига зомин бўлиши мумкин”, — деди Ўзбекистон президенти.

Тошкент анжуманида Афғонистон президенти, Ҳиндистон, Эрон, Қозоғистон, Қирғизистон, Покистон, Россия, Тожикистон, Туркия ТИВ раҳбарлари, Европа Иттифоқининг хорижий масалалар ва хавфсизлик сиёсати бўйича Олий вакили, Афғонистондаги БМТ махсус вакили,  АҚШ Давлат котибининг биринчи ўринбосари иштирок этмоқда.

368
Мавзу:
Афғонистон бўйича юқори даражали Тошкент халқаро анжумани (41)
Бундестаг

Ўзбекистон ва Германия ўзаро махфий ахборот алмашади

271
Ўзбекистон Республикаси Ҳукумати билан Германия Федератив Республикаси Ҳукумати ўртасида махфий ахборотни алмашиш ва ўзаро муҳофаза қилиш тўғрисидаги битим имзоланган.

ТОШКЕНТ, 27 янв — Sputnik. 2019 йил 28 майда Ўзбекистон Республикаси Ҳукумати билан Германия Федератив Республикаси Ҳукумати ўртасида махфий ахборотни алмашиш ва ўзаро муҳофаза қилиш тўғрисидаги битим имзоланганди.

Шавкат Мирзиёев ушбу халқаро шартномани тасдиқлаш тўғрисида президент қарорини имзолади. Ўзбекистон Республикаси Давлат хавфсизлик хизмати юқорида кўрсатилган халқаро шартномани амалга ошириш юзасидан масъул ваколатли орган этиб белгилди.

Ўзбекистон Ташки ишлар вазирлиги немис томонига халқаро шартнома кучга кириши учун Ўзбекистон Республикаси томонидан зарур бўлган давлат ички процедуралари бажарилганлиги тўғрисидаги тегишли билдиришномани юборади.

Аввалроқ Ўзбекистон Ички ишлар вазирлиги АҚШ ФБР билан махфий маълумотлар алмашишни йўлга қўйиш масаласини муҳокама қилинганди. Халқаро терроризм ва наркотрафикка қарши биргаликда кураш назарда тутилган.

271
Теглар:
ТИВ, Шавкат Мирзиёев, Ўзбекистон, Германия
Мавзу бўйича
Германия Алексей Навальнийни жим туришга мажбур қилади
Германия ядровий урушга тайёргарлик кўрмоқда – Bild
Германия мамлакат тарихидаги энг қатъий локдаунни жорий этмоқда
Германия Ўзбекистоннинг ЕОИИга босқичма-босқич қўшилишини ижобий баҳолади
Подпись документов

Президент Марказий банк раисига янги ўринбосар тайинлади

138
Аброрхўжа Турдалиев Марказий банки раисининг ўринбосари этиб тайинланди. У Марказий банкнинг Кредит ташкилотлари пруденциал назорати департаменти директори бўлиб ишлаб келаётганди.

ТОШКЕНТ, 26 янв — Sputnik. Ўзбекистон президенти Шавкат Мирзиёевнинг фармони билан Аброрхўжа Турдалиев Марказий банки раисининг ўринбосари этиб тайинланди. Бу ҳақда банк матбуот хизмати хабар қилмоқда.

Турдалиев зиммасига кредит ташкилотлари пруденциал назорати, кредит ташкилотларида молиявий мониторингни мувофиқлаштириш ва валюта назорати, кредит ташкилотларини инспекция қилиш йўналишларини мувофиқлаштириб бориш вазифаси юклатилди.

У 1979 йил Тошкент вилоятида туғилган. 2000 йили Тошкент молия институтини, 2013 йили Банк-молия академиясини тамомлаган.

Меҳнат фаолиятини 2000 йилда мамлакат Марказий банкида етакчи иқтисодчиликдан бошлаб, бош иқтисодчи, бўлим бошлиғи, бошқарма бошлиғи, департамент директори ўринбосари каби лавозимларда фаолият юритган.

Лавозимга тайинлангунга қадар эса, у Марказий банкнинг Кредит ташкилотлари пруденциал назорати департаменти директори бўлиб ишлаб келаётганди.

138
Теглар:
Аброрхўжа Турдалиев, янги тайинлов, Марказий банк
Автомобильная дорога, ведущая к городу Душанбе

Тожикистон ФВҚ минус 50 даража совуқ бўлиши ҳақида огоҳлантирди

818
(Янгиланган 19:43 27.01.2021)
Тожикистон Фавқулодда вазиятлар қўмитаси аҳолини минус 50 даража қаттиқ совуқ бўлиши ҳақида огоҳлантирди.

ТОШКЕНТ, 27 янв — Sputnik. Тожикистон Фавқулодда вазиятлар қўмитаси аҳолини қаттиқ совуқ бўлиши ҳақида огоҳлантирди, деб хабар қилди Sputnik Тожикистон.

Тожикистон метеорология агентлигининг хабар беришича, республиканинг тоғли ва тоғ олди ҳудудларида 29 январга қадар совуқ об-ҳаво бўлиши кутилмоқда.

Кечаси баъзи туманларда термометр минус 16-21 даражагача тушади, ТБАОнинг шарқий қисмида 36-41 даража совуқ бўлиши кутилади. Помирнинг шарқий қисмида - Булункулда ҳарорат 51-53 даражагача пасаяди.

Фавқулодда вазиятлар қўмитаси фуқароларга хавфсизлик чораларига риоя қилиш зарурлиги ҳақида эслатди.

Аввалроқ, январь бошида Тожикистонга минус 40 даражадаги Сибир совуғи келиши ҳақида хабар бергандик.

818
Теглар:
ФВВ, совуқ, об-ҳаво, Тожикистон